الحلقة (5): لمّة خير تستضيف الضحية " أشـــواق 19 "

[ضآحكة مستبشرة]

السلام عليكم أهل اللمة الكرام وأسعد الله أوقاتكم

وملأها بركة وسعادة، وصح رمضانكم وربي يتقبل منا ومنكم الصيام والقيام وصالح الأعمال
كالعادة مستحيل يعدي شهر رمضان المبارك على اللمة الغالية بدون كاميرا كاشي وبدون ضحك وبدون مقالب

وهاد العام خممنا أنا وشريكتي في الإجرام @لؤلؤة قسنطينة باه نديرو كاميرا كاشي لأعضاء اللمة كيما كل عام ونطيحوهم في الفخ
ونعرضو المقالب هادو في حلقات باه نغيرو الجو ويكون لرمضان داخل اللمة طعم مختلف وجميل
لكن هاد المرة فكرنا أنا و مريم وقلنا بعيدا عن كاميرا كاشي تاع فلان هدر فيك وفلان قال فيك ووين نخلي العضو هاداك يهز في قلبو
ولا نخلي العضو يغضب من عضو خلاف علاه مانديروش حاجة مختلفة يكون فيها عبرة ورحمة وتعاون
بالأخص والمعروف على ناس اللمة أنو مايجمعهمش عالم افتراضي فقط بل تجمعهم محبة وتواصل وترابط رغم أنهم داخل عالم افتراضي
فيفرحوا مع بعض ويبكيو مع بعض ويحسو ببعض، فهل يا ترى صح كامل هاد الكلام؟
نخليو الحلقات القليلة في عددها ولكن الكبيرة في معانيها وقيمها هي تخليكم تحكمو على أهل اللمة وأخلاقهم
إذن تابعوا معنا حتى الأخير، وبالاكم تنحيو التيليكوموند من يدكم وشاهدوا معنا كاميرا كاشي بعنوان
{لمة خير}

خامس ضحية معنا في هاد الكاميرا كاشي هي الاخت @أشــواق 19 كانت في بالي فكرة مليحة رح تلقى تفاعل
بصح الفكرة لازم تطبق على امراة و لقيت بلي زميلتي في الاشراف اشواق هي لي تجي عليها
و فعلا كانت تجاوب كبير
تابعوا معايا واش صـــــــــــــــــرا

عاشقة الجنة

السلام عليكم
اهلا ختي اشواق كيفك


اشواق 19

وعليكم السلام اسوم
والله شوية يا ختي
وانت لباس! ؟

عاشقة الجنة

علاش وشبيك حبيبتي غير الخير
الحمد لله لباس

اشواق 19

مين كملنا لي كنترول وانامريضة وعيانة وزاد ليوم كنت نسيق طحت في دروج راسي حاساتو تقسم

عاشقة الجنة

بسم الله عليك حبيبتي
بالشفاء عليك ان شاء الله روحي لطبيب الراس صعيب
طهور ان شاء الله

اشواق 19

ايه ان شاء الله
شكرا حبيبتي اسووم

و بعد هذا الحديث خضنا حديث خاص عن الدراسة و التخصصات الجامعية و لما شفتها خلاص تحكي من نيتها و مفي حتى رائحة للشك
طلب منها اني نسقسيها

