راني رايحة حراقة ... باي باي ليزامي

[ليليا مرام]

السلام عليكم جميعا رواد قسم واش راك تهدر

​

اليوم البرد جات الشتا وجاو لرياح وجات الأفراح قوية خلونا من الهموم كرهنا منهم وبل هربو منا
اليوم حبيت نقسروا شوي ونحكو على النسا اللي راهم يروحو حراقة
موضوع الحراقة الناس كامل هدرت عليه مي حبيت نفهم علاه نسا يتبعو فالرجال حتى فهذي
جون وكره حياتو وبيبان تغلقو عليه ماكاش با مخدرات وطريق العوجة والحبس يا الحرقة مارانيش نبرر أفعالهم الله يهديهم خاوتنا وولادنا
ويرحم اللي ماتو مساكن الله غالب راه ربي عالم بيهم
مي نسا يا اختي حدك كوزينة طيبي وتغسلي وتتزوجي وتجيبي ذراري معليش جماعة نتاع المرا مراهيش معزة تاكل وترقد نقولك وي
تثبتي كيانك ماكاش اللي واقف فطريقك أقراي وكملي وأخدمي ربي يسهلك أما يا اختي تروحي حراقة
نشوف فوحدة جابوها نجت من الحرقة وماتت ختها ومازال تقولك نزيد نحرق ضرك هذي ماميدوتا مسترجلة
كيفاه مرا تخمم تروح ففلوكة مع رجال وتغامر معاهم وتوصل للطرف الآخر اسيدي راكي وصلت لإسبانيا وفرنسا والترك ومن بعد
زعمى تتكلي باللي تتزوجي هناك هل سبب الحرقة الزواج لهذي الدرجة الزواج صرعكم
وإلا تحوسي لافونير واش من آفونير لمرا حراقة والله عييت نخمم
وقلت نجي للماويين يخموا معايا
زعمى علاه نسا راهم يروحو حراقة ووين ماليهم يخلوهم نورمال
طفلة من وهرن قالو خطفوها عندها 14 سنة ايا بانت باللي راهي فإسبانيا وراحت حراقة ضرك فهموني تفكير الشيطاني هذا منين جا
الموضوع لكم انا مخي ماشي دار ايرور راه رايح يروح حراق معاهم

 

[ليليا مرام]

@The tank
@soso ana
@Soumia hadj mohammed
@زهور الأمل
@السلطانة
@سكون الفجر
@صمت المشاعر
@ليليا مرام
@ماغيكاي تشان
@متهجئ الحرف
@لاريمان
@الامين محمد
@sami44
@حاتم07
@ضآحكة مستبشرة
@حلم كبير
@dahman kz
@zagane
@"viola"
@4algeria.com
@زهور الأمل
@جيهان جوجو
@اميرة المدائن
@ملكة زوجي
@mouad_45
@قلم مغرور
@العيون الخضراء
@الورد الأحمر
@amro mostafa
@quěěŋ ŏŏŏŏf gříěf
@Nacer Eddine 2012
@saho souhila
@boukhalfasoheyb
@لؤلؤة قسنطينة

 

[أم أُنٌَيسة]

السلام عليكم ورحمة الله وبركاته
موضوع هايل غاليتي كالعادة بارك الله فيك
والحرقة حارم على كلا الجنسين موش على الراجل برك
ادا كان السفر بدون محرم لا يجوز للمراة ما بالك للحرقة
بالنسبة لي لا يوجد سبب يدعوها لفعل هذا
لي عودة ان شاء الله
تحياتي القلبية​

 

[ليليا مرام]

السلام عليكم ورحمة الله وبركاته
موضوع هايل غاليتي كالعادة بارك الله فيك
والحرقة حارم على كلا الجنسين موش على الراجل برك
ادا كان السفر بدون محرم لا يجوز للمراة ما بالك للحرقة
بالنسبة لي لا يوجد سبب يدعوها لفعل هذا
لي عودة ان شاء الله
تحياتي القلبية​

