شربة المرمز حصريا و لأول مرة ~ من مطبخي ~

[ضآحكة مستبشرة]

السلام عليكم ورحمة الله تعالى وبركاته
أهلا وسهلا بزوار و أعضاء قسم الطبخ

اليوم حبيت نعرفكم على نوع من أنواع الشربة لي تتميز بها ولايتي #المدية

و هذي الشربة تتميز بتشيشة المرمز لأنو أغلب المناطق في الوطن يديروها بالفريك

المقادير :

درت زوج حبات قرعة ( كورجات ) و بصلة كبيرة و حبة طماطم
زوج حبات جزر و حبتين بطاطا و راس فلفل حلو
لحم غنمي
توابل ( كل واحد واش يحب )
زوج وريقات رند + نعناع و حمص و عود قرفة
ملح + زوج مغارف زيت + ملعقة طماطم مصبرة

طريقة التحضير :

اول شيء نقيت الخضر و غسلتهم



بعدها سكرفجت البصل و الطماطم



و وضعت الخضر في القدر



بعدها اضفت البصل و الطماطم و لحم الغنمي
درت توابل و نعناع و زيت و ملح و طماطم مصبرة
و وريقات رند و قرفة عود







خليتهم على نار هادئة حتى تحمسو مليح و في مفس الوقت درت ماء يسخن في قدر آخر



لما تحمست سقيتها بماء ساخن و خليتها تطيب



لما شفتها تغلات رميتلها قيمة خمس معالق كبار تشيشة المرمز






و غطيتها على نار متوسطة و خليتها حتى قريب نشفت و زدت
سقيتها بماء ساخن مرة اخرى



و كي تغالات رميت حمص طايب من قبل
و لي معندهاش طايب تطيبو من البداية



و كي طابت الخضر رحيتها



و خليتها حتى عقدت اي خثارت طفيت عليها و زدتلها نعناع
و في تقديم ضيفلها حشيشة



و هذي هي في الاخير







و شهية طيبة
في أمان الله​

 

[ضآحكة مستبشرة]

@السلطانة
@لؤلؤة قسنطينة
@سكون الفجر
@بشرى ملاك
@أم منيــــــر
@طموحة
@faith8
@Queen Fati
@yaso ياسمين
@hakim story
@عقــ اللمه ــيد
@الامين محمد
@أشــواق 19
@أشرقت نفسي
@Soumia hadj mohammed
@"viola"
@*amani*
@Skor m@k
@البدر المشرق
@Nounous nina
@Mery Babaammi
@zohor kfz
@فريد أبوفيصل

 

[Hakan]

المرمز حاجة صحية ومفيدة بزاف في المنطقة نتاعنا نخدموه بالسمن والزبدة وناكلوه مفور ويجي كذالك بنين
مشكورة على الوصفة ​

 

[ضآحكة مستبشرة]

المرمز حاجة صحية ومفيدة بزاف في المنطقة نتاعنا نخدموه بالسمن والزبدة وناكلوه مفور ويجي كذالك بنين
مشكورة على الوصفة ​

أهلا حكيم
نعم المرمز من الاكلات الصحية و المفيدة
كل منطقة و كيفاش يخدموها حنا نطيبوها في الما و الملح و ندهنوها بزيت الزيتون تجي رووووعة
العفو اخي
شكرا على المرور​

 

[بشرى ملاك]

شهية اممممممم هدا واش نبغي منعرف ادا نفسه المرمز هو تشيشة عندنا المهم ادا كانت هي هي شهية وحريرتنا شابة وتقولكم عليها @Soumia hadj mohammed يعطيك صحة ورسليلي شوية ???

 

[لؤلؤة قسنطينة]

السلام عليكم ورحمة الله وبركاته
يعطيك الصحة حبيبتي أسومة على الوصفة الشهية والصحية
جميل هو التعرف على عادات بلادنا الحبيبة
والتعرف على أكلاتها الشهية التي تختلف من منطقة لأخرى
بوركتي عزيزتي ان شاء الله نشوفولك وصفات أخرى هنا
بالتوفيق ان شاء الله​

 

[*amani*]

السلام عليكم
تبارك الله وصفة صحية وتشهي ?
وذوقها اكيد بلا مانهدرو روعة
سلمت يداك اسماء وبصحتكم?​

 

[faith8]

يعطيك الصحة الفحلة ♥ تسلم الايادي
شكرا على العرضة الزينة ♥
.
؛
دعواتكم

 

[طموحة]

ماشاء الله روعة سلمت أناملك أسماء
شوربة و عليها لكلام
مام حنا نديروها و لا نديروه مفور و لا مغلي دون اضافت بالزيت زيتون و لا مارغارين برك
بصحتكم غاليتي ^^
​

 

[zohor kfz]

ya3tiki assa7a tban tchahi allah ybarak

 

[سكون الفجر]

تسلــــــــــــــــــــــــــــــم إيديكِ يا حلوتي على الوصفة والطبق الشهي الله يعطيكِ العافية
بارك الله فيكِ يا حلوتي ​