من مطبخي ❤سردين صحي بالفرن❤

[sanaya]

السلام عليكم

اليوم حبيت نشارككم بوصفة خفيفة ظريفة أول مرة نديرها الحاجة اللي عجبتني فيها أنو مفيهاش قلي و كثرة المقليات كما تعرفوا مش صحي و زيد يوسخ الموقد و الحيوط???
اتسما كنقصو القليان رانا نحافظوا على صحتنا و على نظافة الكوزينة...
تبعوا معايا الخطوات بالصور
قطعي بصلة فلبلا

ومبعد حطي عليها السردين

و مبعد بجهة تكوني وجدتي ثوم مبشور مع زوج حبات طماطم مبشور مع نص كاس كاء و ملح و كمون و فلفل كحل و راس الحانوت تخلطيهم كامل و تحطي منهم فوق الحوت
و مبعد تعودي ديري طبقة تاع الحوت وحدة تاع لا صوص حتى تكملي
و مبعد حطيه فالفور

و مبعد تخرجيه و تحطيه على الصحون و فبلاصة الزيتون كان نورمالمون ندير في بلاصتو بطاطا مقلية مقطعة قطع صغيرة مي كنت روتار ألور مدرتش الفريت معاه و نشالله تعجبكم الوصفة
سلااااام????

 

[لؤلؤة قسنطينة]

السلام عليكم ورحمة الله وبركاته
يعطيك الصحة مريومة باينة تشهي الله يبارك
بصحتكم، حنا نديروها تاني تاع الطبقات هادي وداخلها طماطم
بصح نقليوها وبما أنو الطريقة هادي داخل الفرن وبدون قلي
رايحة تكو نصحية بشكل أكبر، والوقت قداه تستغرق باه تطيب؟
بالاك نجربها ان شاء الله اصلا سخفت على الساردينة فكرتيني فيها ههه
عندنا شحال مادرناهاش
شكرا على الوصفة حبيبتي ان شاء الله نشوفولك وصفات اخرى ان شاء الله
تحياتي​

 

[sanaya]

السلام عليكم ورحمة الله وبركاته
يعطيك الصحة مريومة باينة تشهي الله يبارك
وعليكم السلام حبيبتي مريم ايه جات بنينة مرسي
بصحتكم، حنا نديروها تاني تاع الطبقات هادي وداخلها طماطم
بصح نقليوها
تعيشي و مبعد مديلنا لاروسات تاعها كفاه تقلوها أنا كنقليها عادي منديرلهاش طماطم
وبما أنو الطريقة هادي داخل الفرن وبدون قلي
رايحة تكو نصحية بشكل أكبر، والوقت قداه تستغرق باه تطيب؟
الحقيقة محسبتش مي حوالي ساعة و ستنيت شويا تنشف لاصوص
بالاك نجربها ان شاء الله اصلا سخفت على الساردينة فكرتيني فيها ههه
عندنا شحال مادرناهاش
يالله كوراج متنسايش تشاركيها معانا هنا ومرسي لتواجدك شكرا جزيلا
شكرا على الوصفة حبيبتي ان شاء الله نشوفولك وصفات اخرى ان شاء الله
تحياتي​

 

[*amani*]

السلام عليكم
الله تشهي تبارك الله ..وزيد صحية وتجي بنينة? ..سلمت يداك غاليتي على الطريقة الجميلة ..وبالصحة والهناء?⁦⁩

 

[sanaya]

السلام عليكم
الله تشهي تبارك الله ..وزيد صحية وتجي بنينة? ..سلمت يداك غاليتي على الطريقة الجميلة ..وبالصحة والهناء?⁦⁩

يسلمك حبيبتي شكرا على مرورك

 

[وۣۗهۣۗہۣۗم]

يعطيك الصحة يبان يشهى مع انوو مناش صحبة ههههههههههه

 

[sanaya]

يعطيك الصحة يبان يشهى مع انوو مناش صحبة ههههههههههه

مفمتش كفاه مناش صحبة???

 

[وۣۗهۣۗہۣۗم]

مفمتش كفاه مناش صحبة???

يعنى منبغيهش ????

 

[سكون الفجر]

يمي يمي ما شاء الله شهية وأكيد طعمها تحفة
تسلمي أختي على الوصفة الشهية
بارك الله فيكِ​

 

[sanaya]

يعنى منبغيهش ????

خخخخخخخخ ضحكتيني شكون ميحبش السردين باينة راكي قريبة من لبحر??

 

[sanaya]

يمي يمي ما شاء الله شهية وأكيد طعمها تحفة
تسلمي أختي على الوصفة الشهية
بارك الله فيكِ​

و تسلمي على المرور حبيبتي شكرا

 

[السلطانة]

وعليكم السلام انا من عشاق الساردينا

تسلم الايادي خرجتلك هايلة وطيبة مادامت صحية

 

[وۣۗهۣۗہۣۗم]

خخخخخخخخ ضحكتيني شكون ميحبش السردين باينة راكي قريبة من لبحر??

ههههههههههههه

 

[sanaya]

وعليكم السلام انا من عشاق الساردينا

تسلم الايادي خرجتلك هايلة وطيبة مادامت صحية

لاهي سلمك حبيبتي

 

[Banat]

يشهي اختي لعزيزة يعطيك ابصحة​

 

[sanaya]

يشهي اختي لعزيزة يعطيك ابصحة​

يسلمك بب

 

[بين الحقيقة و السراب]

جميل و صحي ..
و قادر نعمروه برز طايب متبل و شويا معدنوس لأني شخصيا لا أفضل معه البصل بهداك الشكل ^^
مشكورة