عانس??

[sanaya]

سلام عليكم??
نشالله راكم غاية ??
كاين أخت فالفايس طلبت مني نكتب على ظاهرة و قلت نزيد نكتب هنا ممكن يكون هاذ الظاهرة مستفحلة بكل بلاصة من وطننا الغالي
و تسمحلي بزاف باسكو طولت عليها و هي كيفاه نعاملو الفتاة العزباء في مجتمعنا ??
?أولا و قبل كل شيء تروح للعرس و لازم تريح مع لبنات اللي صغار عليها ولا جات تريح مع المتزوجات ميقيموهاش باسكو مش متزوجة ولا يرحبوا بيها و كيكونوا يحكيوا يتغامزوا بيناتهم و يخلوها زعما خاطرش مزال متزوجت??
?هاذ الفتاة تروح للعرس تتلاقا بصاحبتها فالقراية و متفرحش بيها قاع و كتجي وحدة قرات معاهم مصح متزوجة تفرح بيها كشغل راكي بقيمتك غير الا تتزوجي
?الطفلة الا كانت عزباء و عندها دبلوم الكل يرفدها فوق راسو و يعيط باسمها مصح الا كانت عزباء و ماكثة في البيت يعني مقراتش بزاف مسكينة واحد ما يقيمهاش و كاين بزاف بنات متزوجوش مصح راهم رافدين والديهم فوق راسهم??❤❤❤وتحية كبيرة ليهم??
علابالي ماشي الكل يعاملو هكذا البنت العزباء مصح الغالب علاهاذيك رجاءا ديروا رواحكم فبلاصت هاذ الطفلة ??وكفاه راهو احساسها ?ولازم كتفرحوا لوحدة هاذاك الفرح و الابتسامة يكون طبيعة فيكم و لوجه الله ثانيا ماشي غير مع اللي تحبي تفرحي لأنو الشخص اللي معدنو نقي يوزع أخلاقو الحسنة بالتساوي على الجميع غنية ولا فقيرة مزوجة و لا عزباء ....
ونتمنى يكون المساج لحق و سمحيلي اختي طولت باش ننشر
سلام???

 

[لؤلؤة قسنطينة]

السلام عليكم ورحمة الله وبركاته
يعطيك الصحة مريومة على الموضوع جد حساس ولي هو أمر معروف ومشهور في مجتمعنا
ناس غير مؤمنة بقضاء الله وقدره، ومايرضى لا على العانس وعلى على المتزوجة ولا على المطلقة
إذا ماتزوجتش المرأة يكرهولها حياتها بالأسئلة علاه ماتزوجتيش وعلاه ماجاوكش خطاب، إذا تزوجت وتهنات من تكسار الراس
يوليو علاه ماجبتيش الاولاد بالاك راكي مريضة وفلانة تزوجت وراك عندها بزاف أولاد، مسكينة تزيد تجيب الأولاد إذا طفلة
يقولولها علاه ماجبتيش طفل وإذا طفل يقولولها ماش رايحة تجيبيلو خوه وهكذا الناس عايشة للناس، من المفروض كل واحد فينا
راهو يطوّر من نفسو ويحقق طموحاتو ويبني المجتمع تاعو بما هو جيّد ويعمل ويجتهد حنا لالا فارغين شغل قاعدين غير للقيل والقال
ومدايرين الزواج أعظم وأكبر هدف في الدنيا، واش هد الجهل يا عباد الله؟ الزواج سنة الحياة ونصف الدين ولكنو ماش هاداك الهدف
العظيم والوحيد في حياة الإنسان يمكن يكون أحد الأهداف بصح باه يكون الهدف الوحيد هادا ظلم في حق النفس، ماعندهاش بزاف
طرحت استفسار على أحد مواقع التواصل الاجتماعي قتلهم جايتكم نورمال نزادو في الدنيا ناكلو ونشربو ونرقدو ونتزوجو
ونجيبو ولاد وخلاص؟ هادي هي الحياة؟ والعقل لي عطاهولنا ربي ولي قادرين نديرو بيه العجب واش دورو؟ المرأة حتى وإن لم تكن متزوجة
تقدر تدير بزاف أمور تنفعها في دنيتها وآخرتها وتحقق طموحاتها والمتزوجة كذلك، علاه لي ماتتزوجش نحطموها لهاد الدرجة نقيّمو الناس بحاجة بديهية؟
نقيّم انسان بالزواج؟ وبالانجاب؟ والله ساعا تنحير إذا رانا مجتمع نخممو صح ولا في عقولنا باطة قوفريط، فينا غير اللسان يضرب كي الموس
ناس ماتخافش ربي تفتخر على غيرها علاواه؟ كي تزوجت؟ من المفروض لي تتزوج يكون الخوف حاكمها كترم ن العازبة خاطر راهي أمام مسؤولية
عظيمة، ماش مجرد صور وتصديرة وربي يكما يمدلك حاجة ويرزقك يقدر ينحيلك النعمة، خاطر الزواج ماش انجاز باش تفتاخري بيه راهو حاجة
بديهية من قرون يعني مادرتيش حاجة جديدة وبجهدك وتعبك، هادا رزق من ربي بعتهولك دون جهد منك مالا لي تعايري فيها كأنك تعايري
في رزق لي خلقها والعياذ بالله، بصح مع من تهدري للأسف، ربي يهدينا ويهديهم ويرزق كل بنت بالستر والعفاف وبالزوج الصالح
تحياتي​

