علابالها ومع ذلك !!!!!!

[حلم كبير]

السلام عليكم ورحمة الله تعالى وبركاته


علابالها ومع ذلك !!!!
اليوم حبيت نقصف بالثقييييل المرا في مجتمعنا العربي المسلم
وتساهُلها مع المحرمات ...
لأنو زاد عن حدو

نڤولو بالتقريب خمسة وتسعين بالمية أو أكثر من النسا

علابالهم
بلي النمص حرام ومع ذلك تلڤى زوج بالمية منهن ما يلڤطوش ( لا ينمصن ) حواجبهم والباقي راسمينهم تڤول نتا راها في حصة الرسم ....
علابالها ومع ذلك تنمص وتضرب عرض الحائط { لعن الله النامصة والتنمصة } !!! علامة تعجب كبيييييييرة

علابالهم
بلي السروال ولبسو حرام وتشبه بالرجال ،ومع ذلك تلڤاها مع الصباح تتعافر مع خوها على السروال اللي مڤطع مع الفخذ ،هو يجبد وهي تجبد يڤولها يا طفلة راكي مرا تڤولو وانتا لاه مربي شعرك كي الطفلة كل واحد حر ،علابالها ومع ذلك تلبس وتضرب عرض الحائط ،{ لعن الله النساء المتشبهات بالرجال والرجال المتشبهين بالنساء}

علابالهم
بلي الحجاب فرض ونزعه حرام ومع ذلك تمشي عارية الرأس وهي فرحانة بحريتها وإنجازها العظيم
علابالها ومع ذلك ما تديرش الحجاب وتضرب عرض الحائط { وقل للمؤمنات يضربن بخمرهن على جيوبهن ولا يبدين زينتهن ...} صدق الله العظيم

علابالهم
بلي إتخاذ خليل ( صديق .صاحب ) حرام ومع ذلك تجدها كالنحلة من زهرة الى زهرة وتڤولك ما نتزوجش حتى نعرف العقلية ،وتنادي بشعارات الغرب البالية
علابالها ومع ذلك تتخذ خليل واثنين وثلاث ضاربة عرض الحائط { ولا تواعدهن سرا ...} صدق الله العظيم

علابالهم
بلي المكياج حرام ومع هذا تجدها وياااااا وجهها المسكين مثل اللوحة الزيتية التي تقاطرت بالألوان
علابالها ومع ذلك تخرج ضاربة المكياج تڤول رايحة للعرس ضاربة بعرض الحائط { ولا تبرجن تبرج الجاهلية ...} صدق الله العظيم

علابالهم وعلابالهم
بصح للأسف دايرة روحها ولا علا بالها ڤالو خاوتنا المصاروة
إتق الله ختي في روحك أولا ومن بعد فالناس
مهما حاولتو تبررو فعلكم للحرام يبق حرام في النهاية ،وما تقنعو بيه غير اللي الله غالب عليه
ڤالك يا سيدي فتالهم الامام الفلاني تقدري تديري كذا وكذا
لا لا يا ختي راكي فالحرام فوقي واش من مودا واش من مواكبة العصر
هاذي عندهم هوما الغرب ميش حنا
أما حنا فمسلمين وما دامك شهدتي وراكي مسلمة لازم تتبعي كلش ميش مسلمة غير بالفم برك
تحية كبيرة للي راهي تتبع وتطبق واش ڤال ربي
ونڤول لفئة دايرة روحها ما علابالهاش
اتقي الله أختي علابالنا بلي علابالك وهذا رايح يتحسب عليك
راكي غير تلعبي على روحك

اللهم أهدي نساء المسلمين وأجعلهم أمهات وزوجات صالحات آمين يارب ..

واش رايكم خاوتي خواتاتي في اللي علابالهم وڤاطعين الحس

تقبلو مني فائق الاحترام والتقدير
حلم كبير
​

 

[لؤلؤة قسنطينة]

السلام عليكم ورحمة الله وبركاته
أحيانا النداء بهذه الطريقة وطرح مواضيع من هذا النوع ليس إلا محبة وخوفا على أخواتنا وبناتنا
لأنّنا حقا في زمن صعب، رانا في زمن كلشي فيه مفتوح وكلشي فيه سهل
المغريات كاملة قدامنا، كأبسط مثال تروح للجامعات ماتلقاش ناس جاية تقرا تلقى ناس رايحة للعرس
عطور فاخرة ووجوه ملونة وملابس تابعة للموضة، والبنات يتبعو بعضاهم للأسف والمرأة معروفة بحب الزينة
يعني وجه المرأة هو المرآة تاعها وهو لي يقدر يخلي الناس تعتبرها جميلة ولالا يعني هو مقياس جمالها
فعلى هادي نلقاوها تخدّم في روحها، المشكلة لي لاحظتها مؤخرا ولينا نعرفو الحرام غير في الامور
لي ماتهمناش الأمور لي نحتاجوها إما نحللوها لنفسنا وإلا نقولو معليش ربي راهو يغفرلها
وشفت بزاف أمثلة ماش حابة نذكرها خليها مستورة، بصراحة ماعادتش عندنا عظمة الذنب هاداك ولا الخوف منو
للاسف، تلقى ملابس غير محترمة تقول معليش الناس كامل لابسين خلي نلبس أنا تاني
تشوف أنواع الماكياج قدامها تقولك نشري وندير في وجهي وبزاف بزاف أمور
خاصة أننا في زمن يتحكم فين االمجتمع بشكل كبير، لي مثلا تديرش النمص يقولولها شكو نلي يشوف معاك
ونتي هكا؟ وكون ماتديريش الماكياج واحد م ايشوف فيك وصحاباتك كامل تزوجو بقيتي غير نتي
والله ربي يهدينا برك وربي يعافينا ويغفرلنا ذنوبنا لأننا حقا في زمن الفتن
شكرا أخي على الموضوع القيّم كعادتك والذي يعالج أحد أهم القضايا بارك الله فيك
تحياتي​

 

[طيف امرأة..]

