ما هاته الخلعة !بهدلتونا بين لجناس

[طموحة]

السلام عليكم و رحمة الله و بركاته
الله يمسيكم بالخيرات و الليرات و الذهبات
المهم مع الاختبارات تضربك لgية لي بوليكوب تقول نروح نشوف حاجة فليوتوب ونولي
مع لخر تلقى بلي لgية البوليكوب و لا لgية الشعب الألماني
~الفنانة معلاباليش واش أسمها تصيبها لعنة الألمان بعدما سبتها منذ سنوات اسمع ماذا قالت ~
~شاهد ماذا قال فلان عن زيارته للألمان و الشعب الألماني ~
~ردة فعل فلان على شهامة الشعب الألماني ~
~صحفي مصري يصف الألمان بأنها قارة و ليس بلد~
~الشيخ الفلاني يتحدث عن زيارته للألمان ~
~القناة الفلانية تنبهر بالألمان و شعبها ~
.......

بون هاذي هي الفيديوات لي دل تطلع تمتم و تخرجلك دايمن وتكرهلك حياتك
كي تشوف وتصادف هاذ العنوايين وكمية الاعجابات و كمية التفاعل و الفرح و التعليقات
تحب تفهم علاه الشعب الألماني مخلوع كامل هكذا
ملول كنت دايرة في بالي بلي غير أنا لي عندي انطباع بلي هاد الشعب
ينجذب الى كل ما يبنو في صورة لاكتور لي ميطيحش من لعود
و أنو هو فوق الناس كامل ويموت بالسعادة كي يمدحوه بحوايج هو علابالو مليح بلي مكاينينش فيه
بصح هكذاك و يفرح، و كل من يدير ديزلايك للفيديو هو غيور يغير منو ومن بلادو وبللي مقدرش يلحقلو
من بعد فهمت ملييح بلي الناس فاااقت بهاد الشي تبارك الله عليهم و بداو يخدمو بخلعة هذا الشعب
وكلما يحب واحد يزيد عدد المتابعين ديالو و المشاهدات ساهل ماهل دير فيديو فيه زوج كلمات حلوين على الشعب الألماني
و قعد تفرج كيفاش يطلع
أنا مرانيش ضد اكرام الضيف و ضد اعطاءصورة مليحة على بلادك و أنو كي يجي انسان يمرحبو بيه وكلش
مي فرق مابين الكرم و الخلعة لأنو كون جا كرم كون راهو بدا من ولاد بلادك وروح
ماشي تاكلوا بعضاكم من بعد كي يجي البراني ترفدوه
ماشي لبارح كنت تسب في الشعب المغربي ع الطالعة و النازلة و فجأة دارو عليكم لي فيديو تفكرتو بين لحظة و أخرى أنكم اخوة في الدين
كنت متمنية نشوف هذاك الود فقط لأنو هذاوك الأشخاص خاوتك في الدين ماشي باسكو بلعطك بزوج كلمات علاجال دعمك في البالون ونتا تخلعت و آمنت روحك بيهم
أنا برك حبيت نقول ونأكد راني نهدر على ناس السوشل ميديا لي راهم مبهدلينا
لما تحب انسان تعلم تحبو لله و لدينو و لخلقو و لما تبغض نفس الشي
كامل الناس يفرحو بالمدح لكن أفرح لما يكون المدح حقيقة
ماشي باسكو انسان يدير عليك فيديو فيه بمستوى زوج دورو و نتا علابلك مليح بلي واش راهو يقولو مكاانش منو ونتا راك في الحضيض
محتاج انسان بمحتويات الي يقدمها يساعدك باش توقف ماشي انسنا يخرط عليك ونتا تأمن
واذا كاش انسان قدملك نقد في محلو متعلنش عليه الحرب هوجاء بحجة أنو مسلك وطنيتك
كنت متمنية نشوف هذيك الغيرةلي نشوفها منهم لما واحد يدنا لكاش مشترك في برنامج غناء ولا تمثيل ولا نشوفها غيرة على دينهم وعلى
أخلاقهم لكن هيهات








