راني عادي ..... وإلا نروح نداوي

[ليليا مرام]

السلام عليكم

لماويات لماويون اهلا وسهلا بيكم
اليوم يا جماعة راح نحكو على عاداتنا اللي هي مضحكة مرات ومخجلة
وتحطنا فمواقف يضحكو نحيرو نقولو زعمى غير احنا نديروها وإلا كاين شكون يديرها
من إبداعات المرأة الجزائرية وإبداع الرجل الجزائري صناعة خام MADE IN ALGERIA
عادتكم ونتوما تاكلو وعادتكم ونتوما راقدين
عاداتكم ونتوما تدابزو عادات مختلفة وكل واحد وطبعو
واعطوني ابداع المتزوجون سيرتو فاليامات الأولى يبانلك ذاك المخلوق جا من الفضاء
كل عضو يقولنا عن نفسو طبيعة
راني عادي وإلا نروح نداوي

انا عندي شكاير نتاع عادات
كي نكون عيانة وحابة نجيب حاجة من فريجيدار نعجز نديها ونروح ناكلها فاكهة والا ياوورت ندخل داخل فريجيدار واقفة وناكلها ونكملها ونرجع بواطة فارغة ننسى ....... راني عادي وإلا نروح نداوي

الحنفية اللي فلادوش فبالي معفونة نتاع توايت محال نعمر منها الما للطياب او نشرب منها او حتى نغسل أسناني فيها ...... عادي وإلا نداوي
كي ندير قاطو نذوق شعال من حبة نص من كل حبة ذوق وحدو ونرجع نص فليكيسات عادي وإلا نروح نداوي
لو لقيت حبة تراب فلاكور تبانلي دارنا محروثة للبطاطا لازم نعاود نسيقها ...... عادي وإلا نروح نداوي
لو تغيطت وخرجت رجلي من فراش تغيضني نحس خليتها بايتة برا ..... عادي وإلا نروح نداوي

بزاف عليكم طبايعي تعايروني بيهم
لازم نعرف واش عندكم امور صنع جزائري
ورولي الإبداع تشوف نقولكم عادي وإلا روحو ترقو هههه

الموضوع لكم جماعة عادي و نداوي


شكرا لكم




​

 

[الامين محمد]

ههههههههههههه روحي داوي ليليا ههههههههههه
تم الاعتماد و لي عودة مع انو عارف روحي توووب في الاتكيت خخخخخخخخخخخ

 

[sami44]

لي عودة
اين ختم التميز اخي الامين هذ الموضضوع جديد وتاع هبال

 

[ام أمينة]

السلام عليكم
ايتها المتألقة @ليليا مرام ربي ما يحرمنا من مواضيعك الرائعة و المشوقة
نروح نكمل نوجد العشاء و نولي ان شاء الله للرد
لكي خالص التحيات​

 

[حفياد آدم]

ربنا يراضى قلبك ويديم عليكى حلو طباعك ونقاء قلبك

 

[sami44]

حياتي كامل ندير في المواضيع جامي اهداوني باقة وردرغم هذا مانيش عيور
هذا زهر ولا العام طويل انا الي نروح نرقي ماشي انتي
ومن اليوم اطالب كل عضو يرد في موضوعي يزيد باقة ورد معاه

 

[حفياد آدم]

هه الله غالب فانا لا ارد كثيرا علي المواضيع ولكن اوعدك اني سازور مواضيعك وارد بارقي الردود الغامضة الذي تاخذ العقل قبل القلب

حياتي كامل ندير في المواضيع جامي اهداوني باقة وردرغم هذا مانيش عيور
هذا زهر ولا العام طويل انا الي نروح نرقي ماشي انتي
ومن اليوم اطالب كل عضو يرد في موضوعي يزيد باقة ورد معاه

 

[ليليا مرام]

ههههههههههههه روحي داوي ليليا ههههههههههه
تم الاعتماد و لي عودة مع انو عارف روحي توووب في الاتكيت خخخخخخخخخخخ

السلام عليكم عمنا الزايخ
بارك الله فيك على الإعتماد وبلا مزيتك
راح نشوفو اتيكيت ولاستيك نتاعك مسيو أمين ارجع برك ماشي هذي طريق مول الفول

 

[ليليا مرام]

لي عودة
اين ختم التميز اخي الامين هذ الموضضوع جديد وتاع هبال

اهلا اهلا بالغيور مني ابابابا ما إستنيتهاش منك تغير من بوكي ورد ها بن عميوين كانت ذي غيرة مخبية وين
تميز هو وجودكم فالمواضيع بشكل دائم ربي يحفظك وي الهبال نشوف إبداعاتكم
شكرا

 

[ليليا مرام]

السلام عليكم
ايتها المتألقة @ليليا مرام ربي ما يحرمنا من مواضيعك الرائعة و المشوقة
نروح نكمل نوجد العشاء و نولي ان شاء الله للرد
لكي خالص التحيات​

السلام عليكم أختي ام امينة
الله يسعد قلبك على التشجيع عزيزتي شنانة فالناس المشيانة واحد ناس غيورين مني على بوكي نوار ولاخر بقهوتو الزايخة الدايخة
ايه لازمني نرقي يا أختي يا أم أمينة عديااااان عدياااان راهم فجنابي هنا نقرا المعوذات قبل ما ندخل
بصحتكم وقوليلي واش طيبتي كي ترجعي
ولك أحر القبلات مني للبنات
شكرا لك

 

[ليليا مرام]

