مشكلتي البلاء والمعاصي

[مشكلتي]

بداية السلام عليكم
انا شاب
المشكلة بعد السطر المكتوب بخط غليظ
كاين اربعة اخوة اصغر مني منهم اختين
عشنا حياتنا عادي
الى غاية العام الماضي اصبت بمرض نفسي واصابة روحية مس وسحر وبقا الامر هكذا وبدا يتطور من راقي الذات راقي من بلدة لبلدة.
وطورت لحالة اتهمت امي بانها من سحرتني. وشكيت في عمتي وخالة بابا الذين يمثلان مصدر الشرور في العائلة
جازت الحمد لله
وبقاو اهلي حيرانين عليا وتبدلت بزاف
بديت ندير طبايع جدد نرقي لنفسي ونقعد وحدي بزاف .
زاد تطور الامر مرة ترى في البيت بان امي تعبث بملابسي وارسم وما الذي ذلك
ضربوني مرة من المرات بابا والاخ الاكبر
قالولي يا تتسقم يا الهراوة تاكلك
كنت رايح ندير فيهم بلانت وممبعد رجعت لرشدي.
تاثرت بزاف بشبه الرقاة لي يكتبو في الزيت والزعفران
درت حجامة اخر مرة الحجام قالي انت مسحور في الحوض
دائما نلقى اثار فتات ابيض في اعضائي عفاكم الله
ودائما يتردد اسم فتاة علةى لساني
وفات الوقت الى غاية نوفمبر الماضي حكمت بريكولة تع 10ايام
بطلت بعدها وطول الوقت غير قاعد في الدار عندي الفراغ بزاف
شفت طبيب نفسي حكيتلو قالي اكتئاب
شربت دواء شهر تمرمدت
وزدت رقيت
المهم بلاء ارق وعدم نوم
وصلت الدرجة بان الدولة راه تبع فيها
الى غاية اليوم المشؤوم
في ليل مع مغرب قاعد نتفرج
شفت حركة مريبة او كما زينها لي الشيطان
ختي الصغيرة 8سنوات تتوضى ورايحة تصلي ويما ملامح وجها مش نورمال
ديراكت نهز ختي ودمونديت من عند الشيخ صرف باش نشريلها لحلوى
رحت لبيت مش بعيد وقريب من المدرسة لي تقرا فيها اختي
هو بيت مسبوق اغتصب فتاة تدرس في الابتدائي وحكم 3سنوات وكان غير باش خرج من الحبس
دقدقت الباب خرج هو
ياليتني لم اتبع هواي
فتح باب قتلو علاه تحقر في ختي بالمعنى تحرشت بيها قالي لالا
قتلوا نسقسوها هي المسكينة قالت لالا
وفي ذاك اليوم هي راحت لدارهم ختو تقرا معاها
وليت لدار معرفتش وش ندير
هو مسكتش جاب خوه وخرج ليهم بابا
قالولو ابنك راه يتهم فينا انا خرجت ليهم قلت لخوه ايه حقرها بصح تعلقنا ومعرفتش منين طاح عليا البلا.
يما قاتلي يا طفل انعل بليس وهذا راهنوا شرفك.
من ذاك النهار وانا معقد فما بالك طفلة صغيرة وسمعو بالحادثة صديقاتها في المدرسة.
وممبعد بقات خادمتلي على سيد قلت ياتجي فيا يا فيه
حتان بعدها يومين عسيتو لقيتوا هو وبن خالو قلت نزدم ليهم هو راح يجري وبن خالو قالي وش تحوس قتلوا والو راه تعدى علينا وانا راني موسوس
ضميري يؤنبني نفسيتي متعبة
مجتمعنا لا يرحم حاس قاع الناس عرفوا بالقصة
لي تهمني اختي ومستقبلها
بحركة غبية مني لي انا زعما حامي عرضها.
حسبي الله ونعم الوكيل
وافوض امري لا الله الا الله بصير بالعباد
حسيت روحي طعت من عين والديا
افيدوني رجاءا

 

[همس الوُرود]

السلام عليكم ورحمة الله وبركاته
إن شاء الله ربي يشفيك
لي عودة بإذن الله

 

[ضآحكة مستبشرة]

