الكلام الفاحش إلى أين؟

[لؤلؤة قسنطينة]

السلام عليكم ورحمة الله وبركاته
وأسعد الله أوقاتكم وملأها بركة
عندي بزاااف ماخربشتش في قسم واش راك تهدر توحشت نحكي فيه على بعض الظواهر الاجتماعية سواء سلبية أو إيجابية
واليوم الظاهرة لي حابة نحكي عليها راهي واضحة وضوح الشمس من خلال العنوان وهي "الكلام الفاحش إلى أين؟"
علابالي الموضوع هذا هدرنا فيه بزاف ويمكن البعض يشوفو موضوع مكرّر لكن عندي مانقول اليوم في هذا الموضوع
خاطر تغيضك شعب مسلم يسب الله؟ اخطيني من الكلام الآخر غير المحتشم هاداك راهو وحدو خاطر باه تقول
كلام عيب وغير محترم قدام عايلتك قدام جارك قدام حتى انسان ماتعرفوش فهذا عيب كبير لكن أنك ماتحشمش من انسان
كيفك فهاد الشي شغلك وهاديك أخلاقك لكن أنك تسب لي خلقك هنا نحطو ماش علامة استفهام بل قبيلة تاع علامات الاستفهام
يقولك البعض راني كي نزعف نسب لكن تسب لي خلقك؟ يا عبد ربي تزعف من عبد تولي تسب لي خلقك استغفر الله العظيم
مافهمتش هادو لي يديرو هاد الشي كيفاه يقدر يرقد الليلة هاديك نورمال؟ ماخافش ربي سبحانو يريب عليه حيط تاع دارو
يكرازيه تما بعد، ماخافش يعدي عليه كاميو يطيرلو راسو؟ كيفاه توصل تقول كلام غير أخلاقي في حق لي خلقك؟؟؟؟ هادو عباد
ولا واش؟ كي تعود الحجرة تسبح لربي وحنا عباد بعقل ونفهمو نتطاولو ونسبو يسما التراب والحيوان خير علينا
المهم لا علينا الشي الرئيسي لي على جالو طرحت هاد الموضوع أني مؤخرا قريت قالك أنو الانسان لي يتوصل يسب ربي سبة واحدة برك
يعتبر خرج من الدين الاسلامي لازم يشهد ويستغفر استغفار شديد، هادي سبة واحدة يا عباد الله كيفاه مالا لي في الثانية
يطلق من فمو جريدة تاع سب وشتم؟ مايخافوش ربي هادو ماتتزعزعش الدنيا تحت رجليهم؟ من وكتاه ولا السب رجولة؟
والطامة الكبرى يا إخواني قالك الرجل كي يعود متزوج ويسب الله يعتبر خرج من الاسلام كما سبق وقلت وحتى مرتو تعود محرمة عليه
قالك لازم يعاود يعقد عليها باه تولي مرتو في الحلال، يا ربي واش هادا؟ يسما الجزائريين كامل عايشين في الحرام ولا كيفاه؟؟
ماعلاباليش صحة هاد الكلام من الناحية الدينية بصح اصلا تسمع شي كيما هادا قلبك يتزعزع، هادي سبة واحدة
قادرة تخليك عايش في حرام وتعتبر كافر كيفاه مالا هاداك لي يفتح باب سيارتو يسب ويتقابد في الطريق مع الناس يسب
ويصرالو مشكل يسب ويدخل يتقابد مع مرتو يسب، هادا بشر ولا واش من كائن ياربي، ولي يزيد يحيرك تلقى نساء يسمعوها
وتجيهم عادي تقولك نورمال انا وكي نزعف ونسب، الله الله ولا التعبير على الغضب من الدنيا بسب رب الدنيا وزيد يتم الاعتراف بيها بقلب بارد
كيفاه ربي يفرج علينا إذن؟ كيفاه نقولو يا ربي احفظ بلادنا ونهزو يدينا للسماء وحنا نسمعو في الناس تسب في الخالق ليل ونهار
كأنها شربة ماء حتى أطفالنا ولاو يعاودوها بدون وعي منهم وبدون وعي بحجم هذا الذنب، ربي يغفرلنا ويعفو علينا ويهدي هاد الأمة
إليكم الخط، وأمسية طيبة للجميع
تحياتي​

