انثرفيو شوو

[أم أُنٌَيسة]

بسم الله الرحمن الرحيم والصلاة والسلام على اشرف المرسلين
السلام عليكم ورحمة الله وبركاته
اسعد الله اوقاتكم وملاها يمنا وبركة

سيداتي انساتي وسادتي اقدم لكم انثرفيو شو
برنامج ماوراء الجدران لمعالجة الناس والشعوذة
اي واحد عارف دينو راهو عارف انه لا يجوووووووووووز الرقية بتلك الطريقة في حصة هذا اولا
وانه لا يجوووووووووز الرقية في جماعة وانما المريض والراقي ومحرم المراة ان كان المريض امراة او فتاة واحد اهل او اقارب المريض ان كان رجلا هذا ثانيا
وانه لا يجووووز ان يلمس الراقي امراة اجنبية عنه ابدا هذا ثالثا
ثم واخيرا، لا يجوووووووووووووز محاولة التكلم ومحاورة الجن الذي يسكن الجسد انما الراقي يجب ان يبقى يقرا القران كي يحرق الجن ويغادر ان شاء الله تعالى
لكن ما يثير الحنق والغضب حقا وكثيرا جدا في هذه الحصة ان السادة الكرام يكلمون ذلك الجن كانه في مقابلة عمل
من انت
ما اسمك
كم عمرك
من اين انت
زيدو كملولو برك وش هو اختصاصك وفي اي مجال راك درست ووش هو مستوى دراستك ووش الديبلوم اللي راه معاك
وجاوبهم سيدي الجن لانه راك فمقابلة عمل وان شاء الله تتوظف ... في الجزائر كل شيء ممكن
لا حول ولا قوة الا بالله العلي العظييييييييييييم، حسبنا الله ونعم الوكيل
الدين رجع تجارة يتاجرو بيه والناس تبع فيهم وتتفرج من عقولها يعني وعاجبهم الحال
منيش نسخر من المرضى حاشا لله ومانيش عارفة اذا راهم مراض صح او لا وهذا امر بينهم وبين اللي خلقهم وربي يشفيهم ويخفف عليهم ان شاء الله
انما نحكي على المهزلة اللي يوروها في هذي الحصة على اساس هي رقية وهي بعيدة كل البعد عن الرقية الشرعية
تلك مسخرررررررة والله

وبرنامج اخر زعمة يفضح في المشعوذيييين ويصورو فيهم وفي الكمين اللي يديرولهم كانه رانا فتحقيق فيديرالي يا محاينك
في الدين لما تجد مشعوذ او ساحر يتم الاخبار عنه للائمة يستتاب ان لم يتب يتم قتله
لكن ضوك السحرة والمشعوذين رجعو عندهم صفحات فيس بوك الله الله والناس تسقسي وتستفسر قدام ربي وعبادو كي شغل امر عادي ونورمال
يعني العقل يقول نهجر من لبلاد هذي والله

الى متى هذا الانحطاط في تقديم البرامج ؟؟؟
والى متى هذا البعد المخيف عن الدين وعن الله عز وجل ؟؟؟

والله الكلام يعجز عن الكلام والتعبير
لكم الخط
تحياتي احترامي وتقديري لشخصكم الكريم الطيب
في امان الله وحفظه​

 

[الامين محمد]

تم الاعتماد
راجع للمناقشة و الرد
عندي مانحكي في هاذ الميضووع ههههههههه

 

[السلطانة]

وعليكم السلام ورحمة الله وبركاته
اووو متفكرينيش في الحلقة تاع لمرا تاع ام لبواقي تفرجت منها الجزء الاول بتت نهتور... الجزء تاع شركس الثاني متفرجتوش... مالا جدة تفرجتها تاثرت وباتت تهدر وحدها ياودي حتى لي يخاف خطر عليه يتفرجهم اللهم لاشماتة محناش نضحكو عالمبتلين عارفين بلي راهم في حالة يعلم بيها غير ربي.. ربي يشفيهم ..وانما كيما قلتي، شيماء في طريقة وسير الحصة مقابل مايرقوهم يشهرو، بيهم للناس.. كانوا قادرين يرقوهم في الستر ويجيبوهم اسيدي يحكيو تجربتهم مع طاقم الحصة وهي فارية بارك الله فيك اختي

 

[وۣۗهۣۗہۣۗم]

السلام عليكم ....
منكذبش عليك ماغي انا والله منتفرج هاذ النوع من الحصص وباه يديروو من الم الاخرين مدخل وشهرة لهم لا والف لا

 

[عشريني متمرد]

شركس شركس المشاكسين فتشركسوا فيما بينهم .. قناة العار واش تستناي منها -_-​

 