 

[sanaya]

السلام عليكم ورحمة الله وبركاته
يعطيك الصحة مريومة على الموضوع جد حساس ولي هو أمر معروف ومشهور في مجتمعنا
ناس غير مؤمنة بقضاء الله وقدره، ومايرضى لا على العانس وعلى على المتزوجة ولا على المطلقة
إذا ماتزوجتش المرأة يكرهولها حياتها بالأسئلة علاه ماتزوجتيش وعلاه ماجاوكش خطاب، إذا تزوجت وتهنات من تكسار الراس
يوليو علاه ماجبتيش الاولاد بالاك راكي مريضة وفلانة تزوجت وراك عندها بزاف أولاد، مسكينة تزيد تجيب الأولاد إذا طفلة
يقولولها علاه ماجبتيش طفل وإذا طفل يقولولها ماش رايحة تجيبيلو خوه وهكذا الناس عايشة للناس، من المفروض كل واحد فينا
راهو يطوّر من نفسو ويحقق طموحاتو ويبني المجتمع تاعو بما هو جيّد ويعمل ويجتهد حنا لالا فارغين شغل قاعدين غير للقيل والقال
ومدايرين الزواج أعظم وأكبر هدف في الدنيا، واش هد الجهل يا عباد الله؟ الزواج سنة الحياة ونصف الدين ولكنو ماش هاداك الهدف
العظيم والوحيد في حياة الإنسان يمكن يكون أحد الأهداف بصح باه يكون الهدف الوحيد هادا ظلم في حق النفس، ماعندهاش بزاف
طرحت استفسار على أحد مواقع التواصل الاجتماعي قتلهم جايتكم نورمال نزادو في الدنيا ناكلو ونشربو ونرقدو ونتزوجو
ونجيبو ولاد وخلاص؟ هادي هي الحياة؟ والعقل لي عطاهولنا ربي ولي قادرين نديرو بيه العجب واش دورو؟ المرأة حتى وإن لم تكن متزوجة
تقدر تدير بزاف أمور تنفعها في دنيتها وآخرتها وتحقق طموحاتها والمتزوجة كذلك، علاه لي ماتتزوجش نحطموها لهاد الدرجة نقيّمو الناس بحاجة بديهية؟
نقيّم انسان بالزواج؟ وبالانجاب؟ والله ساعا تنحير إذا رانا مجتمع نخممو صح ولا في عقولنا باطة قوفريط، فينا غير اللسان يضرب كي الموس
ناس ماتخافش ربي تفتخر على غيرها علاواه؟ كي تزوجت؟ من المفروض لي تتزوج يكون الخوف حاكمها كترم ن العازبة خاطر راهي أمام مسؤولية
عظيمة، ماش مجرد صور وتصديرة وربي يكما يمدلك حاجة ويرزقك يقدر ينحيلك النعمة، خاطر الزواج ماش انجاز باش تفتاخري بيه راهو حاجة
بديهية من قرون يعني مادرتيش حاجة جديدة وبجهدك وتعبك، هادا رزق من ربي بعتهولك دون جهد منك مالا لي تعايري فيها كأنك تعايري
في رزق لي خلقها والعياذ بالله، بصح مع من تهدري للأسف، ربي يهدينا ويهديهم ويرزق كل بنت بالستر والعفاف وبالزوج الصالح
تحياتي​