السلام عليكم

يقولون بالعامية: كلمة الحقّ تخليك تشهق
وخوذ رايك لي يبكيك ماشي ليّضحّكك

ولأنّها كلمة حقٍّ علينا توقيرها والاعتراف بها
وليس لنا إلاّ نسأل الله الهداية والتّقى والسّتر لكل البنات المسلمات

بوركت على الطّرح القيّم والصّرخة الصّادقة.

 

[Hakan]

اي علابالهم بلي الرجال ذيوبة واذا احتكو بيهم ياكلوهم ومع ذالك يمشو معاهم...
علابالهم بلي يقدرو يدخلو الجنة بكل بساطة
الصلاة والصيام وطاعة الزوج ومع ذالك يكفرن العشير وما يصلوش ربي يغفرلنا يا رب
حتى حنا الرجال علابالنا بلي خواتاتنا علابالهم ومع ذالك نسكتوا... ربي يستر علينا شكرا خويا حليم راني بتلفون ولا كون زدت هدرت مع عدم تبرأة ذمتي

 

[الامين محمد]

في وقت سنة 2010 في خدمة كانت معايا طفلة مع الوقت عرفت أنها تحب العلاقات الغرامية
كانت جميييلة جدا جدا و مع ذالك أسهل حاجة عندها أنها تمد رقم هاتفها
مرة زميل معانا مزح معاها مزاح سامط و جايح فيه تلميح ..............
انا ما تمالكتش نفسي و نهرت هاذاك الزميل
بديت نقي في تلك الامور مرة بالزعاف و مرة بالحيلة
بعد فتؤة جاتني تلك الزمييلة و قالت أول مرة نحس أنه كاين راجل يحترمني و ما يستغلنيش
سألتها كيف قالت فاتت سنة منذ عملك معايا و مازال ما تكلمتش معايا كلام غير لائق أو .......... حتى رقم هاتفي ما حاولتش تاخذه
قلت ليها هاذو كلهم راهم يضحكوا عليك و راهم عاملينك نشهوة و سلعة و يجي النهار وين كل واحد يروح لطريق و انت تبقاي مع تاريخ أسود
حسيت روحي تقلت عليها لأنها تبدل لون وجهها و كأنها رايح تبكي
قلت ليها راح نعلمك حاجة غدوة لما نكونوا نحن الشباب أخرجي برة و جلسي قرب التاقة و اسمعي واش راح نحموا
فعلا كيما كان الحال لما كملنا الخدمو بدينا نحكوا حكايات و مزاح و تلموا كل الزملاء كنا 4 او 5 خزرت في هاذيك الطفلة
فهمت أني أريد منها الخروج
لما عرفت انها راهي عند التاقة , قلت يا خاوتي حاب نسقسيكم و نسقسي فلان بالتحديد
يعني هذاك اللي نهرته سابقا
أنت مراكش متزوج و فلانة يعني الزميلة شابة و صغيرة علاه ما تتزوجهاش
و راني شفت أنه بيناتكم تفاهم و زعاقة يعني كاين حب بيناتكم
ثال بالحرف أنا نتزوج من هاذيك
قلت ليه و علاه المسكيينة عاقلة و زينة و انت أصلا راك تموت عليها
ضحك و قال يا خويا الزواج حاجة ماهيش لعب لما نحب نتزوج نجيبها بنت أصل
قلت ليه إذن خاف ربي و تخسرش للطفلة حياتها قال لي هي ما عندهاش كرامة و أنا واش راح نعمل ليها
قلت ليه أحترمها مهما كااانت حتى ولو كانت خاطية الطريق
لأنه عندك أخت ما تحبش الناس تلعب بيها قال لي ما تقارنش أختي مع هاذيك
ـــــــــــــــــــــــــــــــــــــــــــــــــــــــ
الخلاصة أنها سمعت كلام كبير
في اليوم الثاني جات ساااكتة و ما ضحكتش كيما زمااان
ثم قالت لي عمري ما كنت حاسبة روحي ساقطة إلا هاذ المرة كنت حاسبة روحي قيمة
قلت ليها هذا جزء فقط و اللي سمعتيه حاجة قليلة في ظنهم فيك
سألتني من أين أبدا قلت ليها غيري الشريحة و غير الللباس و كوني أمرأة عندها شخصية
و توبي لله و خلي ثقتك بالله كبيرة و خالطي أهل الصلاح من الأخوات
قعلا بدات تتغير و رجعت حاجة أخرى و سبحان الله الحجاب زااادها جمال
بعد فترة جاها مكتوبها و راهي في بيتها مع زوجها

 

[sanaya]

