المجتمع الشرقي❤❤❤

[sanaya]

سلام حبابي?????
كيراكم غااااية ???
توحشتكم توحشتكم بزااااف ??مالقري راني هنا مي توحشت نكتب المهم راني مدايرة ستاتي نتمنى يعجبكم????
علابالي مواضيعي شابين???
قبل كل شيء علابالي مش كل العباد يخممو هكذا ????
أيا بدون قصف و دراما
??????????????
بون هاذي رميساء بنت جارتي تزوجت عيطتلها يماها تشوف حوالها بينها و بين الموسيو
?☎☎?☎?☎☎?☎?☎☎☎
ترن ترن ترن:
?سلام عليكم بنيتي كيف حالك بعد الزواج مع المسيو?

?راني غاااااية (ناس وهران)
?مصح الخترة اللي فاتت شفتك سمينة أواه لازم تديري سبور دوك يولي يشوف لغيرك
??????????????
طق طق طق طق طق طق طق???
?سلام عليكم لبنات راني جديدة معاكم ....
?يايما راسي راح ندوخ مش موالفة نجري يااااايما
?علاه جامي ديري سبور
?لالا
?واشداك أملا؟
?راجلي يشوفني سمينة و نا الله غالب مش خدامة جايبتها ماكلة و رقاد الدار في سمانة نيتواييها
?يووووه باينة راح تسماني
??ااااه وي ده حب ولا بلاش
(تدخل إحدى الفتيات)
?علاه غير لراجلك ونتي متحبيش لروحك تكوني بصحة جيدة و لياقة بدنية عالية
?اشنو?????????
و بدات حبيبتنا تشوف معاها بخزرة تقول راح تاكلها
☎☎☎☎☎☎☎☎☎☎☎☎☎☎
ترن ترن ترن:
?ألو بب شوفي مبقاش تريحي نهار كامل الراجل يحب المرأة الخدامة القراية ديري كاش عفسة فحياتك
و زيد بدلي الديكور ربي قطوطة الراجل يحب المرأة النشيطة الحيوية
?ايه معليش ماما راح ندير واش قلتي ديجا هو يحب لقطوطة هههههه باي
?ألو يما راني أونسانت
?يويويويو بالاكي تهملي دارك و روحك دبراسك راجلك راح تبدا عينو تدور وتلف لهنا و لهنا
?راجلي ثاني؟؟؟؟؟
معليه يايما ربي يحفظك
??????????????
ألو بب قولي مبروك درت العملية و نجحت جيبلي معاك نماكيي قبل ما نخرج منحبش نبان مصفارة
??????????????
جازو لعوام و كبرو لولاد
طب طب طب????
?شكون اه تفضلي
??سلام بب مح مح توحشتك تفضلي
??ااااووووو واشبيها دارك هكذا

?معليش راجلي اليوم مكاش خليتها حتى شعري خليتو منكوش ههههه
?نقولك صح راكي تشبهي للربعة تاع صباح
?ايه و مبعد ديجا راني وحدي خسارة مطيبتش مامبا لروحي لوكان لا نعرضك تفطري معايا
???ونتي واش تاكلي
?معليش نشوف كاش عفسة ليا
??????????????
طول عمرها تخدم و تطيب و تشيك مصح خسرت فروحها تطيب لروحها توجد كاش ماكلة بنينة لروحها ولا تنظف الدار لروحها باسكو هي اللي تستاهل ذاك الشيء أكثر من أي شخص❤❤ باسكو جامي خلاوها تتعلم تقدر ذاتها ديما تخدم بسبة راجلها وولادها مش بسبة روحها هي❤❤
علموهن أنها لو تأنقت و تعطرت و نجحت و حققت طموحاتها و خدمت فهاذ الشيء لها كإنسانة و ذات و شخصية ❤
وليس لأجل أن تروق أحدهم??
لازم تقدري روحك تحترميها و تمديلها الأفضل و الأحسن لروحك انتي قبل اي شخص❤❤❤
ديفوا نشوفو ناس و شخصيات مؤثرة و نقولو ماهو السر بكل بساطة هاذو ناس مقدرين ارواحهم و عارفين قيمتهم علاهاذيك الناس تقيمهم???
لأنو الناس كما تعامل روحك يعاملوك?
باقة حب لكن جميعا ❤❤❤
سلام