 

[Hakan]

سب الرب كفر بتفاق العلمااء وجرم عظيم
ربي سبحانو نهى المسلمين ان يسبوا آلهة الكفار حتى لا يسبوا هم الرب
وَلَا تَسُبُّوا الَّذِينَ يَدْعُونَ مِن دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ ۗ كَذَٰلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَىٰ رَبِّهِم مَّرْجِعُهُمْ فَيُنَبِّئُهُم بِمَا كَانُوا يَعْمَلُونَ (108)
وهذو اللي يسبو الرب صرااحة انا نعرف بلي القلب تاعو ما فيهش ادنى خوف من مراقبة الله عز وجل
مشكلة الكبيرة في مؤسسة حكومية تقدر تسب الرب بصح ما تقدرش تسب الام تاع السيد
هذي حطتلي اريير في راسيي انعم سب الرب نورماال بصح باش تسب العبد لالا
واش نقوول غير كلشي عند ربي وهذي الظاهرة لوكان جا شرع ربي ماشي ع الكيف فيها حكم كبير تقرايه راسك يزير
ربي يهديهم ويهدينا ​

 

[لؤلؤة قسنطينة]

سب الرب كفر بتفاق العلمااء وجرم عظيم
ربي سبحانو نهى المسلمين ان يسبوا آلهة الكفار حتى لا يسبوا هم الرب
وَلَا تَسُبُّوا الَّذِينَ يَدْعُونَ مِن دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ ۗ كَذَٰلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَىٰ رَبِّهِم مَّرْجِعُهُمْ فَيُنَبِّئُهُم بِمَا كَانُوا يَعْمَلُونَ (108)
وهذو اللي يسبو الرب صرااحة انا نعرف بلي القلب تاعو ما فيهش ادنى خوف من مراقبة الله عز وجل
مشكلة الكبيرة في مؤسسة حكومية تقدر تسب الرب بصح ما تقدرش تسب الام تاع السيد
هذي حطتلي اريير في راسيي انعم سب الرب نورماال بصح باش تسب العبد لالا
واش نقوول غير كلشي عند ربي وهذي الظاهرة لوكان جا شرع ربي ماشي ع الكيف فيها حكم كبير تقرايه راسك يزير
ربي يهديهم ويهدينا ​

أهلا خويا حكيم مساء النور
والله شيء مؤسف حقا، ويوجع القلب ذكرتني بأستاذ لغة عربية وعلوم إسلامية وأكدلي على المادة الاخيرة
يسب الله عادي قدامنا وحنا تلاميذ متوسط ويقولنا عادي المديرة نفسها تعرفني بلي نسب الله وماتقولي والو
بصح ساعات يقولنا نخليكم تقعدو كيما تحبو بصح ماتخبروش المديرة، يسمى الخوف من المديرة نعم ومن الله لالا
شيء مخزي ويشق القلب والله، الحمد لله أنو في البيت تاعنا لا الأم تاعي تقول كلام فاحش لا الوالد تاعي
مهما بلغت درجة غضبهما، والناس برا تسب الله كأنها لعبة واش من جرأة عندك ديرها وتقولها وماتخافش
ديجا اللسان لي رايح تسب بيه هو من خلق الله كيفاه مالا وجهك صحيح وتستخدم لسان من خلق الله في سبه
وكي عاد سب الله يخلي الانسان كافر يسما صح تاع مرتو تولي محرمة عليه؟؟ ولازم يعاود شروط الزواج ؟
لأنو هاد الموضوع تاني شوكاني، شكرا خويا حكيم على مرورك
وكيما قلت ربي يهدينا ويهديهم ويعفو علينا
تحياتي​

 

[Hakan]

وكي عاد سب الله يخلي الانسان كافر يسما صح تاع مرتو تولي محرمة عليه؟؟ ولازم يعاود شروط الزواج ؟


ما نفتيلكش فيها ولكن فيها اقوال مغلضة يعني حاجة صعيبة صح ​

 

["viola"]