السلام عليكم ورحمة الله تعالى وبركاته
مشاهدة المرفق 93136
وعليكم السلام و رحمة الله تعالى و بركاته
علابالها ومع ذلك !!!!
اليوم حبيت نقصف بالثقييييل المرا في مجتمعنا العربي المسلم
وتساهُلها مع المحرمات ...
لأنو زاد عن حدو
ياخويا مهوش قصف و إنما كلمة حق في بلاصتها
نڤولو بالتقريب خمسة وتسعين بالمية أو أكثر من النسا

علابالهم
بلي النمص حرام ومع ذلك تلڤى زوج بالمية منهن ما يلڤطوش ( لا ينمصن ) حواجبهم والباقي راسمينهم تڤول نتا راها في حصة الرسم ....
علابالها ومع ذلك تنمص وتضرب عرض الحائط { لعن الله النامصة والتنمصة } !!! علامة تعجب كبيييييييرة
هنا نقولك حاجة النمص يعني ترقيق الحاجب هو حرام قطعا أما تهذيب الحاجب فقط مثلا نزع مابين الحاجبين أو نزع بعض الشعرات الزائدة فذلك حلال
أما ترقيقه كاملا و نزعه كليا فذلك حرام
حسب ما سمعته عن مفتي
علابالهم
بلي السروال ولبسو حرام وتشبه بالرجال ،ومع ذلك تلڤاها مع الصباح تتعافر مع خوها على السروال اللي مڤطع مع الفخذ ،هو يجبد وهي تجبد يڤولها يا طفلة راكي مرا تڤولو وانتا لاه مربي شعرك كي الطفلة كل واحد حر ،علابالها ومع ذلك تلبس وتضرب عرض الحائط ،{ لعن الله النساء المتشبهات بالرجال والرجال المتشبهين بالنساء}​

السروال مش قضية تشبه لأنه توجد أنواع باينة للنساء ولكنه حرام وحتى لو لم يكن مقطع لأنه يشخص الجسم سوا جينز و لا بيجاما ضيق و صح نحير فالطفلة اللي تلبس سروال ضيق أمام باباها ولا خوها و لا عجوزها
هما يشوفو فيها نورمال مصح لوكان يعرفو كفاه المرأة المحتشمة تتحرج كتشوفهم بديك الحالة هما برواحهم يحشمو فما بالنا بالرجال عامة خترة كنت في عرس فهاذ الصيف برك جات وحدة و بدات تشطح والله من الحشمة مقدرتش نشوف معاها
أيا قلت لوحدة علابالك فالشرع حتى لباس المرأة أمام النساء عندو حدود قاتلي نزيدلك حاجة هاذي جلبابيست باسكو فهمت بلي محبيتش نشوف معاها
أيا قلت ليها استغفر الله بالاك متعرفش أنو لبس السراويل الضيقة حرام

علابالهم
بلي الحجاب فرض ونزعه حرام ومع ذلك تمشي عارية الرأس وهي فرحانة بحريتها وإنجازها العظيم
علابالها ومع ذلك ما تديرش الحجاب وتضرب عرض الحائط { وقل للمؤمنات يضربن بخمرهن على جيوبهن ولا يبدين زينتهن ...} صدق الله العظيم
ياودي قضية الحجاب سكت و برك مع أنو نحترم كل وحدة ماشي محجبة و عندي بزاف صحاباتي ماشي محجبات و نحترمهم و جامي قست وحدة مصح تغيضني اختي في الاسلام تخرج بذيك الحطة و العري سرتو كتكون وحدة متخلقة فنتمنى لوكان تزيد لأخلاقها حجاب باش تكون توووووب
علابالهم
بلي إتخاذ خليل ( صديق .صاحب ) حرام ومع ذلك تجدها كالنحلة من زهرة الى زهرة وتڤولك ما نتزوجش حتى نعرف العقلية ،وتنادي بشعارات الغرب البالية
علابالها ومع ذلك تتخذ خليل واثنين وثلاث ضاربة عرض الحائط { ولا تواعدهن سرا ...} صدق الله العظيم
الأصدقاء نوووورمال والله قبل أيام فقط عندي صاحبتي من ألجي قاتلي خوها طلق مارتو علاه باسكو هي خدامة شرط عليها مكاش صداقة فالعمل و هي تولي للدار تحكي مع فلان و تراسل فلان على أساس أصدقاء العمل و راجلها ميحبش هاذ الشي أيا نبهها شحال من خترة مسمعتلوش و فآخر مرة طلقها
و شرعا مكاش صداقة كاينة أخوة باحترام من دون وجود رسائل الخاص و لا مكالمات أما الصداقة فتلك فكرة الغرب
علابالهم
بلي المكياج حرام ومع هذا تجدها وياااااا وجهها المسكين مثل اللوحة الزيتية التي تقاطرت بالألوان
علابالها ومع ذلك تخرج ضاربة المكياج تڤول رايحة للعرس ضاربة بعرض الحائط { ولا تبرجن تبرج الجاهلية ...} صدق الله العظيم
و قليل وين تلقا وحدة تخرج بلا مكياج للأسف و تزين روحها تولي كلبوبية و تخرج و تخدع لجان و معلابالهمش هاذيك خدمة اىماكياج و جدتي الله يرحمها كانت تقولي حتى الكحل حرام تحطيه و تخرجي تحبي تخرجي غسلي وجهك قبل و حنا بالعكس متغسليس وجهك حتى تولي للدار
علابالهم وعلابالهم
بصح للأسف دايرة روحها ولا علا بالها ڤالو خاوتنا المصاروة
إتق الله ختي في روحك أولا ومن بعد فالناس
مهما حاولتو تبررو فعلكم للحرام يبق حرام في النهاية ،وما تقنعو بيه غير اللي الله غالب عليه
ڤالك يا سيدي فتالهم الامام الفلاني تقدري تديري كذا وكذا
لا لا يا ختي راكي فالحرام فوقي واش من مودا واش من مواكبة العصر
هاذي عندهم هوما الغرب ميش حنا
أما حنا فمسلمين وما دامك شهدتي وراكي مسلمة لازم تتبعي كلش ميش مسلمة غير بالفم برك
تحية كبيرة للي راهي تتبع وتطبق واش ڤال ربي
ونڤول لفئة دايرة روحها ما علابالهاش
اتقي الله أختي علابالنا بلي علابالك وهذا رايح يتحسب عليك
راكي غير تلعبي على روحك
أنا الحمد لله ولا وحدة من صفات هاذو فيا و مرانيش نمنشر بل نحترم كل وحدة متبرجة و لا مش محجبة هاذي حياتها مصح مش معناتها راهي على الطريق الصحيح
و كذلك مش معناتها المرأة تخرج كما أصحاب الجاهلية و تقول هذا اسلام لالا فيكي تلبسي حجاب شرعي أنيق و حذاء و حقيبة يد أنيقة من دون ضيق و لا مساحيق
لأنو كاين اللي يشوفو الاسلام ضد الأناقة لا بالعكس ولكن في حدود
و يعطيك الصحة حلم كبير موضوع يستحق التميز و السلام عليكم
اللهم أهدي نساء المسلمين وأجعلهم أمهات وزوجات صالحات آمين يارب ..

