تبهدايلك أيها اللماوي

[السلطانة]

مساء/صباح الخير عليكم
واش راكم ان شاءلله راكم بخير تحياتي الخالصة لسكان واش راك تهدر بشكل خاص ولشعب اللمة الحاضر والغايب من لحدادة للحدادة

البارح وأنا مروحة مع العائلة كنا نسمعو في الاذاعة
ايا فاتت واحد الحصة
السؤال المطروح :كان واش هي التبهدايل لي صراتلك مع نسابك ؟

وحنا كلنا آذان صاغية

المذيع:ألو ألو....تفضل خويا....
المتصل:ألو سلام عليكم جماعة الخير حبيت نحكيلكم على تبهديلة صراتلي مع نسابي
نهار عرس أخت مرتي ،خوكم بكل ثقة :أنا عليا طوموبيل العروسة نكريلكم وحدة tooooop
محمد بكل فخر :نضرب في صدري قدام مرتي سموني أنا هو لي نرفعلك راسك قدام مواليك ايييه انا

وانا طلبت من صاحبي عندو طوموبيل حطة قالي نمدهالك نهار العرس قالي منقدرش راني مسافر بيها اليوم
وتحطيت انا في موقف محرج وهوما يكلمو جيب الطوموبيل لحق الكورطاج
وانا كون تشقت لرض تبلعني واش داك يامحمد واش داك

مرتي:محمد واش صرا ازرب اختي تسنى والناس لحقو
رحت نجري كريت طوموبيل خلاف وزينوها بالورد
وقتلهم الطوموبيل اللولة دارت اكسيدون

المذيع:ونستقبل اتصال آخر...ألو ألو من معي.......

المتصلة: ألو ....... ألووووو...معاك فلانة
كلمت نحكي على تبهديلة صراتلي مع نسيبي
اييييه حنا عايلة متفتحة ودار نسابي عايلة مغلوقة شوي
المذيع:

اها واش صرا احكيلنا تبهديلت ك


المتصلة: قتلك كنت ضيفة عند أختي وحطيت لغنا ونضت نشطح أنا ونسيبي
دخلت عجوزة أختي لقاتنا مهولينها بالشطييييح

ناضت تقول :لكشايف هالكشايف هالكشايف ...

قاللها المذيع: وانتي متزوجة ؟
قاتلو لالا ماشي مزوجة
قاللها : اووو هاذي كبيرة انتي سيليباتار وتشطحي مع وليدها سي حاجة كبيرة
قالتلو : نوووووغمال هوما برك عايلة مقفولة حنا عندنا نوغماااااااااال واش فيها كي نشطح مع راجل اختي

نستقبل الآن اتصال آخر

ألو ألوووووووو معاكم العيد
اتفضل خويا العيد
معاكم خوكم حاب يحكي على التبهدايل لي صراولو مع نسابو
انا عريس جديد عندي 9 شهور زواج
نبدالكم لحكاية من اللول
انا نسابي ناس كاينلهم
دراهم وقراية وواصلين بزاف
وانا انسان مقريتش وزوالي وعلى قدي
عرضونا في رمضان انا ولمرا
غير لونجلي ولفرونسي تخبط
ودوك الاطباق ياخياني
مافهمت فيها والو انا
وفي اللخر قالو للمرا : لازم تديريلو لي كور

واش داك يالعيد واش داك
ديك التبهديلة حسيت بوحد الاحراج كبير

المذيع : المهم وانت المرا متفاهمين قالو / الحمد لله انا وهي متفاهمين وهي قابلتني بوضعيتي وانا قابلها لكن مواليها تبهدل منهم وديسيديت منزيد نروح عندهم
ألو ألو...انقطع الاتصال

واش رايكم في هاذ التبهدايل ؟
وكاشما شفتو تبهدايل ولاعشتوهم احكولنا عليهم ؟


-هذا الموضوع برعاية

​

 

[همس الوُرود]

السلام عليكم ورحمة الله وبركاته
أهلا أختي والله ضحكوني ههههه مساكن يعانو من الإحراج
أنا عندي قريبتي تحرج من نهوضها الروطار عند عجوزتها ههههه
أما أمور أخرى والله ماجربت مامن أقاربي الي جربو
وأنا هنا في المتابعة نقرعج على تبهديل ناس اللمة هههه
بوركت​