اشواق 19

وي تفضليييي ختييي

عآشقة الجنة

نحيكيلك الحكاية كامل قبل
اصبري نكتب و نردلك

شوفي كاينة عضوة معانا راهي في حالة مكسينة و هي مخطوبة و هي من ميلة قريبة للعلمة
باباها مسكين عساس برك و مكاش خاوتها رجال في دار و هي الكبيرة قاتلي حالتي راهي كارثة و معندهاش باش تدير جهاز شرات حوايح خفاف و غير الحاجة المهمة مالا عجوزتها قاتلها لازم تجيبي محزمة لويز و العنابية و بزاف حوايج خاصين بناس الشرق راكي ادرى مني هوما يحبو يزوخو و يفوخو
قاتلي قاتلها اذا مجبتيش جهاز كامل و مكمل و حاجة مخيرة رح نطلقك من ولدي و نشوفلو طفلة لباس بيها
هي يمات راجلها متحبهاش خاطرش هو لي خيرها صافي داها عن قصة حب و حكاية طويلة
المهم هي مسكينة ضرك دايمن تحكيلي قذعتلي قلبي الفقر و زيد هم العجوز حابة تطلقها و هي معندهاش
اذا تعرفي جوايهكم كاش وحدة ولا عائلة لباس بيهم يعاونوها ولا حتى وحدة ثقة تسلفلها تصديرة تاعها و مبعد تردها قاتلي راني قابلة يعاونوني ناس المهم منطلقش و نزيد نحصل في بابا و يما لوكان نطلق تمرض اكثر بحكم عندها السكر
و الله غير تشف هي تحكيلي و انا نبكي

أشــــــواق 19

اووو مسكيييينة والله قصتها مأثرة.. ربي يهديها لعجوز هذي.. حنا بنات لباس عليهم ورجعو ميدوش لمحزمة هذي
ربي يقول لا تكلف نفسا الا وسعها..
شوفي دك نحاول نعاونها اذا قدرت.. نحكي مع ماما ولا كشما بنات مزوجات يكونو حابين يمدو تصديرتهم مع انو معنديش معريفة بزاف بلبنات مزوجات نعرف غير سيليبايرات خخخ
حاولي توقفي معاها معنويا والله ماهي عيب

عآشقة الجنــة

ايه والله يا اشواق ختي غير قصتها توجع سورتو كي تسمعيها منها
و فوق هذا كامل كان مديسيدي يسكنها وحدها قاتلها مدامني عايشة غير إنشائها هذي اسكتي وحدك انا وليد كبرتو و رجعت و راجل باش نديه عليا ربي يهديها تعيين هذي لعجوز
ايه صح ماشي كامل رآهم يدور المحزمة بصح هي شرطتهالها
الشر واش يدير هي تالمون ماشي حاملتها لي قاتلها لازم تجيبي
تعيشي ختي اشواق ربي يحفظك زينة و يكثر من امثالك قاتلي لوكان نلقى لي يعاونك بالف فراك نشد عليه المهم منطلقش
بارك الله فيك

أشـــواق 19

منين هذي لعجوز يرحم باباك عنابة؟؟؟؟؟
هذي طفلة راح دمرر حياتها والله... ماشي الحب هو كلش مع الوقت راح تكره وتسوفري كثررر... وزيد هذا لي يحبهااااا نورمالمو يسكت يماه نو؟؟
علاه متشريش محزمة بلاكي وخلاص وين راح تتحلبلها... تجيها في مليون خيرمن 20
والله نعاونها ان شاء الله بلي قدررررت

عآشقة الجنــــــة

لالا ماشي عنابة واقيل من الطارف
انا ثاني قتلها اخطيك منهم قاتلي منقدرش نولي مطلقة و نبقى في دار بابا نتحمل و خلاص و هو معندو حتى كلمة يا اشواق ختي شفتي سماع كيفاش دائرة زعما في رايك رح يقدر يقول معاها لالا باين من نوع لي يتبع و يقول بببعع ربي يهديهم ظلموا طفلة معاهم
صح فكرة مليحة مجاتش في بالي غدوة نقولها على فكرة البلاكي
يعطيك الصحة


أشــــــــــواق 19

اسمحلي ختي اسما طولت في الرد
توفات بنت عمتي اني عندهم ?
دك نروح ونحكو على صحيبتك هذي ان شاء الله