واش رايكم خاوتي خواتاتي في اللي علابالهم وڤاطعين الحس

تقبلو مني فائق الاحترام والتقدير
حلم كبير
​

 

[حلم كبير]

السلام عليكم ورحمة الله وبركاته
أحيانا النداء بهذه الطريقة وطرح مواضيع من هذا النوع ليس إلا محبة وخوفا على أخواتنا وبناتنا
لأنّنا حقا في زمن صعب، رانا في زمن كلشي فيه مفتوح وكلشي فيه سهل
المغريات كاملة قدامنا، كأبسط مثال تروح للجامعات ماتلقاش ناس جاية تقرا تلقى ناس رايحة للعرس
عطور فاخرة ووجوه ملونة وملابس تابعة للموضة، والبنات يتبعو بعضاهم للأسف والمرأة معروفة بحب الزينة
يعني وجه المرأة هو المرآة تاعها وهو لي يقدر يخلي الناس تعتبرها جميلة ولالا يعني هو مقياس جمالها
فعلى هادي نلقاوها تخدّم في روحها، المشكلة لي لاحظتها مؤخرا ولينا نعرفو الحرام غير في الامور
لي ماتهمناش الأمور لي نحتاجوها إما نحللوها لنفسنا وإلا نقولو معليش ربي راهو يغفرلها
وشفت بزاف أمثلة ماش حابة نذكرها خليها مستورة، بصراحة ماعادتش عندنا عظمة الذنب هاداك ولا الخوف منو
للاسف، تلقى ملابس غير محترمة تقول معليش الناس كامل لابسين خلي نلبس أنا تاني
تشوف أنواع الماكياج قدامها تقولك نشري وندير في وجهي وبزاف بزاف أمور
خاصة أننا في زمن يتحكم فين االمجتمع بشكل كبير، لي مثلا تديرش النمص يقولولها شكو نلي يشوف معاك
ونتي هكا؟ وكون ماتديريش الماكياج واحد م ايشوف فيك وصحاباتك كامل تزوجو بقيتي غير نتي
والله ربي يهدينا برك وربي يعافينا ويغفرلنا ذنوبنا لأننا حقا في زمن الفتن
شكرا أخي على الموضوع القيّم كعادتك والذي يعالج أحد أهم القضايا بارك الله فيك
تحياتي​

السلام عليكم ورحمه الله وبركاته
أهلا بالأخت الكريمة
شكرا على المرور الطيب
أشرت إلى نقطة وهي تعظيم الذنب ،نعم هؤلاء النسوة فقدو حس تعظيم الذنب وذلك من خلال التدرج في تصغير الذنوب الصغيرة حتى الوصول إلى التطاول على ما هو أعظم ...
النساء المسلمات أصبحن لا يفرقن بين الحلال والحرام وبين الرغبة وكبتها من أجل مرضاة الله إلا من رحم ربك
إضافتك راقية كعادتك دائما
بارك الله فيك
إحترامي وتقديري
​

 

[طيف امرأة..]

