إيماجيني .. حصريا مع لؤلؤة قسنطينة

[لؤلؤة قسنطينة]

الســــــلام علــــــــــيكم ورحــــــــمة الله وبـــــــركــــاته

مرحبا بكم لماويين ولماويات في عالم الخيال والتشويق والإثارة، اربطوا الأحزمة واستعدوا معنا لهذه الرحلة المشوّقة

3 .. 2 .. 1 انطـــــلاق

احم احم نعرفكم بنفسي أنا الآنسة حلزونة، من عائلة الحلازين ومن مملكة الحشرات، صغيرة وشابة وقارية

وكل عين بصنعة، وحدة تراقب اوتوروت شرق غرب ووحدة شمال جنوب، نمشي كل خطوة في 3 دقائق عكس بقية الحلزونات يمشيوها في 10 دقايق وهذا لأني رشيقة وفريدة، ولشدّة تميّزي وتفوّقي على كل الحلزونات سماوني والديا "لازانيا"، نعم علابالي في واش تفكرو هادوك البشر خداعين، كانو علابالهم بلي شهرتي رايحة تلحق ليهم فسرقو اسمي وسماو بيه واحد الزرابي هكا وزيد ياكلوهم -__- لا علينا، أنا نحب السفر، سافرت 3 مرات في حياتي مرة من الصالون للكوزينة ومرة من الكوزينة للحمام ماجيت نعاود نرجع للصالون لقيت روحي كبرت، وتما ماما كي شافتني تلألأت الدموع في عينيها ماعرفتنيش، وأخيرا بنتها كبرت وولات شابة وجميلة وأنيقة.

واحد النهار قاعدة في أمان الله نتفرج في مجلة القواقع جابو فيها ستايلات جدد وملاح، هاد المجلة شريتها قبل 4 سنين مانجي نقلب صفحة يعدي عام، لا علينا جاتني ماما فرحانة، قاتلي بنتي الشابة الزينة درك كبرتي الله يبارك يعني فهمتيني؟، قتلها لا ماتقوليهاش ! وجاو الدموع في عينيا قتلها وانا نقول بوشون القرعة لي مطايش برا تاع واه وهو رودسوكور؟ كتر خيرك ماما سيارة ضربة وحدة؟، قاتلي واش من سيارة ركزي معايا مليح، قاتلي درك كبرتي يسما لازم تتزوجي، تشوكيت وتخلعت وافتجأت

قتلها مستحيل! قتلها علابالك واش يعني الزواج؟ يعني خطبة؟ والخطبة تعني لازم نلبس غوب دوصواغي؟ وكي نلبس غوب دوصواغي واش معناها؟ لازم نلبس تاج؟ ووين نحط التاج وانا عينيا طالعين للسماء كي البوطو، راني حلزونة يا ماما ماش نملة، هيا بديت نبكي كي الافلام

ساع ماما قاتلي يخي مهبولة قاتلي هاني قدامك نهار خطبتي لصقت التاج بالباتاكس ماتحركش خلاص من بلاصتو وما جيت نحيه بالسيف، المهم عندها سمانة من لي نحيتو، علاهادي ماتتقلقيش، هيا فرحت قتلها وكتاه العرس مالا؟ قاتلي آو تم تم العرس؟ لازم كاستينغ قبل، ومملكة الحشرات كامل هابلين عليك كل واحد ووحدة حابين يديوك لولدهم، على هادي البسي مليح غدوة عندك كونكور رايحة ديري كاتستينغ لكل حشرات العالم وتخيري عريس، هيا وافقت.

غدوة لبست مليح وتصدرت في الصالون كي السلطانة والعرسان جاو من كل بلاصة كل واحد يستنى في دورو وبدا الكاستنينغ

اوسويvوووو.
هيا دخل عليا صرصور هادا سروال مقطع الشعر طالع للسماء السنسلة طويلة في الرقبة والقيتارة وبدا يسنترلي ويخبط في راسو زعما الروك، مالقاش على وجهي علامة الرضا هيا قلبها مايكل جاكسون

والشطيح داير حالة والطايح كتر من النايض، قتلو موسيو هادي دار ماش حشرات got talent's انا نحوس راجل يجيب لقمة للدار واش ندير بالشطيح؟ مايكل جاكسون تاعك يوكلني؟، قتلو ديجا جايني بشعرك هكا عمبالك هنا حفاف؟ وجايني وحدك وينهي يماك؟ تجي تخطب وحدك؟ قالي خليتها تغني في عرس، قتلو ربحت الناس تتزوج ونتا اقعد تشطحلي، ديجا انا نحب موسيقى كلاسيكية هيا تربح

اوسويvووو.

شوي هكا دخل نمول من عائلة النمل يجري برك وسط الصالون تقول يجريو وراه لابوليس، قتلو اقعد قالي مانقدرش النشاط والعمل قتلو درتلي الفارتيج

المهم واش جبت في الدوصي؟ قالي خدام ونخدم ونحب الخدمة وماناكل ماوالو نخدم برك، قتلو مليحة هكا تكون خدام وفحل بصح ماش هكا جايني مزروب، وديجا مانتفاهموش انا نمشي بعقلي ونتأمل في الطبيعة ونتا تجري حاسب روحك مخلوفي، هيا تربح واشوا خلي الدوصي تاعك راني مدايرة دورة للاحتياطيين، هيا اوسويvوووو.

