أنا فريسكا اللي يحبني يجي لعيد ميلادي

[أبو عاتكة]

​

أنا فنان ونجم صاعد وين صاعد والله معلابالي المهم ان شاء الله الحالة تبقى زاهية وتدوم اسمي هو فريسكا.
واش معنى فريسكا؟! زعما الصحفية.
هذا اسمي ( فريد) وخويا اسمو (سكاپو) يعني سلّوم بالدارجة أيا خلطتهم في الروبو خرجولي فريسكا واش معناتها والله معلابالي.
بون معناها بالدارجة bon راح نبدى نحط فيديوات في منتدى اللمة سكارا في اليوتوب نتاع الكفار والفيسبوك الحمار.

متنساوش عيد ميلادي بعد أيامات مانيش عارف لادات بصح كي نشوف ماما نفيكسيو لادات ونقلكم. نتلقاو في حاسي مسعود الحمادة نيميرو تغوا 3. لاباز نتاع البترول التالية.
ماذا بيا المدارس يديرو يوم تحسيسي لعيد ميلادي في ذاك النهار. والعمال عطلة مدفوعة الاجر باه يحضروا مع العايلات وتخلا الحالة.

بون راح نبدى

:الامين محمد
واش فريسكا.
نعطيك مليار اللي تضل تحلم بيه واحظرلي عضوية4algeria.com حظر نهائي أيا تشوف.

sanaya
انتي صغيرة نعطوك خمسالاف برك وارمي روحك من الطاقة خيرتلك حاجة ساهلة.

The tank

نعطيك ...اصبر تشوف انت نزوجك ديريكت نزوجك واضرب بابات العروسة نهار العُقد.

حلم كبير
راك في الغربة نعطيك بالدينار الله غالب اللورو طالع نعطيك دوصونميل واطلع في التوريفال وعيط حاب نحرق لدزاير ...حاب نحرق لدزاير...

لؤلؤة قسنطينة
التحدي نتاعك ساهل ماهل نعطيك صون ميل واحذفي كل مواضيعك في المنتدى والمشاركات ومن بعد ديري موضوع في الترحيب عضوة جديدة تريد ترحيب حار وابكي.

Nounous nina
نعطيك زوج ملايين وطيبيلي ڨاع واش كاين في منتدى الطبخ.

السلطانة
نعطيك واش تحبي وعضي ياسمين من خدها حتى تبقة المارة في وجهها كي يسقسيك باباها قلوا انا مصاصة دماء مهبولة بعّد عليا لناكلك.

missing heart

المزاجية المتمردة نعطيك دوصون ميل واخرجي للشارع في النهار وعيطي آااااي..خلوني نقتل روحي ... آاااااي خلوني نقتل العمر..آااااي خلوني نرهج العمر... ونشوفوا من بعد وين نحوسو عليك.


الجماعة اللي بقاو اسمحولنا والله نعزكم كامل خلاصولي الدراهم المرة القادمة ان شاء الله اكتبوا الوصية واستناو الدعوة. نتمكم كامل.

هاذا هو أنا فريسكا تلقاوني في سيدي يايا الجماعة اللي راهي جاية لعيد ميلادي غير ديمارو من ضرك باش تلحقوا لحاسي مسعود بكري.
ان شاء الله نتشهر عالميا وننجح باه نبدل العقلية نتاع المجتمع والشباب ونولو كامل نص نص شوي شوي أي أي.
ديديكاس للأجيال نتاع بكري اتهلاو في المبادئ والاخلاق والثقافة اللي مافيها فايدة وخلونا مع الهبال والجياح باه المعيشة تحلى والشعب يرتاح.

ياماما وينهو العشا.