الأخ الأمين محمد..جعل الله نصحك للفتاة في ميزان حسناتك
وحفظ أهلك وصانك. ​

 

["viola"]

هذا الموضوع شااااائك و تقدر تهدر فيه من ألف زاوية و الدين النصيحة و كل وحدة و تربيتها و سبعالاف حاجة واضحة بصح نقولك حاجة فقط ,
البنات قاع خارجين بلبستهم و حواجبهم و تيليفوناتهم من بيوت فيها الرجال و الرجال قوامون على النساء!
منيش نح فالمسؤولية على الطفلة راني قلت الفوق كل وحدة و تربيتها بصح دائما نتساءلو كي نشوفوا طفلة هاك نقولو هاذي معندها خوها معندها باباها يحكم فيها! و من جهة اخرى تلقى وحدة يتيمة و بالاك معندها حتى واحد متمسكة بدينها و تربيتها و كلش
تقولي الام هي تربي بنتها بالدرجة الاولى نقولك عندك الحق.. المرأة هاذي اذا كان اختارها زوجها للزواج اختارها لأنها صالحة اكيد يجيبو اولاد صالحين و يربوهم على حساب نيتهم -الا في حالة الابتلاء بولد عاق- أما اذا جابها لأنها بنت فلان و زينة و عندها الورث خخخ يجيبو حاجة يحصلو فيها كلش بالنية..
و كاين الف وألف حاجة راهي تتحكم ضركا التلفزيون الرفقة السيئة الدياثة المرأة الدنيوية ووو والله متقدر تحكم بصح مذابينا نطلعو لأصل المشكلة عالاقل متزيدش و تولي تجري مجرى الدم فالانسان و هوما الوالدين أولا و الرجولة التي تكاد تنعدم ثانيا- مع بعض التحفظات-...
والرسول صلى الله عليه وسلم يقول :من كان له ثلاث بنات أو ثلاث أخوات أو ابنتان أو اختان فأحسن صحبتهن و اتقى الله فيهن فله الجنة..فأحسن صحبتهن يكون لها هو الصاحب الرفيق يسقسيها كشما تحتاج يجيبلها قرعة ريحة يحوس بيها يدخل للجنة و عالاقل يعمرلها هذاك النقص.. منيش نبرر للفتاة باش دير خليل و تخرج تحوس بصح لوجيكمون لو كل واحد يؤدي الدور تاعو زين بالاك منوصلوش لبزاف حوايج..
لغة الحوار ثان منعدمة تلقا الطفلة داخلة عليها مسلسلات الام ما تربي الاب ما يعظ لاهيين في مشاكلهم ميجيبو خبر حتى يلقاو بنتهم خارجة بالسروال و كوپ ڨاغصون وغوجالافغ تاع 24 ساعة -_-
والله كون نهدرو في موضوع هاك نكتبو مجلد
و كل وحدة وأصلها فالتالي ربي يهدينا و يثبتنا على الطريق الصحيح. ​

 

[ASPIRINA]

علابالها و علابالهم و تلڨاهم
نساء حاجات متنصات و أخريات تڨولك
زوجها طلب منها
المكياج مكروه أخي و ليس حرام


الله يهديهم و يهدينا

 

[وۣۗهۣۗہۣۗم]

السلام عليكم
موضوع قيم سعدت بقراإته
من ناحية العلم الحمد لله ربي سبحانوو راهوو ميزنا بالعقل اللى حتى واذا معلابالهمش بيه راح يعودو يعرفو ونزيدوو عندنا اكبر كنز اسلامى من خلالوو نعرفوو اللى منقدروش نميزوه بالعقل ديالنا وهو المصحف الشريف
والله اكبر خطا نديروه انو نديرو الامر واحنا نعرفوو انوو حرام ومحرم وذنووب والى اخره مع ذلك نقومو بيه منعرف ممكن صح ناقصات عقل ودين ????وممكن صح يحوسوو على جهنم والعياذوو بالله ?????? وممكن طامعين في كرم المولى عز وجل ??????وحكيت بصفة الجمع لانوو مفيش المعصومة منا عن الخطا وقادرة نقع في اى واحد ملى ذكرتهم او اللى مذكرتهمش ?????? معليه راح نعقب على امر وهو الحجاب الحجاب هاذا نقدوو نسيفوه يعنى الاهل تسيفو على بنت وديروو فوق رغبتها وهنا الخطا لانوو مش مقتنعة بيه ويجى نهار وتنحيه وحتى ولا منحاتوش مراحش طبقوو بطريقة الصحيحة وبالنسبة للخليل او الصاحب والصديق فراح يخلصوو عليهاا مع بعض ??????

 

[حلم كبير]

السلام عليكم

يقولون بالعامية: كلمة الحقّ تخليك تشهق
وخوذ رايك لي يبكيك ماشي ليّضحّكك

ولأنّها كلمة حقٍّ علينا توقيرها والاعتراف بها
وليس لنا إلاّ نسأل الله الهداية والتّقى والسّتر لكل البنات المسلمات

بوركت على الطّرح القيّم والصّرخة الصّادقة.

السلام عليكم ورحمه الله وبركاته
أهلا بالأخت الكريمة طيف امرأة
بارك الله فيك وهو كذلك كلمة الحق لا مناص منها على الإطلاق ...
ربي يقدرنا على قول كلمة الحق وإعلائها سواء في هذا الموضوع أو غيره .
جزاك الله خيرا
شكرا على الرد الراقي
إحترامي وتقديري
​

 

[حلم كبير]

اي علابالهم بلي الرجال ذيوبة واذا احتكو بيهم ياكلوهم ومع ذالك يمشو معاهم...
علابالهم بلي يقدرو يدخلو الجنة بكل بساطة
الصلاة والصيام وطاعة الزوج ومع ذالك يكفرن العشير وما يصلوش ربي يغفرلنا يا رب
حتى حنا الرجال علابالنا بلي خواتاتنا علابالهم ومع ذالك نسكتوا... ربي يستر علينا شكرا خويا حليم راني بتلفون ولا كون زدت هدرت مع عدم تبرأة ذمتي