 

[السلطانة]

وعليكم السلام ورحمة الله وبركاته

قالت رضوى الشربيني :غلي وعززي نفسك
وقولي : أنا غالية أنا حلوة
أنا أحلى حاجة في الدنيا
أنا مفيش مني اتنين
ودا مش غرور دا ثقة في النفس
اعرفي قيمة نفسك عشان لي حواليك يعرفوها

يعطيك الصحة حبيبتي الموضوع محفز وايجابي
​

 

[حلم كبير]

السلام عليكم ورحمة الله تعالى وبركاته
بارك الله فيك الاخت الكريمة على الموضوع التحفيزي غير المباشر ثم تبعه قصف مباشر هههه
الراجل ولا عمرو طلب من المرا حاجة فوق طاقتها هي تتخيل وتطبق من راسها للاسف ولو تسقسيه يڤولها نفضل انك تكوني مريحة نفسيا وجسديا وتخدمي اللي تقدري عليه .
نعم المجتمع نتاعنا صعيب لوكان جاو يستخدمو هاذ التنويم المغناطيسي في امور ايجابية راهم اتطورو بسنوات ضوئية
يعني الام عندها واحد التأثير سحري على بنتها يا لطيف ،طبعا حاشى بعض الامهات
شكرا جزيل الشكر على الموضوع المميز
احترامي وتقديري

 

[أم أحمــــد يــسّ]

ههههه قصف نصائحي بر جو بحر..
أيا ماعليه انا نقرا ونقول وهذي ( حمارة ولا ببغاء ) حاشاكم قاااالك ندير سبور علجالو هههه انا نهار شينت كنت نرضع ونخدم بعيد قالولو شيانت جاء يعاودهالي قتلو حبس ثم لطاي فين ولا لطاي فيل؟؟ انا عاجبتني روحي هكا وخموس عليا ( يقولو حوحو شكار روحو وزوجي يقلي خلي الناس تشرك يا مخلوقة ونقلو نستناهم نموت ههه غير الناس اللي مش رايحة تشكرك)
فكرتيني في حكاية هذو ليام رحت نزور. جيران عندي مدة مارحتش بحكم لشارج نتاع الخدمة أيا لقيت تجمع نسوي ???????? وكاين بنتهم متزوجة صغيرة وقالت راح نفطم بنتي وخلاص تعبت و...و... وتبدأ النصائح عندك ماتسمعي( ايه شينتي، ايه تعباتك، ايه وجهك اصفر تقول ماكي تاكلي ( على اساس تاكل من قصعتهم هه) ..ايه والله حتى انا كنت هاك وكليت ...وشربت.... والطفلة عندها زوج وذنين يسمعو مع وحدة وعينيها مع الاخرى وفي ربع نساء يحكو؟؟ أيا راسي تكسر قلتلها وراجلك واش قال؟ قاتلي عاجباتو هاك، قلتلها انتي اذا ماعندكش ثيقة في نفسك وانك شابة وبصحتك لباس عليها وبنتك ثاني ماتتسنيش تعيشي آلاز راح تهبلي بكلام الناس .... وبديت ماسكتش هههه ولاو يشوفو فيا دوبل ووحدة تقلي ايه صح والأخرى إيه صحيتي !!!!!
والله بلا مانكمل نقرا على الماكلة ديما نتقلق كي تولي الوحدة وحدها وماتحطش طابلتها مريقلة ولا تاكل في( المقلاة) قالتهاش وحدة ههه
أيا ترتاح نفسيا هذي؟؟
اللي ماقيمتش روحها مش راح يقيمها لا راجل ولا خلافو
وزيد كي نحب نتفنن في كاش أكلة لأني حابة انا نطيبها ونلقى روحي مع الطياب لا شتا نطيب ونخليها ( موالفة نزين لفريجيدان انا???
المشكل انو نخلو الغير يسيرو حياتنا والأصعب انو ياريت تلقاي نصائح تخرج عليك لانو اللي خرج على فلانة ممكن مايخرجش عليا، والعكس ثاني صحيح
ويقولو ربي خلق وفرق اكيد مانتشابهوش في التفكير ولا التعامل
ولا الظروف..
تنقص التوعية والتفكير والحس بالمسؤولية والأهم حب الذات وتقديرها
كما قلتِ.
مشكورة وبارك الله فيك( وخرجتيني عن لساني المعهود في هذا القسم الجميل)

 

[zagane]

السلام عليكم

سلام حبابي?????