عآشقة الجنـــة

عظم الله اجرك حبيبتي ربي يرحمها ان شاء الله
اوك كي تروحي نقولك المستجدات

أشـــــــواق 19

هاه وش هما مستجداات خير ان شاءالله

عآشقة الجنــــة

والله كنت حابة نحكيلك في ظروف احسن من هاذي بصح مدام طولت الحكاية خلي نخرجلك طاي طاي
هذي الحكاية كامل مراهي الا كاميرا كاشي ???? ولا تجربة اجتماعية
نختابرو فيها الاعضاء في موضوع ما و نشوفو إذا يتفاعلوا معاه و انتي الله يبارك عليك اختي اشواق ظهرتي فحلة و بنت ناس ربي يكثر من امثالك اختي
و اسمحيلنا حكمناك هههههه

أشـــواق 19

ههههههه تبا لكي ايتها الشريرة..
كون حكيتيلي في امر اخر بلاك نشك بلي كاميرا كاشي مي هاذا الموضووع مخطرتش على بالي خلاص.. حرام عليك خليتيني نسب لعجوزة شريرة لي مكاش منها خلاص هههههه
يعطيك الصحة ختي اسمااااء راكي مسامحة هذي لمرة ?

و في نهاية الموضوع نقول لـ أشــواق 19 بارك الله فيك على طيبة قلبك و على حبك لفعل الخير أنت و الوالدة الكريمة و نشكركم بزتف على تفاعلكم مع القصة الوهمية
ربي يهنيك حبيبتي و يحفظك و ينور دربك و يوفقك في مشوارك الدراسي و ان شاء الله نشوفوك من كبار نجوم الاعلام في الجزائر و العالم
تعيشي و تاكلي غيرها حبيبتي الطيبة صاحبة المعدن النفيس ❤
و عظم الله اجركم في فقيدتكم

وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري
شكرا لمتابعتكم لهذه الحلقة وماتنساوش تخليولنا رايكم فيها، نلتقي في حلقة أخرى ​

ومع عضو آخر
سلااام

​

 

[البحر الهادي]

السلام عليك
ماشاء الله عليك
ماكانش لي تفطنلك
الكل وقعت في الشباك
مزية ماجاتش كاميرا فيدو ا
ههههه
وكان كانت مصيبة هه
رب يؤلف بين قلوبكم

 

[ضآحكة مستبشرة]

السلام عليك
ماشاء الله عليك
ماكانش لي تفطنلك
الكل وقعت في الشباك
مزية ماجاتش كاميرا فيدو ا
ههههه
وكان كانت مصيبة هه
رب يؤلف بين قلوبكم

و عليكم السلام اخي حبيب
ههه تسلم اخي لازم خطة محكمة باش ننجحوا
العام الجاي تولي فيديو فاحذر ههه
آمين يا رب
شكرا على المرور
نورت

 

[البحر الهادي]

و عليكم السلام اخي حبيب
ههه تسلم اخي لازم خطة محكمة باش ننجحوا
العام الجاي تولي فيديو فاحذر ههه
آمين يا رب
شكرا على المرور
نورت

اللهم أمين
وانت كذلك نورت المنتدى بمواضيعك القيمة
ماكانش لامان بعد الآن ههههه
لي يحكي معايا ندير ألف حساب معاه هههه

 

[ضآحكة مستبشرة]

اللهم أمين
وانت كذلك نورت المنتدى بمواضيعك القيمة
ماكانش لامان بعد الآن ههههه
لي يحكي معايا ندير ألف حساب معاه هههه

تسلم اخي
هههه لهذه الدرجة بصح من جهة عندك الحق ههه
نورت مرة اخرى

 

[البحر الهادي]

تسلم اخي
هههه لهذه الدرجة بصح من جهة عندك الحق ههه
نورت مرة اخرى

هههه
نمزح ههه
شكرا لك

 

[أم أُنٌَيسة]

السلام عليكم ورحمة الله وبركاته
عظم الله اجركم اختي اشواق، انا لله وانا اليه راجعون كان مثواها الجنة والهم اهلها سلوان الصبر
ماشاء الله لا قوة الا بالله تبارك الدي بيده الملك، بارك الله فيك وجزاك كل خير وجعلها في مزان حسناتك ان شاء الله وعلى نياتكم ترزقون
الله يكثر من امثالكم، انت والاخوة ماشاء الله
اسومة الشغيغة يااااااه واش راكي مدايرة في الناس انت ومريومة شغيغات
صحة فطوركم وسحوركم وتقبل الله صيامكم وقيامكم وصالح اعمالكم
ارجو تقبل مروري
تحياتي احترامي وتقديري
في امان الله وحفظه​