[الامين محمد]

ياااه يا شركس لوكان غي راك معانا في اللمة
على الاقل تنشط لينا الحالة و نفتحوا قسم نسموه قسم هاذاك العالم خخخخخخخخخخخ

 

[ليليا مرام]

السلام عليكم أختي
اولا من باب إنو تكلمنا على هذي البرامج علقنا عليهم بزاف لكن فالأخير نتفرجوهم شئنا ام أبينا تصلك فيديوهات عنها
ثانيا بخصوص الحالات الخاصة بالسحر والشعوذة وإنك مش متأكدة مرضى أو لا أنا نقولك من باب تجربتي وناس تكذب أني مريضة حتى وشافت ادلة واوراقي فإحنا شعب ما يرضينهاش العجب لو نشفو إنسان مريض او مشلول ونكذبوه علاه لانو ماراهيش كاينة ثقة انا صدقت إنهم مرضى لانو شفت حالة من الأقارب كيما هوما وفعلا يوجد الجن والسحر والمس وكذا
بالنسبة لطريقة الرقية أنا جامي رحت للراقي ما نقدرش نقواك انا نقرا القرآن وحدي ونسمع الرقية وحدي فحياتي ما دخلت عند راقي ولا نخمم نروحلو القرآن اللي يعرفو هو نعرفو أنا
لكن من باب نخمم إنو الحالات هذي مساكن يتعذبو ولقاو منبر قدامهم ما عندهمش حل مثلا حالة شركس تتعذب مسكينة عندها 14 سنة كيفاه ما تخممش تروح لحصة هذي باه يجو رقاة يرقولها وانا الصراجة ما شفتش رقي قرّب منها أو لمسها كان يرقيلها من بعيد نزيدك رقية فالجماعة لي جيران راحو لإبن الشنفرة لمقر سكناه وفعلا يرقي في جماعة مانيش عارفة تجوز أو لا
انا ما نشوفش لهذو الأمور نشوف للنسا هذو راهم يتعذبو وعندهم أولاد ولازم اللي يعاونهم
هي برامج لقنوات خاصة يربحو مشاهدات واموال والمرضى يربحوا صحتهم
انا نخمم فذاك المريض مهما كانت الطريقة اللي لجأ ليها حتى يبرا لاني مريضة ونحن واش معناها تباتي مريضة واش معناها تخممي تشربي الرهج لو جا حلال المهم تحسي لحظة عادية كيما يعيشوها الناس

 

[أم أُنٌَيسة]

تم الاعتماد
راجع للمناقشة و الرد
عندي مانحكي في هاذ الميضووع ههههههههه

بارك الله فيك وجزاك كل خير للاعتماد اخي الكبير
في انتظار عودتك وكلامكم ان شاء الله تعالى
هلا والف مرحبا بك تنور الموضوع
​

ياااه يا شركس لوكان غي راك معانا في اللمة
على الاقل تنشط لينا الحالة و نفتحوا قسم نسموه قسم هاذاك العالم خخخخخخخخخخخ

ههههههههههه اذا باغي نفتحوه معليش نفتحوا وكاين انا وزوج معاي يعرفو امور هداك العالم هاهاهاهاهاهاه
ستخرج من جلدك خوفا واولكم اخي @sami44 فهو الخوف لوكان جا بنادم ههههههههههه​

 

[أم أُنٌَيسة]

وعليكم السلام ورحمة الله وبركاته
اووو متفكرينيش في الحلقة تاع لمرا تاع ام لبواقي تفرجت منها الجزء الاول بتت نهتور... الجزء تاع شركس الثاني متفرجتوش... مالا جدة تفرجتها تاثرت وباتت تهدر وحدها ياودي حتى لي يخاف خطر عليه يتفرجهم اللهم لاشماتة محناش نضحكو عالمبتلين عارفين بلي راهم في حالة يعلم بيها غير ربي.. ربي يشفيهم ..وانما كيما قلتي، شيماء في طريقة وسير الحصة مقابل مايرقوهم يشهرو، بيهم للناس.. كانوا قادرين يرقوهم في الستر ويجيبوهم اسيدي يحكيو تجربتهم مع طاقم الحصة وهي فارية بارك الله فيك اختي