لا حول ولا قوة الا بالله صبر جميل والله المستعان
أمر معقد نوعا ما والله لا أعلم ما أقول سوى ربي يفرج عليك و يشفيك
أنصحك فقط بالمداومة على الصلاة و قراءة القرآن و قراءة أذكار الصباح والمساء و الاستغفار و أكثر من الاستغفار
و زيد ارقي اظن أن الأمر أمر رقية والله اعلم
ربي يفرج

 

[البحر الهادي]

السلام عليك
عليك بالرقية
وعليك بذكر الله وكثرة الإستغفار
عليك بالحجامة في الأماكن التي تحس بألم فيها
وأكثر من قراءة القرآن
وأبعد عنك الوساوس لأنك كلما تتبعتها كلما ظهرت لك بأنها حقيقة
عليك بمجاهدة نفسك حتى تستطيع تجاوزهذه المحنة
رب يشفيك ويعافيك ويكشف ضرك ويرفع البلاء عنك​

 

[Hakan]

الحاجة اللي ننصحك بيها يااخي الكريم لو كنت في مكانك انو نخرج من المدينة نتاعي ونسافر لكاش مكان {يعني نزوفر }
بعد على اهلك وعلى الشارع نتاعك على الاقل 4 اشهر روح اخدم وحوس وتعلم وشوف عباد جدد علابالي ممكن تستغرب واش
راهو يقول لكن العزلة اول دواء باش تشفى من الناس لانو اصبح عند توسويس من الغاشي وماعندكش حتى قابلية باش
ترتااح والحاجة الاخرى اللي ننصحك بيها انو تروح تحفظ القرآن في زاوية ولا مدرسة قرآنية خلال فترة الصيف اذا كنت تقرى يعني ماكش مبطل
وريح رااسك وريح نااسك لانو بقائك رايح يجيب مشاكل لاهلك اما اختك الصغيرة حمد لله جات صغيرة لانو الناس تنسى حوادث الصغر
وربي يسهلك والدعاء دائما ربي يهنيك خويا ​

 

[HAMZA USMA]

ربي يشفيك أخي ويرفع عنك الضر
​

 

[طموحة]

السلام عليكم و رحمة الله و بركاته
ربي يفرج همك و ينورلك دربك و ان شاء الله ما يخرجش رمضان الا و أمورك متحسنة
أولا أخي شيء لي لازم ديرو في بالك بلي راهي عندك وسوسة فوق لازم يعني نتا
راه احتمال كبير معندك لا سحور و لا هم يحزنون فقط عززت هذاك الاعتقاد عندك {اسمحلي على هاذ الشي لكنو في مصلحتك }
لأنو حنا و لينا نرمو كلش على الأمور الروحانية و نسينا بلي حنا لي رانا نفسدو في قلوبنا ونخلوها عرضة للشيطان باش يعبث بيها
وتان باش نغطيو على اتكاسل ديالنا نقولو و نقنعو نفوسنا بلي عندنا سحر
أنا مرانيش نقول بلي مكاش السحر و مكانش عباد ميخافوش ربي و على جال الحسد يديرو كلش
لكن الانسان يدير بالأسباب ، وحتى و لو فرضا الانسان جزم بلي عندو سحور ميخليش عندو الاعتقاد بلي هاد السحور مايجي راخ يروح حتى معلاباليش وشنو
النبي عليه الصلاة و السلام سحر و رقى لنفسه الله أعلم مرة واحدة وخلاص سما نتا أقرا في الماءو أدعي ربي على يقين أنو في هاديك اللحظة ربي راح يكشف مابك من ضر
و حافظ على صلاتك و أذكارك بلا ما تقعد غير تخمم و تعس في روحك و في الأعراض لي عندك لانو نصها راهي غيرمن اختراع الرقاة تآخر الزمان
نوليو اذا كان الأمر ماشي سحورو أنو أمورك النفسية هي لي راهي معقدا عليك الوضع ، أولا أبدا ابحث على عمل بكل جهدك يعني استنزف كامل طاقتك في البحث عن عمل ،يالوكان تجوز فترة طويلة المهم ما
تقعدش و تقول مالقيتش {وراني مع الأخ حكيم في فكرة أنك تبعد فترة على محيطك و تشتغل بعيد على ولايتك } ضع خطة و شي لازم توصلو متعيشيش هباءً
هذاك هو رأس التعاسة أنو مايكون في برنامجك حتى هدفك راح تعيا علاجالوو تبذل و تعطي فيه من خبراتك
الانسان يكون سعيد بقدر العطاء لي يمدو و يكون تعيس بقدر تخاذلو و كسلو
وتان الوقت لي يبقالكمن العمل أو حتى البحث عن العمل استنزفو في طلب العلم و أبدا بالأشياء لي تساعدك في اصلاح قلبك
أقرا يا أخي مكانش داء ومعندوش دواء الا ما يعينك الله على اصلاح قلبك
هديتي الرمضانية هي هذا الكتاب أتممه و اذا حبيت شوفلو شروحات صوتية ربما يساعد أكثر
{ للأمانة لم أقرأ منه سوى القليل لكني أعلم أنه جدمفيد}
وصدقني لا يجود شيء ليس له حل استعن على الله و توكل لا تتواكل
تان بالنسبة للطب النفسي لا ضرر أنك تحوس على طبيب آخر ربما يفيدكلكن تفادى أنو يعالجوك بالأدويةأغلب الأحيان تتأزم كثر
كتاب الداء والدواء للعلامة ابن قيم الجوزية : Free Download, Borrow, and Streaming : Internet Archive​