 

[السلطانة]

وعليكم السلام ورحمة الله وبركاته
اولا عظم الله أجركم اختي أشواق ربي يرحم قريبتك ويسكنها فسيح جنانه يارب ربي يجيلكم الصبر
والله يبارك هاذو بنات اللمة الطيبات بنات الاصل والفصل الحرّات
عجبتني الحبكة تاع الطفلة المخطوبة ولي عجوزتها قاهرتها وتحوس تكلفها اكثر من طاقتها
يعني يعطيك الصحة هههه @عآشقة الجنـة

 

[faith8]

هههههه
سلامو والله حتى انا دخلت فاللعب والحكاية ونسيت بلي راني فموضوع كاميرا كاشي
سيناريو خشين ختي اسما يعطيك الصحة ههههههه
تحياتي ليك للخت أشواق ونقلك انتي انسانة طيبة ربي يكثر من امثالك و عظم الله اجركم ربي يرحم بنت عمك ويسكنها الجنة ان شاء الله

 

[ضآحكة مستبشرة]

السلام عليكم ورحمة الله وبركاته
عظم الله اجركم اختي اشواق، انا لله وانا اليه راجعون كان مثواها الجنة والهم اهلها سلوان الصبر
ماشاء الله لا قوة الا بالله تبارك الدي بيده الملك، بارك الله فيك وجزاك كل خير وجعلها في مزان حسناتك ان شاء الله وعلى نياتكم ترزقون
الله يكثر من امثالكم، انت والاخوة ماشاء الله
اسومة الشغيغة يااااااه واش راكي مدايرة في الناس انت ومريومة شغيغات
صحة فطوركم وسحوركم وتقبل الله صيامكم وقيامكم وصالح اعمالكم
ارجو تقبل مروري
تحياتي احترامي وتقديري
في امان الله وحفظه​

و عليكم السلام و رحمة الله تعالى و بركاته
آآآآآآآآآآمـــــــــــــــــــين يا رب
ههههه مرانا دايرين فيهم غير الخير كاميرا كاشي تاع الخير ماشي تاع الشر هاذي هههه
الله يسلمك حبيبتي و منا و منكم ان شاء الله
تسلمي حبيبتي
منوووورة والله

 

[ضآحكة مستبشرة]

وعليكم السلام ورحمة الله وبركاته
اولا عظم الله أجركم اختي أشواق ربي يرحم قريبتك ويسكنها فسيح جنانه يارب ربي يجيلكم الصبر
والله يبارك هاذو بنات اللمة الطيبات بنات الاصل والفصل الحرّات
عجبتني الحبكة تاع الطفلة المخطوبة ولي عجوزتها قاهرتها وتحوس تكلفها اكثر من طاقتها
يعني يعطيك الصحة هههه @عآشقة الجنـة

اهلين شوشو
آآآمــــــــــــــــــــــــــــــيـن يا رب
يبارك فيك حبيبتي و مدام كاين بنات كيف بنات اللمة الدنيا مزالها بخير
هههه سيناريو شباب شوشو واقيل ندورها نكتب لي سيناريو و خلاص ههه
الله يسلمك حبيبتي
نورتي

 

[ضآحكة مستبشرة]

هههههه
سلامو والله حتى انا دخلت فاللعب والحكاية ونسيت بلي راني فموضوع كاميرا كاشي
سيناريو خشين ختي اسما يعطيك الصحة ههههههه
تحياتي ليك للخت أشواق ونقلك انتي انسانة طيبة ربي يكثر من امثالك و عظم الله اجركم ربي يرحم بنت عمك ويسكنها الجنة ان شاء الله