 

[Skor m@k]

السلام عليكم
هههههه الله يعطيك الربح عمي فريدو
اواه واقيل الزوجة الكريمة تحفاتك بطبسي لوبيا في هذا البرد هههههه
علبالك باش تولي مشهور هنا في بلادنا لازم تتمهبل شويا بزاف كي شغل تسماط
واصح عبارة هي كي دير الملح للطعام وتنقلبلك لباكي كامل فيه ههههه
بصح ياعمي راك غلطت في الاسم ههههه
على ما اعتقد اسمو ريفكا ماشي فريسكا​

 

[لؤلؤة قسنطينة]

السلام عليكم ورحمة الله وبركاته
والله شبعت ضحك هههه، عجبتني فريسكا خليط بين فريد وسكابو عندك خيال شاسع هههه
والله حالة، وبعدا نحذف المواضيع كامل على 100 ألف طلّع شوي السومة كاش 100 مليون ومعرف إذا نقبل ههه
كيفاه الأمين تمدولو مليار وحنا غير 100 ألف هذا ليس عدلا
وبالعودة للب الموضوع أو للفكرة لي كتبت على جالها الموضوع بصراحة أنا مانلومش هذا ريفكا
لأنو ساعات مليحة تستغل غباء الشعب وتحقق بيه بعض طموحاتك، يعني الإنسان هادا نقولو يتمهبل
في سنابشات ولا معرف وين عايش حياتو ولا معرف واش يدير والناس تبع فيه
يقولك ساعات لا تصنعوا من الحمقى مشاهير، ولكن الحمقى هم من جعلوا من الحمقى مشاهير
الشهرة ماتجيش هكاك، كيفها كيف أغاني الراي لي تحتوي على كلام بذيء يقولك الراي والراي
وهو أكثر نوع موسيقي يتبعوه الشباب، إذن الشهرة تجي من الشعب ماش من الانسان نفسو
وسورتو دركا الشهرة ولات كيما تاكل الكاوكاو، اتمهبل واتمسخر يتبعوك شباب فارغين شغل ونتا درت مشروع
بصح لي دوختني صح هل للدرجة هادي شبابنا كامل فارغ شغل باه يروح لعيد ميلاد هاد الشاب؟
راهو عدد هائل ولا يحصى درك هادو منين جاو؟ ويكفاه جاو؟ ماعندهمش أهل؟
يعني شباب ضائع تاع الصح، ربي يهدينا ويهديهم ونتمنالك التوفيق فريسكا هههه
تحياتي​

 

[الامين محمد]

ههههههههههههههههه الله يهديك استاذنا
و الله لاقريب مدوختي بالدمعة و زدتني انت هههههههههههههههه
بصح جيب العربون باش نشري اللمة و نطرد الرئيس ههههههههههههه
و منبعد كملي المليار هههههههههههههه

نجي لعيد ميلاد و غدوة من صلاة الصبح نقلع عندي شي 6 ساعات باش نلحق للحاسي ههههههههههههههه
بصح كي ترجع مشهور ما تنساناش ههههههههههههههه

 

[السلطانة]

وعليكم السلام ورحمة الله وبركاته وانا بالسيف تفكرت اسمو ريفكا ههههه شفيت على شعرو كي داير والتمهبيل تاعو وظهر العم فريسكا راه معانا في اللمة لازم في عيد ميلادك تتجرجر اللمة كامل لحاسي تنحيها لريفكا خخخ الشهرة اتية من بعيد وانا مصاصة دماء ساتحول ابتعدوا ????????????????? بالرجوع للموضوع هاذ الدر لي دارو قصة لعمرهم بسناب شات واليوتيوب راهم كثرو بزاف كان قبلو انوش مافيا لي النهار طلعتلو قيمتو صدق روحو صح وزاد هاذ الطفيل التافه ربي يهديه شغل حاط روحو دار انجاز افاد بيه دزاير

 

[sanaya]

نتي صغيرة نعطوك خمسالاف برك وارمي روحك من الطاقة خيرتلك حاجة ساهلة.