 

[أبو عاتكة]

السلام عليكم ورحمة الله.
لازم تركز على شفائك ولا تتدخل في شؤون الاخرين.حاول ان لا تتدخل اي تصرف منك حاليا فهو غير صائب وحكاية اختك الصغيرة دليل ذلك.لا تشغل نفسك بالناس.
كثير من نعرفهم خرجوا من هذه الحالة واستعادو عافيتهم واعمالهم ولاباس عليهم لست الوحيد في العالم.
مادامك واعي بحالتك فانت قد شفيت ماعليك الان الا تغيير تفكيرك وطرد الوسواس من راسك. انتهى خلاص سواء كان سحر او حالة نفسية انتهت مادمت تتحدث الينا بوعي فراك مليح الامور اللي راك تخمم فيها راح تروح بالتوجه للعمل والاختلاط بالناس وتحسين معاملتك والتزامك بامورك.
لا تترك الرقية الشرعية بالقرآن والحجامة اذا ااحتجت لها والطّهارة دائما واقصد المساجد صلي الاوقات في الجامع واقرأ القرآن وارجع للعمل وغير تصرفاتك وطيع والديك وتعامل معاهم بالحسنى وارجع لصحابك وانسى اللي فات.
اذا عندك ارادة اكيد بتوفيق الله عزوجل وعنايته راح ترجع احسن من السابق. فقط لازملك تتحرك وتنفض الحالة وتخرج منها.
لا يوجد نصيحة سحرية نقدمها لك الا انك تقرر تغيير ماأنت عليه والاصرار على متابعة حياتك العادية.
هذه الفترة وهذا الابتلاء ضعه وراءك وانساه.الله اختبرك فتوجه الى الله هو حفيظك وهو حسيبك.
انت غلطت مع هذا الانسان صحح الغلط اولا اطلب منو السماح مادام راك تقول ارتكبت خطأ بحركة غبية مني هذه اول نقطة للانطلاق نحو الافضل.
راك لاباس عليك يا صاحبي سبحان الله والدليل كتابة هذا الموضوع وان شاء الله ندعولك في الغياب فانت اخونا وقصدتنا وقصدت ربي وربي ميخيبكش.
ننتظروا اخبارك المفرحة والمطمأنة عليك ارجعلنا فقط ومتنساناش.

 

[عبدالرؤوف]

وعليكم السلام ورحمة الله وبركاته.
بسيط امرك ان استعنت بالله وضاعفت الطاعات
استعن بالله استعانة قلبية
مع صدق اللجوء ودعائه فهو كريم يجيب المضطر اذا دعاه ويكشف السوء

والله حسيبك وهو كافيك.

 

[خديجة ph]

الحاجة اللي ننصحك بيها يااخي الكريم لو كنت في مكانك انو نخرج من المدينة نتاعي ونسافر لكاش مكان {يعني نزوفر }
بعد على اهلك وعلى الشارع نتاعك على الاقل 4 اشهر روح اخدم وحوس وتعلم وشوف عباد جدد علابالي ممكن تستغرب واش
راهو يقول لكن العزلة اول دواء باش تشفى من الناس لانو اصبح عند توسويس من الغاشي وماعندكش حتى قابلية باش
ترتااح والحاجة الاخرى اللي ننصحك بيها انو تروح تحفظ القرآن في زاوية ولا مدرسة قرآنية خلال فترة الصيف اذا كنت تقرى يعني ماكش مبطل
وريح رااسك وريح نااسك لانو بقائك رايح يجيب مشاكل لاهلك اما اختك الصغيرة حمد لله جات صغيرة لانو الناس تنسى حوادث الصغر
وربي يسهلك والدعاء دائما ربي يهنيك خويا ​

