الفتاة الجزائرية

[حاتم خليفة]

ومازالت الفتاة الجزائرية تدخل تحت الكوات ورجليها تخليهم برا لضمان الإستنشاق والتنفس وتعيط لصاحبها بصوت خافت ....حتى يربوندي عليها وهو يكون لابس سيرفات جوكينغ من عهد غرناطة ومرولي في كوفريطة مرسوم فيها سبع من كثرة لغسيل رجع قط ويقولها واش راكي لابسة موناموغ وهي تقولو لوكان تشوفني تضحك حبي باغسوكو ني لابسة بيجامة تع باغبي غوز كيما الصغار وهي فالحقيقة كون يشوفها يحرق مشيا للنيجر باسكو لابسة تريكو تع خوها لكبير وشورت نتاع الأرسنال قديم وتزيد تقولو آآعمري فالزين مانتمسخرش حتى شعري راه مشمخ باغسوكو دوشت وهي في لحقيقة ضارباتو بقردون لوكان تضرب بيه بغل_يفشل
نعم إنها الرومنسية في الجزائر برعاية موبليس فليكسي وخرط ??
أعتذر عن بعض الكلمات??

 

[sanaya]

ههههههههههههههههه
صماطة و تبهليل راني على هاذ النوع من الشباب
عجبتني برك كتغطي روحها و تخلي رجليها خخخخخخخ

 

[حاتم خليفة]

ههههههههههههههههه
صماطة و تبهليل راني على هاذ النوع من الشباب
عجبتني برك كتغطي روحها و تخلي رجليها خخخخخخخ

بالاك غطاها صغير مايغطيهاش كامل ???⚘

 

[حلم كبير]

هههههههههههه
كاااارثة وخلاص

 

[زهور الأمل]

هادي ساهلة...
اصعب من ذلك مين تتغطي فكوفيرطا على زوج فالظلمة
تغلط تحطها بالعرض وتبقى تبيدالي كانش ما تتريقل هههه​