كاميرا كاشي {لمّة خير} الحلقة الســـآبعة

[ضآحكة مستبشرة]

السلام عليكم أهل اللمة الكرام وأسعد الله أوقاتكم

وملأها بركة وسعادة، وصح رمضانكم وربي يتقبل منا ومنكم الصيام والقيام وصالح الأعمال
كالعادة مستحيل يعدي شهر رمضان المبارك على اللمة الغالية بدون كاميرا كاشي وبدون ضحك وبدون مقالب

وهاد العام خممنا أنا وشريكتي في الإجرام @لؤلؤة قسنطينة باه نديرو كاميرا كاشي لأعضاء اللمة كيما كل عام ونطيحوهم في الفخ
ونعرضو المقالب هادو في حلقات باه نغيرو الجو ويكون لرمضان داخل اللمة طعم مختلف وجميل
لكن هاد المرة فكرنا أنا و مريم وقلنا بعيدا عن كاميرا كاشي تاع فلان هدر فيك وفلان قال فيك ووين نخلي العضو هاداك يهز في قلبو
ولا نخلي العضو يغضب من عضو خلاف علاه مانديروش حاجة مختلفة يكون فيها عبرة ورحمة وتعاون
بالأخص والمعروف على ناس اللمة أنو مايجمعهمش عالم افتراضي فقط بل تجمعهم محبة وتواصل وترابط رغم أنهم داخل عالم افتراضي
فيفرحوا مع بعض ويبكيو مع بعض ويحسو ببعض، فهل يا ترى صح كامل هاد الكلام؟
نخليو الحلقات القليلة في عددها ولكن الكبيرة في معانيها وقيمها هي تخليكم تحكمو على أهل اللمة وأخلاقهم
إذن تابعوا معنا حتى الأخير، وبالاكم تنحيو التيليكوموند من يدكم وشاهدوا معنا كاميرا كاشي بعنوان
{لمة خير}

سابع ضحية معنا في هاد الكاميرا كاشي هو الاخ @السحاب العابر
فكرت بزاف في فكرة مليحة نديروهالو و بعد انا التشاور مع مريم قلنا نشوفو خطة تناسب الوظيفة تاعوا
و في الاخير لقات نتيجة و باش تعرفوا الخطة

تابعوا معايا واش صـــــــــــــــــرا

عاشقة الجنة

السلام عليكم اخي حبيب
كيف حالك ؟
صحا رمضانك


السحاب العابر

وعليكم السلام ورحمة الله أخت الطيبة
الحمد لله أنا في تحسن
رمضان مبارك
كيف حالك والعائلة

عاشقة الجنة



و لله الحمد ربي يخفف عليك اخي الكريم
و صحا رمضانك انت ثاني
الحمد لله بخير سوال عليكم

السحاب العابر

اللهم امين
كنت مشغول بمرض أخي الذيدخل للمستشفى مدة شهر ونصف وكان مريض جدا زيادة على إبنه صدمته سيارة

{ دعواتكم لهم بالشفاء }

عاشقة الجنة

اه مسمعتش ربي يشفيه ان شاء الله و على سلامة وليد خوك
ربي يستركم ان شاء الله

السحاب العابر

اللهم آمين

و بعد هذا الحديث زدنا حكينا على القراية و العمل و اكثر شيء على مهنة التعليم باش نسهل الامر
و نقدر نطبق الفكرة
و دخلت مباشرة في الموضوع بلاما نطول اكثر و بديت الخطة

عآشقة الجنة

خويا حبيب نعرف وحد العائلة من الغرب مساكن فقراء لدرجة كبيرة حالتهم الاجتماعية صعبة بزاف و وليدهم الكبيرة العام الجاي يجوز البيام ماماه قاتلي بلي لوكان نلقى كاش انسان يقريه المواد العلمية خاصة رياضيات ناقص فيها بزاف
و هي أملها الوحيد فيه يقرا و يكبر و يخدم عليهم و يخرجهم من الحالة لي رآهم فيها
انا حبيت نعاونهم بصح راني بعيدة على الغرب بزاف
و باش يدير ليكور راني قتلك حالتهم مادية صعيبة و مساكن يا ربي يلقاو واش ياكلو