​

 

[طموحة]

معلابايش علاه كتبلي بلي مكانش عنوان فهمت بلي متطرحش الموضوع
فأعدت طرحه و أعدت العنوان
من فضلك اعتمدي الثاني و أعتذر

 

[الامين محمد]

ههههههههههه الموضوع فيه عنوان و فيه محتوى رااايع
هههههههههههههه
و الله و انا نعتمد الموضوع ضحكيني راكي مقلقة و زدتي قلقتيني معاك
المهم راه عندي خدمة في الكواليس و اذا ربي قدرني رايح نرجع للموضوع
و ماذابيك تفكريني باشارة

 

[لؤلؤة قسنطينة]

السلام عليكم ورحمة الله وبركاته
شوفو شكون هنا مرحبا حبيبتي طموحة ومرحبا بمواضيعك الجميلة
بصراحة مواقع التواصل الاجتماعي هادي ولا حاكمها من هب ودب ويشارك فيها من هب ودب
فيدويهات بدون قيمة طلع شانهم وفيديوهات الفائدة تلقاها شبه مهجورة
شعب ولا يحب فيديوهات الفضائح وإلا التوقاب، شوفي أي يوتيبور يحب يكسب جمهور يديرلهم فيديو
يحكي فيه قصة حياتو تلقاي الشعب كامل يتبع، أما لي ذكرتيهم نتي هو مثلا يجي شخص أجنبي يدير فيديو
على الجزائر كتر خيرو وهذا أمر مفرح أنو بلادنا تلقى إعجاب من الغير ولكن علاه مانطلعولهاش حنا قيمتها
حتى يجي واحد براني يقول الجزائر جميلة ولا شعبها مسالم؟ علاه دايما نمدو صورة سيئة علينا حتى يجي شخص خلاف
ينحيهالنا، يعني أمر مؤسف حقا والشي لي مايعرفوهش شعبنا أنو درك اليوتيوب والفيديوهات ولات تجارة وسياسة
علابالهم الشعب الجزائري كتر من شعب الصين كي يهجم على حاجة تطلع نسبة المشاهدة تاعها ولاو يتقربو
من الجزائريين عن طريق فيديوهات يشكروهم فيها أو عن طريق فيديوهات يشكرو فيها البلد وهذا لكسب
اللايكات والمشاهدات والمتابعين، للأسف هذه هي السياسة المتبعة الآن لدرجة الأجانب ولاو باه يكسبو
مشاهدين ومتابعين من العرب يديرو فيديوهات زعما تأثير القرآن فيهم عند سماعه يعني ولات سياسة
لي يخدم فيديوهات بنيتو بهدف المنفعة ربي يوفقو أما لي يديرها كسياسة وتجارة بصحتو الناس لي تبع لأنو
لأنو قاسهم في نقطة حساسة وعرف كيفاه يجبد اهتمامهم
شكرا حبيبتي على الموضوع معرف اذا تعاملت معاه بشكل جيد هههه المهم المشاركة
تحياتي​

 

[Hakan]

سلام عليكم
طموحة هنا يا الروعة ههه
اولا حنا الشعب السويدي مش الالماني خخخخ نحكي على روحي عيني زرقة وشعري صفر دونك حطونا من السويد
ثانيا كيما قلت شعب مريض نفسياا حكيتلكم وحد النهار على الجزائري كي يخرج برا واش يدير حاشاك الا من رحم ربك قاعدين للتهريج والتمريج ويحسبو
في روحهم شعب الله المختار بشوي بشوي نرجعو كي بني اسرائيل ..وهذا كامل من القنوات نتاعنا والفيديوهات اللي يبث فيهم
هاذ النهارات راني نشوف في جماعة رووسيا وحد التهبدايل لا اراك الله لوكان يسمعو بينا لالمان بلي راهم حاطينا منهم لوكان يبعثونا هتلر جديد
وخل وخلي من الفيديوهات اللي تقدر تستميل بيهم الفئة الغبية ويعجبك كي يبداو يحكيو على فلسطين
لوكان جيتو جيرانا يافلسطين لوكان اسرائيل ما قعدتش نهار واحد الله اكبر شكون هذو صحابة ولا تابعين ولا اصحاب المهدي المنتظر
شعب احمق مع احتراماتي للشعب اللي واعي ربي يهنيك شكراا ​