اصلا كي تسمعي الكلمة هاذيك لي تلحق لربي و الله نبقا نستنا فالسما اطيح و لا كشما حاجة تصرا و الله العظيم نبقا نخزر منا و منا نخاف
قد متكون مقلق و معصب و تيري فالهدرة -كيما انا خخ- متلحقش لربي ها شوية
ووقيلا وقيلا اذا منيش غالطة وقيلا الشعب الجزائري الوحيد هو اللي يلحق للخالق كي يسب ربي يهدينا و الله يعني عيب
و كي جبدتي الموضوع فكرتيني في حملة مليحة كانت فالعاصمة و مدن اخرى و الله مبادرة طيبة
وين تمشي تلقاي لافتة معلقة مكتوب فيها "ما تسبش ربي" و "لا للكلام الفاحش ..أترضى أن تسمعه أمك"
يعني و الله ممكن واحد ينسى ولا يغلط قادرة ورقة كيما هاذي تشدلو لسانو عن المعصية " وذكر فإن الذكرى تنفع المؤمنين "
ربي يهدينا و صاي
​

 

[لؤلؤة قسنطينة]

وكي عاد سب الله يخلي الانسان كافر يسما صح تاع مرتو تولي محرمة عليه؟؟ ولازم يعاود شروط الزواج ؟


ما نفتيلكش فيها ولكن فيها اقوال مغلضة يعني حاجة صعيبة صح ​

يا لطيف، ربي يستر ويلطف برك
والله كارثة عظمى، شكرا خويا جزاك الله خيرا​

 

[لؤلؤة قسنطينة]

اصلا كي تسمعي الكلمة هاذيك لي تلحق لربي و الله نبقا نستنا فالسما اطيح و لا كشما حاجة تصرا و الله العظيم نبقا نخزر منا و منا نخاف
قد متكون مقلق و معصب و تيري فالهدرة -كيما انا خخ- متلحقش لربي ها شوية
ووقيلا وقيلا اذا منيش غالطة وقيلا الشعب الجزائري الوحيد هو اللي يلحق للخالق كي يسب ربي يهدينا و الله يعني عيب
و كي جبدتي الموضوع فكرتيني في حملة مليحة كانت فالعاصمة و مدن اخرى و الله مبادرة طيبة
وين تمشي تلقاي لافتة معلقة مكتوب فيها "ما تسبش ربي" و "لا للكلام الفاحش ..أترضى أن تسمعه أمك"
يعني و الله ممكن واحد ينسى ولا يغلط قادرة ورقة كيما هاذي تشدلو لسانو عن المعصية " وذكر فإن الذكرى تنفع المؤمنين "
ربي يهدينا و صاي
​

أهلا أمونة مساء النور
والله صح عندك الحق لدرجة هاداك الكلام لي يخرجوه من فمهم لو تحطيه على جبل يريب
تولي تشوفي من ومن تقولي اللطف ياربي واش رايح يصرا فينا وهادا لسان واحد برك
تلقاي ساعات زوج يتقابدو تسمعي وسخ ودنيك، درك نتا وهو تتقابدو وعلاه تسب الله
للدرجة هادي قلوبهم ميتة ! والله كارثة وتاع اذا كاينة في الجزائر برك ولالا نظن كاينة كذلك
في بقية البلدان العربية خاطر هادي مشكلة الزواج بعد قريتها على لسان انسانة ليست جزائرية
والله اعلم، لكن لما نسلطو الضوء على بلدنا فهي كارثة دينية وأخلاقية وياريت تطبق
مثل هذه الحملات في كل أنحاء الوطن باه لاكان العبد هادا مازال مافاقش بلي راهو
يدير في ذنب عظيم نوعيوه ونفطنوه بلي راهو خرج من الدين الاسلامي خلاص
بلا أمور أخرى فضيعة كذلك ربي يلطف برك وربي يهدينا كيما قلتيها
شكرا حبيبتي على مرورك بارك الله فيك
تحياتي​

 

[وحيدة كالقمر]

سبحان الله ربي صبور على عباده
كيما قالت الاخت viola ننتظر السماء تطبق عليه
قلة الادب وصلت لسب الخالق سبحانه
نسال الله الهداية و الغفران

 

[لؤلؤة قسنطينة]

سبحان الله ربي صبور على عباده
كيما قالت الاخت viola ننتظر السماء تطبق عليه
قلة الادب وصلت لسب الخالق سبحانه
نسال الله الهداية و الغفران