شوي هكا دخلت السيدة عنكبوت وولدها ماعرفتش حتى منين نصافحها مدتلي 4 يدين كاملين، المهم جات لابسة خيمار كحل وصاك كحل وهي بعد كحلة، قالك عندها يومين من لي قتلت راجلها وجاية تخطب بقلب بارد، قتلها تفضلو غير الخير، قاتلي جيت نخطب لولدي، فحل الله يبارك ويخدم صياد كل يوم يحكم كبش قاتلي يعني كاين الخير، والمرأة عندنا ما تخدمش وماتخرجش من دارها نهائيا، قتلها على هادي عايشين في شبكة لي تجيبوه يلصق تما مايزيدش فيها دورة، هيا خممت شوي

قتلها اسمعي نتوما تقتلو نورمال عندكم القتل كي صباح الخير، نتي قتلتي راجلك وختك قتلوها ولادها وبنت عمتك قتلت عايلة راجلها، خايفة لا نجي عندكم تطيرولي راسي، هي مليحة كي يقلقني ولدك نطيرلو يديه بالوحدة نخليلو زوج برك مادام كلشي مسموح بصح الحالة تخوّف، هيا تربحو اوسويvووو.

هيا من بعد فسد المورال، وما عجبني حتى واحد

جا الخنفساء يماه شبعت فيه شكر وولدي وولدي وانا فايقتلها وعلابالي كل خنفوس عند يماه غزال المهم قتلو دير ريجيم

ومن بعد ارواح لازمك طول تاع جرادة ووزن تاع فراشة وياربي، جاني تاني نحول حاسب روحو معرف واش فاميلتو عندهم مصنع العسل ولاعبها عليا معرف واش قتلو هيا طبّڨ عليا

جاني مستر دودة قتلو نتا حياتك كاملة تحت الارض حاب تغمني معاك انا تاني؟ وهواء ربي وضوء الشمس لمن نخليه؟ هيا تربح، حتى فقدت الأمل نهائيا، فجأة دخلت حلزونة هي وولدها هيا رجعلي الامل، بقيت نشوف مع الحلزونة هاديك هاد القوقعة نعرفها وهاد العينين رايحين ادروات اڨوش نعرفهم ياااه هادي شيماء @ماغيكاي تشان

فرحت كي شفتها مسكينة، قتلها غير الخير هادي غيبة، قاتلي جيت نخطب لولدي، آو يخي شيماء قدي في العمر! ومن بعد تفكرت بلي هي سابقتني بسنوات ضوئية في عالم الحلزونات، المهم قتلها شوفي هنا لا معريفة لا عشرة لا خمسة الدوصي هو لي يبين، هيا واش عندو ولدك، قاتلي ولدي يحب البشامق نهار كامل وهو يجري بيهم ورا الناس ويتيري، قتلها ربحت يسما عندو موهبة شقلبة البشماق، معليش نشريلو بشامق النيلو وخلي يبرد قلبو ويمارس هواية رمي الجلة قصدي رمي البشماق بالاك يولي بطل أولبمي، المهم واش تاني، قاتلي نهار كامل وهو حاكم الناس برا لي يلقاه يدعيلو دعوة خير، قتلها مليحة هادي ربحت تاع الصح زيدي زيدي، قاتلي ولدي يحب الانمي يعني لا خدمة لا زدمة يتفرج برك، هادو كامل مواصفاتو ونتي خيري، هيا خممت شوي وقلتلها شوفي يا عجوزتي صديقتي ولدك فيه امور مليحة نزيدو نعدلولو لي باراماتر برك ويولي هايل، هيا تفاهمنا على الشرط 20 ورقة من شجرة الزعرور وغرام من ورق الكرز وزوج ريشات تاع تشينة وقرعة عسل، المهم قالولي السمانة الجاية نوليلو نديرو خطبة رسمية، رانا في عشرين سنة ومابان عليهم خبر، كل ما نعيّط يقولولي رانا في الطريق وهوما يسكنو غير في الدورة، ومن هنا استنتجت ردو بالكم تشرطو زوج ورق تاع التشينة هوما سباب كلشي، المهم شيماء وين راكي

نتمنى القصة تكون عجبتكم وضحكتكم، ماعلاباليش اذا الموضوع منسق ولا طويل ولا قصير راني بالتيليفون وخدمتو بالتيليفون وتعبت معاه بزاف، المهم ان شاء الله يعجبكم ويدخل عليكم الفرحة ^^
تحياتي

​

 

[لؤلؤة قسنطينة]

5 زوار ديجا
ماكانش علابالي بلي مشهورة بين البشر كذلك

​

 

[ليليا مرام]

ههههههه امريومة
خطباتك شيما هاو وجهي إذا رجعت هي وليدها رايح يبان مولي
امرومة لاه تدفني روحك وعز شبابك مع شيما ياو ردي بالك هذاك وليدها جايك حلزون وهو جراد البحر مديقيزي هههه
انا راني وصبتك وانت حرة يا أختي
وديجا مريومة واش داك للحشرات آ ختي خليتي العود بسلامتو ذاك الإرتفاع راجل
خليتي الجمل وفمو تبارك الله يا لالة شفتي ديجا اليسا كي تزوجت جمل فمها كيفاه رجع
خليتي فرس النهر واناقتو ورحتي للحشرات هههههههههههه
احبيبتي خليني انا نزوجك وليد عم كانيشو كشرودو بيه راه فالترك واش نقولك كوسوفي الكلاب العين الخضرا والشعر الصفر يخب يهبل امريم
واش رايك
ههههههههههههه سرني موضوعك ضحكتيني من قلبي هههه يعطيك الربح

 

[Golden Man]