 

[faith8]

ااااخ يا اختي طموحة وكأنك رويت يوما ما من ايامي السابقة نفس المعاناة حرفيا عندما استريح من الدراسة قليلا ادخل اليوتوب ديزاد اتصفح المقترحات والفيديوهات الرائجة فاجدها قمامة من عناويها فقط دون الولوج حاشا القليل وانتا مية مية معك فيما طرحت ،، اصبحت المحتويات فارغة تماما من الفائدة
ووالمعنى وحتى التسلية لا تسلي كيما قلتي قنطة البوليكوب ارحم
لكن اختك عندها الحل نياهاهاها وهو ببساطة تحلي حساب يوتيوب و تحددي المقترحات وتابوني فالقنوات اللي ينفعوا وخليه توجور كونيكتي وتولي كي تدخلي يخرجلك غير المحتوى اللي يهمك ما توجعي راسك ما والو
تقبلي مروري البسيط
تحياتي❤✴

 

[طموحة]

ههههههههههه الموضوع فيه عنوان و فيه محتوى رااايع
هههههههههههههه
و الله و انا نعتمد الموضوع ضحكيني راكي مقلقة و زدتي قلقتيني معاك
المهم راه عندي خدمة في الكواليس و اذا ربي قدرني رايح نرجع للموضوع
و ماذابيك تفكريني باشارة

السلام عليكم و رحمة الله و بركاته
شكرا على الاعتماد
ههه صح كنت مقلقة
أعانك الله وهاهي اشارة @الامين محمد

 

[طموحة]