اهلا اختي مريومة
و تسلمي على ردك القيم
المشكل هاذي اللي تعامل العزباء بهاذ الطريقة بالاك هي أصلا مهيش كهنية مع راجلها و راهي حاسبة روحها خلاص
و تلقايها راجلي شرالي خرجني نحوس سافرت ووووووو
خترة ريحت مع وحدة و الله ساعتين تمدح في راجلها شرالي دارلي ياو حسبت حتى لماعن اللي شراهم ليها ااااو و مبعد حنا واش دخلنا فهاذ الشي غير نتي عندك راجل
ألور لا كتكون تمدح هاك و طفلة مزال متزوجت تسمع
و من أسوأ الأسئلة اللي يطرحوهم خطبتي ولا لا
و للمرأة عندك دراري ولا لا صحاباتي فلقراية نتلاقاهم منحبش نسقسي جبتي دراري بالاك مزال مجابت و نقلقها
و كما قالك حكيم ستوري لا إلاه إلا الزواج عند بعض الفئات
و الزواج راهو عند البعض تامبر شوفوني ياناس تزوجت
ربي يهدي هذوما و ربي يهدي الناس ميجرحوش الفتاة العزباء لأنو كل واحد و نصيبو و شكرا بزاف على مرورك
سلام

 

[الامين محمد]

أمر الله تعالى نبيه صلى الله عليه وسلم بالرفق واللين في القول
فقال سبحانه : {فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ
لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ
فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ}
وأمرنا بذلك فقال : { وَقُولُواْ لِلنَّاسِ حُسْناً }
لكن توجد بعض النسوة لهم ألسنة حداد كالسكاكين و مسمومة همزا و لمزا
لا يعرفون أن هته الأمور رزق مقسوم لا أحد له دخل في قسمته و رزقه و زواجه
نسأل الله الهداية

شكرا سيدتي على التنبيه و نسأل الله الستر لكل الإخوة و الأخوات

 

[sanaya]

أمر الله تعالى نبيه صلى الله عليه وسلم بالرفق واللين في القول
فقال سبحانه : {فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ
لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ
فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ}
وأمرنا بذلك فقال : { وَقُولُواْ لِلنَّاسِ حُسْناً }
لكن توجد بعض النسوة لهم ألسنة حداد كالسكاكين و مسمومة همزا و لمزا
لا يعرفون أن هته الأمور رزق مقسوم لا أحد له دخل في قسمته و رزقه و زواجه
نسأل الله الهداية

شكرا سيدتي على التنبيه و نسأل الله الستر لكل الإخوة و الأخوات

رد جميل جدا
نعم بعض النسوة بمجرد أن يغدق الله عليها نعمه تصبح متكبرة مغرورة و كأن رزقها أتاها بقوتها فتجرح دون مبالاة و لا تعلم أن الله يحاسب و يكتب هدانا الله جميعا
شكرا لطيب قولك و مرورك

 

[heba biba]

للاسف هذه ظاهرة منتشرة في مجتمعنا.. نقول ربي يهديهم

 

[sanaya]

للاسف هذه ظاهرة منتشرة في مجتمعنا.. نقول ربي يهديهم

امين يارب

 

[زهور الأمل]

وعليكم السلام ورحمة الله وبركاته
موضوع مميز...مهم وحساس
لست متزوجة وكيما قلتي المزوجين يشوفوني صغيرة حتى ولو كانو اصغر مني
لكن نلقى راحتي كي نريح مع الكبار لانهم يعرفو قيمة الامراة المكافحة
وبالرغم من اني املك شهادة عليا ولكن للاسف لم اشتغل
الا ان ذلك لا يمنعنى من الابداع
صحيح هنالك امور ديدة تجرح نفسيتي ولكن
وجودي بين الوالدين وخدمتي لهم يسعدني اكثر ولله الحمد​