السلام عليكم اختي
اهلا وسهلا نورت الموضوع
شوفي لو دارها راجل الحرقة حرام بصح ما نستغربوش لانو راجل نقولو ربي يهديه نقولو حرام عليه حرق وحرق يماه وانتحر
اما تسمعي مرا حاجة تحير
لالا انا سافرت وبلا محرم شعال من مرة وخارج الجزائر للعلاج الله غالب ربي راه يشوف وعالم ما نروحش نكري محرم باه يروح معايا
اما حراقة هذي محال عييت نخمم وين الاهل وبن عقلها وواش تحوس كي تحرق
انتظر عودتك للموضوع

 

[السلطانة]

وعليكم السلام ورحمة الله وبركاته فكرتيني في كارطينا لي نصو حرق?وياعجبك كلهم وصلو مغرقو ماحكموهم ?لايحسبوني حسدتهم ربي يسهل
وانما تاع النسا ولبنات ولي فامي لي حرقو راهي كارثة
عدنا في الشرق وخاصة عنابة شحال من وحدة حرقت مع راجلها وولادها
صحبت بنت خالتي لاباس بيها معندها حتى مشكل في رار باباها لقاوها حرقت ??
بلاك مرا مع راجلها مقبولة وانما طفلة وحدها لاياسيدتي باين التسوفيج في وجهك وكي توصلي لهيه كيفاه حتعيشي !باينة حتدخلي في المجال المشبوه ...
وباه تخدمي وراقيك يحبلك
نهار شفت لمرا لي حرقت عوهران وصورو جثتها في البحر مقلوبة على وجها ونص ظهرها عريان ...الكشفة ياربي لحمي شوك
على كل حال ربي يهدي من خلق
صحيتي

 

[وۣۗهۣۗہۣۗم]

السلام عليكم ....

اجمل ما قيل أو سيقال كامل إللى لازم يتقال قلتيه وياعجبك كاين نساا والله داو وأولادهم رضع مشافوو والو من الدنيا حرام عليهم نفسهم وفلذات اكبادهم واوليائهم و نعرف وحدة حكاتلى قصة واقعية مئة بالمئة وصحيحة بنت 18سنة جات تروح حراقة وخربت من دارهم لمدة ثلاث ايام الدنيا كامل تقلبت عليها وطفلة صغيرة وترونكيل يعنى مش تاع عفايس عيانة في جرتها يماها دخلت لسبيطار اياها غاشي اكل سمع إللى اهلها يحوسوو عليها وكى جاء الوقت بها تروح تحرق يعنى شافها واحد الإنسان اتصل بخوها وهو كان عند الوالدة تاعوو أخرج من البيت هاديك باه متسمعش وتسوء حالتها مى الوالدة كانت حاطة بالها وسمعت كلاموو كامل وخرجت تبعاتوو قبل مايوصل لختوو كانت الوالدة لحقتها وشدتها من شعر بالدبازى باليكوتبي جات فيها إللى ميندارش كيهى كى إللى كانوو فالبابور هداك رغم حالتها الصحية المتدهورة
تحياتى لكى عزيزتى

 

[sami44]

تعرفي هديك تاع وين تروح نروح ونلصقلك في الرودة
المرا راهي تسوق الرافعة وتخدم في الشونتيي و وكاين الي يبيعو لا دروق وكاين حتى المافيا هد الصفات من بكري نعرفوهم في ارجال
وبالتالي عاش ما تحرقش نورمال تحويسة في البوطي صاتب ولا خابت
والله لشيئ مؤسف لما نسمع بلي بنت ولا امرأة حرقت هدا الكائن الرقيق لا يستحق التمرميد في وسط البحر والاهوال المصاحبة من مضايقات وخوف وحوت يترقب الفرصة للانقضاض
والامر من هدا لما نشوف نساء يصطحبن اطفالهن الصغار امر يندى له الجبين ويعتصر منه القلب
نورتي الركن ايتها النحلة والمنتوج الثاني ما مديتيش رايك فيه الناس راهم يشرو فيه باللهفة

 

[ام أمينة]