السلام عليكم ورحمة الله وبركاته
وعليكم السلام و رحمة الله و بركاته
شوفو شكون هنا مرحبا حبيبتي طموحة ومرحبا بمواضيعك الجميلة
ترحب بيك الجنة حبيبتي، الله يجملك أيامك
بصراحة مواقع التواصل الاجتماعي هادي ولا حاكمها من هب ودب ويشارك فيها من هب ودب
فيدويهات بدون قيمة طلع شانهم وفيديوهات الفائدة تلقاها شبه مهجورة
شعب ولا يحب فيديوهات الفضائح وإلا التوقاب، شوفي أي يوتيبور يحب يكسب جمهور يديرلهم فيديو
يحكي فيه قصة حياتو تلقاي الشعب كامل يتبع، أما لي ذكرتيهم نتي هو مثلا يجي شخص أجنبي يدير فيديو
على الجزائر كتر خيرو وهذا أمر مفرح أنو بلادنا تلقى إعجاب من الغير ولكن علاه مانطلعولهاش حنا قيمتها
حتى يجي واحد براني يقول الجزائر جميلة ولا شعبها مسالم؟ علاه دايما نمدو صورة سيئة علينا حتى يجي شخص خلاف
ينحيهالنا، يعني أمر مؤسف حقا والشي لي مايعرفوهش شعبنا أنو درك اليوتيوب والفيديوهات ولات تجارة وسياسة
علابالهم الشعب الجزائري كتر من شعب الصين كي يهجم على حاجة تطلع نسبة المشاهدة تاعها ولاو يتقربو
من الجزائريين عن طريق فيديوهات يشكروهم فيها أو عن طريق فيديوهات يشكرو فيها البلد وهذا لكسب
اللايكات والمشاهدات والمتابعين،
أيواه هذا بالضبط واش حبيت نوصل أنو الانسان ميحطش روحو محل استغباء و ينقاد لهاد السياسة ،
الأصل أنو الانسان يتابع أي شيء مفيد و لو مكانش عندو علاقة ببلدو و يبعد الأمور التافهة حتى ولو كان فيها مدح {كاذب} لبلدو
لأنو هاذ الشي شفتو غي عندنا حنا الجزائريين تقديس الوطنية بشكل خاطئ بنسبة ليه حب الوطن أنو يرفع هاد الفيديوهات و يتخلع بيهم
و الدفاع عن الوطن هو بسبان الناس على اليوتوب اذا ما انتقدت
سبحانك ربي ، شحال بعييييدة هاذ التصرفات عن الوطنية ، ولو برك يديرو زوم لتصرفاتهم يعرفة شحال راهم يحبو بلادهم !
للأسف هذه هي السياسة المتبعة الآن لدرجة الأجانب ولاو باه يكسبو
مشاهدين ومتابعين من العرب يديرو فيديوهات زعما تأثير القرآن فيهم عند سماعه يعني ولات سياسة
لي يخدم فيديوهات بنيتو بهدف المنفعة ربي يوفقو أما لي يديرها كسياسة وتجارة بصحتو الناس لي تبع لأنو
لأنو قاسهم في نقطة حساسة وعرف كيفاه يجبد اهتمامهم
صراحة الناس بس دير الفيديوهات بهاد الغرض أتفه من الناس لي تبعها
لأنو أنا نعرف الانسان يكون عندو أفكار حاب يوصلها فيختار طريقة معينة توصل أفكارو
ماشي العكس يعني لتم وين يلقا روحو يدرس في رغبات العب برك باش يرضيهم وفي عوض ما يطلعهم لمستواه يحبط لمستواهم
شكرا حبيبتي على الموضوع معرف اذا تعاملت معاه بشكل جيد هههه المهم المشاركة
هههه ضحكتيني ، ماشي غير تعاملتي معاه نقولككيما يقولك الأخ صلاح ديري ردك هو الموضوع وموضوعي رد هههه
تحياتي
الله يهنيك حبيبتي ​

 

[طموحة]

سلام عليكم
وعليكم السلام ورحمة الله
طموحة هنا يا الروعة ههه
هه معجزة ، الله غالب أحيانا غير هاد القسم لي يبرد القلب
اولا حنا الشعب السويدي مش الالماني خخخخ نحكي على روحي عيني زرقة وشعري صفر دونك حطونا من السويد
ثانيا كيما قلت شعب مريض نفسياا حكيتلكم وحد النهار على الجزائري كي يخرج برا واش يدير حاشاك الا من رحم ربك قاعدين للتهريج والتمريج ويحسبو
في روحهم شعب الله المختار بشوي بشوي نرجعو كي بني اسرائيل ..وهذا كامل من القنوات نتاعنا والفيديوهات اللي يبث فيهم
هاذ النهارات راني نشوف في جماعة رووسيا وحد التهبدايل لا اراك الله لوكان يسمعو بينا لالمان بلي راهم حاطينا منهم لوكان يبعثونا هتلر جديد
وخل وخلي من الفيديوهات اللي تقدر تستميل بيهم الفئة الغبية ويعجبك كي يبداو يحكيو على فلسطين
لوكان جيتو جيرانا يافلسطين لوكان اسرائيل ما قعدتش نهار واحد الله اكبر شكون هذو صحابة ولا تابعين ولا اصحاب المهدي المنتظر
و الله هذا الشي لي يقلق حنا رانا ف تخلف في كلش لا من ناحية العلم و لا الأخلاق و المعاملات ولا غيرو
من بعد تلقاهم نهار ناس تحب تاجر فيهم و تلعبلهم على وتر الوطنية باش برك تزيدنسبة الماشهدات
يبداو يترتقو وحنا وحنا ، يا الهي! حرر روحك من الجهل من بعد ساهل ، و الحاجة لي حبيت نفهمها زعما هوما بينهم و بين روحهم راهم مقتنعين بلي صح هوما هكذاك ؟
و الشي لي يقلقني كثر أنو شعبنا و لا محصور بين زوج اهتمامات اما تلقاه في هاد الحالة لي هدرنا عليها
و لا قاعد يضحك على خريابو بوجه صحيح مع لي بودكاستوغ
يعني لحد الآن رانا اما في الانتقاد و السلبيات مية بلمية
و لا في التفاخر بالأوهام مية بالمية
مزال مخدمناش هاديك الحلقة مشكلة حل ، مشكلة حل .....
وكون يكون ناس هكداك يعني يعلاجلولهم مشاكل المجتمع و يمدولهم حلولهم
راح يعتبرو ممليين و أكيد مراحش يتابعو كيما شخص يبهدلهم و هوما يضحكو و لا يكذب عليهم
شعب احمق مع احتراماتي للشعب اللي واعي ربي يهنيك شكراا
الله يصلح الأحوال هدا واش نقولو ، شكرا لاضافتك آمييين و يهنيك اخي ​