 

[sanaya]

وعليكم السلام ورحمة الله وبركاته
وعليكم السلام و رحمة الله تعالى وبركاته
موضوع مميز...مهم وحساس
لست متزوجة وكيما قلتي المزوجين يشوفوني صغيرة حتى ولو كانو اصغر مني
لالا العزباء تريح مع لبنات ماشي باسكو صغيرة باسكو معندهاش الحق تريح معاهم و هي مش متزوجة
لكن نلقى راحتي كي نريح مع الكبار لانهم يعرفو قيمة الامراة المكافحة
وبالرغم من اني املك شهادة عليا ولكن للاسف لم اشتغل
علابالك شحال نفرح كنشوف وحدة عندها شهادة مهما كانت تبارك الله قوليلي واش من تخصص و نشالله تلقاي عمل
الا ان ذلك لا يمنعنى من الابداع
صحيح هنالك امور ديدة تجرح نفسيتي ولكن
وجودي بين الوالدين وخدمتي لهم يسعدني اكثر ولله الحمد
وي و هذا هو الصح و حنا مدابينا هاذ التفكير العقيم يروح و الناس ميقيموش الطفلة من خلال زواجها قادر تلقاي وحدة تزوجت و شابة و قارية وووو ولكنها زوجة سيئة مش أي زوجة راهي متميزة ربي يحفظك على مرورك حبيبتي
شكرا جزيلا​

 

[الباندي]

هي كي تجي تشوف، ،مجتمعنا الجزائري فيه العديد من الامراض النفسية والعقد الاجتماعية،،و زيدك حاجة،، احنا حڨارة بالعين
ذوي الاحتياجات الخاصة ننظر لهم بعين الشفقة وديما نحسوهم بلي هوما ناس ناقصين وماشي كما العباد،،
المطلقة يشوفها على انها انسانة مشبوهة
المرأة اللي ربي ماكتبلهاش الزواج المجتمع يحسسها انها مرأة ناقصة وغير مؤهلة حتى وصلت لحد المعايرة،، يعني اللي ماتزوجتش فيها ديفو!
خطرات تبالي الجزائري لازم يداوي روحو عند بسيكولوغ،،مشكل انو المواطن الجزائري نفسه كي يسمع واحد مثلا راه يداوي عند طبيب نفسي تباله كي شغل هذاك الانسان مهبول!
علابالي خرجت عن الموضوع ولكن هاذ الظواهر الفكرية الخارجة عن منطق العقل السليم كثرت واصبحت من الثوابت
موضوع طويل وهذا ماحلبت،، بالاك نرجع نعطي رد افضل من هذا وفي مستوى موضوعك الراقي

 

[sanaya]

ه

هي كي تجي تشوف، ،مجتمعنا الجزائري فيه العديد من الامراض النفسية والعقد الاجتماعية،،و زيدك حاجة،، احنا حڨارة بالعين
ذوي الاحتياجات الخاصة ننظر لهم بعين الشفقة وديما نحسوهم بلي هوما ناس ناقصين وماشي كما العباد،،
المطلقة يشوفها على انها انسانة مشبوهة
المرأة اللي ربي ماكتبلهاش الزواج المجتمع يحسسها انها مرأة ناقصة وغير مؤهلة حتى وصلت لحد المعايرة،، يعني اللي ماتزوجتش فيها ديفو!
خطرات تبالي الجزائري لازم يداوي روحو عند بسيكولوغ،،مشكل انو المواطن الجزائري نفسه كي يسمع واحد مثلا راه يداوي عند طبيب نفسي تباله كي شغل هذاك الانسان مهبول!
علابالي خرجت عن الموضوع ولكن هاذ الظواهر الفكرية الخارجة عن منطق العقل السليم كثرت واصبحت من الثوابت
موضوع طويل وهذا ماحلبت،، بالاك نرجع نعطي رد افضل من هذا وفي مستوى موضوعك الراقي