يعطيك الصحة موضوع جد حساس
ولاو النسا و البنات يحرقو عياتهم الظروف الاجتماعية و المادية لييعيشوها
و المشكل ماشي فالحرقة تع الشبان و الفتيات انتقلت حتى للعائلات
و ماشي كامل يوصلو كاين لي يموتو قبل تحقيق امانيهم لاكن الحرقة راهي تزيد ماكانش لي يدي العبرة
و الحل لازم توفير فرص عمل للشبان و عمل حملات تحسيسية للحد من هذه الظاهرة
مشكورة مرة ثانية على الموضوع
ننتظر دائما مواضيعك المميزة ​

 

[ليليا مرام]

وعليكم السلام ورحمة الله وبركاته فكرتيني في كارطينا لي نصو حرق?وياعجبك كلهم وصلو مغرقو ماحكموهم ?لايحسبوني حسدتهم ربي يسهل
وانما تاع النسا ولبنات ولي فامي لي حرقو راهي كارثة
عدنا في الشرق وخاصة عنابة شحال من وحدة حرقت مع راجلها وولادها
صحبت بنت خالتي لاباس بيها معندها حتى مشكل في رار باباها لقاوها حرقت ??
بلاك مرا مع راجلها مقبولة وانما طفلة وحدها لاياسيدتي باين التسوفيج في وجهك وكي توصلي لهيه كيفاه حتعيشي !باينة حتدخلي في المجال المشبوه ...
وباه تخدمي وراقيك يحبلك
نهار شفت لمرا لي حرقت عوهران وصورو جثتها في البحر مقلوبة على وجها ونص ظهرها عريان ...الكشفة ياربي لحمي شوك
على كل حال ربي يهدي من خلق
صحيتي

السلام عليكم أختي سلطانة أهلا وسهلا
ربي يرجع كل غايب لأهلو ويبانو ولو موتى على الأقل يبرد قلبهم والله حرقو قلوب أمهاتهم لانو اللي عينو يخدم هنا ويدير القلب هنا ما يخدموش وخلاص ويروحو للخارج يغسلو الماعن ولو تجي تشوفي الحقرة فبلادنا والمعرفة والرشوة تقولي ماشي غير نحرق للبحر نحرق روحي مي ماشي حل متفرة غير فيهم
ايه يا اختي مرا ومع راجلي وما نحرقش بغا يروح بالسلامة ربي يسهل نروح قانوني لو عيني وديجا ولاه هنا بلاد هناك بلاد التمرميد هذا رجال ما قدرولوش يروحو نسا للطريق الخاطية
وكيما قلت عازبة ورايحة وحدها ففلوكة مع رجال واش راحت تستنى يعني تكون موالفة بذا الشي عادي وراهي وصلت مرا وحدها فبلاد الناس واش راح دير يعني اقعدي هنا وديري الحرام انت ناوية ناوية عليه
شفتها هذيك ميتة ربي يغفرلها ويرحمها مسكينة غاضتني والله ذيك الموت واش داها الله يهدينا
ونتاع وهرن دا مرتو معاه بالحمل مات هو ووليدهم واللي فكرشها هذا راه جنى على عائلتو كاملة إنتحار انا هذا عندي
الله يهدينا يا رب
ربي يحفظك أختي

 

[ليليا مرام]

السلام عليكم ....

اجمل ما قيل أو سيقال كامل إللى لازم يتقال قلتيه وياعجبك كاين نساا والله داو وأولادهم رضع مشافوو والو من الدنيا حرام عليهم نفسهم وفلذات اكبادهم واوليائهم و نعرف وحدة حكاتلى قصة واقعية مئة بالمئة وصحيحة بنت 18سنة جات تروح حراقة وخربت من دارهم لمدة ثلاث ايام الدنيا كامل تقلبت عليها وطفلة صغيرة وترونكيل يعنى مش تاع عفايس عيانة في جرتها يماها دخلت لسبيطار اياها غاشي اكل سمع إللى اهلها يحوسوو عليها وكى جاء الوقت بها تروح تحرق يعنى شافها واحد الإنسان اتصل بخوها وهو كان عند الوالدة تاعوو أخرج من البيت هاديك باه متسمعش وتسوء حالتها مى الوالدة كانت حاطة بالها وسمعت كلاموو كامل وخرجت تبعاتوو قبل مايوصل لختوو كانت الوالدة لحقتها وشدتها من شعر بالدبازى باليكوتبي جات فيها إللى ميندارش كيهى كى إللى كانوو فالبابور هداك رغم حالتها الصحية المتدهورة
تحياتى لكى عزيزتى