منتفرجش الحصص هذو لانه يوجعني قلبي والله، ولما حكيت لقيت فيديو لواحد العراقي يدير سكاتشات ويعلق على بعض الامور
لما دخلت ليه حكى على الحصة هذي وعلى حكاية المراة تع شركس حوست ونظن فنفس الفيديو حط حكاية امراة اخرى وهو يرقي فيها وهو مكتفلها يديها ويقيس فيها من بعد قالولي عليها لما لعبت قالولي بدلي لقناة النهار نظن بدلت وجعني قلبي من طرييقة كلامهم والخرطي اللي يديرو فيه ربي يهديهم ان شاء الله
تماما غاليتي، تلك غايتي انا بغيت نحكي على ما يسمونه رقية شرعية ولكن في الواقع مايفعلونه لا يجور شرعا ويفترض بهم معرفة ذلك
وفيك بركة غاليتي
هلا والف مرحبا بك نورت الموضوع بمرورك غاليتي
بارك الله فيك للمرور الجميل وجزاك كل خير للكلام الطيب
تحياتي القلبية، احترامي وتقديري لشخصكم الكريم الطيب
في امان الله وحفظه​

 

[أم أُنٌَيسة]

السلام عليكم ....
منكذبش عليك ماغي انا والله منتفرج هاذ النوع من الحصص وباه يديروو من الم الاخرين مدخل وشهرة لهم لا والف لا

وعليكم السلام ورحمة الله وبركاته
انا تان منتفرجش اي قناة واي حصة جزائرية او عربية في التلفاز مهما كان نوعها لما نبغي نتفرج نروح لليوتوب
لقيت فيديو لواحد العراقي يدير سكاتشات ويعلق على بعض الامور
لما دخلت ليه حكى على الحصة هذي
ولما خبروني رحت نتفرج لققيت مجرد خرطي لانه الرقية الشرعية ليست هكذا واول شرط لها ان تكون في السر لا في العلانية
هلا والف مرحبا بك غاليتي نورتي الموضوع بمرورك
بارك الله فيك للمرور الجميل وجزاك كل خير للكلام الطيب
تحياتي القلبية، احترامي وتقديري لشخصكم الكريم الطيب
في امان الله وحفظه​

 

[أم أُنٌَيسة]

شركس شركس المشاكسين فتشركسوا فيما بينهم .. قناة العار واش تستناي منها -_-​

لم اتكلم عن المرضى لكن حكيت على الائمة زعمة والرقاة اللي راهم لتم وفي ما يسمونه رقية والتي هي مجرد مهزلة والله
ولا تتوفر فيها ربع شروط الرقية الشرعية
ربي يهدينا ويثبتنا وكل امة محمد ان شاء الله يارب، وتحسبونه هين وهو عن الله عظيم
هلا والف مرحبا بك نورت الموضوع بمرورك اخي الكريم
بارك الله فيك للمرور الجميل وجزاك كل خير للكلام الطيب
تحياتي احترامي وتقديري لشخصكم الكريم الطيب
في امان الله وحفظه​

 

[أم أُنٌَيسة]

السلام عليكم أختي
اولا من باب إنو تكلمنا على هذي البرامج علقنا عليهم بزاف لكن فالأخير نتفرجوهم شئنا ام أبينا تصلك فيديوهات عنها
ثانيا بخصوص الحالات الخاصة بالسحر والشعوذة وإنك مش متأكدة مرضى أو لا أنا نقولك من باب تجربتي وناس تكذب أني مريضة حتى وشافت ادلة واوراقي فإحنا شعب ما يرضينهاش العجب لو نشفو إنسان مريض او مشلول ونكذبوه علاه لانو ماراهيش كاينة ثقة انا صدقت إنهم مرضى لانو شفت حالة من الأقارب كيما هوما وفعلا يوجد الجن والسحر والمس وكذا
بالنسبة لطريقة الرقية أنا جامي رحت للراقي ما نقدرش نقواك انا نقرا القرآن وحدي ونسمع الرقية وحدي فحياتي ما دخلت عند راقي ولا نخمم نروحلو القرآن اللي يعرفو هو نعرفو أنا
لكن من باب نخمم إنو الحالات هذي مساكن يتعذبو ولقاو منبر قدامهم ما عندهمش حل مثلا حالة شركس تتعذب مسكينة عندها 14 سنة كيفاه ما تخممش تروح لحصة هذي باه يجو رقاة يرقولها وانا الصراجة ما شفتش رقي قرّب منها أو لمسها كان يرقيلها من بعيد نزيدك رقية فالجماعة لي جيران راحو لإبن الشنفرة لمقر سكناه وفعلا يرقي في جماعة مانيش عارفة تجوز أو لا
انا ما نشوفش لهذو الأمور نشوف للنسا هذو راهم يتعذبو وعندهم أولاد ولازم اللي يعاونهم
هي برامج لقنوات خاصة يربحو مشاهدات واموال والمرضى يربحوا صحتهم
انا نخمم فذاك المريض مهما كانت الطريقة اللي لجأ ليها حتى يبرا لاني مريضة ونحن واش معناها تباتي مريضة واش معناها تخممي تشربي الرهج لو جا حلال المهم تحسي لحظة عادية كيما يعيشوها الناس