اهلا بك أختي الكريمة مساء النور
فعلا إن الله غفور رحيم، ساعات حنا كبشر يسبك واحد ماتنساهالوش حياتك كاملة وساعات ماتسامحش
خلاص مع انو واحد ماعندو مزية في لاخر، بصح ربي سبحانو لي
خلقنا ولي سخرلنا كلشي نتطاولو ونسبوه واش هاد الكارثة! يعني كيفاه مايتزعزعش قلبهم
كيما قلتيها قلة أدب هادي هي الجملة الصحيحة، ربي يهدينا ويعافينا برك
شطرا غاليتي على كرم مرورك بارك الله فيك
تحياتي​

 

[Death Note]

الظاهرة هادي منتشرة بزاف و خاصة في قسنطينة
تلقا اولاد صغار يهدرو كلام العيب و الكبار يسمعو فيهم و يضحكو شغل عادي
نشوف لافتات على المقاهي و المتاجر مكتوب عليها . ممنوع الكلام الفاحش ورغم هادا كاين الكلام الفاحش
هادي حاجة تولي للتربية تاع الانسان و كل واحد و تربيتو و السبب الرئيسي لهاد الظاهرة هي البعد عن الدين
ربي يهدينا اجمعين​

 

[لؤلؤة قسنطينة]

الظاهرة هادي منتشرة بزاف و خاصة في قسنطينة
تلقا اولاد صغار يهدرو كلام العيب و الكبار يسمعو فيهم و يضحكو شغل عادي
نشوف لافتات على المقاهي و المتاجر مكتوب عليها . ممنوع الكلام الفاحش ورغم هادا كاين الكلام الفاحش
هادي حاجة تولي للتربية تاع الانسان و كل واحد و تربيتو و السبب الرئيسي لهاد الظاهرة هي البعد عن الدين
ربي يهدينا اجمعين​

أهلا بك أخي صباح النور
فعلا هي ظاهرة منتشرة وبكثرة وصح منتشرة بزاف في قسنطينة
هذا لأنني عايشة فيها ونشوف، الولايات الأخرى ماعلاباليش إذا منتشرة بكثرة ولالا
لكن إلى أين؟ ديجا من المفروض سبة واحدة تخرج من فم شخص واحد في بلاد كاملة
وتتزعزع بيك الدنيا فمابالك قداه من لسان وفي كل أنحاء الوطن كارثة عظمى
والناس ماش عارفة بلي راهي تذنب ذنب عظيم راهم خرجو من الاسلام يعتبرو كافرين
ويتزوجو بنساء وهوما خارجين من دين ربي يسمى المرأة متزوجة بكافر وزواجهم باطل
هادي كلمة جد خطيرة وماخفي أعظم، لكن كيما قلت كل واحد وتربيتو وأخلاقو
باه تسب الناس وتجيك عيب فمابالك تسب لي خلقك وخلقلك هاداك اللسان
لي تسب بيه، ربي يهدينا ويعافينا
شكرا أخي على كرم مرورك ومرحبا بيك داخل لمتنا ان شاء الله تعجبك الإقامة بيننا
تحياتي​

 

[Death Note]

او حتا أنا ساكن فيها قسنطينة
تصدقيني غير عدت نحشم حتا نخرج معا يما لبرا
وفي ولايات أخرى و الله تخرج معا اختك ولا أمك و لا زوجتك كلمة عيب ماتسمعهاش ولكان سمعتها قليل
و جاية من عباد برك ناقصين تربيا
ااو حنا برك اللي مشات فينا هاد العقلية "البذيئة"
"السبب الرئيسي هو الابتعاد عن الدين"
هيه كون جا الغاشي كامل يصلي و قايم بدينو عالصح كون والله ماي هكا
نطلبو ربي يهدينا
شكرا على ترحيبك​

 

[لؤلؤة قسنطينة]

او حتا أنا ساكن فيها قسنطينة
تصدقيني غير عدت نحشم حتا نخرج معا يما لبرا
وفي ولايات أخرى و الله تخرج معا اختك ولا أمك و لا زوجتك كلمة عيب ماتسمعهاش ولكان سمعتها قليل
و جاية من عباد برك ناقصين تربيا
ااو حنا برك اللي مشات فينا هاد العقلية "البذيئة"
"السبب الرئيسي هو الابتعاد عن الدين"
هيه كون جا الغاشي كامل يصلي و قايم بدينو عالصح كون والله ماي هكا
نطلبو ربي يهدينا
شكرا على ترحيبك​