وأنا من رأي الاخ
نظن أمور كيما هذي يلزمها الواحد يتجرد لله من كل شيء حتى لا يبقى الا الله تلجأ إليه عله سبحانه يرأف بحالك.
ولو قررت تعمل بهذه النصيحة فليكن الله في عونك وحسبك.

 

[sanaya]

عليك بالرقية و كثرة سمع القرآن و الصدقة و محاربة الفراغ
دبراسك خدم عفسة اي حاجة راهو الفراغ يزيدلك بزاف
و ربي يفرج عليك

 

[Abodi84]

السلام عليكم
فرج الله عنك اخي
انصحك بالابتعاد عن محل إقامتك و إيجاد عمل يملي وقتك و كثرة الاختلاط بالناس لترى ان خطاءك يقبل السماح و التزم بفروضك مع تلاوة القرآن و ان شاء الله ربي يزيل عنك الهم و الشعور بالذنب
حاول الا تبقى وحيداً فترة طويلة

 

[Golden Man]

بداية السلام عليكم
انا شاب
المشكلة بعد السطر المكتوب بخط غليظ
كاين اربعة اخوة اصغر مني منهم اختين
عشنا حياتنا عادي
الى غاية العام الماضي اصبت بمرض نفسي واصابة روحية مس وسحر وبقا الامر هكذا وبدا يتطور من راقي الذات راقي من بلدة لبلدة.
وطورت لحالة اتهمت امي بانها من سحرتني. وشكيت في عمتي وخالة بابا الذين يمثلان مصدر الشرور في العائلة
جازت الحمد لله
وبقاو اهلي حيرانين عليا وتبدلت بزاف
بديت ندير طبايع جدد نرقي لنفسي ونقعد وحدي بزاف .
زاد تطور الامر مرة ترى في البيت بان امي تعبث بملابسي وارسم وما الذي ذلك
ضربوني مرة من المرات بابا والاخ الاكبر
قالولي يا تتسقم يا الهراوة تاكلك
كنت رايح ندير فيهم بلانت وممبعد رجعت لرشدي.
تاثرت بزاف بشبه الرقاة لي يكتبو في الزيت والزعفران
درت حجامة اخر مرة الحجام قالي انت مسحور في الحوض
دائما نلقى اثار فتات ابيض في اعضائي عفاكم الله
ودائما يتردد اسم فتاة علةى لساني
وفات الوقت الى غاية نوفمبر الماضي حكمت بريكولة تع 10ايام
بطلت بعدها وطول الوقت غير قاعد في الدار عندي الفراغ بزاف
شفت طبيب نفسي حكيتلو قالي اكتئاب
شربت دواء شهر تمرمدت
وزدت رقيت
المهم بلاء ارق وعدم نوم
وصلت الدرجة بان الدولة راه تبع فيها
الى غاية اليوم المشؤوم
في ليل مع مغرب قاعد نتفرج
شفت حركة مريبة او كما زينها لي الشيطان
ختي الصغيرة 8سنوات تتوضى ورايحة تصلي ويما ملامح وجها مش نورمال
ديراكت نهز ختي ودمونديت من عند الشيخ صرف باش نشريلها لحلوى
رحت لبيت مش بعيد وقريب من المدرسة لي تقرا فيها اختي
هو بيت مسبوق اغتصب فتاة تدرس في الابتدائي وحكم 3سنوات وكان غير باش خرج من الحبس
دقدقت الباب خرج هو
ياليتني لم اتبع هواي
فتح باب قتلو علاه تحقر في ختي بالمعنى تحرشت بيها قالي لالا
قتلوا نسقسوها هي المسكينة قالت لالا
وفي ذاك اليوم هي راحت لدارهم ختو تقرا معاها
وليت لدار معرفتش وش ندير
هو مسكتش جاب خوه وخرج ليهم بابا
قالولو ابنك راه يتهم فينا انا خرجت ليهم قلت لخوه ايه حقرها بصح تعلقنا ومعرفتش منين طاح عليا البلا.
يما قاتلي يا طفل انعل بليس وهذا راهنوا شرفك.
من ذاك النهار وانا معقد فما بالك طفلة صغيرة وسمعو بالحادثة صديقاتها في المدرسة.
وممبعد بقات خادمتلي على سيد قلت ياتجي فيا يا فيه
حتان بعدها يومين عسيتو لقيتوا هو وبن خالو قلت نزدم ليهم هو راح يجري وبن خالو قالي وش تحوس قتلوا والو راه تعدى علينا وانا راني موسوس
ضميري يؤنبني نفسيتي متعبة
مجتمعنا لا يرحم حاس قاع الناس عرفوا بالقصة
لي تهمني اختي ومستقبلها
بحركة غبية مني لي انا زعما حامي عرضها.
حسبي الله ونعم الوكيل
وافوض امري لا الله الا الله بصير بالعباد
حسيت روحي طعت من عين والديا
افيدوني رجاءا

