جيل اللمة fm ⇦ الحلقة الآولى

[ريحـان]

على دروب الخير نلقاكم
وعلى شرفات الأمل الصادق نرحب بكم
ومن سويداء قلوبنا نبعث لكم نبضات قلوبنا في حصتكم الايداعية جيل اللمة fm وقد حوت أغلى العطور بشذى الورود ورحيق الزهور وعطر الياسمين
فمرحباً بكم




مستمعين الكرام هذه الفقرات التي سنتناولها لهذا اليوم :

1- من هدى النبوة ……………………
2- معلومات مضغوطة…………………
3- حكم وأمثال ……………………
4- هل تعلم ………………………
5- العيون في الأمثال ………………………
6- حكمة شعرية..............
7ـ أوائل

8ـ لغز اليوم

9ـ عنوان و نقاش.

طريقة الرد للنقاش كما يلي :

الوو....... السلام عليكم معكم ياسمين yaso من بشار يعطيكم الصحة على الفقرات و موضوع اليوم في القمة وهو بصراحة .........
.......
.........
.......
.......
و جواب اللغز هو ....

وفي الاخير بارك الله فيكم
بلا ماننسى تحية خاصة لاهل اللمة
ونقولهم صح فطوركم.



قبل ذلك اود الإشارة اخي المستمع إلى :

القوانين الخاصة بالراديو :


1ـ الدردشة غير مسموح بها.
2ـ المشاركة الخارجة عن الموضوع غير مسموح بها...
3 - احترام قوانين المنتدى العامة...



نتمنى لكم قضاء وقت طيب.

​

 

[ريحـان]

ـ مستمعينا الكرام موعدكم الان مع فقراتنا الثقافية و الدينية و التي تتضمن :


1ـ من هدى النبوة

عن أبي هريرة رضى الله عنه ، قال : قال رسول الله صلى الله عليه وسلم :
(( تأكل النار ابن آدم إلا أثر السجود ، حرم الله عز و جل على النار أن تأكل أثر السجود )) .




2- معلومات مضغوطة

- تسمى الخرطوم بالعاصمة المثلثة .
- تسمى فرنسا ببلاد الغال .
- عدد الجزر الإندونيسية ( 3000 ) جزيرة .
- تسمى مدريد بعاصمة النور .
- معنى كلمة بابل بلاد الصوف .
- أقدم جامعة في العالم جامعة القيروان ببلاد المغرب .
- عدد عضلات جسم الإنسان ( 620 ) عضلة .
- معنى كلمة فرعون البيت الكبير .



3- حكم وأمثال

- الكلمة الطيبة صدقة .
- العلماء ورثة الأنبياء .
- قيدوا النعم بالشكر .
- عامل الناس كما تحب أن يعاملوك .
- لكل مقام مقال .
- من حذرك كمن بشرك .


4- هل تعلم ..!

- إن أقدم مدينة في التاريخ هي مدينة أريحا بفلسطين .
- إن البرتقال يحتوي على ( 23 ) عنصراً غذائياً .
- إن على سطح الأرض أكثر من ( 2000 ) نوع من الثعابين نسبة السام منها 10 % .
- إن الهواء يتحول لسائل إذا تم تبريده لدرجة 193 درجة مئوية تحت الصفر .
- إن خرطوم الفيل يتألف من أكثر من ( 400 ) عضلة .


5- العيون في الأمثال

- العين ترجمان القلب .
- عين الحر ميزان .
- إذا حل القدر .. عمى البصر .
- الأمانة عين الكرامة .
- عين الحسود لا تسود .
- العين بصيرة واليد قصيرة .
- الغريب أعمى ولو كان بصيرا .





6- حكمة شعرية

إذا كنت أعلم علماً يقيناً
بأن جميع حياتي كساعة
فلم لا أكون ضنيناً بـها
وأجعلها في صلاح وطاعة .



