عيد الأضحى هذا عيدنا كلنا فلا تجعلوه عيدكم لوحدكم

[الامين محمد]

السلام عليكم
قبل ما نبدا نكتب في هاذ الموضوع وضعت يدي على راسي
حيران هل نكتب ام ما نكتبش
بصدق خايف البعض ما يفهمش واش راني نقصد
ممكن أنا حساس زيادة على الزوم لكن راح نحكي ليكم قصة و منبعد نفصل
و الله المستعان
أتمنى أولا أن أصحاب اقلوب و الأرواح الشريرة ما تقراش موضوعي ههههههههههههه

في واحد العام و في عيد الكبير او عيد الأضحى
كنت فاتح محل فوتوغراف ما قدرتش في النهار نروح نبارك للأقارب
صليت المغرب في الجامع و قلت راح نروح نبارك للاحباب
بديت نمشي ليهم بيت بيت تعرفوا في العيد الكبير كل العوايل تكون كريمة لأن الخير فيه ياااسر
هذا ملفوف و هذي دوارة و هذا شوا و .... و ............
حتى وصلت لواحد الأيتام يقربولي سبحااان الله كل ما تفكرت الصورة نحس بالحزن
لما وصلت لبابهم و قبل ما ندق الباب سمعتهم يتكلموا في الحوش
قرب الباب

اطفال صغار أيتام و معاهم بنت صغيرة ماهمش حابين يتعشاااو
و يقولوا لماماهم ليش ما عندناش الشوا و الملفوف كيما الناس
و هي تقول ليهم كي تكبروا و تخدموا راح نشروا كبش كبيير و نعملوا منه شوا و الملفوف
فكرت أن نرجع و لكن قلت والله ندخل نشاركهم العشا
فعلا دخلت لقيتهم ملمومين على ماماهم و الروائح من عند الجيران متنوعة
الأيتام عاملين شوربة بالما و الملح
حاولت نرفع معنوياتهم و تعشيت معاهم حاولت نسيهم
الصورة كانت حزينة و مأساوية و قاسية إلأى أبعد حد
شفت أنهم فعلا أيتام أيتام الاب و أيتام المعاملة
شفت الحزن على وجوههم و البؤس في أقوى لحظاته
عن أي عيد سأبارك لهم و أكلمهم عنه

ممكن نساو لكن أنا لم أنساهم و لن أسى أمثالهم
ممكن حنا الكبار مسألة الأكل لا تعني لنا شيئا و ما نسخفوش
ممكن كسرة حمرة و لبن عندنا أفضل من أشهى الأطباق
لكن تذكروا الأيتام و الأطفال و الحوامل و النسا و بسرعة وصلوا ليهم حقوقهن
و ما تقولوش نفطروا بالدوارة و نتعشاو بالبوزلوف و اللحم حتى اليوم الثاني من لالعيد نقسمه
لالا هذا حقهم و راهم طامعين فيك
ما تخليهش ينتظروا بزاااف

الامين محمد​

 

[يوسےفے]

السلام عليكم و رحمة الله
فعلا الامر كما قلت و العينات كثيرة في المجمتع
هم ايتام الاباء و الامهات و أيتام الحاجة بفقرهم و عوزهم و ذلك لان الناس أصبحت يتيمة المشاعر و الاحاسيس و الضمير لا تحسس ببعضها و لا تتألم لألم غيرها..
الامر بسيط.. طبسي دوارة من عندي و كلغ لحم من عندك و كلغ من عند جارك هذا و القليل من من عند ذلك الجار..تهون الأمون..تدخل بها السعاده لا توصف ..و الاجر دين و دنيا ان شاء الله
التكافل كفيل بإحداث المعجزات.
شكرا محمد على اللفتة الطيبه في ميزان حسناتك ان شاء الله و أضحى مبارك على الجميع ان شاء الله.

 

[الامين محمد]

السلام عليكم و رحمة الله
فعلا الامر كما قلت و العينات كثيرة في المجمتع
هم ايتام الاباء و الامهات و أيتام الحاجة بفقرهم و عوزهم و ذلك لان الناس أصبحت يتيمة المشاعر و الاحاسيس و الضمير لا تحسس ببعضها و لا تتألم لألم غيرها..
الامر بسيط.. طبسي دوارة من عندي و كلغ لحم من عندك و كلغ من عند جارك هذا و القليل من من عند ذلك الجار..تهون الأمون..تدخل بها السعاده لا توصف ..و الاجر دين و دنيا ان شاء الله
التكافل كفيل بإحداث المعجزات.
شكرا محمد على اللفتة الطيبه في ميزان حسناتك ان شاء الله و أضحى مبارك على الجميع ان شاء الله.

اهلا عقيد سرني مروووركم اخي الغالي
فعلا اصبحت الامة يتيمة المشاعر و الاحاسيس نسأل الله العافية

هي خاطرة او نصيحة او تنبيه رجائي ان تجد صدى على الاقل في اهل اللمة
لنحصل على اجر و ثواب بادخال الفرح و لو على قلب يتيم وااحد

 

[أم منيــــــر]

essalamou 3alaykoum
ana nhir fichi 3ibed kifech 3endek jiren kima hadou waya3tet galbek takoul whouma ychemmou riha hram 3lihoum wellah
hna ljiha nte3na li ma yedbehch fl3id yteh 3lih lkher men koul djiha w kamel enas tetfakrou welhamdoulilleh
la hawla wa la kouwata illa biellah

 

[وۣۗهۣۗہۣۗم]

احسنت قولا امين
العيد الكبير ماهوش عيد الماكلة ياقوم راهوو عيد التراحم والالتحام وحنا كل نضحوو بنية وحدة وهى تقرب لله سبحانوو وتعالى من جهة وجهة خرى ربي سبحانوو جعل هذا العيد باه الفقراء والمحتاجين اللى دوور العام ناقصة عندهم ذى المادة تكون متوفرة عندهم في ذا العيد خوتى خلونا نطبق امر الله مش غير مخافة منوو برك نوو مى تانى باه نفرحوو يتيم ولا قليل القوت

 

[السلطانة]

وعليكم السلام ورحمة الله وبركاته

المسلم لاينسى اخاه المسلم وخاصة في هذه المناسبات
ان شاءالله كل واحد يحوس في الحي تاعو في عايلتو في احبابو ويشوف شكون محتاج يتيم يعاونو راه عيد وراهي مواسم الخير
بارك الله فيك ​