السلام عليكم ورحمه الله وبركاته
أهلا بالأخ حكيم
أكيد أخي الكريم ولهذا وضعت هذا الموضوع مستنكرا من حال النساء اليوم واستهتارهن بالمحرمات ربي يعافينا
أشرت إلى نقطة مهمة وهي أن الرجال في حد ذاتهم لا يستنكرون في بيوتهم ولا في الشارع ويشجعون النساء على هذا الشيء لأنه في النهاية هي تتبرج وتتغندر من أجل الرجل بالدرجة الأولى ومن أجل أن يعجب بها الشباب ...
الرجال شجعو على هذا الأمر باستحسان ما تفعله أخواتهم وزوجاتهم وأمهاتهم وبناتهم للأسف الشديد
إضافة قيمة أخي الكريم
ننتظر مداخلتك مرة أخرى...
إحترامي وتقديري​

 

[حلم كبير]

إخوتي أخواتي النت دايرة فيا حالة ،راني عيطت باش يعدلولي الخيط وما جاوش
غدوة بإذن الله نرد عليكم كامل
بارك الله فيكم على الردود الرائعة

 

[السلطانة]

وعليكم السلام.ورحمة الله وبركاته صح خويا راك تهدر في الصح امور بزاف عارفينها غالطة وتبربر تحت عدة مبررات خاطئة وتصبح كانها حلال...ربي يهدي من خلق ويسترنا

 

[أبو عاتكة]

شيوع الامر يجعله طبيعيا حتى وان كان خاطئا.
واحد الانسان راح لحي من الاحياء وجد بقرة في البالكون في باطيمة فاستغرب الامر كيفاش يا عجابة بقرة في البالكون وشاف اهل الحي غير منشغلين بيها فسقسى واحد منهم كيفاش يشوفو هذا الوضع جاوبو بالجواب< نورمال > عادي انت برك تشوف فيها حاجة غريبة لانك موش متعود عليها نحن ايضا المرة الاولى جاتنا غريبة وبعدها جاتنا نوووورمال.

اذاً فشيوع الامر يؤدي للتعود عليه وتقبله في الاخير ثم يجعله أمرا عاديا لا يُنظر اليه من جهة حلال او حرام ايجابي او سلبي صائب او غلط.
الان صدقني لو يمشي واحد بدون ملابس وتتعود عليه الناس راح تقلدوا الناس وتشيع هذه العادة كأمر عادي غير مُستغرب.

مثل الرشوة تقبلها البعض ثم شاعت جهارا نهارا ثم تعود عليها الناس واصبحت اخيرا من ضمن المعاملات وعادية بمسمى القهوة والمصيريفة وغيرها.

اذا تقبلت المرأة أمرا محرما او منهيا عنه تعودت عليه فلا تنظر اليه نظرة من لا يتقبله وربما تنعته بأنه انسان ماهوش نورمال. لهذا دائما ندعوا الله ان لا نقرب حدود محرماته ومنهياته حتى لا نتعود عليها ثم نستهين بها.
ربي يبارك فيك.

 

[حلم كبير]

في وقت سنة 2010 في خدمة كانت معايا طفلة مع الوقت عرفت أنها تحب العلاقات الغرامية
كانت جميييلة جدا جدا و مع ذالك أسهل حاجة عندها أنها تمد رقم هاتفها
مرة زميل معانا مزح معاها مزاح سامط و جايح فيه تلميح ..............
انا ما تمالكتش نفسي و نهرت هاذاك الزميل
بديت نقي في تلك الامور مرة بالزعاف و مرة بالحيلة
بعد فتؤة جاتني تلك الزمييلة و قالت أول مرة نحس أنه كاين راجل يحترمني و ما يستغلنيش
سألتها كيف قالت فاتت سنة منذ عملك معايا و مازال ما تكلمتش معايا كلام غير لائق أو .......... حتى رقم هاتفي ما حاولتش تاخذه
قلت ليها هاذو كلهم راهم يضحكوا عليك و راهم عاملينك نشهوة و سلعة و يجي النهار وين كل واحد يروح لطريق و انت تبقاي مع تاريخ أسود
حسيت روحي تقلت عليها لأنها تبدل لون وجهها و كأنها رايح تبكي
قلت ليها راح نعلمك حاجة غدوة لما نكونوا نحن الشباب أخرجي برة و جلسي قرب التاقة و اسمعي واش راح نحموا
فعلا كيما كان الحال لما كملنا الخدمو بدينا نحكوا حكايات و مزاح و تلموا كل الزملاء كنا 4 او 5 خزرت في هاذيك الطفلة
فهمت أني أريد منها الخروج
لما عرفت انها راهي عند التاقة , قلت يا خاوتي حاب نسقسيكم و نسقسي فلان بالتحديد
يعني هذاك اللي نهرته سابقا
أنت مراكش متزوج و فلانة يعني الزميلة شابة و صغيرة علاه ما تتزوجهاش
و راني شفت أنه بيناتكم تفاهم و زعاقة يعني كاين حب بيناتكم
ثال بالحرف أنا نتزوج من هاذيك
قلت ليه و علاه المسكيينة عاقلة و زينة و انت أصلا راك تموت عليها
ضحك و قال يا خويا الزواج حاجة ماهيش لعب لما نحب نتزوج نجيبها بنت أصل
قلت ليه إذن خاف ربي و تخسرش للطفلة حياتها قال لي هي ما عندهاش كرامة و أنا واش راح نعمل ليها
قلت ليه أحترمها مهما كااانت حتى ولو كانت خاطية الطريق
لأنه عندك أخت ما تحبش الناس تلعب بيها قال لي ما تقارنش أختي مع هاذيك
ـــــــــــــــــــــــــــــــــــــــــــــــــــــــ
الخلاصة أنها سمعت كلام كبير
في اليوم الثاني جات ساااكتة و ما ضحكتش كيما زمااان
ثم قالت لي عمري ما كنت حاسبة روحي ساقطة إلا هاذ المرة كنت حاسبة روحي قيمة
قلت ليها هذا جزء فقط و اللي سمعتيه حاجة قليلة في ظنهم فيك
سألتني من أين أبدا قلت ليها غيري الشريحة و غير الللباس و كوني أمرأة عندها شخصية
و توبي لله و خلي ثقتك بالله كبيرة و خالطي أهل الصلاح من الأخوات
قعلا بدات تتغير و رجعت حاجة أخرى و سبحان الله الحجاب زااادها جمال
بعد فترة جاها مكتوبها و راهي في بيتها مع زوجها