7- أوائـل

- أول من أستقبل القبلة حياً وميتاً الصحابي الجليل البراء بن معرور .
- أول من عاقب على الهجاء عمر بن الخطاب رضى الله عنه .
- أول من بنى السجن في الإسلام على بن أبي طالب رضى الله عنه .
- أول مسجد وضع في الأرض المسجد الحرام بمكة .
- أول من نطق بالعربية الفصحى إسماعيل عليه السلام .
- أول من كفر إبليس لعنه الله .
- أول أمير على مكة عتاب بن أسيد رضي الله عنه .
- أول شهيد في الإسلام الحارث بن أبي هالة


​

 

[ريحـان]

8ـ لغز اليوم

أنا نجري .. و هو يجري.. أنا نعيا .. و هو ما يعياش .. و علاش ممتد هكذا و علاش .. تهز الصاحي و العليل .. جاوبني يا سي خليل ؟

فضلا و ليس امرا حاولوا تجاوبوا على اللغز من راسكم.


9ـ عنوان و نقاش

( النقاش ب اللغة غير العربية مسموح به)

مستمعين الكرام معنا الآن فقرة عنوان و نقاش و موضوعنا للنقاش للهذه الحلقة
أثر شهر رمضان في التعامل مع الغير

شهر رمضان الكريم

يعود على الصبر ويقوي عليه ويعلم ضبط النفس ويساعد عليه ويوجد في النفس التقوى ويربيها ومن الفوائد الإجتماعية للصيام أنه يعود الأمة على النظام وحب العدل والمساواة ويكون في المؤمن عاطفة الرحمة وخلق الإحسان كما يصون المجتمع من الشرور والمفاسد

ومن هذه الفوائد التعامل مع الغير

مند دخول شهر رمضان الكريم لا حظت تغير في التعامل بين الناس و طبعا هذا للاحسن مارجعتش نشوف ناس يتشاجروا على ادوار او اماكن هذا يساعد شيخ و هذا يحوس وين نقطة برك يدير فيها الخير من القصص لي حاضرة معيا في هذ الموضوع و الشخصية طبعا

مرة كنت رايحة نجوز امتحان طبعا في هذ الشهر الكريم تلاقيت بامراة منعرفها ما والوا كانت رايحة توصل ابنها للمدرسة المهم هذي تجبد هذي بقينا نحكيو بيلما نوصلو لبلاصة البيس سقساتني ادا رايحة نخدم قتلها بلي نقرا المهم منين وصلت لبلاصة البيس قاتلي يا بنتي يا ريتني رافدة دراهم معايا كنت رح نعطيك باش تركبي مكنتش عارفه بلي رح نركب في البس تع الجامعة تم برك تمنيت لو كانت كل الايام شهر رمضان والله رغم اني ماشيكت لها ما والوا و حالتي المادية مرتاحة و يمكن تظهر من لبسي يعني
حبيت نقول ما بينش عليا لا الفقر و لا الغنى و مع ذلك حابة تعاوني و دير الخير و تعاملها معي خلاني نحس بالامان و الارتياح

القصة الثانية راح نشاركم بها لاحقا.




في انتظار مكالماتكم


​

 

[faith8]

الووووو السلام عليكم ورحمة الله و بركاته يسعدني ان اكون اول من تتصل ♥
يعطيكم الصحة خدمة شااابة بالبزاف

8ـ لغز اليوم

أنا نجري .. و هو يجري.. أنا نعيا .. و هو ما يعياش .. و علاش ممتد هكذا و علاش .. تهز الصاحي و العليل .. جاوبني يا سي خليل ؟

واجابتي على اللغز هي الضل او الخيال بالدارجة ديالنا
سهرة ممتعة وصحا سحوركم ♥

 

[حلم كبير]

السلام عليكم ورحمه الله وبركاته
الو إذاعة جيل اللمة FM
سعيييد أنو علق الخط أخيرا

معكم حلم كبير من شمال فرنسا

صح فطوركم كامل في الجزائر وربي يتقبل منا ومنكم صالح الأعمال
أختي الفاضلة ياسمين مبارك الافتتاحية للإذاعة وأقول لك إفتتاحية رائعة للإذاعة ،أهنيؤك عليها وعلى الكلمات الرائعة في المقدمة ...قمة ما شاء الله