 

[طموحة]

ااااخ يا اختي طموحة وكأنك رويت يوما ما من ايامي السابقة نفس المعاناة حرفيا عندما استريح من الدراسة قليلا ادخل اليوتوب ديزاد اتصفح المقترحات والفيديوهات الرائجة فاجدها قمامة من عناويها فقط دون الولوج حاشا القليل وانتا مية مية معك فيما طرحت ،، اصبحت المحتويات فارغة تماما من الفائدة

أهلا حبيبتي ايمان ، و الله للأسف يغيض الحال كي تشوفي محتوايات تافهة وزيد تدل على اهتمامات الشعب التافهة
و أنا من كل التفاهات غاضتني انو علاش اشعب الجزائري مخلي روحو محل استغباء حتى ولات كامل القنوات تستهدفو
بوطنيتو و باش يرفعو بيهم المشاهدات ، يتقربو بيهم بالمدح و ماش حتى مدح تملق ان صح تعبير
وهما تلقايهم من نيتهم فرحانين بيه و و.... هاذي لي غاضتنب بزاف ​

ووالمعنى وحتى التسلية لا تسلي كيما قلتي قنطة البوليكوب ارحم
هههه و شمن تسلية و ليت نشوف فبوتانيك مسلية عليهم ههه
لكن اختك عندها الحل نياهاهاها وهو ببساطة تحلي حساب يوتيوب و تحددي المقترحات وتابوني فالقنوات اللي ينفعوا وخليه توجور كونيكتي وتولي كي تدخلي يخرجلك غير المحتوى اللي يهمك ما توجعي راسك ما والو
و الله راكي كيما أنا هداك واش درت من فترة نابوني في لي فيهم فايدة و يوصلني الاشعار ، بصح لحاجة لي تغيض ههه من بين هاديك القنوات مكانش واحدة جزائرية ما عدا ت الطبخ ، وهنا نقول يعني هل معندناش قنوات بمحتويات مفيدة؟ و لا حنا لي منعرفوهمش بسبب نقص المتابعة لي عندهم ؟
تقبلي مروري البسيط
حبيبتي شكرا على مرورك الراقي سلمتِ
تحياتي❤✴
الله يهنيك حبيبتي

 

[أم أُنٌَيسة]

السلام عليكم ورحمة الله وبركاته
شكون هنا، ان شاء الله راك بالف خير يارب وعسى سبب الغياب خير ربي يوفقك ان شاء الله
ماشاء الله ولاقوة الا بالله تبارك الدي بيده الملك
بارك الله فيك وجزاك كل خير وجعل كل حرف في ميزان حسناتك
هدا واش نقدر نقول، راني ميتة بالعيا بسبب السوثنونص البارح تخرجت وتهنيت الحمد لله
لما يروح العيا ان شاء الله لي عودة باذن الله
تحياتي احترامي وتقديري ???