قال صغيرة قال????تمدلي خمسلاف و مبعد نرمي روحي???
خمسالاف برك واش ندير بيها نشري خبز و لا نزيد مية ضورو و نزيد شكارة حليب مشحاح ????
الحاجة اللي عجبتني ديديكاس لجيل بكري خليكم مع الثقافة اللي معندها حتى معنى????خخخخخخ قصف قصف مساكن و nounou زوج ملايين معليش اشفا عليها
مصح الظاهر كاين نوبات زكام و نوبات جنون بالمنتدى ربي يستر الخالة الزايخة و مادارت فينا

نعطيك ...اصبر تشوف انت نزوجك ديريكت نزوجك واضرب بابات العروسة نهار العُقد.

هاذي برك نتمنى تصرا و نشوفها خخخخخ
يعطيك الصحة راك ضحكتنا و نصيحة غير روح رقي مام نتا قهوة الخالة راهي خدمت فيك ???

 

[sanaya]

اااااه حتى دركا وفهمت ريفكا الصراحة قريت عليه مي منعرفوش بالضبط و لا أشنو يدير فحياتو
شوف هاذ الصورة لقيتها اليوم?

مخترع يبيع قلب اللوز؟؟؟ المخترع هذا نهار شفت كصوروه و هو يبيع قلب اللوز بكيت والله هل وصل بنا تهميش الشباب لهاذ الدرجة؟؟؟
تللي محتاجين دعم مدعمتوهمش واللي يغني و يفسق وفرتو ليهم كلشي و كرمتوهم
حسبك الله يا جزائر

 

[الباندي]

​

ديديكاس للأجيال نتاع بكري اتهلاو في المبادئ والاخلاق والثقافة اللي مافيها فايدة وخلونا مع الهبال والجياح باه المعيشة تحلى والشعب يرتاح.

ياماما وينهو العشا.

تحية عطرة لجيل: عنتر زوابري و غرين دايزر، وزهية بن عروس مقدمة اخبار تلفزيون السويد،والسهرة الاوروبية ليلة اللربعاء كانو يجيبونا لي ماتش تع الثلاثاء مسجل ويقولونا مباشر وحفيظ دراجي تسمعه يڨول اعتقد ان البايرن سوف يعدل عن طريق شفانشتيغر وهو متفرجه لبارح ??
علابالي خرجت على الموضوع مي عجبني ديديكاس ?
المهم موضوعك خطير،، يتناول ظاهرة التفاهة والسطحية لدى اغلبية هذا الجيل،حظور اعداد كبيرة من ذوي العقول الفارغة بسبب دعوة من قبل شخص يملك هو الاخر عقلا فارغا يفوقهم سعة.
الرسائل التي يتلقاها يوميا النظام الجزائري من الشارع الجزائري،، تعطيه إرتياحا عميقا،، وتطيل في عمره السياسي،وتجعله مركزا في عملية نهب خيرات البلد لان الشارع نائم، ، كيف لا وتسمع فجأة خبرا مفاده ان مشجعي فريقا ما قامو بمظاهرة احتجاجا على سوء النتائج، وهم لم يخرجو يوما احتجاجا على قنوات الصرف الصحي في احيائهم التي سنويا تعاني من الفياضانات.
ربي اعطينا هجة من هاذ البلاد?

 

[أبو عاتكة]

السلام عليكم
هههههه الله يعطيك الربح عمي فريدو
اواه واقيل الزوجة الكريمة تحفاتك بطبسي لوبيا في هذا البرد هههههه
علبالك باش تولي مشهور هنا في بلادنا لازم تتمهبل شويا بزاف كي شغل تسماط
واصح عبارة هي كي دير الملح للطعام وتنقلبلك لباكي كامل فيه ههههه
بصح ياعمي راك غلطت في الاسم ههههه
على ما اعتقد اسمو ريفكا ماشي فريسكا​