أشكرك الأخت الكريمة على الفقرات المتنوعة والرائعة جزاك الله خيرا على التنوع الرائع فيها



نحوس نمد رأيي في موضوع النقاش
شوفي اختي رمضان شهر الخير شهر المغفرة ومن المفترض على كامل المسلمين يتحلاو بالصبر في تعاملهم مع غيرهم ،حتى وإن قلقوهم هكذا يتعود الإنسان على كبح جماح الغضب نتاعو ،وهذا واش نلاحظوه في فئة من الناس جزاهم الله خير

وهو فرصة عظيمة للي عندو عداوة مع شخص ما يتصالح معاه ويتراضاو ڨدام ربي قبل العبد ،واللي عندو عادة سيئة يصوم عليها ويأدب النفس نتاعو ويروضها باش تبقى صافية وطاهرة دائما حتى بعد رمضان ...
ويلڤى صاحب المعاصي نفسو تعود على حياة بلا معاصي
...
هذا واش حبيت نڤول
أما بالنسبة للغز يا ختي هذا اللي أنا نجري وهو يجري شكيت فيه والله يعلم رقاص الساعة يعني الوقت ڤد ما جربنا ما لحڤنا هههه

وفي الأخير نڤولكم بارك الله فيكم على هذه الأثيريات الراقية وربي يعينكم،وإهداء الى مستقبل المكالمات والمخرج والمنشط الأخت ياسمين
وصح سحوركم
والسلام عليكم ورحمه الله وبركاته​

 

[ريحـان]

الووووو السلام عليكم ورحمة الله و بركاته يسعدني ان اكون اول من تتصل ♥
يعطيكم الصحة خدمة شااابة بالبزاف


واجابتي على اللغز هي الضل او الخيال بالدارجة ديالنا
سهرة ممتعة وصحا سحوركم ♥

وعليكم السلام و الرحمة و الاكرام عزيزتي المستمعة
صح فطورك
بارك الله فيك مقلتيناش منين
ان شاء الله تكونوا بخير
وتجوزوا رمضان بالصحة و الهنا
اجابتك على اللغز صحيحة
و هي الظل
و مدابيك تقولينا كيفاه اثر رمضان في التعاملك مع الغير و تعاملهم معك او مع غير عزيزتي المتصلة الخطوط مفتوحة
في انتظار مكالمتك من جديد. ​

 

[ريحـان]

الأعضاء

• yaso ياسمين
• لؤلؤة قسنطينة
• Ma$Ter
• hakim story
• faith8
• amiro7
• حلم كبير
• أمّ عبد الله
• Kamellodz
• loubardi
• فاعل الخير
• Twinkle Stars
• 1imed
• El Mohtarif
• Mery Babaammi
• red rose
• mstafa47
• karim 20
• yacinrc
• أشرقت نفسي
• أشــواق 19
• هيرو2018
• زاد الرحيل
• PathFinder
• صدام بكل فخر
• عقــ اللمه ــيد
• صالح عزم

@الأزرق الملكي

@طائر الخير

@جيهان جوجو

@بلعيد حسان

@البدر المشرق

@بنت الجسور المعلقة

@♥حلم القمر♥

@إنسانة ما

@املي

@وائل ابن الجزائر

@زهرة اللمة

@Salah eddin

@Djamel.Dz

@خووخه

@عاشق الاقصى

@سكون الفجر

@همسة نجاح

@NAPOLA

@MOHAMED LAMINE7

@Queen Fati

@جميلة أنا

@طيب الكلام

@الامين محمد

@faith8

@Nacer Eddine 2012

@فاعل الخير

@امنيات

@إشرآقة شمس

@فيتامين سي

@Lovely ღ smile



@أشــواق 19

@cosette

@صمت المشاعر

@حلم كبير

@ninou90

@الحلم الوردي

@mustapha_ss

@siaci

@MESSI23000

@fateh 19

@Twinkle Stars

@lokmane25

@sidali98

@nassimbrize

@The.King

@أم منيــــــر

@أشــواق 19

@Soumia hadj mohammed

@hakim story

@عآشقة الجنـة

@Ma$Ter

@Moustafa.KD

@godar-shop

@acher.dz

@Malika Tlm

@وحي القلم

@صفاءdz

@رؤوف المستقبل ب

@wissam 47

@صدام بكل فخر

 