طق طق طق طق طق طق طق???

هذا سباطك لي تقطع المرة الفايتة في الطريق

كاين مرا تحب النضافة والقيمة ديما هاك
وكاين لي تتكلف هذاك برك علاجال الناس والجيران كي تسيب فرصة تهمل كلش

 

[sami44]

ههههه قصف نصائحي بر جو بحر..
قتلو حبس ثم لطاي فين ولا لطاي فيل؟؟ انا عاجبتني روحي هكا وخموس عليا
هدا الي يسموه القصف العشوائي ???

 

[sami44]

قبل كل شيء علابالي مش كل العباد يخممو هكذا ????
أيا بدون قصف و دراما

وعلاش يا خالتي مريم كاين قصف اكثر من هدا
موضوعك طيب ويخلي العبد يقراه بلا ما يحس بالملل
بورك فيك وطيب ايامك وسقم سعدك و خيط سباطك الي تقطع المرة الي فاتت

 

[sanaya]

قبل كل شيء علابالي مش كل العباد يخممو هكذا ????
أيا بدون قصف و دراما

وعلاش يا خالتي مريم كاين قصف اكثر من هدا
موضوعك طيب ويخلي العبد يقراه بلا ما يحس بالملل
بورك فيك وطيب ايامك وسقم سعدك و خيط سباطك الي تقطع المرة الي فاتت

اوااااه خالتي مريم???علاه شحال عمرك نتا??
خالتي مريم يقولوها لي غير اللي عندهم ست سنين???

 

[لؤلؤة قسنطينة]

السلام عليكم ورحمة الله وبركاته
يعطيك الصحة مريومة على الموضوع المميز، وصح عندك الحق معرف علاه دايما حنا نلبسو للناس وماش شرط متزوجة
حتى العازبة تلقاها لازم تلبس لبسة خرجت آلامود باه ترضي نظرة المجتمع ويقولو راهي مواكبة للموضة وتعرف تلبس
وهي السروال مقطع وتريكو خضر وحذاء اصفر، ماهذا؟ لازم نلبس لنفسي وواش يرضيني ماش واش يرضي الناس
وماش لأجل زوجي ولا صاحبتي ولا جارتي، نحب نلبس قش من العهد الحجري واحد مايسالني نلبس واش نلقى راحتي فيه
والإنسان قدما يمد قيمة لروحو قدما يمدولو الناس قيمة، لأنو إرضاء الناس غاية لا تدرك، صح نلبس واش يرضي
زوجي وواش يتناسب مع المجتمع بصح لازم شخصيتي تكون ونلبس بالدرجة الأولى لنفسي قبل كل انسان
نظف داري لنفسي ماش للضياف ونلبس لنفسي ماش للجيران وبزااف حوايج، لأنو هاد الامور هي لي ترفع المعنويات
وهي لي تزيد ثقة الانسان في نفسو
شكرا حبيبتي على الموضوع الجميل
تحياتي
​

 

[amro mostafa]

استاذة

وعليكم السلام ورحمة الله وبركاته

قالت رضوى الشربيني :غلي وعززي نفسك
وقولي : أنا غالية أنا حلوة
أنا أحلى حاجة في الدنيا
أنا مفيش مني اتنين
ودا مش غرور دا ثقة في النفس
اعرفي قيمة نفسك عشان لي حواليك يعرفوها

يعطيك الصحة حبيبتي الموضوع محفز وايجابي
​

للاسف استاذة زعلت منك جداااااااااااا حد فى الدنيا بيسمع للى اسمها رضوى الشربينى ديه مجنونه وبتدعى للسفاله

 

[sanaya]