الســــــلام علــــــــــيكم ورحــــــــمة الله وبـــــــركــــاته

مرحبا بكم لماويين ولماويات في عالم الخيال والتشويق والإثارة، اربطوا الأحزمة واستعدوا معنا لهذه الرحلة المشوّقة

3 .. 2 .. 1 انطـــــلاق

احم احم نعرفكم بنفسي أنا الآنسة حلزونة، من عائلة الحلازين ومن مملكة الحشرات، صغيرة وشابة وقارية

وكل عين بصنعة، وحدة تراقب اوتوروت شرق غرب ووحدة شمال جنوب، نمشي كل خطوة في 3 دقائق عكس بقية الحلزونات يمشيوها في 10 دقايق وهذا لأني رشيقة وفريدة، ولشدّة تميّزي وتفوّقي على كل الحلزونات سماوني والديا "لازانيا"، نعم علابالي في واش تفكرو هادوك البشر خداعين، كانو علابالهم بلي شهرتي رايحة تلحق ليهم فسرقو اسمي وسماو بيه واحد الزرابي هكا وزيد ياكلوهم -__- لا علينا، أنا نحب السفر، سافرت 3 مرات في حياتي مرة من الصالون للكوزينة ومرة من الكوزينة للحمام ماجيت نعاود نرجع للصالون لقيت روحي كبرت، وتما ماما كي شافتني تلألأت الدموع في عينيها ماعرفتنيش، وأخيرا بنتها كبرت وولات شابة وجميلة وأنيقة.

واحد النهار قاعدة في أمان الله نتفرج في مجلة القواقع جابو فيها ستايلات جدد وملاح، هاد المجلة شريتها قبل 4 سنين مانجي نقلب صفحة يعدي عام، لا علينا جاتني ماما فرحانة، قاتلي بنتي الشابة الزينة درك كبرتي الله يبارك يعني فهمتيني؟، قتلها لا ماتقوليهاش ! وجاو الدموع في عينيا قتلها وانا نقول بوشون القرعة لي مطايش برا تاع واه وهو رودسوكور؟ كتر خيرك ماما سيارة ضربة وحدة؟، قاتلي واش من سيارة ركزي معايا مليح، قاتلي درك كبرتي يسما لازم تتزوجي، تشوكيت وتخلعت وافتجأت

قتلها مستحيل! قتلها علابالك واش يعني الزواج؟ يعني خطبة؟ والخطبة تعني لازم نلبس غوب دوصواغي؟ وكي نلبس غوب دوصواغي واش معناها؟ لازم نلبس تاج؟ ووين نحط التاج وانا عينيا طالعين للسماء كي البوطو، راني حلزونة يا ماما ماش نملة، هيا بديت نبكي كي الافلام

ساع ماما قاتلي يخي مهبولة قاتلي هاني قدامك نهار خطبتي لصقت التاج بالباتاكس ماتحركش خلاص من بلاصتو وما جيت نحيه بالسيف، المهم عندها سمانة من لي نحيتو، علاهادي ماتتقلقيش، هيا فرحت قتلها وكتاه العرس مالا؟ قاتلي آو تم تم العرس؟ لازم كاستينغ قبل، ومملكة الحشرات كامل هابلين عليك كل واحد ووحدة حابين يديوك لولدهم، على هادي البسي مليح غدوة عندك كونكور رايحة ديري كاتستينغ لكل حشرات العالم وتخيري عريس، هيا وافقت.

غدوة لبست مليح وتصدرت في الصالون كي السلطانة والعرسان جاو من كل بلاصة كل واحد يستنى في دورو وبدا الكاستنينغ

اوسويvوووو.
هيا دخل عليا صرصور هادا سروال مقطع الشعر طالع للسماء السنسلة طويلة في الرقبة والقيتارة وبدا يسنترلي ويخبط في راسو زعما الروك، مالقاش على وجهي علامة الرضا هيا قلبها مايكل جاكسون

والشطيح داير حالة والطايح كتر من النايض، قتلو موسيو هادي دار ماش حشرات got talent's انا نحوس راجل يجيب لقمة للدار واش ندير بالشطيح؟ مايكل جاكسون تاعك يوكلني؟، قتلو ديجا جايني بشعرك هكا عمبالك هنا حفاف؟ وجايني وحدك وينهي يماك؟ تجي تخطب وحدك؟ قالي خليتها تغني في عرس، قتلو ربحت الناس تتزوج ونتا اقعد تشطحلي، ديجا انا نحب موسيقى كلاسيكية هيا تربح

اوسويvووو.

شوي هكا دخل نمول من عائلة النمل يجري برك وسط الصالون تقول يجريو وراه لابوليس، قتلو اقعد قالي مانقدرش النشاط والعمل قتلو درتلي الفارتيج

المهم واش جبت في الدوصي؟ قالي خدام ونخدم ونحب الخدمة وماناكل ماوالو نخدم برك، قتلو مليحة هكا تكون خدام وفحل بصح ماش هكا جايني مزروب، وديجا مانتفاهموش انا نمشي بعقلي ونتأمل في الطبيعة ونتا تجري حاسب روحك مخلوفي، هيا تربح واشوا خلي الدوصي تاعك راني مدايرة دورة للاحتياطيين، هيا اوسويvوووو.