السحاب العابر

مش مشكل إذا كان نقدر نساعدهم ولانشوف صحابي يساعدوهم
حنا بروحنا نحبوا نديروا الخير
فقط أخبريني عن المكان وسوف أعمل جاهدا على مساعدتهم إن شاء الله

عآشقة الجنــــــة

بارك الله فيك اخي حبيب ربي يبارك فيك
علبالي انسان مولا خير
و الخلاص حق متقريه انت ولا احد زملائك كاين ناس خير رح يتكفلوا بيه
ممبعد نسقسي الام على العنوان بالضبط و نقولك

السحاب العابر


إن شاء الله
مش مشكل
أستسمحك
فقط أتركي لي العنوان

عآشقة الجنـــة

ان شاء الله اخي ممبعد نمدولكم
بارك الله فيك


السحاب العابر

وفيك بارك الله
إن شاء الله

عآشقة الجنــــة

اخي حبيب كنت حابة نقولك حاجة اذا ممكن


السحاب العابر

تفضلي في الإستماع لك

عاشقة الجنة

كنت رح نقولك على الطفل و العائلة تاع البارح بلي هذيك ما راهي الا كاميرا كاشي أو تجربة اجتماعية
باش نشوفو إذا رح تتفاعل مع القصة او لا
و منها نقولك بارك الله فيك اخي حبيب خيار الناس و ربي يكثر من امثالك و من أمثال ناس لي تدير الخير بدون مقابل و بدون تردد


السحاب العابر

ههههه
عادي والله
بارك الله فيك
في الحقيقة هذه أخلاقي أسعى لفعل الخير وأبحث عنه وحتى إن لم أستطع أبحث عن السبل التي تساعدني على ذلك أو أتوسط لغيري المهم نفعل الخير من قوله صلى الله عليه وسلم " مثل المؤمنين في توادهم ...."الحديث
وقوله"منكان في حاجة أخيه كان الله في حاجته"

وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري

و في نهاية الموضوع نقول للاخ حبيب بارك الله فيك على طيبة قلبك و على حبك لفعل الخير و انت مثال الرجل الجزائري الاصيل فحل و نص
ربي يوفقك في العمل تاعك و يخليلك صحتك و يطول في عمر والديك و يسعدك و يهنيك و العاقبة للزوجة الصالحة
و ربي يشفيك و يعافيك و يكثر من امثالك و يرضى عليك
بالتوفيق لك

شكرا لمتابعتكم لهذه الحلقة وماتنساوش تخليولنا رايكم فيها، نلتقي في حلقة أخرى ومع عضو آخر
سلااام

​

 

[HAMZA USMA]

تم

 

[ضآحكة مستبشرة]

تم

شكرا
نورت

 

[*amani*]

وعليكم السلام
ماشاء الله على الأخ حبيب وعلى طيبة قلبو ونيتو ربي كثر من امثالو وربي يجازيه
وربي يشفي ويعافي مرضاه ان شاء الله
كانت حلقة مميزة كالعادة اسماء بوركت?

 

[البحر الهادي]

السلام عليك
ههههه
بارك الله فيكم ورب يحفظكم
ههه
شكرا لك

 

[Malika Tlm]

السلام عليكم
الأخ السحاب العابر باين بلي انسان طيب ونتاع خير ربي يوفقه
شكرا لك حبيبتي
تحياتي

 

[البحر الهادي]

السلام عليكم
الأخ السحاب العابر باين بلي انسان طيب ونتاع خير ربي يوفقه
شكرا لك حبيبتي
تحياتي

وعليكم السلام
رب يبارك فيك ويحفظك
شكرا لك ايتها الطيبة
هذا من علو أخلاقك ورفعتها
أرجوا أن أكون عند حسن ظنكم بي​

 

[البحر الهادي]