هههه اللوبيا مازال مدخلتش البروڨرام نتاع الكوزينة لحد الساعة راه جاي وقتها اسكت ششششت او يسمع بيها أويحي تطلع سومتها سميها ليبيا هكذا ميفيقش.
التمهبيل ثقافة ورياضة عند الناس اللي حاطينلها حدود وقواعد وعندها برامج خاصة واماكن خاصة وكل مايلزم بيها في الغرب وتبقى في حدودها الخاصة بيها أما تكون اليوم مهيبيلة وغدوة شخصية كبيرة في الجزائر ويعرضوك للنشرات الاخبارية كاكتشاف نادر هاذ الشيء يدوخ، التعامل بميزان مقلوب ابناء الجزائر من المناطق المهمشة اللي يجتهدوا في الابتكارات والاختراعات ويطلعوا الاوائل في المنافسات والتحديات العربية والعالمية ياكلهم الصدأ والتهميش وأبناء سيدي يايا والمهابل والمجيح والذر سوق الذر كيما يقول عريوات المشكل موش في الذر المشكل فالاعلام والنظام ككل كيف يتعامل مع المجتمع وكيف يقوم بتغيير سلوكه واهتماماته وتصنيفاته لفئات المجتمع والاولويات والكفاءات. كارثة مفتعلة.
هكذا يتم تطعيم الاطفال والشباب باعلام مسموم لا يحمل اي مبادئ او قيم.

علاه علاه يا مالك تجبد في اسمو هنا هذاك المنافس نتاعي انا فريسكا ميقدرليش مهبول بدرجة متفوق دكتوراه في الجياحة متخرج من جامعة شارلي شابلن.

ايا يعطيك الصحة التواجد معنا راك معروض متنساش الكادو.

 

[أبو عاتكة]

السلام عليكم ورحمة الله وبركاته
والله شبعت ضحك هههه، عجبتني فريسكا خليط بين فريد وسكابو عندك خيال شاسع هههه
والله حالة، وبعدا نحذف المواضيع كامل على 100 ألف طلّع شوي السومة كاش 100 مليون ومعرف إذا نقبل ههه
كيفاه الأمين تمدولو مليار وحنا غير 100 ألف هذا ليس عدلا
وبالعودة للب الموضوع أو للفكرة لي كتبت على جالها الموضوع بصراحة أنا مانلومش هذا ريفكا
لأنو ساعات مليحة تستغل غباء الشعب وتحقق بيه بعض طموحاتك، يعني الإنسان هادا نقولو يتمهبل
في سنابشات ولا معرف وين عايش حياتو ولا معرف واش يدير والناس تبع فيه
يقولك ساعات لا تصنعوا من الحمقى مشاهير، ولكن الحمقى هم من جعلوا من الحمقى مشاهير
الشهرة ماتجيش هكاك، كيفها كيف أغاني الراي لي تحتوي على كلام بذيء يقولك الراي والراي
وهو أكثر نوع موسيقي يتبعوه الشباب، إذن الشهرة تجي من الشعب ماش من الانسان نفسو
وسورتو دركا الشهرة ولات كيما تاكل الكاوكاو، اتمهبل واتمسخر يتبعوك شباب فارغين شغل ونتا درت مشروع
بصح لي دوختني صح هل للدرجة هادي شبابنا كامل فارغ شغل باه يروح لعيد ميلاد هاد الشاب؟
راهو عدد هائل ولا يحصى درك هادو منين جاو؟ ويكفاه جاو؟ ماعندهمش أهل؟
يعني شباب ضائع تاع الصح، ربي يهدينا ويهديهم ونتمنالك التوفيق فريسكا هههه
تحياتي​

ذرك هاذي الامور موجودة في كل بلاد لكنها محدودة بين الملهمين بها وبين برامجها في التلفاز الخاصة في أوقاتها لكن في بلادنا يتم تقديمها في الاخبار وفي كل برنامج خاص وعام وتصبح الشغل الشاغل للرأي العام ويستغلها شخصيات سياسية واعلامية ظنا منهم انهم يتقربون للشعب ولقلوب المواطنين عندما يتقربون لهذه الفئات راقصات ومغني الكباريهات وغريبي الاطوار ايضا ظنا منهم انها عقلية كل المجتمع الجزائري يحبهم ويحب التمسخير والمجن والهبال. هذا كله لان المسؤولين لا يعرفون عن واقع الشعب شيئا سوى انهم يقيسون انحطاط اولادهم ويسقطونه على ابناء الشعب كله.
ياستي نعطيك مليار وامحي مواضيعك هههه
شكرا لؤلؤة.