هههههه عجبني ردك والله
و الشي اللي قلتو صحيح
المطلقة مام لوكان كانت تقية راح تكون مشبوهة
العانس لوكان ملكة جمال و أخلاق سير فيها ديفو
المعوق يخزروه بنظرة شفقة تخليه يتحطم
اللي تزوجت و حبها راجلها سحراتو
و اللي طلقها مهيش مطهلية فيها
ووووووووووو
و اللي داوي عند طبيب نفسي مهبول هاذي والله كاينة منها
شنو هو الناس اللي ربي دارليهم لسان يجرح ربي يهديهم باسكو مكاش حاجة أصعب من مظالم العباد
و كل واحد فينا لازم ينحي على هاذ الناس يحكي معاهم يفرح معاهم بالاك ربي يفتحلو في جرتهم و راهم كما حنا عباد قلب و لحم و دم
ردك عجبني باسكو حكيت على عدة ظاهرات مستفحلة
مرسي خويا (الباندي) علاه الباندي خخخخ

 

[الباندي]

ه

هههههه عجبني ردك والله
و الشي اللي قلتو صحيح
المطلقة مام لوكان كانت تقية راح تكون مشبوهة
العانس لوكان ملكة جمال و أخلاق سير فيها ديفو
المعوق يخزروه بنظرة شفقة تخليه يتحطم
اللي تزوجت و حبها راجلها سحراتو
و اللي طلقها مهيش مطهلية فيها
ووووووووووو
و اللي داوي عند طبيب نفسي مهبول هاذي والله كاينة منها
شنو هو الناس اللي ربي دارليهم لسان يجرح ربي يهديهم باسكو مكاش حاجة أصعب من مظالم العباد
و كل واحد فينا لازم ينحي على هاذ الناس يحكي معاهم يفرح معاهم بالاك ربي يفتحلو في جرتهم و راهم كما حنا عباد قلب و لحم و دم
ردك عجبني باسكو حكيت على عدة ظاهرات مستفحلة
مرسي خويا (الباندي) علاه الباندي خخخخ

اللسان اللاذع،، شوفي انا كاين وحد صوالح يخرجوني من عقلي وهادي غي وحدها
يخصنا نتعلمو كيفاه نهدرو غاية
مانعرفو نهدرو مع ذري صغير،، لا انسان مريض،، لا انسان مهموم،، لا انسان طايح في مشكل،،
ماعدنا فن الاستماع،، كي الناس تجي تشكي لصاحبك يڨولك نورمال ههههه اه بنادم انا انسان شحم ولحم ماشي ثلاجة
واحد دار اكسيدون ودخل سبيطار يڨولك اواه اللوطو حرامية سي نو مايديرش اكسيدون
يسمعو مرأة طلقت يقولك اواه صابها كاشما دير،، اواه باينة هاذيك عود و ڨارحة غي تع طرڨان ،ماتنعشرش،،
يشوفو مرأة فاتت 30 يڨولك اواه هاذيك كون جات بنت فاميلة كون طارو بيها زمان وهما جامي شافو وجها برة،،،
صراحة مجتمعنا هدام مايرحمش
._______________________________
الباندي هاذ الاسم قديم،، كي شغل المعايرة تع الصغر في الحومة
هاشتي كيفاه كون جينا عايشين في مجتمع يقدر الانسان مانعايرو العباد هههه المواطن الاوروپي يبدع في اسماء الدلع، و الجزائري يبدع في اختراع الاوصاف تع المعايرة،، فرق في السرعات

 

[Hakan]

العانس انثى تدفع ضريبة الهوية الجنسية التي رزقت بها كونها ليست ذكرا
في مجتمع اعطى كل شيء لفترة واحد تسمى بالزواج
ولكن لهذه اسباب عديدة لا يجب ان نتهرب منها
سأعود برد لائق ان شااء الله
​

 

[السلطانة]