و عليكم السلام
ههههه عشتي القصة الاليمة الخيالية لي مكاش منخها هيهيههي
الله يسلمك حبيبتي هذا هو اللعب ولا خلي
آآمين يا رب العالمين
نورتي حبيبتي

 

[أشــواق 19]

السلام عليكم ورحمة الله
شكرا وثبت اجركم خياتي..
واسوم شريررررررررررة مقتليش بلي كشرودة تاع مغيم معاك ثاني... هههههههه تباااا لكما..
نستعرف بيكم والله راكم جايبينها.. وكيما قتلك مدانيش شك ولو للحظة...وحاجة مليحة والله ربي يحفظكم ??
وكي نرجع اعلامية من لكبار اني نخلفهالك ????

​

 

[لؤلؤة قسنطينة]

السلام عليكم
الله الله على بنت سطيف ^^
شكرا حبيبتي أسماء على هذه الحلقة الرائعة
سيناريو جميل جدا وهو واقع معاش للأسف في مجتمعنا
ونتي طبقتيه على ناس الكرم والجود كيما اشواق الغالية
بارك الله فيك على الطرح المميز وطريقة الحوار الشيقة
ونشكر الغالية أشواق على كرمها وشهامتها ونُبل أخلاقها
ربي يكتر من امثالك حبيبتي وربي يحفظك لوالديك
وربي يهنيك ويعطيك ماتتمناي
شكرا مجددا على هذه الحلقة الرائعة
وربي يرحم بنت عمة الاخت اشواق ويغفرلها ويجعل مثواها الجنة
وربي يشفيك حبيبتي اشواق وسلامات ان شاء الله
تحياتي​

 

[*amani*]

وعليكم السلام
??سيناريو وعليه الكلام هههه
تبارك الله على الأخت أشواق بنت اصل ماشاء الله ربي كثر من امثالها وربي يجازيها ان شاء الله...وعظم الله اجركم وربي يجعل مثواها الجنة
شكرا اسماء كانت حلقة كالعادة مميزة ورائعة ??

 

[ضآحكة مستبشرة]

السلام عليكم ورحمة الله
شكرا وثبت اجركم خياتي..
واسوم شريررررررررررة مقتليش بلي كشرودة تاع مغيم معاك ثاني... هههههههه تباااا لكما..
نستعرف بيكم والله راكم جايبينها.. وكيما قتلك مدانيش شك ولو للحظة...وحاجة مليحة والله ربي يحفظكم ??
وكي نرجع اعلامية من لكبار اني نخلفهالك ????

​

و عليكم السلام و رحمه الله تعالى وبركاته
العفو حبيبتي
هههههه إيه راهي شريكتي في اللعب و هي المخرجة هههه
اكيد متشكيش لانو تبان حقيقة و كذلك لأنو الضمير تحرك ف مكاش وقت للتخمام ههههه
إن شاء الله حبيبتي
نورتي

 

[HAMZA USMA]

ههههه
بصحتها تقبضتوا عليها
مشكورين ​

 

["viola"]

خخخخخ اسما عندك وحد لحكايات تصدقيهم بالسيف عليك ههه نستعرف بيك
ربي يحفضك ختي اشواق فحلة و نص ربي يبارك و عظم الله اجركم في ميتكم
صحيتو اسما و مريهام اكم دايرين كومبلوات بلا بيا خخخ ​

 

[saouchi]

السلام عليكم ورحمة الله تعالى وبركاته
صحة فطوركم حلقة رائعة والأروع انكم حبكتم قصة واقعية وصعيب الحال صح
و الاخت اشواق بركة الله فيك على اتراحك مساعدة الآخرين في هذه الدنيا لا ينفع شيء غير فعل الخير
بالتوفيق في الحلقة القادمة
سلام

 

[جميلة أنا]

اولا عظم الله أجرك اخت أشواق،و حسن الله عونك مع شريرات اللمة ههههههه الله يبارك على كل حرائر لمة و الجزائر ككل قلوب طيبة و كريمة.بوركتم بنات@عآشقة الجنة و لؤلؤة قسنطينة الله يحفظكم