شوي هكا دخلت السيدة عنكبوت وولدها ماعرفتش حتى منين نصافحها مدتلي 4 يدين كاملين، المهم جات لابسة خيمار كحل وصاك كحل وهي بعد كحلة، قالك عندها يومين من لي قتلت راجلها وجاية تخطب بقلب بارد، قتلها تفضلو غير الخير، قاتلي جيت نخطب لولدي، فحل الله يبارك ويخدم صياد كل يوم يحكم كبش قاتلي يعني كاين الخير، والمرأة عندنا ما تخدمش وماتخرجش من دارها نهائيا، قتلها على هادي عايشين في شبكة لي تجيبوه يلصق تما مايزيدش فيها دورة، هيا خممت شوي

قتلها اسمعي نتوما تقتلو نورمال عندكم القتل كي صباح الخير، نتي قتلتي راجلك وختك قتلوها ولادها وبنت عمتك قتلت عايلة راجلها، خايفة لا نجي عندكم تطيرولي راسي، هي مليحة كي يقلقني ولدك نطيرلو يديه بالوحدة نخليلو زوج برك مادام كلشي مسموح بصح الحالة تخوّف، هيا تربحو اوسويvووو.

هيا من بعد فسد المورال، وما عجبني حتى واحد

جا الخنفساء يماه شبعت فيه شكر وولدي وولدي وانا فايقتلها وعلابالي كل خنفوس عند يماه غزال المهم قتلو دير ريجيم

ومن بعد ارواح لازمك طول تاع جرادة ووزن تاع فراشة وياربي، جاني تاني نحول حاسب روحو معرف واش فاميلتو عندهم مصنع العسل ولاعبها عليا معرف واش قتلو هيا طبّڨ عليا

جاني مستر دودة قتلو نتا حياتك كاملة تحت الارض حاب تغمني معاك انا تاني؟ وهواء ربي وضوء الشمس لمن نخليه؟ هيا تربح، حتى فقدت الأمل نهائيا، فجأة دخلت حلزونة هي وولدها هيا رجعلي الامل، بقيت نشوف مع الحلزونة هاديك هاد القوقعة نعرفها وهاد العينين رايحين ادروات اڨوش نعرفهم ياااه هادي شيماء @ماغيكاي تشان

فرحت كي شفتها مسكينة، قتلها غير الخير هادي غيبة، قاتلي جيت نخطب لولدي، آو يخي شيماء قدي في العمر! ومن بعد تفكرت بلي هي سابقتني بسنوات ضوئية في عالم الحلزونات، المهم قتلها شوفي هنا لا معريفة لا عشرة لا خمسة الدوصي هو لي يبين، هيا واش عندو ولدك، قاتلي ولدي يحب البشامق نهار كامل وهو يجري بيهم ورا الناس ويتيري، قتلها ربحت يسما عندو موهبة شقلبة البشماق، معليش نشريلو بشامق النيلو وخلي يبرد قلبو ويمارس هواية رمي الجلة قصدي رمي البشماق بالاك يولي بطل أولبمي، المهم واش تاني، قاتلي نهار كامل وهو حاكم الناس برا لي يلقاه يدعيلو دعوة خير، قتلها مليحة هادي ربحت تاع الصح زيدي زيدي، قاتلي ولدي يحب الانمي يعني لا خدمة لا زدمة يتفرج برك، هادو كامل مواصفاتو ونتي خيري، هيا خممت شوي وقلتلها شوفي يا عجوزتي صديقتي ولدك فيه امور مليحة نزيدو نعدلولو لي باراماتر برك ويولي هايل، هيا تفاهمنا على الشرط 20 ورقة من شجرة الزعرور وغرام من ورق الكرز وزوج ريشات تاع تشينة وقرعة عسل، المهم قالولي السمانة الجاية نوليلو نديرو خطبة رسمية، رانا في عشرين سنة ومابان عليهم خبر، كل ما نعيّط يقولولي رانا في الطريق وهوما يسكنو غير في الدورة، ومن هنا استنتجت ردو بالكم تشرطو زوج ورق تاع التشينة هوما سباب كلشي، المهم شيماء وين راكي

نتمنى القصة تكون عجبتكم وضحكتكم، ماعلاباليش اذا الموضوع منسق ولا طويل ولا قصير راني بالتيليفون وخدمتو بالتيليفون وتعبت معاه بزاف، المهم ان شاء الله يعجبكم ويدخل عليكم الفرحة ^^
تحياتي

​

لي عودة ان شاء الله​

 

[sami44]

لا حول ولا قوة الا بالله
اضحكتني اضحك الله سنك
اديتيني على راسي ووليت نخيل فيك حلزونه
اذا حبيتي رايي غير اقبلي بالخنفوس علاه يخي بوقوص
لي عودة

 

[Golden Man]

الســــــلام علــــــــــيكم ورحــــــــمة الله وبـــــــركــــاته

مرحبا بكم لماويين ولماويات في عالم الخيال والتشويق والإثارة، اربطوا الأحزمة واستعدوا معنا لهذه الرحلة المشوّقة

3 .. 2 .. 1 انطـــــلاق

احم احم نعرفكم بنفسي أنا الآنسة حلزونة، من عائلة الحلازين ومن مملكة الحشرات، صغيرة وشابة وقارية

وكل عين بصنعة، وحدة تراقب اوتوروت شرق غرب ووحدة شمال جنوب، نمشي كل خطوة في 3 دقائق عكس بقية الحلزونات يمشيوها في 10 دقايق وهذا لأني رشيقة وفريدة، ولشدّة تميّزي وتفوّقي على كل الحلزونات سماوني والديا "لازانيا"، نعم علابالي في واش تفكرو هادوك البشر خداعين، كانو علابالهم بلي شهرتي رايحة تلحق ليهم فسرقو اسمي وسماو بيه واحد الزرابي هكا وزيد ياكلوهم -__- لا علينا، أنا نحب السفر، سافرت 3 مرات في حياتي مرة من الصالون للكوزينة ومرة من الكوزينة للحمام ماجيت نعاود نرجع للصالون لقيت روحي كبرت، وتما ماما كي شافتني تلألأت الدموع في عينيها ماعرفتنيش، وأخيرا بنتها كبرت وولات شابة وجميلة وأنيقة.