بـ المختصـــــــر المفيد,, بعد التوكل على الله + لازمك راقي مؤهل____ لأني أرى "ان من فيك يقلب عليك"____ أدعو الله لك بالشفاء العاجل.

ملاحظة: أنت ماكش موسوس ولا مريض من عقلك ولا مريض نفسيا (أنت راك هايل) فقط تحتاج راقي ينحيلك الضغط والطاقة السلبية المتعلقة بجسدك.... ويجب أن تساعده على دالك "بل تساعد نفسك" بـ ما يلي:
1- الطهارة الدائمة.
2- عدم قرائتك أو مشاهدتك -لأي شئ يثير غريزتك الجنسية- كيفما كان نوعه .
3- قرائة القرآن والمواضبة عليه .
4- تشغيل صورة البقرة في المنزل كل 3أيام... والإستماع إليها أيضا في نفس الوقت.
5- قراءة القرآن بكثاااااافة وبالقدر المستطاع +على الماء وشربه+ وعلى زيت الزيتون والدهن به+ مع الدعاء بقلب خاااالص الى الله من ان يشفيك من اي مرض كيفما كان نوعه.
6- أفعـــــــــل الخير (معنويا وماديا) بقدر ما تستطيع.

7- لا تضـــــــع أبدااااا مدة زمنية لإنهاء هدا البرنامج (أنوي أنك تريد العيش به).. حتى تؤثر بقووووة بإدن الله على أي "طاقة سلبية" داخل جسدك.

------------------------------------يكفيك هدا للشفـــــاء بإدن الله---------------(هــام: سوف يأتيك الشيطان ليقووول لك أن هدا "خرطــي" ولن ينفعك في شئ.... لا تستسلم له ابدااااااا ... قل له في نفسك دااااااائماااا الثقة في الله :: الدي خلقني ورزقني هو من يمرضني ويشفيني وهو من أحياني ويموتني.. سبحانه جل في علاه - ليس لي ألا أيــــــاه . (ارفع يديك لله في جوف الليل بعد صلاة ركعتين لقيام الليل.. ارفع يديك لله متضرعا خاشعا باكيا (لم ولن يتركك الله) ثق في كلامي.. أنت وكل من يقرأ هده السطووووووووور سوف تكووووووون النهااااااااية سعيدة جداااااااا بإدن الله ........ وأتوقع بإدن الله أنك سوف تعود لنا بعد مدة قريبة جداااااااااا بإدن الله .. لتخبرنااااااااااا في هدا الموضوع أو في موضوع جديد /لتدكرناااااا وتخبرنا بأنك شفيت تماماااااا .. شفااااك وعفاااااك الله أخي ... آميـــــــــن والحمد لله رب العالمين.

8- +يمكن الاستعانة بالحجامة ولو مرة .

هاته نصـــــائحي لك أخــــــــــي..... ولكل من يهمه الأمر.

بسـم الله الرحمــان الرحيــم: (وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ (56) مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ (57) إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ (58) فَإِنَّ لِلَّذِينَ ظَلَمُوا ذَنُوبًا مِّثْلَ ذَنُوبِ أَصْحَابِهِمْ فَلَا يَسْتَعْجِلُونِ (59) فَوَيْلٌ لِّلَّذِينَ كَفَرُوا مِن يَوْمِهِمُ الَّذِي يُوعَدُونَ (60). صدق الله العظيم

والســــــــــــلام عليكم.