وعليكم السلام ورحمة الله وبركاته هذا النوع من البشر لي يعييني انا ونكره نتعامل معاه ناس مريضة وتحقر بالعين وتجرح غيرها مع انو المزوجة كي تزوجت ماطلعتش صاروخ مثلا والعزبة راهي فيها ديفو الديفو في التفكير هاذا التافه لناس تافهة صحيتي اختي

 

[sanaya]

اللسان اللاذع،، شوفي انا كاين وحد صوالح يخرجوني من عقلي وهادي غي وحدها
يخصنا نتعلمو كيفاه نهدرو غاية
مانعرفو نهدرو مع ذري صغير،، لا انسان مريض،، لا انسان مهموم،، لا انسان طايح في مشكل،،
ماعدنا فن الاستماع،، كي الناس تجي تشكي لصاحبك يڨولك نورمال ههههه
و يقولك عادي اصبر ونهار يقيسو شوكة برك يجي يشكيلك و كتقولو نتا تاني نورمال يقولك كفاه تبردها هاكذا
اه بنادم انا انسان شحم ولحم ماشي ثلاجة
واحد دار اكسيدون ودخل سبيطار يڨولك اواه اللوطو حرامية سي نو مايديرش اكسيدون
كشغل شعب الله المختار خخخخخ ولينا حنا قضاة على العباد مش ربي سبحانو
يسمعو مرأة طلقت يقولك اواه صابها كاشما دير،، اواه باينة هاذيك عود و ڨارحة غي تع طرڨان ،ماتنعشرش،،
وعلاش ماشي راجلها هو اللي خايب و تخلى على وحدة فحلة باسكو كان شبعان اللوم ديما على المطلقة مام لوكان جات مظلومة
يشوفو مرأة فاتت 30 يڨولك اواه هاذيك كون جات بنت فاميلة كون طارو بيها زمان وهما جامي شافو وجها برة،،،
ولا يقولو سير فيها عيب و الناس اللي تعجبهم بالاك يتجاهلوها وهي مسكينة مافيها والو
صراحة مجتمعنا هدام مايرحمش
._______________________________
الباندي هاذ الاسم قديم،، كي شغل المعايرة تع الصغر في الحومة
هاشتي كيفاه كون جينا عايشين في مجتمع يقدر الانسان مانعايرو العباد هههه المواطن الاوروپي يبدع في اسماء الدلع، و الجزائري يبدع في اختراع الاوصاف تع المعايرة
نعم للأسف و في الغرب عندك الحق على شخص عايرك بلفظ بديء و حنا ديننا دين الاسلام دين الرفق مناش بحاجة لقوانين كل واش يخصنا نتبعوا ديننا ولا متبعناش الدين نتبعوا طريق الانسانية
مجددا شكرا على المرور خو??
،، فرق في السرعات

 

[sanaya]

العانس انثى تدفع ضريبة الهوية الجنسية التي رزقت بها كونها ليست ذكرا
في مجتمع اعطى كل شيء لفترة واحد تسمى بالزواج
ولكن لهذه اسباب عديدة لا يجب ان نتهرب منها
سأعود برد لائق ان شااء الله
​

مرحبا ياريت تذكر لينا الأسباب و بانتظار عودتك
نعم بمجتمع الزواج هو كل شيء ميهمش مهنية و لا لا ميهمش مقيمة راجلها ولا لا
المهم تامبر الزواج لازم تعلقوا مع اسمها باش تولي حاجة كبيرة و مقيومة
المتزوجة ياو لوكان مش متربية و متخافش ربي ولا متصليش راهي حاجة كبيرة و العانس مهما كانت تقية واحد مش مقيمها
ممكن السبب يبدا من العائلة ثاني اللي عايروا بناتهم باسكو متزوجوش و هكذا إلى المجتمع
بانتظار عودتك شكرا لمرورك

 

[sanaya]

العانس انثى تدفع ضريبة الهوية الجنسية التي رزقت بها كونها ليست ذكرا
في مجتمع اعطى كل شيء لفترة واحد تسمى بالزواج
ولكن لهذه اسباب عديدة لا يجب ان نتهرب منها
سأعود برد لائق ان شااء الله
​