وعليكم السلام ورحمة الله وبركاته
لا اشاهد تلك البرامج ابدا والحمد لله الذي عافاني من ذلك الابتلاء حمدا كثيرا طيبا مباركا فيه واسال الله ان يثبتني عليه
يا اختي الكريمة، شيء لم اره بعيناي وامامي لا اصدقه هكذا كان قصدي ولم اكذبهم وانما قلت بصريح العبارة ان كانو مرضى فشفاهم الله وعافاهم وان لم يكونوا كذلك فبينهم وبين خالقهم واسال الله الهداية لي ولهم وكل المسلمين لا دخل لي لا بهم ولا بغيرهم ولا يحق لي ان احكم على اي احد
اما من ناحية تكذيب الناس هداهم الله للمرضى فليس بشكل شخصي انما هم يتكلمون حسب مايرون مع انه ليس من حقهم في كل حال كما ان هذا اي تكذيب الناس ا لك في مرضك ابتلاء من الله عز وجل فالابتلاء يمكن ان يكون عشكل اناس ايضا وان كانوا من الاهل والاقارب
كما اني لم اقل في كلامي ابدا انه لا وجود لما يسمى السحر والمس والعين، بل هي موجودة اكيد ويكفي ان الله جل جلاله والرسول الكريم صلى الله عليه وسلم اخبرا عنها ولم اقل في اي من كلامي ايضا انه لا وجود للشعوذة انما قلت هي موجودة لكني تحدثت عن طريقة معالجة المرضى وما يسمونه بالرقية الشرعية في ذلك البرنامج والذي هو بعيد كل البعد عن احكام الدين ولا تتوفر فيه ربع شروط الرقية الشرعية
اتمنى ان تعيدي قراءة موضوعي جيدا غاليتي لاني لم اقل اي شيء مما ذكرته

والمشكل ليس في القران، انما توجد حالات لا يمكن ان ترقي نفسها بنفسها ويجب وجود راقي او على الاقل امام يدلها على طريقة الرقية والا سيصبح الامر ايذاءا لانفسهم ليس بسبب القران وانما بسبب المس والسحر اذ سينقلبان ضد المريض خاصة اذا اجتمعت كل الامراض الروحية والتي هي المس والسحر والعين والحسد كلها في مريض واحد
وماشاء الله عليك لا قوة الا بالله وفقك الرحمن في ذلك وبما تحبين وشافاك وعافاك ان شاء الله يارب

ولما تحدثت عن لمس الراقي للمراة لم اتحدث في كلامي عن اي حالة من الحلات التي قام برقيتها انما تحدثت في طريقته بالرقية بشكل عام وتحدثت عما رايته في فيديو ولا اعلم اي حالة كانت انما لمسها وهذا لا يجوز شرعا برقية او بغير رقية
اكيد هم يتعذبوا اسال الله ان يلهمهم الصبر والقوة على مجابهة مابهم واسال الله ان يشفيهم وكل مرضى المسلمين ان شاء الله يارب
لكن ذلك لا يبرر لهم لجوءهم هم او غيرهم لوسيلة اخرى للعلاج، وخاصة الشعوذة فهم بذلك يشركون ويكفرون اختي الكريمة
فكل شيء يبدا بحرام ويؤذي الى حرام ويقوم على حرام فهو حراااام... وان ترقي بطريقة حرام فذلك حرام هكذا ببساطة
والله عز وجل يبتلينا ليرى الذي يصبر ويشكر ويبتعد عن الحرام في العلاج وان كان اسهل ويتخد الطريقة الصعبة والتي هي طرق الحلال ... فالشفاء بيد الله عز وجل مع الاخد بالاسباب

ربما يحس الانسان بما قلتي لكن تلك لحظة ضعف منه فنحن بشر ونخطيء لكن المشكل ليس في الخطا انما الاستمرار فيه حين تعرف انك مخطيء وطريقتك حرام وتعتبر كفرا وشركا والعياذ بالله عافانا الله وكل المسلمين
لا اتكلم عن المرضى فربما اغلبهم لا يعرفون اسس وشروط الرقية الله يهدينا واياهم ان شاء الله يارب انما اتكلم عن الرقاة بحد ذاتهم الذين يتخدون الدين تجارة ويهزؤوا به الله يهديهم ان شاء الله
حسبنا الله ونعم الوكيل

هلا والف مرحبا نورت الموضوع بمرورك غاليتي
تحياتي احترامي وتقديري لشخصكم الكريم الطيب
في امان الله وحفظه​