[Oussama.GF]

السلام عليكم و رحمة الله
مليحة الاذاعة

 

[ريحـان]

للتذكير ::


طريقة الرد للنقاش كما يلي :

الوو....... السلام عليكم معكم ياسمين yaso من بشار يعطيكم الصحة على الفقرات و موضوع اليوم في القمة وهو بصراحة .........
.......
.........
.......
.......
و جواب اللغز هو ....

وفي الاخير بارك الله فيكم
بلا ماننسى تحية خاصة لاهل اللمة
ونقولهم صح فطوركم.

​

 

[السلطانة]

وعليكم السلام ورحمة الله وبركاته واخيرا مديرة الاذاعة تتركنا على الهواء مباشرة

من كنت نغسل في القش مباشرة ومن أعالي السطوح تاع داري أتصل بكم
أولا أهدي تحياتي الى ناس اللمة كامل صحا فطوركم

ألو...ألو...

حبيت نمد رايي في موضوع النقاش

ديننا هو دين معاملة
وخاصة في رمضان تنزل الرحمة في قلوب الناس وتلين القلوب
نجد الكلمة الطيبة تسبق الأفواه
نجد من يرحم الفقراء نجد من يرأف على المساكين
نجد من يقدم يد المساعدة للمحتاجين
ياليت الأيام كلها رمضان

ألوو...ألوووو أنا الألغاز خاطيني أترك الخط لمستمع آخر
سهرة ممتعة

 

[faith8]

وعليكم السلام و الرحمة و الاكرام عزيزتي المستمعة
صح فطورك
بارك الله فيك مقلتيناش منين
ان شاء الله تكونوا بخير
وتجوزوا رمضان بالصحة و الهنا
اجابتك على اللغز صحيحة
و هي الظل
و مدابيك تقولينا كيفاه اثر رمضان في التعاملك مع الغير و تعاملهم معك او مع غير عزيزتي المتصلة الخطوط مفتوحة
في انتظار مكالمتك من جديد. ​

ألو ألو حول
عودة من جديد متاسفة كنت على عجلة من امري ههههه صحا فطورك ختيتي ياسمين وكم احب ورد الياسمين ♥
يبارك فيك يعيشك معاكم اختكم إيمان من الجزائر العاصمة
الحمد لله بخير يسلمك وان شاء الله احوالكم تمام ♥
مممممم بخصوص رمضان يعني تعاملي مع الناس الحمد لله من بكري في نطاق الادب والاحترام سواء رمضان أو الافطار عادي
بصح فرمضان خاصة زدت حاذرت فكلامي كتر وكتر خفت نهدر فكاش انسان بلا ما نفيق مالقري جامي نيتي نسيء ولا بصح تجنبت الهدرة على الناس لأقصى حد و فحالتي كثرتها نهدر انا وصحاباتي على الاساتذة نضلو نجبدوهم فالهدرة ههههههه مالا نحيتهم كامل من هدرتي كل ما نتفكرهم نقول حسبي الله ونعم الوكيل وحسب بلا هدرة زايدة وشكاوي واللي نتفكرهم بالخير ما ننساهمش من دعواتي الخالصة ربي يجازيهم
و تاني قللت الشكوى والتذمر على الدراسة والامتحانات بحكم الدراسة ديالي غير نشكي ههههه مالا حبست هاد العادة كل ما نتضغط بيها ولا نتقلق نحتسب بالله وهو وكيلي ♥ وهكذا يعني الصيام عاوني بالبزاف والحمد لله الذي وفقني في هذا
*******
ولا بخصوص تعامل الغير معي الحمد لله كيما نتعامل معاهم يتعاملو يعني التصرف ديالي هو اللي راح يعطيهم انطباع مليح وبالسيف يتعاملو معايا بنفس الاحترام اللي انا نمدو بالمختصر الشخص يكون بتعاملو مرآة لغيره ومن خلاله يوزع الطاقة الايجابية والبشاشة والكلام الطيب ودعاوي الخير فشهر الخير ♥
********
نتمني مكالمتي كانت خفيفة ​