المشكلة أخي الكريم لم تعد هذه الظاهرة خارج البيوت فقط
لما تلقى طفل صغير داخل بيت يقول كلام فاحش، لما زوج يتشاجر مع زوجتو يقول كلام فاحش
راهي ولات داخل ديارنا للأسف، ولكن الاهم من كل هذا ماش الكلام البذيء تاع الشوارع
هاديك تعكس تربيتك وأخلاقك مع الناس، لكن تسب ربي؟؟؟ هادي نحطو تحتها خط عريييض
ماتحترمش الناس على روحك بصح توصل لله تعالى هنا الكارثة العظمى وراك تعتبر غير مسلم
وفعلا كيما قلت تروح لجيجل برك أبسط حاجة ماتسمعش كلام زايد كيما في قسنطينة
الانسان مايغطيش الشمس بالغربال، مع أنو حتى قسنطينة مابقاوش ولادها ولات مدخولة من كل جهة
لكن الشي لي حبيت نوصلو من هاد الموضوع ماش الكلام الفاحش برك هاداك قريب يولي ظاهرة عادية
لكن تلحق لله تعالى راهو ذنب عظيم، الناس راهي تسب ربي وتصوم وتتزوج ونورمال وهوما بالاك راهم خارجين
من الدين خلاص راهم في الهاوية وفي بالهم سب الله مجرد هواية أو التعبير عن الغضب لكن الحالة
راهي أسوء وأعظم، ربي يهدينا ويعفو علينا برك
شكرا لتوجدك مجددا أخي، يوم طيب ان شاء الله
تحياتي​

 

[مناجاتي لسجادتي]

السلام عليكم
آه الحياة كم هي متعبة ...الكلام البذيئ ورث من جيل لاخر في البداية كان من يقولونه من الرجال في حالة الغضب والغليان مع تسارع عدد نوبات غضبه اصبح لا يبالي لما يخرج من فمه ولا يأبه بأذن من يلتقطه ليصل في ما بعد لابنه الشاب وفي العادة أي ابن يحب ان "يقلد" أباه سواء في الخير او في الشر لهذا ليس من الغريب ان يقتدي يقول ما يقول ويفعل ما يفعل ... ثانيا الكلام البذيئ هي سذاجة وحماقة مبالغة فيها حيث تسقط فيها جميع القيم الانسانية و أصلا لماذا قول هذا الكلام اليس لغتينا العربية أغنى لغة في العالم من حيث الكلمات والمفردات..هل فكر يوما صاحب هذا الكلام في الموت (على الارجح أنه لا يفعل) ..اذا مت فبأي وجه ستلقى ربك ( لا صلاة يصليها ولا زكاة يأديها ولا دين يحفظه ولا لسان يستره ...) على الأقل احفظ لسانك فاكثر ما يدخل الناس النار اللسان والفرج..أسأل الله العظيم رب العرش العظيم أن يهديهم
وشكرا على موضوعك المميز اختي مريومة
في أمان الله​

 

[السلطانة]

وعليكم السلام ورحمة الله وبركاته
والله ملقينا مانقولو السب والشتم والكفر على ربي عاد شي كبير في مجتمعنا
تجي ماشية البرا تسمعيهم وزيد لي يكفر على ربي هاذي ضربة كبيرة الراجل يكفر على مرتو وعلى ولادو
وتلقاي مام نسا يكفرو ويسبو
وولادهم تلقاي هاذاك وين فقص من العضمة يكفر على ربي
ربي يهدي من خلق برك

 

[لؤلؤة قسنطينة]