 

[لؤلؤة قسنطينة]

السلام عليكم ورحمة الله وبركاته
ههههه والله موضوع طووب وضحكني ههه
يا سورتو لي تشطح مع نسيبها واش هاد الفضاضيح
وزعما حنا لي ماعندناش نسابنا مانقدروش نحكيو
لدرجة حياتنا كامل تبهدايل هههه
لي عودة ان شاء الله هاداك هو نتفكر أهم الذكريات المحرجة
تحياتي​

 

[faith8]

السلام عليكم ورحمة الله وبركاته هههههههههه دخلت للمة دقيقة ضحكت حتى شبعت القنطة راحت
والله حكايات هايلين سيرتو تع السيارة واعرة هههههه
يعطيك الصحة عالبسمة ❤

 

[Hakan]

ههههه النساب والنسيبة والنسيب الضحك اللي يصرا يعلم بيه ق ربي ههه وضحكني لول هذي وحدها انا حشمت في بلاصتو ههههه.. راني بالتلفون نتفكر تبهدايل ونرجع

 

[{مُدَلَّلَتُهُ}]

السلام عليكم

أهلين بالسلطانة و بمواضيعها .. كنت نشوف في الموضوع مور الستار ساعا عجبني ودرت تسجيل دخول ثم ثم

الحكايات يهبلو بالضحك خخ

مازال ما صراوليش مواقف محرجة خاطر مازال ما رحت لدار الناس .. شاهي نهار الحنة كي جاو دار الزوج تاعي رايحين جات حماتي تسلم عليا باه تبقيني على خير .. خيتكم من العيا باه نقوللها طريق السلامة ولا قلتلها اهلا طاطا كيراكي خخخخخخخ شبعت عليا ضحك قاتلي اواه تع الصح راكي عيانة مزية وجهي كان مبنتر خاطر حسيت السخانة طلعتلي لوجهي​

 

[لؤلؤة قسنطينة]

السلام عليكم

أهلين بالسلطانة و بمواضيعها .. كنت نشوف في الموضوع مور الستار ساعا عجبني ودرت تسجيل دخول ثم ثم

الحكايات يهبلو بالضحك خخ

مازال ما صراوليش مواقف محرجة خاطر مازال ما رحت لدار الناس .. شاهي نهار الحنة كي جاو دار الزوج تاعي رايحين جات حماتي تسلم عليا باه تبقيني على خير .. خيتكم من العيا باه نقوللها طريق السلامة ولا قلتلها اهلا طاطا كيراكي خخخخخخخ شبعت عليا ضحك قاتلي اواه تع الصح راكي عيانة مزية وجهي كان مبنتر خاطر حسيت السخانة طلعتلي لوجهي​

هههههه الله يعطيك الربح والله ضحكتيني​

 

[HAMZA USMA]

هههههههه
​

 

[لؤلؤة قسنطينة]

السلام عليكم ورحمة الله وبركاته
عُدنا من جديد هههه، صراحة قاعدة نفكّر في ذكريات التبهدايل لي عندي
وبما أنو الأخت ياسمين حطت موضوع استلامها شهادة الليسانس تفكرت السوتنونس تاعي العام لي فات
لأنها كانت اليوم العالمي للبهادل هههه بصح آخر تبهديلة كانت بعدما ناقشنا الميموار وكلشي
قالولنا أخرجو قدام الباب حتى نتشاورو وندخلوكم نمدولكم النقطة، وانا هاداك النهار ديت معايا ختي
برك وزميلتي لي معايا جابت ختها تاني برك، اصلا ماما مريضة وتما رمضان وزيد بعد الظهر مناقشة الميموار تاعي
يسما رايحة تبقى من الصباح وهي تما وتتمرمد قلتلها خلي برك تروح معايا ختي، مالا كي خرجونا نستناو
بعدما استفقنا من غيبوبة الأسئلة لي طرحوها علينا الناس تخمم في النقطة قداه واذا ننجحو ولالا
بصح حنا نخممو شكون يزغرتلنا هههه لقينا جماعة بنات يقراو معانا قدام الباب منهم وحدة قاتلنا
ماتخموش التزغريتة تاعي تتسمع من الهند هههه، المهم شوي هكا قالولنا أدخلو مالا دخلنا ودخلو معانا
ليكيب كامل لي كانو برا ههه وانا وقفت ومستعدة لسماع النتيجة نلقى في الأستاذة تاعنا قاتلي
يا طفلة وينهي ختك، دورت يمين ويسار وقلتلها يااه نسيتها خلاص هههههه الاستاذة تضحك
والاستاذتين لي معاها يضحكو أصلا النهار هاداك قتلتهم ضحك خلال وقت المناقشة لدرجة من الخلعة
لي كانت حاكمتني راحتلي الحشمة ههه، المهم خرجت نجري نحوس على ختي لقيتها تكركر في الزغراتة جايبتها
وخبرونا بالنتيجة وفرحنا وزغرتو علينا والحمد لله ^^​