 

[ريحـان]

السلام عليكم ورحمه الله وبركاته
الو إذاعة جيل اللمة FM
سعيييد أنو علق الخط أخيرا

معكم حلم كبير من شمال فرنسا

صح فطوركم كامل في الجزائر وربي يتقبل منا ومنكم صالح الأعمال
أختي الفاضلة ياسمين مبارك الافتتاحية للإذاعة وأقول لك إفتتاحية رائعة للإذاعة ،أهنيؤك عليها وعلى الكلمات الرائعة في المقدمة ...قمة ما شاء الله

أشكرك الأخت الكريمة على الفقرات المتنوعة والرائعة جزاك الله خيرا على التنوع الرائع فيها



نحوس نمد رأيي في موضوع النقاش
شوفي اختي رمضان شهر الخير شهر المغفرة ومن المفترض على كامل المسلمين يتحلاو بالصبر في تعاملهم مع غيرهم ،حتى وإن قلقوهم هكذا يتعود الإنسان على كبح جماح الغضب نتاعو ،وهذا واش نلاحظوه في فئة من الناس جزاهم الله خير

وهو فرصة عظيمة للي عندو عداوة مع شخص ما يتصالح معاه ويتراضاو ڨدام ربي قبل العبد ،واللي عندو عادة سيئة يصوم عليها ويأدب النفس نتاعو ويروضها باش تبقى صافية وطاهرة دائما حتى بعد رمضان ...
ويلڤى صاحب المعاصي نفسو تعود على حياة بلا معاصي
...
هذا واش حبيت نڤول
أما بالنسبة للغز يا ختي هذا اللي أنا نجري وهو يجري شكيت فيه والله يعلم رقاص الساعة يعني الوقت ڤد ما جربنا ما لحڤنا هههه

وفي الأخير نڤولكم بارك الله فيكم على هذه الأثيريات الراقية وربي يعينكم،وإهداء الى مستقبل المكالمات والمخرج والمنشط الأخت ياسمين
وصح سحوركم
والسلام عليكم ورحمه الله وبركاته​

وعليكم السلام اخي المتصل

وصح فطورك اخي انت والعائلة الكريمة
وكل الجزائريين المقيمين بفرنسا
بارك الله فيك
صحيح اخي اهم الشي انه رمضان يعلمنا الصبر و هذا الصبر لا يقتصر على المأكل طول النهار و انما الصبر في العمل الدراسة التعامل مع الغير في جميع المواقف و الابتعاد عن العصبية قدر الممكن و قبل مانقوموا باي تصرف نعطيوا لاخواننا المسلمين الف عذر

......

ليس عقرب الساعة اخي
حظ موفق في الغاز قادمة
من الغازنا الشعبية الجزائرية
......

بارك الله فيك اخي على
الاتصال و التواجد معنا ولك من هذا المنبر
تحياتي الكريمة
صح سحورك اخي. ​

 

[Salah eddin]

السلام عليكم و رحمة الله و بركاته

الو الو ... معاكم صلاح الدين ... ولا تحبو تعيطولي الصالح كيما يعيطولي هنا ههه

معاكم الصالح من الجلفة نشكروكم على هذي الفسحة الي نفرغو و نفضفضو فيها

صح فطوركم نشالله و الله يتقبل الصيام و القيام

المهم كيما كل المتصلين جيت نمد رايي في موضوع النقاش

و هو انو الامور الايجابية تكثر و تتنوع في رمضان المبارك

صحيح كاين بعض السلبيات و كذا ... لكن هذا الشي ما لازمش يخلينا نغضو الطرف عن الامور

الطيبية الي يقومو بيها العديد من الناس الطيبين

من هذي المظاهر تاع الطيبة و الاحسان في رمضان ... نشوفو مطاعم الرحمة ...