السلام عليكم أختي نورت الصفحة شكرا على التواجد الدائم بمواضيعي
ايه راحوا عايلات وداو رضع وذراري صغار واش ذنبهم ذوك الاولاد فتفكير باباه وبماه اللي بغاو الاورو علاه اللي راهم فالغربة راهم مهنيين مشتاقين اهاليهم المناسبات العائلية والله يبكو فيها رمضان والعيد والتعب فبلاد الناس ودائما نظرة ليهم انها ماشي بلادهم
هذي ماشي قليلة واللي هنا وسط عايلتو وماشي حامد ربي ويروح لبلاد الناس ويا ريت وحدو يدي ولادو ومرتو ويا يقطعو يا يموتو غدوة قدام ربي يتحاسبو
وي وحدة من وهرن ثاني شعال هوما يحوسو عليها لقاوها حراقة فإسبانيا قوليلي مولات 15 سنة حراقة فبلاد الناس والا تدي واحد من حراقة ويتزوج بها ولما تحمل يقولك يخدمونا كوراط هكذا راهم يديرو يصيدو بنات الناس ويدوهم يعيش معاها فالحرام حتى تحمل هناك وعلى جال الطفل يسجلوهم ويدو الاوراق سبحان الله تفكير جهنمني والله
الله يهدينا يا رب

 

[وۣۗهۣۗہۣۗم]

السلام عليكم أختي نورت الصفحة شكرا على التواجد الدائم بمواضيعي
ايه راحوا عايلات وداو رضع وذراري صغار واش ذنبهم ذوك الاولاد فتفكير باباه وبماه اللي بغاو الاورو علاه اللي راهم فالغربة راهم مهنيين مشتاقين اهاليهم المناسبات العائلية والله يبكو فيها رمضان والعيد والتعب فبلاد الناس ودائما نظرة ليهم انها ماشي بلادهم
هذي ماشي قليلة واللي هنا وسط عايلتو وماشي حامد ربي ويروح لبلاد الناس ويا ريت وحدو يدي ولادو ومرتو ويا يقطعو يا يموتو غدوة قدام ربي يتحاسبو
وي وحدة من وهرن ثاني شعال هوما يحوسو عليها لقاوها حراقة فإسبانيا قوليلي مولات 15 سنة حراقة فبلاد الناس والا تدي واحد من حراقة ويتزوج بها ولما تحمل يقولك يخدمونا كوراط هكذا راهم يديرو يصيدو بنات الناس ويدوهم يعيش معاها فالحرام حتى تحمل هناك وعلى جال الطفل يسجلوهم ويدو الاوراق سبحان الله تفكير جهنمني والله
الله يهدينا يا رب

جميلتى ماعسانا الا ان ندعوو لهم بالهداية ونسال الله ان يرزق اهلهم الصبر
بصح بلاك نخمم انا تانى روح نهاجر الى الدول الحارة ونزلى فالصيف ان شاء الله ??????

 

[ليليا مرام]

تعرفي هديك تاع وين تروح نروح ونلصقلك في الرودة
المرا راهي تسوق الرافعة وتخدم في الشونتيي و وكاين الي يبيعو لا دروق وكاين حتى المافيا هد الصفات من بكري نعرفوهم في ارجال
وبالتالي عاش ما تحرقش نورمال تحويسة في البوطي صاتب ولا خابت
والله لشيئ مؤسف لما نسمع بلي بنت ولا امرأة حرقت هدا الكائن الرقيق لا يستحق التمرميد في وسط البحر والاهوال المصاحبة من مضايقات وخوف وحوت يترقب الفرصة للانقضاض
والامر من هدا لما نشوف نساء يصطحبن اطفالهن الصغار امر يندى له الجبين ويعتصر منه القلب
نورتي الركن ايتها النحلة والمنتوج الثاني ما مديتيش رايك فيه الناس راهم يشرو فيه باللهفة