 

["viola"]

هههههههه اكديلي على تاع الشطيح يا يما خخخخخخخخخخ
انا منيش شافية على التبهدايل فلافامي خسارة كون زهيتكم هههههه
صحيتي ​

 

["viola"]

السلام عليكم

أهلين بالسلطانة و بمواضيعها .. كنت نشوف في الموضوع مور الستار ساعا عجبني ودرت تسجيل دخول ثم ثم

الحكايات يهبلو بالضحك خخ

مازال ما صراوليش مواقف محرجة خاطر مازال ما رحت لدار الناس .. شاهي نهار الحنة كي جاو دار الزوج تاعي رايحين جات حماتي تسلم عليا باه تبقيني على خير .. خيتكم من العيا باه نقوللها طريق السلامة ولا قلتلها اهلا طاطا كيراكي خخخخخخخ شبعت عليا ضحك قاتلي اواه تع الصح راكي عيانة مزية وجهي كان مبنتر خاطر حسيت السخانة طلعتلي لوجهي​

هههههههههههههههه و يااااا ههههههه​

 

["viola"]

السلام عليكم ورحمة الله وبركاته
عُدنا من جديد هههه، صراحة قاعدة نفكّر في ذكريات التبهدايل لي عندي
وبما أنو الأخت ياسمين حطت موضوع استلامها شهادة الليسانس تفكرت السوتنونس تاعي العام لي فات
لأنها كانت اليوم العالمي للبهادل هههه بصح آخر تبهديلة كانت بعدما ناقشنا الميموار وكلشي
قالولنا أخرجو قدام الباب حتى نتشاورو وندخلوكم نمدولكم النقطة، وانا هاداك النهار ديت معايا ختي
برك وزميلتي لي معايا جابت ختها تاني برك، اصلا ماما مريضة وتما رمضان وزيد بعد الظهر مناقشة الميموار تاعي
يسما رايحة تبقى من الصباح وهي تما وتتمرمد قلتلها خلي برك تروح معايا ختي، مالا كي خرجونا نستناو
بعدما استفقنا من غيبوبة الأسئلة لي طرحوها علينا الناس تخمم في النقطة قداه واذا ننجحو ولالا
بصح حنا نخممو شكون يزغرتلنا هههه لقينا جماعة بنات يقراو معانا قدام الباب منهم وحدة قاتلنا
ماتخموش التزغريتة تاعي تتسمع من الهند هههه، المهم شوي هكا قالولنا أدخلو مالا دخلنا ودخلو معانا
ليكيب كامل لي كانو برا ههه وانا وقفت ومستعدة لسماع النتيجة نلقى في الأستاذة تاعنا قاتلي
يا طفلة وينهي ختك، دورت يمين ويسار وقلتلها يااه نسيتها خلاص هههههه الاستاذة تضحك
والاستاذتين لي معاها يضحكو أصلا النهار هاداك قتلتهم ضحك خلال وقت المناقشة لدرجة من الخلعة
لي كانت حاكمتني راحتلي الحشمة ههه، المهم خرجت نجري نحوس على ختي لقيتها تكركر في الزغراتة جايبتها
وخبرونا بالنتيجة وفرحنا وزغرتو علينا والحمد لله ^^​