أ

استاذة

للاسف استاذة زعلت منك جداااااااااااا حد فى الدنيا بيسمع للى اسمها رضوى الشربينى ديه مجنونه وبتدعى للسفاله

أنا بتابعها وكلامها منطقي جدا

 

[السلطانة]

استاذة

للاسف استاذة زعلت منك جداااااااااااا حد فى الدنيا بيسمع للى اسمها رضوى الشربينى ديه مجنونه وبتدعى للسفاله

اهلا اخي
انا متابعالها كثير حلقات
وكلامها منطقي في مواضيع تخص المرأة
اما ربما عن طريقة لبسها انا لاتهمني مايهمني ماتقدمه
وطبعا كل واحد حر في متابعتو للاعلاميين

 

[وۣۗهۣۗہۣۗم]

حالسلام عليكم ....
من الخر رضوى الشربينى
فالقمة جميع حلقاتها روووعة
وكلامها صريح ومفيهش اى
شئ غالط باه نتفاهموو
مسالة اللبس تبقى مسالة شخصيةةةةةةةةة
بالعودة الى الموضوع
بوكتى عزيزتى موضوعك فالقمة جميل جدااجداا
ههههههههه قذف رائع واصلى ههههههه
صراحتاا كاين بزاف بنات ونساء هكداا
يجرو وراء كلام ذاك الراجل تقول راح يدخلهم للجنة
وتبعلى في كلام الناس
يخى كمل واحد عندوو شخصيتوو تميزوو على الاخرين
عندوو اراءو الخاصة
وكان بغى ربي سبحانوو كان خلقنا اكل بنفس المنطق
سبحان الله
هو مايحقلوش يسيف عليها امر معين
وهى ميلزمش تبع كلاموو
سبحان الله
يقوللها ارمى روحك ترمى
قصى شعرك تقص
اللبسي الحجاب تلبس
نحى تنحى
انعلى بليس ياخى شوية شخصية
هكداا راح تعودى عبدة مش زوجة
وبالنسبة لكلام الناس
على قول المصريين
كلام الناس لابيودى ولا بياخر
وقيلا تلفتلى
لابيجيب ولا بياخر
?دمتم ?​

 

[أم أُنٌَيسة]

السلام عليكم ورحمة الله وبركاته
ماشاء الله لا قوة الا بالله تبارك الذي بيده الملك
بارك الله فيك وجزاك كل خير للموضوع المميز وللنصيحة بطريقة غير مباشرة غاليتي
كما قلتي اختي الكريمة يجب علينا ان نكرم انفسنا واول شيء يجب ان نقوم به هو العودة الى الله عز وجل
فحين نقوم بما امرنا الله به فنحن بذلك نكرم انفسنا ان شاء الله تعالى
اما من جهة الناس الله يهدينا ويهديهم ان شاء الله هذا وش نقولو
بالنسبة لي لا اهتم كليا بكلام الناس لدي قوانيني الخاصة ومبادئي التي لا يمكن ان اغيرها مهما كان والحمد لله
ادا كان قصدك باكرام النفس انه نديرو اللي يعجبنا ومنهتموش للناس وكلامهم راني ندير هكدا والحمد لله نلبس وندير وش نحب في حدود الدين واكيد كلنا خطاؤون ربي يهدينا ويغفرلنا ان شاء الله، وواحد ميقدر يخليني نبدل رايي الا ادا اقنعني بحكم من احكام الدين الباقي كانهم يحكو مع حيط
لكن ادا كان قصدك انه نهتم بانفسنا ومظهرنا وغيره، الميليو هدا خاطيني تماما كون تشوفيني ضوك تتخلعي
وحتى ادا تزوجت ان شاء الله منبدل والو فروحي على جال المخلوق هداك ادا بغاني هكدا مرحبا ادا مبغانيش طريق السلامة عادي فبلادي
الراجل صح رح يخاف ربي ويتقي الله في دينه وفعرضو وفي نفسه وزوجته ومرحش يخون ومراحش يشوف حتى ولو كان المراة ماصالحاش لانه معندوش حق وحرام فكل الحالات هكدا الامر ببساطة
واما الاعتناء بمظهري باه ميشوفش راجلي لغيري اخر همي والله، انا ندير واجبي اللي قال عليه ربي والنبي ان شاء الله وهو ادا شاف وادا خان ميهمنيش فيه بينو وبين ربي سبحانه هو اللي رح يتحرق فقبرو
ارحو تقبل مروري غاليتي
تحياتي احترامي وتقديري لشخصكم الكريم الطيب
في امان الله وحفظه​

