أسئلة مسابقات التوظيف دخولكم ضروري

[الامين محمد]

بسم الله
السلام عليكم أحبابي في اللمة العزيزة
المهم قلبي تعمر و من مان و أنا نعمل مسابقات لكن الخدمة مازال
ما بان عليها خبر , بعد التفكير قلت هاذ الخبرة ما نخبيهاش على خاوتي
و نعلمهم كيف راهم يكلخولكم في المسابقات باش ما تتهفوش كيما أنا المهم راح
نعمل ليكم أسئلة مع إجاباتها على شكل كونكور
إليكم الأسئلة و الإجابات

المدير : يسأل . إسمك
أنت تجاوب , إسمي محمد مثلا
المدير : عندنا طيارة فيها 50 فليزة كي نرميو فليزة وحدة ـ كم تبقى من فليزة
محمد : الباقي 49 فليزة
المدير : كيف نحطو فيل في الفريجيدار في ثلاث خطوات
محمد : 1 نفتح الفريجيدار ـ 2 نحط الفيل , 3 نغلق الفريجيدار
المدير :أمممممممممممممم طيب كيف نحط زرافة في الفريجيدار بأربع خطوات
محمد : 1 ـ نفتح الفريجيدار ، 2 ـ نخرج الفيل ، 3 ـ نحط الزرافة ، 4 ـ نغلق الفريجيدر
المدير : أممممممممممممم طيب الأسد عامل حفلة شكون غاب ما الحيوانات
محمد : أكيد الزرافة اللي راهي في الفريجيدار
المدير : أممممممممم طيب طفلة حابة تفوت من النهر
بصح خايفة من التمساح واش تعمل
محمد : ما تخافش التمساح راه في العرضة نتاع الأسد
المدير : بصح الطفلة أثناء مرورها في النهر ماتت يا هل ترى كيف
محمد : أكيد قضاء و قدر و أجلها جاها
المدير : هههههههههه غلط غلط غلط راك خسرت الكونكور
محمد : علاه كلش جبته صح
المدير : يا أحمق يا غبي الطفلة ماتت لأنة الفليزة اللي رميناها من الطييارة طاحت عليها خخخخخخخخخخخ

دام البسمة على وجوههكم أحبابي في اللمة
و الله أنا سعيييد خلوني نفرح و نضحك

 

[هواري بومدين.]

الله يدوم ضحكتك خويا أمين و ربي يخليك ليناا لعزيز​

 

[وۣۗهۣۗہۣۗم]

ههههههههههههههههه
ربي يعطيك ماتتمنى اخى
هههههه والله ضحكت من قلبي في هاد العشية ​

 

[حلم كبير]

هههههههههههه الله يعطيك عام ربح
يعني جاه هكذا راحلو منهيه وما نفعتش جميع المراوغات
وفالاخير ما نجحش ههههه
ربي يدوم فرحتك نشالله ويجعل أيامك كامل فرحة آمين

 

[sanaya]

ههههههههه
حسبت راك سيريو الخترة اللولى ياه ربي يدوم الفرحة عليك كل يوم يارب
هاذا نوع من العباد منين تجيلهم متربحش لازم يخسروك بالدراع ربي نجينا منهم

 

[4algeria.com]

^^
ربي يدومها فرحة
و حقا هي حال المؤسسات

 

[السلطانة]

وعليكم السلام ورحمة الله وبركاته

واكيد كي تجي مادوموازال امينة يقولها : مبروك راكي نجحتي وصاوني عليك الجهات الوصية

هادا حال بلادنا

وقصة المعريفة والمسابقات الشكلية


بارك الله فيك

 

[ريحـان]

??
للأسف هذا هو الواقع لي
رانا نعيشو فيه ....

 

[heba biba]

ههههههههههه
ربي يوفقك وتنجح وتكون خدام و البسمة متفارق وجهك

 

[أشــواق 19]

ربي يدوووووووم اخي ضحكة
يا ودي مؤسسات وبلاد ديزاد وكونكور ومعلبليش انا هذو قع منامنش منهم
شغل خرطي وخلاص هههههههههههه

 

[zagane]

السلام عليكم
المهم المشاركة