 

[4algeria.com]

للأسف الشديد...
بدون تعليق...
الجيل الجديد في انحدار مستمر...

 

[صانعة الإبتسامة]

مشاهدة المرفق 93627​

أنا فنان ونجم صاعد وين صاعد والله معلابالي المهم ان شاء الله الحالة تبقى زاهية وتدوم اسمي هو فريسكا.
واش معنى فريسكا؟! زعما الصحفية.
هذا اسمي ( فريد) وخويا اسمو (سكاپو) يعني سلّوم بالدارجة أيا خلطتهم في الروبو خرجولي فريسكا واش معناتها والله معلابالي.
بون معناها بالدارجة bon راح نبدى نحط فيديوات في منتدى اللمة سكارا في اليوتوب نتاع الكفار والفيسبوك الحمار.

متنساوش عيد ميلادي بعد أيامات مانيش عارف لادات بصح كي نشوف ماما نفيكسيو لادات ونقلكم. نتلقاو في حاسي مسعود الحمادة نيميرو تغوا 3. لاباز نتاع البترول التالية.
ماذا بيا المدارس يديرو يوم تحسيسي لعيد ميلادي في ذاك النهار. والعمال عطلة مدفوعة الاجر باه يحضروا مع العايلات وتخلا الحالة.

بون راح نبدى

:الامين محمد
واش فريسكا.
نعطيك مليار اللي تضل تحلم بيه واحظرلي عضوية4algeria.com حظر نهائي أيا تشوف.

sanaya
انتي صغيرة نعطوك خمسالاف برك وارمي روحك من الطاقة خيرتلك حاجة ساهلة.

The tank

نعطيك ...اصبر تشوف انت نزوجك ديريكت نزوجك واضرب بابات العروسة نهار العُقد.

حلم كبير
راك في الغربة نعطيك بالدينار الله غالب اللورو طالع نعطيك دوصونميل واطلع في التوريفال وعيط حاب نحرق لدزاير ...حاب نحرق لدزاير...

لؤلؤة قسنطينة
التحدي نتاعك ساهل ماهل نعطيك صون ميل واحذفي كل مواضيعك في المنتدى والمشاركات ومن بعد ديري موضوع في الترحيب عضوة جديدة تريد ترحيب حار وابكي.

Nounous nina
نعطيك زوج ملايين وطيبيلي ڨاع واش كاين في منتدى الطبخ.

السلطانة
نعطيك واش تحبي وعضي ياسمين من خدها حتى تبقة المارة في وجهها كي يسقسيك باباها قلوا انا مصاصة دماء مهبولة بعّد عليا لناكلك.

missing heart

المزاجية المتمردة نعطيك دوصون ميل واخرجي للشارع في النهار وعيطي آااااي..خلوني نقتل روحي ... آاااااي خلوني نقتل العمر..آااااي خلوني نرهج العمر... ونشوفوا من بعد وين نحوسو عليك.


الجماعة اللي بقاو اسمحولنا والله نعزكم كامل خلاصولي الدراهم المرة القادمة ان شاء الله اكتبوا الوصية واستناو الدعوة. نتمكم كامل.

هاذا هو أنا فريسكا تلقاوني في سيدي يايا الجماعة اللي راهي جاية لعيد ميلادي غير ديمارو من ضرك باش تلحقوا لحاسي مسعود بكري.
ان شاء الله نتشهر عالميا وننجح باه نبدل العقلية نتاع المجتمع والشباب ونولو كامل نص نص شوي شوي أي أي.
ديديكاس للأجيال نتاع بكري اتهلاو في المبادئ والاخلاق والثقافة اللي مافيها فايدة وخلونا مع الهبال والجياح باه المعيشة تحلى والشعب يرتاح.