ربنا يراضى قلبك ويديم عليكى حلو طباعك ونقاء قلبك

مشاهدة المرفق 102757

السلام عليكم اخي
ااااه يا سلام هاهي الناس راقية ورد وعطور وأناقة ماشي ذاك داخلي غير الضحك تقول مرت دايم ولاخر ثمثم كلاطا كيكوطا كلاطات ه عل جال بوكي ورد يا خويا اديلو بوكي نخاف كاش ما يصرالو ياك غيرة تحرق من درجة 3 ما خصونيش ذنوبو

كل الإحترام لك وعطر الله أيامك وجعل لك حدائق ورود فالجنة يا رب شكرا

 

[ليليا مرام]

حياتي كامل ندير في المواضيع جامي اهداوني باقة وردرغم هذا مانيش عيور
هذا زهر ولا العام طويل انا الي نروح نرقي ماشي انتي
ومن اليوم اطالب كل عضو يرد في موضوعي يزيد باقة ورد معاه

وها قليع قلبي وكي قالوها الغرابا ما حشمت ما قلت نخليها تقدام ما قلت نتمتمها مع روحي هاكا قبالا سخونة تغلي ها وليدي يا ناصر بالعقل على قلبك لا تكلاطي ما لها كيكوطا عندك بوشاها العدس هذا غير ورد ما جابلي ذهب ما جابلي أيفون يا يمى لو جابهم تنتحر فوق أعلى منتدى
اواه انا ضرك نعيط للراقي بالمسانجر يرقيلي ضرك حالا ايمى نحس صطر يا يمى خرجت فيا العين ثمثم

 

[Sami MCA]

ايه روحي تداوي، وبعتنا الدوا معاك .

 

[ليليا مرام]

ايه روحي تداوي، وبعتنا الدوا معاك .

السلام عليكم خويا
ايه وحتى انا قلت ماشي مشكل الدوا عليا معناها كامل راكم كيما انا

 

[ام أمينة]

راني وليت اختي @ليليا مرام
و كامل فينا عفايس ديفوا صح نقول نروح نداوي مستحيل نشرب من كاس شرب فيه شخص آخر و الله و نموت بالعطش
و ثاني كي تجيني حاجة تع ماكلة من عند كاش واحد حتى ندير سكانير وين طابت باش نشوف الا ناكلها و لا لالا

و لي عودة ان شاء الله

 

[ليليا مرام]

راني وليت اختي @ليليا مرام
و كامل فينا عفايس ديفوا صح نقول نروح نداوي مستحيل نشرب من كاس شرب فيه شخص آخر و الله و نموت بالعطش
و ثاني كي تجيني حاجة تع ماكلة من عند كاش واحد حتى ندير سكانير وين طابت باش نشوف الا ناكلها و لا لالا

و لي عودة ان شاء الله

اهلا سهلا اختي نورت من جديد
ايه انا ثاني ما نشربش من كاس شرب منو آحر محال
اما ماكلة شوفي لو نعرف ذيك دار نقية راني ناكل لو نشك محال مثلا لو اللي جابتلي ماكلة مسقسمة حلايسها ونقية ناكل لو شفتها مسخة اععععع لو تكون بقلاوة تركية ما ناكلهاش
امالا ما تروحيش داوي رانا كامل كيفكيف ههه

 

[sami44]

من العادات الغريبة والعجيبه عند سامي 44
اول عادة نهار ناكل الباطه تاع الياوورت غير نكملها نكسرها زوج ونلعق ولات عندي عادة سيرتو الفرويتي كي نخلي فيها شوية نحس نحس بروحي غبي
والعادة الثانيه لما نكون ناكل في الريسطورون
المغرف لازم نعاود نغسلها مهما كانت مرتبة الريسطورون الي ندخلها كي شغل خوكم انضف واحد في العالم وانا نشرب من الواد نورمال

 

[ام أمينة]

اهلا سهلا اختي نورت من جديد
ايه انا ثاني ما نشربش من كاس شرب منو آحر محال
اما ماكلة شوفي لو نعرف ذيك دار نقية راني ناكل لو نشك محال مثلا لو اللي جابتلي ماكلة مسقسمة حلايسها ونقية ناكل لو شفتها مسخة اععععع لو تكون بقلاوة تركية ما ناكلهاش
امالا ما تروحيش داوي رانا كامل كيفكيف ههه

يسلمك حبيبتي
الله غالب من بكري هكذا امالا نكمونديو الدواء بالجملة

 

[ليليا مرام]

من العادات الغريبة والعجيبه عند سامي 44
اول عادة نهار ناكل الباطه تاع الياوورت غير نكملها نكسرها زوج ونلعق ولات عندي عادة سيرتو الفرويتي كي نخلي فيها شوية نحس نحس بروحي غبي
والعادة الثانيه لما نكون ناكل في الريسطورون
المغرف لازم نعاود نغسلها مهما كانت مرتبة الريسطورون الي ندخلها كي شغل خوكم انضف واحد في العالم وانا نشرب من الواد نورمال

انت غرونتي روح داوي ههه
تكسر بواطة نتاع ياوورت انا قال نرجعها فارغة للفريجيدار ههههه ونزيدك الغطا نتاعها هذاك لازم نلحسو نشوفو يبرق تبانلي بنة كامل ثم هههه
انا ريستو نميز اللي يبيع ويجيبلي مثلا بيتزا او حاجة لو نقي نشدها بو مش نقي في وجهو نوض ونخليهالو ياكلها
نعرف طبيب يداويك إذا بغيت هههه

 

[ليليا مرام]

يسلمك حبيبتي
الله غالب من بكري هكذا امالا نكمونديو الدواء بالجملة
مشاهدة المرفق 102764

ايه حكمتلكم رونديفو عيادة اللمة شاااااو هههه