السلام عليكم ورحمه الله وبركاته
ما شاء الله
فعلا قصة تثبت دور الرجل في نشر الاستهتار الحاصل من طرف المرأة
فلمن تفعل كل هذا لترضي فئة معينة من الرجال للأسف
والمشكلة تلڤاهم والفو بيهم وما يستغناوش عنهم وكي تجرب تتوب ما يخلوهاش ربي يحفظنا يا رب ...
القصة فيها عبرة كبيرة وعندك دور هام في إصلاح هاذ المرا مسكينة ربي يجازيك كل خير ...

بارك الله فيك وجزاك الله خيرا كثيرا
شكرا على الرد الجميل كعادتك
إحترامي وتقديري​

 

[حلم كبير]

السلام عليكم ورحمه الله وبركاته

رد الاخت @Mery Babaammi

شكرا على الرد المفصل في جميع جوانبه
لكن عندي تعقيب على قضية النمص بالذات
المرأة لما تتشبه بالراجل في حواجبها وجب عليها تنحيهم وتعدلهم يعني يعيبو فيها لازم تنحي الجزء اللي معيبها ...

بصح أنو مرا كاينة زوج شعرات ولا ثلاثة خارجين وتبدأ تدير بيهم السبة وتنمص حواجبها ، متحججة زعما براجلها وتتزينلو
هنا تسمحلي نڨولها بلي الراجل ميش رايح يدير مجهر ويحوس على الشعرة الزايدة والناقصة في حاجبك ...
كيما يڨول المصري دافنينو سوا ،والحمد لله نعرف في هاذي الامور ما يسمحلي أني نڨولك بلي مبالغة ،كاين بدائل بزاف للنمص باه تغطي بيهم المرا الشعر الزائد في الحاجب
....
والله كلها حجج تديرها المرا باه تلڤط حواجبها وتعاند قريناتها والمسلسلات التركية برك .

يعني بكل صراحة وننحيو الغطا على هاذ الحجج، حجج واهية وما تستاهلش مفتي باه يفتيلها ،بعقلها تعرف ونأكدلك بلي رايحة تلڨى راهي متعدية على حدود الله وضميرها مأنبها بصح تكمل وتفضل أنها ترضي غرورها على أنها ترضي ربي سبحانو ...
يعني ڨد ما ڨلبتها في رأسي لڨيت بلي المرا متعمدة تتطنش وخلاص .

هاذا رأيي والله أعلم
بارك الله فيك على المداخلة القيمة والإضافة القيمة ...
إحترامي وتقديري ​

 

[حلم كبير]

هذا الموضوع شااااائك و تقدر تهدر فيه من ألف زاوية و الدين النصيحة و كل وحدة و تربيتها و سبعالاف حاجة واضحة بصح نقولك حاجة فقط ,
البنات قاع خارجين بلبستهم و حواجبهم و تيليفوناتهم من بيوت فيها الرجال و الرجال قوامون على النساء!
منيش نح فالمسؤولية على الطفلة راني قلت الفوق كل وحدة و تربيتها بصح دائما نتساءلو كي نشوفوا طفلة هاك نقولو هاذي معندها خوها معندها باباها يحكم فيها! و من جهة اخرى تلقى وحدة يتيمة و بالاك معندها حتى واحد متمسكة بدينها و تربيتها و كلش
تقولي الام هي تربي بنتها بالدرجة الاولى نقولك عندك الحق.. المرأة هاذي اذا كان اختارها زوجها للزواج اختارها لأنها صالحة اكيد يجيبو اولاد صالحين و يربوهم على حساب نيتهم -الا في حالة الابتلاء بولد عاق- أما اذا جابها لأنها بنت فلان و زينة و عندها الورث خخخ يجيبو حاجة يحصلو فيها كلش بالنية..
و كاين الف وألف حاجة راهي تتحكم ضركا التلفزيون الرفقة السيئة الدياثة المرأة الدنيوية ووو والله متقدر تحكم بصح مذابينا نطلعو لأصل المشكلة عالاقل متزيدش و تولي تجري مجرى الدم فالانسان و هوما الوالدين أولا و الرجولة التي تكاد تنعدم ثانيا- مع بعض التحفظات-...
والرسول صلى الله عليه وسلم يقول :من كان له ثلاث بنات أو ثلاث أخوات أو ابنتان أو اختان فأحسن صحبتهن و اتقى الله فيهن فله الجنة..فأحسن صحبتهن يكون لها هو الصاحب الرفيق يسقسيها كشما تحتاج يجيبلها قرعة ريحة يحوس بيها يدخل للجنة و عالاقل يعمرلها هذاك النقص.. منيش نبرر للفتاة باش دير خليل و تخرج تحوس بصح لوجيكمون لو كل واحد يؤدي الدور تاعو زين بالاك منوصلوش لبزاف حوايج..
لغة الحوار ثان منعدمة تلقا الطفلة داخلة عليها مسلسلات الام ما تربي الاب ما يعظ لاهيين في مشاكلهم ميجيبو خبر حتى يلقاو بنتهم خارجة بالسروال و كوپ ڨاغصون وغوجالافغ تاع 24 ساعة -_-
والله كون نهدرو في موضوع هاك نكتبو مجلد
و كل وحدة وأصلها فالتالي ربي يهدينا و يثبتنا على الطريق الصحيح. ​