ياماما وينهو العشا.

انا مراكش عارضني مااااااانجيييييش هههههههههه
والله يا عمي فريسكا قتلتني بالضحك
خلاص باش ماتزعفش نحظر ونجيبلك زفيطي كادو هههههه

 

[حفياد آدم]

هههههه

 

[لآ شَيْـئَ مُهـمْ]

ههههههههههههههه و الله ضحكتني
عندك موهبة يا سيدي تقدر تمزج بين المزاح و الجد ، اسلوبك جميل
المهم انا من جماعة لي ما بقاولكش الدراهم ، درت رد و خلي الكريدي بيناتنا
و عيد ميلادك يلا تقدر تبعدو شوي للشتاء مذابينا ، هكاك تجي غايا

 

[السوفي حمة]

فريسكا فكرني بمسلسل مصري قديم بطولة آثار الحكيم بعنوان فريسكا يحكي على عهد جمال عبد الناصر والسادات ويحاول يفهم الناس ان عهد السادات افضل من عهد عبد الناصر وللصدف نفس الفكرة لفريسكا هذا نتاع العهد البوتفليقي لانهم يحاولو يفهومنا ان الشباب الجزائري تافه ينجر وراء تفاهات التافهين لكن ان جمع فريسكا مثلما يقال عشرة الاف شاب وانا اتحداهم ان لحقوا الفا ... فالجزائر يسكنها ما يقارب ثلاث واربعون مليون نسبة غاابيتهم شباب يعني ثلاثين مليون وهذا يعني ان الغالبية الساحقة لم تسمع بهذا المهرج المعتوه ...
اخيرا اقول ان شعبنا بخير فانا عضو بجمعية تهتم بتحفيظ القرآن الكريم ببلدة صحراوية صغيرة يرتاد هذه المدرسة 960 طالبا وطالبة على الاقل مرتين في الاسبوع يعني الالف التي جمعها فريسكا في يوم يجمعها كتاب الله كل يوم

 

[السوفي حمة]

..

 

[زاد الرحيل]

رغم أنني غير مدعوة أنا و قرة عيني اسلام و لي كان راح يزين الحفلة بجماله رغم مرضه و ربما متصدقونيش لكن اسألؤا عنه لبيبة ,@لؤلؤة قسنطينة ،لكن ضحكت فعلا من قلبي لهذا الموضوع الذي الفكاهي و الذي يربط الجد بالهزل و يوضح صورة الانحطاط الفكري الذي وصل له الشعب اليوم ،و احيانا عندما نفكر الاسباب نجد أن توفر المادة لدى هؤلاء الحمقى هي السبب ،فلا.يمكن للفقير المساركة في هذه المهازل .
ليت أدري ان كان لدينا في اللمة فريسكا فعلا

 

[بنت المملكة]

ههههههههههههههه والله ضحكتني فريد
بصح انا منيش معرودة ياك ههههههههههه

 

[حلم كبير]

السلام عليكم ورحمة الله تعالى وبركاته
شكرا الاخ الكريم على الدعوة
أنا باطل نطلع ونعيط ونڤول نحرڤ لدزاير هههه
هاذي هي الدنيا اليوم ،رأسا على عقب ولات تمشي
الهبال كامل داروه ولا مرة شفناهم بردولنا ڤلوبنا في منافسات ثقافية وتشجيع العلم
راني سمعت بلي سليمان بخليلي بتاع خاتم سليمان رايح يدير تظاهرة ثقافية كونطر في هاذاك المخلوق
ربي يوفق كل واحد يحارب على جال الحق
بوركت أخي الكريم
إحترامي وتقديري

 

[zagane]

السلام عليكم
ناس بكري قالو بيع الريح ودي المليح