 

[sanaya]

وعليكم السلام ورحمة الله وبركاته

قالت رضوى الشربيني :غلي وعززي نفسك
وقولي : أنا غالية أنا حلوة
أنا أحلى حاجة في الدنيا
أنا مفيش مني اتنين
ودا مش غرور دا ثقة في النفس
اعرفي قيمة نفسك عشان لي حواليك يعرفوها

يعطيك الصحة حبيبتي الموضوع محفز وايجابي
​

نعم أصبت فالناس تعامل الانسان حسب القيمة اللي يمدها لروحو تحياتي❤

 

[ibtesmah]

مرحبا

 

[4algeria.com]

الإخوة الكرام يرجى عدم الخروج عن اطار الموضوع
الحوارات الجانبية يرجى تفاديها ... كل واحد و حريته الشخصية
نحن هنا لسنا للتهجم على شخص فلان و لا لمدح فلان.
فمن قال كلمة طيبة تحسب له و من قال عكسها تحسب عليه
الاختلاف في الرأي لا يفسد للود قضية
فعنوان الموضوع هو: المجتمع الشرقي يرجى مناقشة الموضوع و ليس الاشخاص

 

[sanaya]

السلام عليكم ورحمة الله تعالى وبركاته
وعليكم السلام ورحمة الله
بارك الله فيك الاخت الكريمة على الموضوع التحفيزي غير المباشر ثم تبعه قصف مباشر هههه???
ههههههههه هي ولا طبقت من راسها لازم يكون التطبيق من قناعتها هي و بتمام رضاها و رغبتها مش تخوفا من مجهول
الراجل ولا عمرو طلب من المرا حاجة فوق طاقتها هي تتخيل وتطبق من راسها للاسف ولو تسقسيه يڤولها نفضل انك تكوني مريحة نفسيا وجسديا وتخدمي اللي تقدري عليه .
نعم المجتمع نتاعنا صعيب لوكان
و التفكير خاطئ كليا جميل أنو تكون الأمور هاذي موجودة لوجه الله حبا في الحياة و تقديرا للذات مش خوفا من الزوج بالاك يتزوج وبالاك ووووووو.....
جاو يستخدمو هاذ التنويم المغناطيسي في امور ايجابية راهم اتطورو بسنوات ضوئية
يعني الام عندها واحد التأثير سحري على بنتها يا لطيف ،طبعا حاشى بعض الامهات
الحقيقة مش الأم وحدها حتى الصديقة و الأخت و لكن الوحدة لازم تكون عارفة تمشي حياتها وحدها
شكرا جزيل الشكر على الموضوع المميز
العفو و شكرا لحضورك تحياتي
احترامي وتقديري

 

[sanaya]