مرحبا ياريت تذكر لينا الأسباب و بانتظار عودتك
نعم بمجتمع الزواج هو كل شيء ميهمش مهنية و لا لا ميهمش مقيمة راجلها ولا لا
المهم تامبر الزواج لازم تعلقوا مع اسمها باش تولي حاجة كبيرة و مقيومة
المتزوجة ياو لوكان مش متربية و متخافش ربي ولا متصليش راهي حاجة كبيرة و العانس مهما كانت تقية واحد مش مقيمها
ممكن السبب يبدا من العائلة ثاني اللي عايروا بناتهم باسكو متزوجوش و هكذا إلى المجتمع
بانتظار عودتك شكرا لمرورك

وعليكم السلام ورحمة الله وبركاته هذا النوع من البشر لي يعييني انا ونكره نتعامل معاه ناس مريضة وتحقر بالعين وتجرح غيرها مع انو المزوجة كي تزوجت ماطلعتش صاروخ مثلا والعزبة راهي فيها ديفو الديفو في التفكير هاذا التافه لناس تافهة صحيتي اختي

المتزوجة مطلعتش صاروخ و العزباء راهي حققت و أنجزت و أعظم شيء هو دعوة خير والديها
واعرة أنو وحدة يحاسبها المجتمع بغلطة مدارتهاش و تولي فجأة اسم نكرة لأنو مش متزوجة هي تفاهة نعم ولكن المشكل هو احساس تلك العزباء و قلبها المنكسر بهيك تصرفات
ربي يخليك حبيبتي سلام

 

[صانعة الإبتسامة]

سلام عليكم
بالمناسبة تحية خااالصة ليك وعلى مواضيعك القيمة
للأسف هذا هو الواقع تاعنا أي شخص ناقص حاجة يحقروه سواء كان عانس او من ذوي الاحتياجات الخاصة او زوالي او امي مايعرفش يقرا يعني حنا منعاونوش بعضنا غير نهدرو برك والافعال مكاش إلا من رحم ربك
يليق نقفو معاهم ولو بالكلمة الطيبة والعانس في مجتمعنا محقورة وانا شفت بزاف حالات هاك حتى يحرجوها بأسئلة تلقايها حتىى تتفدى التجمعات وتحب الإنعزال
الزواج قسمة ونصيب وكل شيء بالمكتوب والزواج هو جزء من الحياة وليس الحياة كلها

 

[sanaya]

سلام عليكم
بالمناسبة تحية خااالصة ليك وعلى مواضيعك القيمة
للأسف هذا هو الواقع تاعنا أي شخص ناقص حاجة يحقروه سواء كان عانس او من ذوي الاحتياجات الخاصة او زوالي او امي مايعرفش يقرا يعني حنا منعاونوش بعضنا غير نهدرو برك والافعال مكاش إلا من رحم ربك
يليق نقفو معاهم ولو بالكلمة الطيبة والعانس في مجتمعنا محقورة وانا شفت بزاف حالات هاك حتى يحرجوها بأسئلة تلقايها حتىى تتفدى التجمعات وتحب الإنعزال
الزواج قسمة ونصيب وكل شيء بالمكتوب والزواج هو جزء من الحياة وليس الحياة كلها

اهلا اختي
سافي بليزير أنو مواضيعي تعجبك
وي العانس تلحق حتى تتهرب و كاين عباد هداهم الله غير يشوفو الطفلة يسقسوها مخطوبة ولا مزوجة
ولا كانت كبيرة فلاج كاين اللي تجاوب بثقة و كاين اللي تجاوب و هي تحس بالنقص لالا مش مخطوبة
علاهاذيك بلاش هالأسئلة لا تزوجتي لا عندك دراري لا قريتي الا هي تحب تحكي على روحها تحكي
ربي يحفظك على مرورك و نتمنى تكون وقفة لينا باش كامل نراجعوا حسابنا مع ارواحنا لأنو الخطأ للأسف كيتفشى فالمجتمع يولي شيء عادي.تحياتي اختيتو

 

[زهور الأمل]

صحيح لما اصغر منك يرونك صغيرة هههه
نلت شهادة الماستر في االانجليزية تعليمية الادب
شكرا اختي على كلامك الجميل