السلام عليكم ورحمه الله وبركاته
بارك الله فيك على الرد المفصل
نعم صح عندك حق في كل ما قلت
الرجل استقال من منصبه للأسف الشديد
فكرتيني في قصة نحكيهالكم صرات ڨدام عيني
وأنا في الباتو مروح لدزاير طلعنا كامل كل واحد هز الكود نتاع الشمبرة ويحوس على رقم الشمبرة نتاعو . كاين اللي خلص شمبرا وكاين اللي خلص مقعد برك وحنا داخلين وڨدام الباب نشوف مرا تحكي مع راجلها بطريقة خلاتني نحك عينيا ونشوف مليح أسكو اللي راني نشوف فيه صح ولا العكس ،تعيط وبلهجتها ما نڤولش واش من جيهة خير وهي تطالب فيه بشمبرا وهوما خلصو فوتاي برك ،وتعاير فيه عرة الرجال ڤدام ولادو والناس،والله حشمت في بلاصتو وراح المخلوق يسيي يحوس على شمبرا وڤعدت تسب فيه ڤدام ولادو والله كارثة ما يحصل اليوم ،تبادلت الأدوار
الطفلة كي تشوف أمها حاڤرة باباها واش تواسي هي تتعرى وتدير واش تحب ومعاها ماماها تدافع عنها .
يعني مأزق ما كان غير ربي سبحانو اللي يفرج منو .
ما نهملش دور الراجل ثاني ،هو علابالو بلي الدياثة حرام وكومام وتلڨاه قارس راسو فالطين ....
بارك الله فيك على المداخلة القيمة
إحترامي وتقديري​

 

[sanaya]

السلام عليكم ورحمه الله وبركاته

رد الاخت @Mery Babaammi

شكرا على الرد المفصل في جميع جوانبه
لكن عندي تعقيب على قضية النمص بالذات
المرأة لما تتشبه بالراجل في حواجبها وجب عليها تنحيهم وتعدلهم يعني يعيبو فيها لازم تنحي الجزء اللي معيبها ...

بصح أنو مرا كاينة زوج شعرات ولا ثلاثة خارجين وتبدأ تدير بيهم السبة وتنمص حواجبها ، متحججة زعما براجلها وتتزينلو
هنا تسمحلي نڨولها بلي الراجل ميش رايح يدير مجهر ويحوس على الشعرة الزايدة والناقصة في حاجبك ...
كيما يڨول المصري دافنينو سوا ،والحمد لله نعرف في هاذي الامور ما يسمحلي أني نڨولك بلي مبالغة ،كاين بدائل بزاف للنمص باه تغطي بيهم المرا الشعر الزائد في الحاجب
....
والله كلها حجج تديرها المرا باه تلڤط حواجبها وتعاند قريناتها والمسلسلات التركية برك .

يعني بكل صراحة وننحيو الغطا على هاذ الحجج، حجج واهية وما تستاهلش مفتي باه يفتيلها ،بعقلها تعرف ونأكدلك بلي رايحة تلڨى راهي متعدية على حدود الله وضميرها مأنبها بصح تكمل وتفضل أنها ترضي غرورها على أنها ترضي ربي سبحانو ...
يعني ڨد ما ڨلبتها في رأسي لڨيت بلي المرا متعمدة تتطنش وخلاص .

هاذا رأيي والله أعلم
بارك الله فيك على المداخلة القيمة والإضافة القيمة ...
إحترامي وتقديري ​

ما قلته عن النمص هو نفس ما سمعته
إذا كان لغرض تهذيب الحاجب و كان الحاجب غير رقيق
يعني شوه ليها صورة و جهها كامرأة
أما زوج و لا ربع شعرات زايدين مش حجة للنمص
ماقاله المفتي هو نفس ما قلته فقط لم أوضح جيدا
هو أعطى الرخصة في تهذيب الحاجب للمرأة التي يشوه شكل حاجبها جمالها
و ا شترط لها عدم ترقيقه و إنما التهذيب فقط
أما اللي عندها شعرات قلال زايدين مهدرش عليها
ربي يحفظك الأخ مجددا و السلام عليكم