ههههه قصف نصائحي بر جو بحر..
نونونو أنا عاقلة خاطيني القصف?
أيا ماعليه انا نقرا ونقول وهذي ( حمارة ولا ببغاء ) حاشاكم قاااالك ندير سبور علجالو ههه
فكرتيني بوحدة كانت تقرا معايا مش سمينة مش رقيقة جميلة جداااااااااااااا و كانت تقوللنا ديما كرهت سبور كرهت سبور ايا خترة سقسيتها شنو حكايتك مع السبور قاتلي راجلي ميحبش السمنة وراني قاتلة روحي بالسبور وقيلا ندورها للريجيم ايا شفت معاها الله أكبر راكي نورمال مراكيش سمينة ديري سبور بقناعتك و لا متحبيش خليك واثقة من نفسك و خلاص
انا نهار شينت كنت نرضع ونخدم بعيد قالولو شيانت جاء يعاودهالي قتلو حبس ثم لطاي فين ولا لطاي فيل؟؟
هههههههه جبتيها فور شوفي عايلة الراجل جامي ولا قنعو بيك باسكو مام انا تصرالي تشياني يقولولك رقيقة مش شابة خلاص تسمني شويا يقولولو اواه رد بالك بدات تسمان ربي يهديهم
انا عاجبتني روحي هكا وخموس عليا ( يقولو حوحو شكار روحو وزوجي يقلي خلي الناس تشرك يا مخلوقة ونقلو نستناهم نموت ههه غير الناس اللي مش رايحة تشكرك)
فكرتيني في حكاية هذو ليام رحت نزور. جيران عندي مدة مارحتش بحكم لشارج نتاع الخدمة أيا لقيت تجمع نسوي ???????? وكاين بنتهم متزوجة صغيرة وقالت راح نفطم بنتي وخلاص تعبت و...و... وتبدأ النصائح عندك ماتسمعي( ايه شينتي، ايه تعباتك، ايه وجهك اصفر تقول ماكي تاكلي ( على اساس تاكل من قصعتهم هه) ..ايه والله حتى انا كنت هاك وكليت ...وشربت.... والطفلة عندها زوج وذنين يسمعو مع وحدة وعينيها مع الاخرى وفي ربع نساء يحكو؟؟ أيا راسي تكسر قلتلها وراجلك واش قال؟ قاتلي عاجباتو هاك، قلتلها انتي اذا ماعندكش ثيقة في نفسك وانك شابة وبصحتك لباس عليها وبنتك ثاني ماتتسنيش تعيشي آلاز راح تهبلي بكلام الناس .... وبديت ماسكتش هههه ولاو يشوفو فيا دوبل ووحدة تقلي ايه صح والأخرى إيه صحيتي !!!!!
نستعرف بيك كسكتيهم تحيري فالعباد اللي يتلاقاو بيك ااااو شيانيتي اوووو سمنت اوووو شعرك طوال بففففف
والله بلا مانكمل نقرا على الماكلة ديما نتقلق كي تولي الوحدة وحدها وماتحطش طابلتها مريقلة ولا تاكل في( المقلاة) قالتهاش وحدة ههه
أيا ترتاح نفسيا هذي؟؟
اللي ماقيمتش روحها مش راح يقيمها لا راجل ولا خلافو
وزيد كي نحب نتفنن في كاش أكلة لأني حابة انا نطيبها ونلقى روحي مع الطياب لا شتا نطيب ونخليها ( موالفة نزين لفريجيدان انا???
ديما تجيلي فبالي هاذي و حسيت بيها كبدا راجلي سافر تعلمتها لازم النظام تاع ديما مثلا ليلة الخميس ليلة مميزة نسهرو ناكلو مام لوكان غايب و كانت وحدة تزورني تقولي علاه وحدك نتي و بناتك تطيبي كسكس نقولها علاه نقتل روحي و خترة وحدة زارتني قاتلي راكي موجدة روحك تخرجي قتلها لا قاتلي راجلك ولى قلتلها لا ايا قاتلي علاه مشيكة روحك????قتلها علاه زيد غير كيكون فالدار نلبس ولا اشنو ياخي حالة
المشكل انو نخلو الغير يسيرو حياتنا والأصعب انو ياريت تلقاي نصائح تخرج عليك لانو اللي خرج على فلانة ممكن مايخرجش عليا، والعكس ثاني صحيح
ويقولو ربي خلق وفرق اكيد مانتشابهوش في التفكير ولا التعامل
ولا الظروف..
تنقص التوعية والتفكير والحس بالمسؤولية والأهم حب الذات وتقديرها
كما قلتِ.
هو كذلك عزيزتي و شكرا لحضورك
مشكورة وبارك الله فيك( وخرجتيني عن لساني المعهود في هذا القسم الجميل)

 

[sanaya]

السلام عليكم



هذا سباطك لي تقطع المرة الفايتة في الطريق

كاين مرا تحب النضافة والقيمة ديما هاك
وكاين لي تتكلف هذاك برك علاجال الناس والجيران كي تسيب فرصة تهمل كلش

ايه صباطي اللي تقطع المرة الفايتة ?????????
وي كاين هاك و هاك و الأفضل اللي تخدم لروحها مش للناس تحياتي