ايماجيني انا بنت الملك مشاركتي

[السلطانة]

أهلا وسهلا بيا عندكم من جديد
ان شاءالله تكونوا بخير
حبيت نشارك في سلسلة
سلسلة ايمـــ Imagini ـــآجيني كامل نتخيلو ~
قصدي نخرط شويا عليكم هههه

يخي معليهش نحلمو مالك راك قتلنا تخيلو ههه

بون انا بنت وحد الملك كاينلو وحد النهار
بابا أمر انهم يوجدولي قارب
حطة وشيك على خاطر انا نفتحلي في تحويسة نستمتع فيها بأشعة الشمس وجمال البحر ونصيد
شوي قرش وكروفات ونجمة البحر باه نلصقها على شعري هههه
لبست قشبيتيي و شاشيتي وديت معايا كانيشي ..وركبت البابور
وخملت معايا الماكلة والكسرة لي خبزتلي عمتي مسكينة تموت على الطياب
المهم ديت معايا كابا معمرة تقول مسافرة
وفي قلبي نغني :باي باي يما لعزيزة باسبور وفيزا


أو مون ديو ...يامخلوق سقم الكرسي لكانيشي راه يطوخ من البحر
ياك راك وجدتلنا النواظر والجي
خليني نصور شويا سالفيات نبعثهم لمون فايس بووك

انا وكانيشي والبحر خلفي

نطق داك الطباخ من هيه اون مود حلاب من نوع الرفيع
ست الكل طيبتلك قهوة اروما تنحي الدوخا
نو نو نو نو ميغسي
أنا نشرب الجي سي تو

ايا ضربت فيها تقييلة
وصلت لعشية باه نرجعو
وتضرب ديك الموجة
تخلعت نضت من نومي حضنت كانيشي
او مون ديو واش صرا ياناس ؟
عاودت ضربة موجة خلاف بقوة هاد المرة
تفكرت الطالياني نهار قال :الموجة لي داتو ...حتى الطالياني خرج من هاد البلاد واش ندير هنا
نندب نندب راح نغرق وتقلب بينا البابور..
ابوي ابوي اجري ليا ايوما ايوما اجري ليا
اسكان المملكة راني غرقت ...

فطنت غدوة لقيت روحي مطيشة عشط لبحر
وكانيشي معايا
ديجا فرحت وقلت باينة كاش جزيرة وراح ندير اكشن مفضش



تصورو بلي بابا حرق عليا الدنيا ومالقانيش مسكين
كان يبكي ويقول :الطاوس بنتي ..وان راحت واش داني نبعثها في البابور المنحوس ..
اما انا منكدبش عليكم
فرحت وتهنيت من القصر ومشاكلو
رحت مشيت مشيت وكانيشي معايا نكتشف في الجزيرة .....
السكااااااااااات الهدووووووووووء ...
قلت أنا لازم ندبر راسي هنا ونشوف كيفاه نفكر باه ناكل ونعيش ...
حتى تعكلت وطحت ...
اتصوروا معمن تلاقيت ؟؟؟؟؟؟؟؟؟؟؟؟؟؟؟؟











يتبع في الجزء الثاني









​

​

​

 

[Skor m@k]

السلام عليكم
ههههههه والله قتلتيني
باين تلاقيتي مع روبين هود باش يسلكك
خاطرش االطالياني قالو عسها تعود تحط راسها فالراية هههههه
والله تخيل شباب شحال يعجبني التخيل وحتى الافلام لي يحكيو على المملكة والقصر والهربة والمغامرات ههههه
انت لايمتيهم كامل في هذي القصة
بصح كيفاش نصنفوها حزينة ولا سعيدة ههههه تلفتيهانا ههههه
الجزء القادم ننصحك اخطيك من الموجة لي داتو تاع الطلياني هههه
جيبيها تاع ماما تشاو ماما تشوا تاع سور باش ماتوليش للقصر التعيس ( ماشي السعيد تاع الخامسة هههه )
رانا نستناو التكملة
صحيتي سلطانتنا​

 

[♥حلم القمر♥]

معامن تلاقيتي ؟؟ جزيرة معناها باينة فلونة وعايلتها
صح جبتها
في المتابعة وان شاء الله مننساش نرجع نشوف التكملة
​

 

[sami44]

المليحة كامل هذي

نطق داك الطباخ من هيه اون مود حلاب من نوع الرفيع

ست الكل طيبتلك قهوة اروما تنحي الدوخا
نو نو نو نو ميغسي
أنا نشرب الجي سي تو

علاه ديما الطباخ مطفرة فيه هو حب يبان خشين وانتي صرفتيلو صرف زين
حلاب مسكين​

 

[أم أُنٌَيسة]

وعليكم السلام ورحمة الله وبركاته
ماشاء الله لا قوة الا بالله تبارك الذي بيده الملك
عندك وحد المخيلة فووووووووووور، ربي يحفظك ويبارك فيك يارب
متاكدة ولا شبه متاكدة انك تلاقيتي بفارس احلامك اللي هو زوجك الان نورمالمون ههههههههههه او مع الهنود الحمر
مع اني لو كنت انا نقول لقيتها جزيرة فيها كل شخصيات الكرتون اللي نحبهم
اضحك الله سنك غاليتي
في انتظار التكملة ان شاء الله
تحياتي احترامي وتقديري لشخصكم الكريم الطيب
في امان الله وحفظه​

 

[وۣۗهۣۗہۣۗم]

السلام عليكم ....
ها الخيال الواسع اللى يزيد يعرض ولاد عموو اثبتى بلى جزائرية دووووورجين ههههههههههه
في انتظار المتبقي

 

[Autumn leaves]

وعليكم السلام..
خيالك واسع ماشاء الله,,
يمكن لقيتي نفسك على ظهر الحصان الأبيض..
بانتظار التتمة,,
عساك بخير​

 

[لؤلؤة قسنطينة]

السلام عليكم ورحمة الله وبركاته
والله ضحكتيني تاع الصح هههه ورحت معاك في الحكاية
عجبتني تاع مملكة والله علكيف، في الجزء الثاني ديري بلي
تلاقيتيني هههه خليني نعيش في جو الممالك والأمراء
وبالنسبة كي لحقتي الجزيرة متأكدة رايحة تقابلي طرزان
قالك بنا هو وعايلتو فيلا على شط البحر، درك تلقايه يسوطي
من شجرة لشجرة هههه وياكل البنان هههه
انا في انتظار تكملة الجزء الثاني ويعطيك الصحة على الخيال الواسع
ماشاء الله عليك
تحياتي​

 

[حلم كبير]

السلام عليكم ورحمة الله تعالى وبركاته
واو حكاية رائعة وخيال واسع ههههه
ما شاء الله
نطالب بتكملة القصة الرائعة والمشوقة
نحب الخيال بزاف وخاصة في حاجة تفوق الخيال هههه
مشكورة على القصة الجميلة
ننتظر التكملة
بارك الله فيك
إحترامي وتقديري ​