و نشوفو المسابقات القرآنية و التسابق تاع حملة القرآن فيها يعني و الله جو بهيج و مبشر بخير

و نشوفو ثاني و رانا في العشر الأواخر ... نشوفو المساجد هذيك ممتلئة بالمصلين من اجل صلاة التهجد و قيام الليل

و نشوفو و نشوفو و نشوفو ... الامور الزينة ياسر

والخير مزال في الناس ... ق وشني ساعات ما يبانش برك ههه

المهم ما نكثرش عليكم ... بارك الله فيكم على الحصة الزينة ... و صح سحوركم

​

 

[ريحـان]

السلام عليكم و رحمة الله
مليحة الاذاعة

كاشما نقدمو فيها حنا ولا والو ههه


​

وعليكم السلام اخي صلاح
اكيد تفضل بلاما تسقسي
راك زميلي في التنشيط ​

 

[ريحـان]

وعليكم السلام ورحمة الله وبركاته واخيرا مديرة الاذاعة تتركنا على الهواء مباشرة

من كنت نغسل في القش مباشرة ومن أعالي السطوح تاع داري أتصل بكم
أولا أهدي تحياتي الى ناس اللمة كامل صحا فطوركم

ألو...ألو...

حبيت نمد رايي في موضوع النقاش

ديننا هو دين معاملة
وخاصة في رمضان تنزل الرحمة في قلوب الناس وتلين القلوب
نجد الكلمة الطيبة تسبق الأفواه
نجد من يرحم الفقراء نجد من يرأف على المساكين
نجد من يقدم يد المساعدة للمحتاجين
ياليت الأيام كلها رمضان

ألوو...ألوووو أنا الألغاز خاطيني أترك الخط لمستمع آخر
سهرة ممتعة

معنا ام ياسمين الو مرحبا
بك معنا و ش راهي ياسمين صغيرة سهرانة معنا في الاستماع و لالا ههه
صح فطورك من هذا المنبر و نقلك اللماويين كلهم في الاستماع خاصة الاهداء
الو......الووو رانا في الاستماع تفضلي
نعم اختي المتصلة فديننا دين تعامل
ونتمناو يكون هذا التعامل في سائر الايام و مايقتصرش برك في شهر رمضان
الو.....
املا تعلمي من حصتنا اطلعي عليهم و على الحلول

بارك الله فيك عزيزتي المتصلة
سحى سحورك ​

 

[4algeria.com]

ألوو اداعة جيل اللمة ؟
اني حاب نشارك معاكم في الموضوع
شكرا اختي المديعة. يزيد فضلك
أمالا شوفو نقولكم رمضان يقولك ناس بكري يجيب خيرو معاه
و رمضان من بكري لما يقرب العايلات يبداو يحضرو في الماعون (الصحون...) و يجهزو المايزات و يزينو البيوت
و لما يدخل تحسب بواحد السكينة و الهدوء ربي ينزلها علينا
و زمان ماكانش كما اليوم تلقى الناس تتجارى تفتش على الحليب و الخبز و الترمضين في السوق و الشجارات.
المهم مانطولش عليكم باش نخلي الخط للناس باش تشارك. و نشكركم اخت ياسمين على البرنامج الجميع.
بالنسبة للغز نقول الخيال و ما نعرف اذا صح و لالا.

 

[ريحـان]