ههههههههههه
ااا صافي نورمال تبهدايل و صاي ! حسبت قعلى لنساب هههه
عندي تسعالاف تبهديلة خارج مجال لنساب اذا نحكي هههه​

 

[لؤلؤة قسنطينة]

ههههههههههه
ااا صافي نورمال تبهدايل و صاي ! حسبت قعلى لنساب هههه
عندي تسعالاف تبهديلة خارج مجال لنساب اذا نحكي هههه​

والله ماعلابالي هههه غاضتني كي ماعنديش نسبان وأنا حابة نشارك
المهم المشاركة إذن هههه​

 

["viola"]

والله ماعلابالي هههه غاضتني كي ماعنديش نسبان وأنا حابة نشارك
المهم المشاركة إذن هههه​

هههه تشوكوستومون راني نشوف ههه​

 

[الامين محمد]

هههههههههههههههههههههه يااا مجرمة
آآآ نونو أنا مانحكيش على نسابي آآو حابيني نبات برة نونو ههههههههههه

حجز مكان و لي عودة بحول الله

 

[السلطانة]

السلام عليكم ورحمة الله وبركاته
أهلا أختي والله ضحكوني ههههه مساكن يعانو من الإحراج
أنا عندي قريبتي تحرج من نهوضها الروطار عند عجوزتها ههههه
أما أمور أخرى والله ماجربت مامن أقاربي الي جربو
وأنا هنا في المتابعة نقرعج على تبهديل ناس اللمة هههه
بوركت​

أهلا اختي
النوضة روطار في بيت اهل الزوج ماشي افار ههه
مرت سلفي كانت تنوض على 01 تاع النهار دارت تاريخ من وراها
شكرا للمرور الطيب

 

[السلطانة]

السلام عليكم ورحمة الله وبركاته
ههههه والله موضوع طووب وضحكني ههه
يا سورتو لي تشطح مع نسيبها واش هاد الفضاضيح
وزعما حنا لي ماعندناش نسابنا مانقدروش نحكيو
لدرجة حياتنا كامل تبهدايل هههه
لي عودة ان شاء الله هاداك هو نتفكر أهم الذكريات المحرجة
تحياتي​

هههه اكيد تقدرو تحكيو على تبهدايل صراتلكم

 

[السلطانة]

السلام عليكم ورحمة الله وبركاته هههههههههه دخلت للمة دقيقة ضحكت حتى شبعت القنطة راحت
والله حكايات هايلين سيرتو تع السيارة واعرة هههههه
يعطيك الصحة عالبسمة ❤

بصحتك اختي هههه منورة

 

[السلطانة]

ههههه النساب والنسيبة والنسيب الضحك اللي يصرا يعلم بيه ق ربي ههه وضحكني لول هذي وحدها انا حشمت في بلاصتو ههههه.. راني بالتلفون نتفكر تبهدايل ونرجع

وجد روحك نهار يولي عندك البونسبة ههههه
تبع الموضوع باه تدير حسابك خخخ

في انتظار عودتك بتبهدايل تحب تحكيهملنا

 

[السلطانة]

السلام عليكم

أهلين بالسلطانة و بمواضيعها .. كنت نشوف في الموضوع مور الستار ساعا عجبني ودرت تسجيل دخول ثم ثم

الحكايات يهبلو بالضحك خخ

مازال ما صراوليش مواقف محرجة خاطر مازال ما رحت لدار الناس .. شاهي نهار الحنة كي جاو دار الزوج تاعي رايحين جات حماتي تسلم عليا باه تبقيني على خير .. خيتكم من العيا باه نقوللها طريق السلامة ولا قلتلها اهلا طاطا كيراكي خخخخخخخ شبعت عليا ضحك قاتلي اواه تع الصح راكي عيانة مزية وجهي كان مبنتر خاطر حسيت السخانة طلعتلي لوجهي​

مساء الانوار نونو توحشتك
ايا مليح لي دخلتي وعجبك الموضوع كنتي غير تقرعجي من ورا الحايك خخخخ
ايا هاذي طاطا وحدها ههههه
نورتي