السلام عليكم اخي حبيب


​

وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري

و في نهاية الموضوع نقول للاخ حبيب بارك الله فيك على طيبة قلبك و على حبك لفعل الخير و انت مثال الرجل الجزائري الاصيل فحل و نص
ربي يوفقك في العمل تاعك و يخليلك صحتك و يطول في عمر والديك و يسعدك و يهنيك و العاقبة للزوجة الصالحة
و ربي يشفيك و يعافيك و يكثر من امثالك و يرضى عليك
بالتوفيق لك

شكرا لمتابعتكم لهذه الحلقة وماتنساوش تخليولنا رايكم فيها، نلتقي في حلقة أخرى ومع عضو آخر
سلااام

​

بارك الله فيك ايتها الأخت الغالية
شكرا لك
أمين أمين أمين
ولك بالمثل
رب يحفظك

 

[البحر الهادي]

وعليكم السلام
ماشاء الله على الأخ حبيب وعلى طيبة قلبو ونيتو ربي كثر من امثالو وربي يجازيه
وربي يشفي ويعافي مرضاه ان شاء الله
كانت حلقة مميزة كالعادة اسماء بوركت?

بارك الله فيك
شكرا لك
اللهم أمين
رب يبارك فيك ايتها الطيبة
أرجوا أن أكون كذلك​

 

[لؤلؤة قسنطينة]

السلام عليكم
ومساء النور
يعطيك الصحة أسومة على الحلقة الجميلة والمميزة
شفتها البارح فليل بزربة وقلت نولي اليوم ان شاء الله
ماشاء الله على الأخ حبيب انسان تاع خير وانسان طيب
وهو كان ناوي حاجة تاع خير وحتى وإن كانت مجرد مقلب ربي
رايح يكتبهالو في ميزان حسناتو ان شاء الله ورايح ربي
يفتح عليه باب خلاف كيما هو كان ناوي يفتحها على انسان
فالنية هي كلشي، وربي يشفيلو أخوه بيه بالابن تاعو
وربي يعافيهم عاجلا غير آجل
شكرا حبيبتي على الحلقة الجميلة شكرا على جهودك حبيبتي
وشكرا على رحابة صدر الأخ بارك الله فيكم جميعا
تحياتي​

 

[صانعة الإبتسامة]

هههههه
انت ثاني مسكيييييييين كما انت من قتلي مسكينة ههه هاني سلكتها ههه
بارك الله فيك خويا ماشاء الله ربي يكثر من أمثالك
وانتم زوج مريم واسماء راه جاي نهاااركم هههه
سلاااام

 

[البحر الهادي]

السلام عليكم
ومساء النور
يعطيك الصحة أسومة على الحلقة الجميلة والمميزة
شفتها البارح فليل بزربة وقلت نولي اليوم ان شاء الله
ماشاء الله على الأخ حبيب انسان تاع خير وانسان طيب
وهو كان ناوي حاجة تاع خير وحتى وإن كانت مجرد مقلب ربي
رايح يكتبهالو في ميزان حسناتو ان شاء الله ورايح ربي
يفتح عليه باب خلاف كيما هو كان ناوي يفتحها على انسان
فالنية هي كلشي، وربي يشفيلو أخوه بيه بالابن تاعو
وربي يعافيهم عاجلا غير آجل
شكرا حبيبتي على الحلقة الجميلة شكرا على جهودك حبيبتي
وشكرا على رحابة صدر الأخ بارك الله فيكم جميعا
تحياتي​

وعليكم السلام ورحمة الله
بارك الله فيك
اللهم امين
رب يبارك فيك وفي عائلتك
ويعطيك ماتتمني وزيادة
يعطيك الخير
اللهم أمين
دعواتك في السجود لأخي وابنه​

تحيتي

 

[البحر الهادي]

هههههه
انت ثاني مسكيييييييين كما انت من قتلي مسكينة ههه هاني سلكتها ههه
بارك الله فيك خويا ماشاء الله ربي يكثر من أمثالك
وانتم زوج مريم واسماء راه جاي نهاااركم هههه
سلاااام

ههههههه
صحيح
انا تاني داروني في الشبكة هههه
وفيك بارك الله
اللهم أمين وانت تاني رب يبارك فيك وفي عائلتك
وعليك السلام
تحيتي​