 

[faith8]

السلام عليكم ورحمة الله وبركاته
شكون هنا، ان شاء الله راك بالف خير يارب وعسى سبب الغياب خير ربي يوفقك ان شاء الله
ماشاء الله ولاقوة الا بالله تبارك الدي بيده الملك
بارك الله فيك وجزاك كل خير وجعل كل حرف في ميزان حسناتك
هدا واش نقدر نقول، راني ميتة بالعيا بسبب السوثنونص البارح تخرجت وتهنيت الحمد لله
لما يروح العيا ان شاء الله لي عودة باذن الله
تحياتي احترامي وتقديري ???

الللللف مبرووووك التخرج حبيبتي لعقوبة لمزيد من النجاحات ❤❤❤❤

 

[أم أُنٌَيسة]

الللللف مبرووووك التخرج حبيبتي لعقوبة لمزيد من النجاحات ❤❤❤❤

الله يبارك بعمرك حبييييبة لعقوبة لييييك ان شاء الله ????????
قتلوني بالاسئلة اشغاااااغ، تخرجت ماستر ان شاء الله تتخرجي دكتوراة حبيبة
ربي يحفظك اعملي، تهنيييييت بعد تعب وعناء والحمد لله

 

[faith8]

الله يبارك بعمرك حبييييبة لعقوبة لييييك ان شاء الله ????????
قتلوني بالاسئلة اشغاااااغ، تخرجت ماستر ان شاء الله تتخرجي دكتوراة حبيبة
ربي يحفظك اعملي، تهنيييييت بعد تعب وعناء والحمد لله

آمين اجمعين
شفتي كامل هاك مزيرين الحمد لله جازت بخير وعلى خير تهنيتي
يسلمك تعيشي ❤

 

[طموحة]

السلام عليكم ورحمة الله وبركاته
شكون هنا، ان شاء الله راك بالف خير يارب وعسى سبب الغياب خير ربي يوفقك ان شاء الله
ماشاء الله ولاقوة الا بالله تبارك الدي بيده الملك
بارك الله فيك وجزاك كل خير وجعل كل حرف في ميزان حسناتك
هدا واش نقدر نقول، راني ميتة بالعيا بسبب السوثنونص البارح تخرجت وتهنيت الحمد لله
لما يروح العيا ان شاء الله لي عودة باذن الله
تحياتي احترامي وتقديري ???

أهلا شيمو توحشناك ,تأمني كي شفت التنبيه قلت يادرا كملت و لا مزال
حتى لقيت البشارة في الرد ألف ألف مبروك لعقيبة للمزيد من النجاحات يا رب
نورتينا

 

[sanaya]

حبيبتي حنا عندنا متلازمة تقديس العباد لا المواقف
فالحياة اليومية برك تلقاي فلانة بنت فلان قالت ..... وهي بنت الدلال و لا قارية و لا معلاباليش تشوفي الغاشي كامل يقول فلانة قالت و يمدحوها نفس الكلام لوكان يقولو شخص في مرتبة أقل منها ميسمعوهوش كامل باسكو عينهم على الشخص
كدخلت فعالم الرواية روماركيت حاجة
فالفايس
ومنيش نهدر على الغاشي و من هب و دب
راني نهدر على ناس عندهم مستوى فالأدب
كجي الكاتب الفلاني ولا ذلك الشاب الوسيم و لا هاذيك الطفلة اللي حاطة تصويرتها يكتبلك سطر في محتوى فارغ
وتلقاي 99999999 جام و كمنتير
و كجي واحد يكتبلك حاجة قمة في الوعي و الثقافة ولا وحدة متكثرش الهدرة مع الرجال بزاف مثلا و لا مراهيش تبارتاجي فتصاورها مثلا تلقاي عدد الاعجابات ضئيل
لأنو الغالب ديما عينهم على المظهر أكثر من الجوهر
والله غالب دوكا فالواقع ولا فمواقع التواصل المظاهر هي اللي تخدع
و الشعبية و الشهرة و عدد الاعجابات مهيش مقياس على جودة المضمون لأنو كاين اللي يحط اعجاب للفكرة وكاين اللي قاصدك نتي وكاين اللي مخلوع بالشعب الالماني علاهاديك داز لايك
و الخلعة هاذي راهي بارتو