السلام عليكم
آه الحياة كم هي متعبة ...الكلام البذيئ ورث من جيل لاخر في البداية كان من يقولونه من الرجال في حالة الغضب والغليان مع تسارع عدد نوبات غضبه اصبح لا يبالي لما يخرج من فمه ولا يأبه بأذن من يلتقطه ليصل في ما بعد لابنه الشاب وفي العادة أي ابن يحب ان "يقلد" أباه سواء في الخير او في الشر لهذا ليس من الغريب ان يقتدي يقول ما يقول ويفعل ما يفعل ... ثانيا الكلام البذيئ هي سذاجة وحماقة مبالغة فيها حيث تسقط فيها جميع القيم الانسانية و أصلا لماذا قول هذا الكلام اليس لغتينا العربية أغنى لغة في العالم من حيث الكلمات والمفردات..هل فكر يوما صاحب هذا الكلام في الموت (على الارجح أنه لا يفعل) ..اذا مت فبأي وجه ستلقى ربك ( لا صلاة يصليها ولا زكاة يأديها ولا دين يحفظه ولا لسان يستره ...) على الأقل احفظ لسانك فاكثر ما يدخل الناس النار اللسان والفرج..أسأل الله العظيم رب العرش العظيم أن يهديهم
وشكرا على موضوعك المميز اختي مريومة
في أمان الله​

وعليكم السلام ورحمة الله وبركاته
أهلا بيك حبيبتي مساء النور
والله أمر تشق له القلوب، الناس وقت الغضب تتوضا وتصلي زوج ركعات باه تبعد الشيطان
وحنا نسبو لي خلقنا ونزيدو نساندو الشيطان، الغضب ليس سببا لسب الخالق هذا يسميوه جهل
كلي نتي عايشة في دار واحد دار فيك مزية وكي تتقابدي مع جارك تسبي مول الدار وهو قادر
بدقيقة يرميك برا، هكاك تاني ربي خلقك وعطاك لسان تهدر بيه تروح تستعملو في سب الخالق
وهو المشكل لي خلاك تغضب ماعندوش دخل بسب الخالق، ولكن الشي لي حبيت نوصلو
هو أنو هذا ذنب عظيم لي يسب الله يعتبر كافر يعني كيفاه انسان يقدر يبات ليلتو وهو كافر
كيفاه يقدر يصوم نورمال؟ في بالو راهو دار حاجة عادية ولكنها ذنب عظيم جدا جدا
نقولو ربي يغفرلنا ويعافينا برك، شكرا غاليتي على كرم مرورك ربي يحفظك
تحياتي​

 

[لؤلؤة قسنطينة]

وعليكم السلام ورحمة الله وبركاته
والله ملقينا مانقولو السب والشتم والكفر على ربي عاد شي كبير في مجتمعنا
تجي ماشية البرا تسمعيهم وزيد لي يكفر على ربي هاذي ضربة كبيرة الراجل يكفر على مرتو وعلى ولادو
وتلقاي مام نسا يكفرو ويسبو
وولادهم تلقاي هاذاك وين فقص من العضمة يكفر على ربي
ربي يهدي من خلق برك

أهلا أختي أم ياسمين مساء النور
والله يا أختي كارثة أخلاقية والطامة الكبرى أنو الناس ماش حاسة بهاد الذنب العظيم
في بالهم طريقة عادية للتعبير عن الغضب أو التعبير عن الرجولة وهي راهي ذنب عظيم
يعني لدرجة ما يستحيوش ولات كيما قلتي يقولولها قدام ربي وعبادو بشكل عادي
لدرجة يسمعوها الأطفال وتجيهم حاجة عادية يوليو يعاودوها ويعبرو على غضبهم
كذلك بيها، أما النساء حدث ولا حرج ولاو ينافسو الرجال في الكلام الفاحش
ربي يهدي هاد الأمة برك ويعافينا ويستر علينا
شكرا غاليتي على كرم مرورك ربي يحفظك
تحياتي​

 

[وۣۗهۣۗہۣۗم]

بوركتى ختيتو على هدا الموضوع وعلى الطرح الجميل
وى خيتى والله تعدى فالشارع وتلقاى واحد في فموو غير الكلمة الى قودوو لجهنم وختها والله يطيح نصك كثرة كى تكونى مع الوالدين ولا مع واحد كبير
ولاتلقايهم متناوشين واليمات من فم واحد لفم خوه علاه يماهم اللى قاتلهم اتناوشو ولا مى معليه تقابلهم عند ربي وتخرجها من عينيهم
ربي يدوم سترة علينا كل