السلام عليكم اخي سامي شكرا لك على التواجد الدائم
ايه نلصقلك فالرودة تقولها المرا لراجلها وين يروح لازم يديها
اما تولي دير واش يدير ولحقت للحقرة هنا نقول للمسترجلة الجزائرية نتاعنا الهنودا راهم حايرين فيك هههه
نعم والله فعلا وكيما فالت الأخت من مدة شفنا وحدة ميتة فالبحر لقاوها جماعة كانو حواسين فالفلوكة وهي ميتة مكشوفة غاضتني بزاف واش داها مرا بلاصتها الدار يا سيدي تقرل وتخدم بإحترامها ما نعرفوش ظروف الناس مي ارجعي داركم اخدمي اهلك وقومي دارك وبزاف عليك هذي الحرقة للرجال وحرام عليهم انفسهم مي راجل قادر على شقاه والتعب والتمرميد واسمو راجل
ايه اما نتاع عايلات والذراري الصح اللي يدي مرتو وولادو يريسكي بيهم ماشي راجل نهائيا روح انت وخليهم لما تعدل امورك ديهم قانونيا اما تريسكي بيهم كل شي يصرالهم على ذنب ذاك الراجل خاصة رضع مساكن فالبحر فالبرد تنقلب الفلوكة راح يا لطيف واش من قلب يدي وليدورضيع او طفل صغير
راني درت للمنتوج وانا مجرباتو روعة ما حرقتولكش المرة هذي
شكرا لك اخي الكريم اضفت لموضوعي نكهة خاصة

 

[ليليا مرام]

يعطيك الصحة موضوع جد حساس
ولاو النسا و البنات يحرقو عياتهم الظروف الاجتماعية و المادية لييعيشوها
و المشكل ماشي فالحرقة تع الشبان و الفتيات انتقلت حتى للعائلات
و ماشي كامل يوصلو كاين لي يموتو قبل تحقيق امانيهم لاكن الحرقة راهي تزيد ماكانش لي يدي العبرة
و الحل لازم توفير فرص عمل للشبان و عمل حملات تحسيسية للحد من هذه الظاهرة
مشكورة مرة ثانية على الموضوع
ننتظر دائما مواضيعك المميزة ​

السلام عليكم اختي الكريمة شكرا على التواجد بالموضوع بارك الله فيك
والله يحسن العون ماناش نلومو فيهم لانو واحد ما عارف ظروفهم لكن لو راح جون نقولو ليجون كرهو لا مستقبل لا خدمة لا حياة الأحباس وطريق الإنحراف يا البحر للأسف لكن نسا وعايلات يروحو مع اولادهم واش ذنب ذوك الذراري مساكن
ايه مساكن ليجون كامل ماتو وما وصلو ما هربو من المستقبل حصلو فالوسط العبرة ماكانش اليوم يورو عايلات محروقين على ولادهم ويورو ليجون يلقاوهم فالبحر في حالة تقدم من التعفن مي من غد ذاك تسمعي فلوكة خرجت وزادو راحو بمعنى خلاص الموت ماراهش يأثر فيهم دايرين الريسك والوصول يا يموت يا يوصل معناها اعرفي قطعو لياس خلاص مساكن والله لا ربي معاهم
مي النسا علاه تروحي تحرقي وتتمرمدي هذو رجال وكان دارو هكذا يبقاو رجال مي انت مرا داية ولادك ورايحة وين
الله يهدينا وكيما قلت لازم الاهل يعسو ولادهم راهم يروحو بلاما يقولوهم ومراهقات ثاني يخدمو بيهم طريق يردو بالهم عل بناتهم
شكرا لك أختي التميز في ردودكم وتدخلكم الكريم
شكرا لك