gناوية من مطبخي

[السلطانة]

اليوم جبتلكم طريقة طهي طبق الgناوية
لي الاخ

@dahman kz




تساءل واش هي هاذ الاكلة ؟ لي كانت الاخت

@لؤلؤة قسنطينة حكات عليها في مسابقة طبخ







نجيو لشكلها هي نفسها الباميا عند ناس المشرق
وحنا تنبت عندنا بكثرة
في ولاية عنابة وضواحيها وطريق عنابة معمرة بيها يعني هاذ الولاية هي موطنها في الشرق


هذا شكلها


نقوم بنزع الرأسين ومن ثم غسلها وتقطيرها جيدا من الماء



نحط شوي زيت في المقلى
ونحمر غير شوي حتان يروح منها ذاك لي يشبه للشوك الخفيف عليها


ثم ننشفها جيدا



من جهة نكون حضرت المرق :

لحم وبصل وثوم وملح وفلفل اسود

نقليهم مليح في قدرة
ونزيد نص حبة طماطم او حبة كاملة
ونخليهم يتقلاو مليح
مباعد نضيف الماء
ونخليها تخلي حتان يطيب اللحم شوي
نضيف القناوية تاعي لي وجدتها وننقصلها نخليها تطيب بالشوي
لما نشوفها نشفت وعادت لزجة يعني اي طابت










هذه الاكلة من افضل الاكلات عندي
أتمنى ان تكون الوصفة نالت اعجابكم

​

 

[لؤلؤة قسنطينة]

السلام عليكم ورحمة الله وبركاته
وأخيرا كاين لي يعرف قيمة القناوية
نموت عليها انا تاني وحنا البارح برك وين درناها
تهبل حقا، ونطيبوها كيفكم بعد حنا
واشوا نضيفولها الطماطم المصبرة
وتجي تحفة وهي كذلك أكلتي المفضلة
يعطيك الصحة أختي على مشاركتنا الوصفة اللذيذة
تاكلوها بالصحة ان شاء الله
تحياتي​

 

[الامين محمد]

هاذ المواضيع تعمل معي انفصاام في الشخصية هههههههههه

 

[السلطانة]

السلام عليكم ورحمة الله وبركاته
وأخيرا كاين لي يعرف قيمة القناوية
نموت عليها انا تاني وحنا البارح برك وين درناها
تهبل حقا، ونطيبوها كيفكم بعد حنا
واشوا نضيفولها الطماطم المصبرة
وتجي تحفة وهي كذلك أكلتي المفضلة
يعطيك الصحة أختي على مشاركتنا الوصفة اللذيذة
تاكلوها بالصحة ان شاء الله
تحياتي​

هههه علابالك غير انا وماما لي نشتوها في الدار
خاوتي وبابا والو
وانا فرحت طبعا هههه كي نطيبها ناكلها وحدي مع ماما ههه
واول حاجة نطيبها كي نجي القناوية ومباعد لملوخية ههه
وكي نعود مروحة لداري نديها معايا
درك نجربها بالطماطم المصبرة
منورة حبيبتي

 

[السلطانة]

هاذ المواضيع تعمل معي انفصاام في الشخصية هههههههههه

هههه خويا محمد ديديكاس ليك من قلب المطبخ

 

[لؤلؤة قسنطينة]

هههه علابالك غير انا وماما لي نشتوها في الدار
خاوتي وبابا والو
وانا فرحت طبعا هههه كي نطيبها ناكلها وحدي مع ماما ههه
واول حاجة نطيبها كي نجي القناوية ومباعد لملوخية ههه
وكي نعود مروحة لداري نديها معايا
درك نجربها بالطماطم المصبرة
منورة حبيبتي

كيما حنا والله ههههه
حنا تاني بابا مايحبهاش نحبوها غير انا وختي وماما
كي يعود بابا خدام نبروفيتيو نديروها للغدا نتمتعو بيها وحدنا ههه
طعمها لا يقاوم والله
النور نورك غاليتي
​

 

[الامين محمد]

هههه خويا محمد ديديكاس ليك من قلب المطبخ

نونو ديديكاس و أنا شفت و ما أكلت ههههههههههه

 

[dahman kz]

وعليكم السلام ورحمة الله وبركاته
وشكرا اختي السلطانة على التوضيح و كنت قد اخطأت في قراءة اسم الاكلة لهذا لم افهم مقصد الاخت لؤلؤة
و لقناوية طبق تقليدي مميز عندنا كذلك ولها شعبية كبيرة عندنا وكانت هذه الاكلة من اكثر الاكلات اللتي تفضلها وتطهوها لنا والدتي الله يرحمها وهي من الاطباق اللتي افضلها كذلك.

وماشاء الله على طريقتك في التحضير والاعداد والطبق روعة ويعطيك الصحة وربي يباركلك.

 

[Hakan]

اكلة تبان لذيذة واش هو انا ما نحبش الخضر اللي من فصيلة القرع خخخخ
بصح سؤال اسكو كاين قناوية في الجلفة ولا؟

 

[الامين محمد]

نسيت أختي سلطانة نخبرك اني عمري ما سمعت بيها و عمري ما كليت منها
و ماهيش معروفة تماما في جيهتنا

 

[Ma$Ter]

جامي كليتها وجامي شفتها تتباع هنا خخخ
كاين غير جريوات هههه
بصحتكم تبان هايلة

 

[سكون الفجر]

باااااااااامية يا سلاااام شو شهية
تسلم ايديكِ على الوصفة الشهية نحنا هيك بنعملها بس طبعاً عليها مرق شوي
وبهاي الطريقة أكيد رح تكون يمي يمي
بارك الله فيكِ حبوبتي ​

 

[أشــواق 19]

اول مرة نسمع بيها هذي الأكلة
حنا منديروهاش مي باين عليها بنينة
يعطيك الصحة ختي أم ياسمين

 

[وقفة صدق]

و أنا نقول وين راحت أم ياسمين صافي انت هي السلطانة ربي يخليك ديما سلطانة في دارك. أما بخصوص الأكلة مانيش سامعة بيها كامل في منطقتنا المهم بصحتكم، هكذا مرة على مرة ديرولنا الخضار اللي تنبت في بلايص باش نعرفو خيرات بلادنا.

 

[ضآحكة مستبشرة]

السلام عليكم حبيبتي
مشاء الله تهببل يعطيك الصحة

 

[أم أُنٌَيسة]

السلام عليكم ورحمة الله وبركاته
ماشاء الله خرجت هايلة
تسلم يمناك غاليتي وبارك الله فيك وجزاك كل خير
عندنا الخضر هداك يديروه كي شغل صلاطة حارة مع بعض الخضراوات لخرين
اول مرة نعرف اسم الخضرة هذي ههههههههههههه ومنكم نتعلم
تحياتي القلبية
في امان الله وحفظه

 

[Soumia hadj mohammed]

وعليك السلام ورحمة الله وبركاته
اهلا بالسلطانة
قناوية هدي حنا نقولولها الملوخية نحبببهااااا
وريقة طهيها تختلف في انو الملوخية بعد تنظيفها : نزع الراسين وكمية قليلة جدا به ما يبداش يسيح السائل اللزج تعها + نكرطوها فالجوانب بالموس لان فيها كي الاشواك
نديروها تفور ومنخلوهاش بزاف
فالكوكوت نعملو اللحم والبصل وطاطم كي يقرب يطيب اللحم نزيدة الملوخية ونخلوها مدة صغيرة فوق النار


ربي يحفظك سلطانة على الموضوع
بصحتكم