ألو ألو حول
عودة من جديد متاسفة كنت على عجلة من امري ههههه صحا فطورك ختيتي ياسمين وكم احب ورد الياسمين ♥
يبارك فيك يعيشك معاكم اختكم إيمان من الجزائر العاصمة
الحمد لله بخير يسلمك وان شاء الله احوالكم تمام ♥
مممممم بخصوص رمضان يعني تعاملي مع الناس الحمد لله من بكري في نطاق الادب والاحترام سواء رمضان أو الافطار عادي
بصح فرمضان خاصة زدت حاذرت فكلامي كتر وكتر خفت نهدر فكاش انسان بلا ما نفيق مالقري جامي نيتي نسيء ولا بصح تجنبت الهدرة على الناس لأقصى حد و فحالتي كثرتها نهدر انا وصحاباتي على الاساتذة نضلو نجبدوهم فالهدرة ههههههه مالا نحيتهم كامل من هدرتي كل ما نتفكرهم نقول حسبي الله ونعم الوكيل وحسب بلا هدرة زايدة وشكاوي واللي نتفكرهم بالخير ما ننساهمش من دعواتي الخالصة ربي يجازيهم
و تاني قللت الشكوى والتذمر على الدراسة والامتحانات بحكم الدراسة ديالي غير نشكي ههههه مالا حبست هاد العادة كل ما نتضغط بيها ولا نتقلق نحتسب بالله وهو وكيلي ♥ وهكذا يعني الصيام عاوني بالبزاف والحمد لله الذي وفقني في هذا
*******
ولا بخصوص تعامل الغير معي الحمد لله كيما نتعامل معاهم يتعاملو يعني التصرف ديالي هو اللي راح يعطيهم انطباع مليح وبالسيف يتعاملو معايا بنفس الاحترام اللي انا نمدو بالمختصر الشخص يكون بتعاملو مرآة لغيره ومن خلاله يوزع الطاقة الايجابية والبشاشة والكلام الطيب ودعاوي الخير فشهر الخير ♥
********
نتمني مكالمتي كانت خفيفة ​

اهلا بيك اختي المتصلة من جديد نورتي
وها شفتي راكي حكمتينا معليش اليوم مكانش ضغط في خطوط الاتصال
تسلمي اختي
مالا معنا ايمان من الجزائر منورينا اهل العاصمة و ش راهو الجو عندكم بارد و لا السخانة معطشاكم ههه

❀
بارك الله فيك و ههذا هو التعامل لي نحوسوا عليه يكون مايكونش برك في رمضان برك و يكون في سائر الايام في نطاق الادب و االاحترام و صح يعرف الواحد وش راهوا يخرج من فمه و كل شيئ نتحاسبوا عليه يوما ما وحقا اختي كل انسان غالبا يعامل كما يتعامل هو.
❀
اختي ايمان بارك الله فيك
و صح سحورك سلامي للعائلة الكريمة و كل ناس العاصمة ​

 

[ريحـان]

السلام عليكم و رحمة الله و بركاته

الو الو ... معاكم صلاح الدين ... ولا تحبو تعيطولي الصالح كيما يعيطولي هنا ههه

معاكم الصالح من الجلفة نشكروكم على هذي الفسحة الي نفرغو و نفضفضو فيها

صح فطوركم نشالله و الله يتقبل الصيام و القيام

المهم كيما كل المتصلين جيت نمد رايي في موضوع النقاش

و هو انو الامور الايجابية تكثر و تتنوع في رمضان المبارك

صحيح كاين بعض السلبيات و كذا ... لكن هذا الشي ما لازمش يخلينا نغضو الطرف عن الامور

الطيبية الي يقومو بيها العديد من الناس الطيبين

من هذي المظاهر تاع الطيبة و الاحسان في رمضان ... نشوفو مطاعم الرحمة ...

و نشوفو المسابقات القرآنية و التسابق تاع حملة القرآن فيها يعني و الله جو بهيج و مبشر بخير

و نشوفو ثاني و رانا في العشر الأواخر ... نشوفو المساجد هذيك ممتلئة بالمصلين من اجل صلاة التهجد و قيام الليل

و نشوفو و نشوفو و نشوفو ... الامور الزينة ياسر

والخير مزال في الناس ... ق وشني ساعات ما يبانش برك ههه

المهم ما نكثرش عليكم ... بارك الله فيكم على الحصة الزينة ... و صح سحوركم

​

الو......
معنا الاخ صلاح من جلفة صحى فطورك اخي ان شاء الله تكون بخير و كل ناس الجلفة
اللهم امين يتقبل منا و منكم صالح الاعمال و القيام