واحد النهار قاعدة في أمان الله نتفرج في مجلة القواقع جابو فيها ستايلات جدد وملاح، هاد المجلة شريتها قبل 4 سنين مانجي نقلب صفحة يعدي عام، لا علينا جاتني ماما فرحانة، قاتلي بنتي الشابة الزينة درك كبرتي الله يبارك يعني فهمتيني؟، قتلها لا ماتقوليهاش ! وجاو الدموع في عينيا قتلها وانا نقول بوشون القرعة لي مطايش برا تاع واه وهو رودسوكور؟ كتر خيرك ماما سيارة ضربة وحدة؟، قاتلي واش من سيارة ركزي معايا مليح، قاتلي درك كبرتي يسما لازم تتزوجي، تشوكيت وتخلعت وافتجأت

قتلها مستحيل! قتلها علابالك واش يعني الزواج؟ يعني خطبة؟ والخطبة تعني لازم نلبس غوب دوصواغي؟ وكي نلبس غوب دوصواغي واش معناها؟ لازم نلبس تاج؟ ووين نحط التاج وانا عينيا طالعين للسماء كي البوطو، راني حلزونة يا ماما ماش نملة، هيا بديت نبكي كي الافلام

ساع ماما قاتلي يخي مهبولة قاتلي هاني قدامك نهار خطبتي لصقت التاج بالباتاكس ماتحركش خلاص من بلاصتو وما جيت نحيه بالسيف، المهم عندها سمانة من لي نحيتو، علاهادي ماتتقلقيش، هيا فرحت قتلها وكتاه العرس مالا؟ قاتلي آو تم تم العرس؟ لازم كاستينغ قبل، ومملكة الحشرات كامل هابلين عليك كل واحد ووحدة حابين يديوك لولدهم، على هادي البسي مليح غدوة عندك كونكور رايحة ديري كاتستينغ لكل حشرات العالم وتخيري عريس، هيا وافقت.

غدوة لبست مليح وتصدرت في الصالون كي السلطانة والعرسان جاو من كل بلاصة كل واحد يستنى في دورو وبدا الكاستنينغ

اوسويvوووو.
هيا دخل عليا صرصور هادا سروال مقطع الشعر طالع للسماء السنسلة طويلة في الرقبة والقيتارة وبدا يسنترلي ويخبط في راسو زعما الروك، مالقاش على وجهي علامة الرضا هيا قلبها مايكل جاكسون

والشطيح داير حالة والطايح كتر من النايض، قتلو موسيو هادي دار ماش حشرات got talent's انا نحوس راجل يجيب لقمة للدار واش ندير بالشطيح؟ مايكل جاكسون تاعك يوكلني؟، قتلو ديجا جايني بشعرك هكا عمبالك هنا حفاف؟ وجايني وحدك وينهي يماك؟ تجي تخطب وحدك؟ قالي خليتها تغني في عرس، قتلو ربحت الناس تتزوج ونتا اقعد تشطحلي، ديجا انا نحب موسيقى كلاسيكية هيا تربح

اوسويvووو.

شوي هكا دخل نمول من عائلة النمل يجري برك وسط الصالون تقول يجريو وراه لابوليس، قتلو اقعد قالي مانقدرش النشاط والعمل قتلو درتلي الفارتيج

المهم واش جبت في الدوصي؟ قالي خدام ونخدم ونحب الخدمة وماناكل ماوالو نخدم برك، قتلو مليحة هكا تكون خدام وفحل بصح ماش هكا جايني مزروب، وديجا مانتفاهموش انا نمشي بعقلي ونتأمل في الطبيعة ونتا تجري حاسب روحك مخلوفي، هيا تربح واشوا خلي الدوصي تاعك راني مدايرة دورة للاحتياطيين، هيا اوسويvوووو.

شوي هكا دخلت السيدة عنكبوت وولدها ماعرفتش حتى منين نصافحها مدتلي 4 يدين كاملين، المهم جات لابسة خيمار كحل وصاك كحل وهي بعد كحلة، قالك عندها يومين من لي قتلت راجلها وجاية تخطب بقلب بارد، قتلها تفضلو غير الخير، قاتلي جيت نخطب لولدي، فحل الله يبارك ويخدم صياد كل يوم يحكم كبش قاتلي يعني كاين الخير، والمرأة عندنا ما تخدمش وماتخرجش من دارها نهائيا، قتلها على هادي عايشين في شبكة لي تجيبوه يلصق تما مايزيدش فيها دورة، هيا خممت شوي

قتلها اسمعي نتوما تقتلو نورمال عندكم القتل كي صباح الخير، نتي قتلتي راجلك وختك قتلوها ولادها وبنت عمتك قتلت عايلة راجلها، خايفة لا نجي عندكم تطيرولي راسي، هي مليحة كي يقلقني ولدك نطيرلو يديه بالوحدة نخليلو زوج برك مادام كلشي مسموح بصح الحالة تخوّف، هيا تربحو اوسويvووو.