 

[أم أُنٌَيسة]

أهلا شيمو توحشناك ,تأمني كي شفت التنبيه قلت يادرا كملت و لا مزال
حتى لقيت البشارة في الرد ألف ألف مبروك لعقيبة للمزيد من النجاحات يا رب
نورتينا

هلا بيك حبيبة تتوحشك الجنة ان شاء الله حتى انا والله ومتت فرحة لما لقيت اسمك هنا
واسمحيلي لاني طولت مازالني عيانة ههههههههههههه
الله يبارك في عمرك ان شاء الله يااااااااااااااااااااارب
اما بالنسبة لموضوعك والله العظيم شفت اشكال وانواع من الخرطي في اليوتوب
راني مدايرة بالكونط ديال الجيميل كونط في اليوتوب وحاطة فيه واش نبغي والحمد لله
لكن الحاجة اللي تحبسلي مخي انه لما نشوف الردود من تحت نلقى الجزائريين يسبو في بعضاهم والمشكل انه على اسباب اتفه من التفاهة
نقولو ربي يهدينا ويثبتنا ان شاء الله يارب
بارك الله فيك وجزاك كل خير للموضوع المميز غاليتي وجعل كل حرف في ميزان حسناتك
دمت مميزة ومتميزة ان شاء الله ياااارب
ارجو تقبل مروري
تحياتي احترامي وتقديري
في امان الله وحفظه​

 

[طموحة]

هلا بيك حبيبة تتوحشك الجنة ان شاء الله حتى انا والله ومتت فرحة لما لقيت اسمك هنا
واسمحيلي لاني طولت مازالني عيانة ههههههههههههه
الله يبارك في عمرك ان شاء الله يااااااااااااااااااااارب
اما بالنسبة لموضوعك والله العظيم شفت اشكال وانواع من الخرطي في اليوتوب
راني مدايرة بالكونط ديال الجيميل كونط في اليوتوب وحاطة فيه واش نبغي والحمد لله
لكن الحاجة اللي تحبسلي مخي انه لما نشوف الردود من تحت نلقى الجزائريين يسبو في بعضاهم والمشكل انه على اسباب اتفه من التفاهة
نقولو ربي يهدينا ويثبتنا ان شاء الله يارب
بارك الله فيك وجزاك كل خير للموضوع المميز غاليتي وجعل كل حرف في ميزان حسناتك
دمت مميزة ومتميزة ان شاء الله ياااارب
ارجو تقبل مروري
تحياتي احترامي وتقديري
في امان الله وحفظه​

ههه مزلتي عيانة عندك الحق ياو الجامعة الجزائرية حتى و تدي اجازة أبديةتبقاي عيانة اذا راح العيا الجسدي يبقا النفسي هههه
حتى أنا مشتركة في القنوات المفيدة والباقي يخرجو الا اذا طلعو بزاف و هنا الاشكال كل حاجة يطلعوها الا وتكون تافهة
شكرا على مرورك شيمو ربي يفرحك و شكرا على الدعاء اللهم آميين و اياك
​

 

[صانعة الإبتسامة]

سلام
أختصر قولي وأقول هادي هيا دزاير ماعندنا مانديرو البراني يطلعلو الشان وليد بلاد يجيبوه على راسو حتى ولو يولي ناجح يفشلوه ويقفو ضدو كي شغل عدوهم وبعدها يقلك علاش شباب يحبو يحرقو !!!!
بوركتي موضوع مميز تحياتي لك