.......
صحيح اخي المتصل رمضان بخيروا دائما
و فيه نلقوا اجمل او اسمى تعامل بين الناس من مساعدات و تراحم و فيه يحس الغني بشعور الفقير و قت يصوم برك
فمبالك هذا الانسان لي معندوش و ش ياكل او يوكل اطفاله على بيها دايما وجبنا احنا نبحثوا عليهم ونعاونهم
و نرتقي في التعامل مع غيرنا و نعرفوا وش رانا نقولوا و نفعلوا

بارك الله فيك اخي المتصل
على مشاركتنا رايك
صح سحورك ​

 

[جميلة أنا]

الوو.....ألووو إذاعة اللمة هذا زمان و أنا نستنى في هذا الإفتتاح أولا ألف مبارك إفتتاح الإذاعة اللماوية الجزائرية

.. السلام عليكم معكم نزهة الشاوية من أعماق بحار سكيكدة ، يعطيكم الصحة على الفقرات و الواضيع القيمة و منهم موضوع اليوم وهو في الحقيقة عنوان فقط في وقتنا فلا أثر لا للصيام و لا للصلاة على تعاملات شعبنا فنجدهم يخرجوا من صلاة يبدا يشتم و يسب و كأنوا نسي أنوا الصلاة تنهاه عن الفحشاء و المنكر،أما في شهر الكريم للأسف تزيد هذي الظاهرة و خاصة شدة العراك لأتفه الأسباب و يرجعون السبب في كونهم صائمين و هو في الحقيقة العكس تمااااما من يصوم فهو يكبه نفسه عن كل الملذات و الشهوات و أكثر شيء هو كبح النفس عن ما يغضب الله فكيف تضرب و تشتم أخاك المسلم الذي تصلي بجواره في المسجد لأجل ( حبة زلابية ) و هذا الشيء الكارثي اللي قاعد يصرا في عوض أنوا الي صايم صح يعطي الصيام حقه حتى لو ظلموه يقول اللهم إني صائم و يستغفر ربه و يتجاوز الأمر لأن هذا هو المطلوب منا في رمضان...هذا رأيي و أعتذر عن الإطالة و اترك المجال لمتصل آخر
أما عن جواب اللغز هو كما قيل الظل

وفي الاخير بارك الله فيكم
بلا ماننسى تحية خاصة لاهل اللمة
ونقولهم صح صحوركم

 

[faith8]

اهلا بيك اختي المتصلة من جديد نورتي
النور نورك تعيشي
وها شفتي راكي حكمتينا معليش اليوم مكانش ضغط في خطوط الاتصال
تسلمي اختي
يعيشك والله احوالها تمام التمام والستوندار ديالكم الحمد لله مش مضغوط ههه سينون منحكمكمش
مالا معنا ايمان من الجزائر منورينا اهل العاصمة و ش راهو الجو عندكم بارد و لا السخانة معطشاكم ههه
❀
الله يسلمك حبيبة ♥ النور نوركم ♥ تعيشي
والله الجو الحمد لله رائع هاد اليامات صبت الشتا الحمد لله رحمة البرودة هاد العام رمضان ما فيهش كامل السخانة جاز خفيف ظريف
بارك الله فيك و ههذا هو التعامل لي نحوسوا عليه يكون مايكونش برك في رمضان برك و يكون في سائر الايام في نطاق الادب و االاحترام و صح يعرف الواحد وش راهوا يخرج من فمه و كل شيئ نتحاسبوا عليه يوما ما وحقا اختي كل انسان غالبا يعامل كما يتعامل هو.
❀
هادي هي كلام صواب يسلم داك الفم ختي لعزيزة ربي يهدينا جميع ان شاء الله
اختي ايمان بارك الله فيك
وفيك بارك الرحمن اختي ياسمين
و صح سحورك سلامي للعائلة الكريمة و كل ناس العاصمة
يسلمك وانتي زادا لعزيزة
الله يسلمك يبلغ ان شاء الله ةحتا ناس العاصمة مسلمين عليك ومرحبا بيك نهار تجي زيارة نتهلاو فختنا نشرفو بيك اهلا وسهلا ​