هيا من بعد فسد المورال، وما عجبني حتى واحد

جا الخنفساء يماه شبعت فيه شكر وولدي وولدي وانا فايقتلها وعلابالي كل خنفوس عند يماه غزال المهم قتلو دير ريجيم

ومن بعد ارواح لازمك طول تاع جرادة ووزن تاع فراشة وياربي، جاني تاني نحول حاسب روحو معرف واش فاميلتو عندهم مصنع العسل ولاعبها عليا معرف واش قتلو هيا طبّڨ عليا

جاني مستر دودة قتلو نتا حياتك كاملة تحت الارض حاب تغمني معاك انا تاني؟ وهواء ربي وضوء الشمس لمن نخليه؟ هيا تربح، حتى فقدت الأمل نهائيا، فجأة دخلت حلزونة هي وولدها هيا رجعلي الامل، بقيت نشوف مع الحلزونة هاديك هاد القوقعة نعرفها وهاد العينين رايحين ادروات اڨوش نعرفهم ياااه هادي شيماء @ماغيكاي تشان

فرحت كي شفتها مسكينة، قتلها غير الخير هادي غيبة، قاتلي جيت نخطب لولدي، آو يخي شيماء قدي في العمر! ومن بعد تفكرت بلي هي سابقتني بسنوات ضوئية في عالم الحلزونات، المهم قتلها شوفي هنا لا معريفة لا عشرة لا خمسة الدوصي هو لي يبين، هيا واش عندو ولدك، قاتلي ولدي يحب البشامق نهار كامل وهو يجري بيهم ورا الناس ويتيري، قتلها ربحت يسما عندو موهبة شقلبة البشماق، معليش نشريلو بشامق النيلو وخلي يبرد قلبو ويمارس هواية رمي الجلة قصدي رمي البشماق بالاك يولي بطل أولبمي، المهم واش تاني، قاتلي نهار كامل وهو حاكم الناس برا لي يلقاه يدعيلو دعوة خير، قتلها مليحة هادي ربحت تاع الصح زيدي زيدي، قاتلي ولدي يحب الانمي يعني لا خدمة لا زدمة يتفرج برك، هادو كامل مواصفاتو ونتي خيري، هيا خممت شوي وقلتلها شوفي يا عجوزتي صديقتي ولدك فيه امور مليحة نزيدو نعدلولو لي باراماتر برك ويولي هايل، هيا تفاهمنا على الشرط 20 ورقة من شجرة الزعرور وغرام من ورق الكرز وزوج ريشات تاع تشينة وقرعة عسل، المهم قالولي السمانة الجاية نوليلو نديرو خطبة رسمية، رانا في عشرين سنة ومابان عليهم خبر، كل ما نعيّط يقولولي رانا في الطريق وهوما يسكنو غير في الدورة، ومن هنا استنتجت ردو بالكم تشرطو زوج ورق تاع التشينة هوما سباب كلشي، المهم شيماء وين راكي

نتمنى القصة تكون عجبتكم وضحكتكم، ماعلاباليش اذا الموضوع منسق ولا طويل ولا قصير راني بالتيليفون وخدمتو بالتيليفون وتعبت معاه بزاف، المهم ان شاء الله يعجبكم ويدخل عليكم الفرحة ^^
تحياتي

​

ههههههه بارك الله فيك اختي -قتلتينا بالضحك "ماوش ضحكتينا برك"' ههه
_____________يعطيك الصحة___________​

 

[حلم كبير]

السلام عليكم ورحمة الله تعالى وبركاته
واش هذا ههههههه
السيدة من حقل الحلزون عائدة اليكم والله كتلتيني ضحك وخاصة الحية اللي ڤلتي ما عنديش وين نلصقها في راسي وأمك الحلزونة ڤعدت تنحي فيها حياتها كامل ههههه مصيية كبيرة نتي
وشيما على حساب الغيبة راها مزالت طالعة مع الدروج تلڤايها الشهر الجاي تطبطب الباب وكي توصل يكونو الورڤات كامل نشفو وتحلفلك تڤولك والله ما صرات مرت بني يا سعدي نروح نرجع نجيبهملك جدد من الشجرة ونتي تحلفي وهي تحلف وبنها يستنى في نتيجة الحلفان ههههه
والله خليتيني نتخيل معاك يعطيك عام كسرة نشالله وعام ربح
ما شاء الله عندك مخيلة كبيرة ربي يحفظك
بارك الله فيك
إحترامي وتقديري ​

 

[حلم كبير]

ههههههه امريومة
خطباتك شيما هاو وجهي إذا رجعت هي وليدها رايح يبان مولي
امرومة لاه تدفني روحك وعز شبابك مع شيما ياو ردي بالك هذاك وليدها جايك حلزون وهو جراد البحر مديقيزي هههه
انا راني وصبتك وانت حرة يا أختي
وديجا مريومة واش داك للحشرات آ ختي خليتي العود بسلامتو ذاك الإرتفاع راجل
خليتي الجمل وفمو تبارك الله يا لالة شفتي ديجا اليسا كي تزوجت جمل فمها كيفاه رجع
خليتي فرس النهر واناقتو ورحتي للحشرات هههههههههههه
احبيبتي خليني انا نزوجك وليد عم كانيشو كشرودو بيه راه فالترك واش نقولك كوسوفي الكلاب العين الخضرا والشعر الصفر يخب يهبل امريم
واش رايك
ههههههههههههه سرني موضوعك ضحكتيني من قلبي هههه يعطيك الربح

ههههههههههههههه
إليسا تزوجت بالجمل وفمها ڤداه ولا خخخخخ
نتي كارثة في عالم التنكيت
ڤتلك لازملك تظهري مواهبك ما تخليهاش
والله نحب نقرا الردود نتاوعك ما شاء الله
ربي يشفيك ويعافيك نشالله ويعطيك ما تتمناي
​

 

[ليليا مرام]

ههههههههههههههه
إليسا تزوجت بالجمل وفمها ڤداه ولا خخخخخ
نتي كارثة في عالم التنكيت
ڤتلك لازملك تظهري مواهبك ما تخليهاش
والله نحب نقرا الردود نتاوعك ما شاء الله
ربي يشفيك ويعافيك نشالله ويعطيك ما تتمناي
​

السلام عليكم خويا حليم واش راك واش راهم افراد عائلتك
بيناتنا شفت فم اليسا مين تزوجت بجمل كيفاه فمها من الحب رجع كيما نتاع راجلها هكذا خممت على مريم تخير الجمل ما تحتاجش ليستيتيك هههه
ايه مواهبي لازملي منتج دبرهولي احليم راني نستنى هههه
آمين يا رب ويحفظك ويحفظ عائلتك يا رب

 

[Skor m@k]

السلام عليكم
الرومنسية في هذو الليالي ياخوياياخويا ههه
والله ضحكتيني وزيد خشعت معاها بقيت نتخايل فيك مكسلة فوق الفوتاي وفنجان قهوة في يدك وتقولي اووسويvوو ههههه
بصح ماتعرفيش صلاحك انا لي عجبني المشروع الانتخابي تاعو هو نحوول هههه
يرفدك ويطلعك للسماء كل يوم ويحوس بيك بين الزهور ويقطفل الورد ويجيبلك العسل ويتكلم معاك بكلام حلو سكر ( ماشي انا ههههه )
هاه الدمعة طاحتلي من الرومنسية واع واع واع
وانت تخيري الخباش وليد الخباشة تاع شيماء هههههه
هاه البيسطو والمعريفة اه اه
صحيتي ختيتي فاجيتي علينا
ربي يحفظك

 

[لؤلؤة قسنطينة]

ههههههه امريومة
خطباتك شيما هاو وجهي إذا رجعت هي وليدها رايح يبان مولي
امرومة لاه تدفني روحك وعز شبابك مع شيما ياو ردي بالك هذاك وليدها جايك حلزون وهو جراد البحر مديقيزي هههه
انا راني وصبتك وانت حرة يا أختي
وديجا مريومة واش داك للحشرات آ ختي خليتي العود بسلامتو ذاك الإرتفاع راجل
خليتي الجمل وفمو تبارك الله يا لالة شفتي ديجا اليسا كي تزوجت جمل فمها كيفاه رجع
خليتي فرس النهر واناقتو ورحتي للحشرات هههههههههههه
احبيبتي خليني انا نزوجك وليد عم كانيشو كشرودو بيه راه فالترك واش نقولك كوسوفي الكلاب العين الخضرا والشعر الصفر يخب يهبل امريم
واش رايك
ههههههههههههه سرني موضوعك ضحكتيني من قلبي هههه يعطيك الربح

نتي قتلتيني بالضحك كتر من الموضوع
الله يعطيك الخير
عجبتني غير جراد البحر مديڨيزي ههههه
ياو انا تاني مديڨيزيا غير ماتخافيش هههه
في الخطبة شافوني عينيا خضر وانا في الصح
لونهم اسود مخلط بشوي اسود كوربو هههه
كل شيء مسموح به في عالم الحشرات
ديجا هو جاي يرمي البشامق نعتولو البشماق كيفاه
ودرك طفرت 20 سنة وانا نستنى في الجدة شيماء وابنها لي اصلا ولا جد هههه
هادي حالة لي يدير الثقة في الحلزونات
يعطيك الصحة على مرورك والله زهيتي الموضوع هههه​

 

[لؤلؤة قسنطينة]

لا حول ولا قوة الا بالله
اضحكتني اضحك الله سنك
اديتيني على راسي ووليت نخيل فيك حلزونه
اذا حبيتي رايي غير اقبلي بالخنفوس علاه يخي بوقوص
لي عودة

ههههه والله ضحكتني تاع الصح
هيه عندك الحق ماشاء الله عليه بصح عند يماه
مادام مارانيش يماه يسما ماش بوقوص
إياك وأن يخدعك مدح الأمهات هههه
ديجا هادي الدورة الاولى من الكاستينغ
من بعد نروح للخارج، كاشما يشارك فيها الكروفات
شيماء مافيهاش لامان، بالاك في الطريق وهي جاية تخطب ولدها زوجتو وجاب لولاد هههه
وربي يدوم الضحكة ان شاء الله
ومرحبا بك في كل وقت ​

 

[جميلة أنا]

اه منك يا لازانيا وش درتي ف عالم حشراات هههههههههههه هذا حلزونا برك و شرطي هك ياو لوكان جيتي نحلة كيفاه ههههههههههههههههه
ياختي حد لا قدر يتخايل وش تخايلتي برافووووو عليك يعطيك الصحة

 

[سكون الفجر]

هههههههههه الله يسعد قلبك حبيبتي
ضحكتيني واسلوبك كتير حلو خليتيني اتخيل كل شي كتبتيه
بالتوفيق يا حلوتي​

 

[sami44]

مريم اكديلي على الصرصور علاش ما قبلتيش بيه يخي زين ولاطاي فين والله ما تندمي عاودي فكري ونديرولكم عرس كبير في منتدى عالم الحيوان
عاودت قريت الموضوع حتى اليوم باش شفت كلمه حشرات got talents والله ضحكت حتى الدموع سالو الله يعطيك الربح

 

[لؤلؤة قسنطينة]

ههههههه بارك الله فيك اختي -قتلتينا بالضحك "ماوش ضحكتينا برك"' ههه
_____________يعطيك الصحة___________​

اهلا بك أخي نورت الموضوع بمرورك العطر ^^
وسعيدة انو ضحكك الموضوع
ربي يدومها ابتسامة وضحكة ان شاء الله
وبارك فيك الرحمان
الآن دورك تيماجيني وتدينا معاك لعالم الخيال ههه
شكرا مجددا لتواجدك وردك الطيب​

 

[لؤلؤة قسنطينة]

السلام عليكم ورحمة الله تعالى وبركاته
واش هذا ههههههه
السيدة من حقل الحلزون عائدة اليكم والله كتلتيني ضحك وخاصة الحية اللي ڤلتي ما عنديش وين نلصقها في راسي وأمك الحلزونة ڤعدت تنحي فيها حياتها كامل ههههه مصيية كبيرة نتي
وشيما على حساب الغيبة راها مزالت طالعة مع الدروج تلڤايها الشهر الجاي تطبطب الباب وكي توصل يكونو الورڤات كامل نشفو وتحلفلك تڤولك والله ما صرات مرت بني يا سعدي نروح نرجع نجيبهملك جدد من الشجرة ونتي تحلفي وهي تحلف وبنها يستنى في نتيجة الحلفان ههههه
والله خليتيني نتخيل معاك يعطيك عام كسرة نشالله وعام ربح
ما شاء الله عندك مخيلة كبيرة ربي يحفظك
بارك الله فيك
إحترامي وتقديري ​

وعليكم السلام ورحمة الله وبركاته
ههههه اللهم آمين أجمعين
سعيدة جدا أنو الموضوع قد نال اعجابكم وضحكم
على الاقل دخلنا البسمة عليكم ^^
وضحكتني كي قتلي شيماء طالعة في الدروج هههه
مع هي تحب الحكايات كاش نملة لقاتها في الطريق
وبدات تحكيلها على قصة حياتها ونساوني انا لي متصدرة ونستنا هههه
ولا راهي هي وولدها يجريو ورا كاش واحد بالبشماق هههه
شكرا خويا حليم على كرم مرورك
حتى قصتك كانت جد مشوقة ومضحكة وخيالية بامتياز
استمتعنا بها جدا
بارك الله فيك أخي على كرم المرور
وربي يدومها ضحكة ان شاء الله
تحياتي
​

 

[لؤلؤة قسنطينة]

السلام عليكم
الرومنسية في هذو الليالي ياخوياياخويا ههه
والله ضحكتيني وزيد خشعت معاها بقيت نتخايل فيك مكسلة فوق الفوتاي وفنجان قهوة في يدك وتقولي اووسويvوو ههههه
بصح ماتعرفيش صلاحك انا لي عجبني المشروع الانتخابي تاعو هو نحوول هههه
يرفدك ويطلعك للسماء كل يوم ويحوس بيك بين الزهور ويقطفل الورد ويجيبلك العسل ويتكلم معاك بكلام حلو سكر ( ماشي انا ههههه )
هاه الدمعة طاحتلي من الرومنسية واع واع واع
وانت تخيري الخباش وليد الخباشة تاع شيماء هههههه
هاه البيسطو والمعريفة اه اه
صحيتي ختيتي فاجيتي علينا
ربي يحفظك

وعليكم السلام ورحمة الله وبركاته
نتا ضحكتني تاع الصح هههه
واش من نحول وعسل، هاداك فنيان يعتمد على دراهم والديه
مايجيبش اللقمة بعرق جبينو
وزيد الكسب تاعو غير مشروع، راهو مشكوك في امرو
شيموم ولد شيماء خير، على الاقل كي يقلقني نجري وراه بالبشماق هههه
عندهم لومبيونس عايلة شيماء منين تضيقلك هز بشماق واهمل هههه
ربي يدومها ضحكة ان شاء الله
سعيدة انو الموضوع عجبكم
وشكرا لكرم مرورك وعلى الفكرة الطيبة
تحياتي
​

 

[لؤلؤة قسنطينة]

اه منك يا لازانيا وش درتي ف عالم حشراات هههههههههههه هذا حلزونا برك و شرطي هك ياو لوكان جيتي نحلة كيفاه ههههههههههههههههه
ياختي حد لا قدر يتخايل وش تخايلتي برافووووو عليك يعطيك الصحة

هيه واش عمبالك مالا، حلزونة بعينيا
رايحين ادروات اڨوش ونتشرط مازالني صغيرة
في الاربعينات الله يبارك عليا هههه
وكن جيت نحلة كن درت الكاستينغ في باريس ولا اسبانيا هههه
شكرا حبيبتي على كرم مرورك وربي يدومها ضحكة وفرحة عليك يارب
سعيدة انو الموضوع عجبك ^^
تحياتي
​

 

[لؤلؤة قسنطينة]

هههههههههه الله يسعد قلبك حبيبتي
ضحكتيني واسلوبك كتير حلو خليتيني اتخيل كل شي كتبتيه
بالتوفيق يا حلوتي​

والله يسعد قلبك أضعاف غاليتي
سررت جدا لتواجدك بيننا
وسعدت أكثر لأن الموضوع أعجبك
ربي يدومها ضحكة وفرحة عليك يااارب
شكرا لمرورك على موضوعي
وبالتوفيق لكِ كذلك يا عسل ❤​