هذا الطبيب ما قصته حاب يحرم علينا كلش

[الامين محمد]

السلام عليكم احبتي
من خلال متابعة القنوات المحلية و حتى بعض الصفحات الفيسبوكية
رأيت الكثير منها يتابع عن كثب آراء هذا الطبيب في الصورة


المهم و من الأخير هذا الطبيب يقول لكم
كل أكلكم سيء
و كل شرابكم سيء

و كل حاجة تبلعها راه تأتيك بالأمراض
الطبيب يريدنا ان لا نأكل شيئا

سنتصل به لنسأله عن بعض الأكلات لنرى رأيه فيها
آآآلو آآلو سيادة الطبيب بن اشنهو

نعم نعم انا معاك لكن لا تطيل الاتصال لأن جهاز الهاتف فيه ذبذبات
تؤثر في لأذن و لو تجاوزنا 30 ثانية راه يحدم له مرض اسمه بالفرنسةCancer du cerveau et du coeur



طيب طيب سيدي راح أسألك

قبل ما تسألني لا تكثر من الكلام لأن كثرة الكلام مضر بالحلقوم و قد تكون كثرة الكلام سبب في مرض اسمهComplexe psychologique enterré

طيب سيدي الطبيب

لا تتنرفز لأن النرفزة راح تكون سبب فيDiabète et tension artérielle


لا سيدي الطبيب لم اتنرفز لكن الوقت يداهمنا

ما تركش الوقت يداهمك لأنك راح تحس بمرض اسمه بالفرنسيةMaladie de vieillissement

بعيد الشر سيدي الطبيب

أيها وك جبتها نيشان الشر حاجة مليحة لأنه راح يخلي الجسم خاوي من الدهون و السموم و ما تكونش كاينة كرش
كيما نقولولها بالفرنسيةUn régime compulsif

لكنه سيدي الطبيب الشر يأتي بالموت

الموت لا تأتي بسبب الشر بل تأتي بسبب التخمةContagion

طيب أين الحل سيدي الطبيب

لا تشرب الماء خصوصا تبع الحنفيات لأنه سبب لمرضCalculs rénaux

طيب معنتها اشرب ما سعيدة

لااالا ما سعيدة ليس فيه الفلوريد المفيدة للأسنان، والتي يختفي وجودها من زجاجات المياه تقريبا. راه تسبب ليك في مرضCarie dentaire

طيب و الحل سيدي الطبيب في المشروبات الغازية

أبابابا مشروبات غازية قال يا هاذيك الكارثة إذا شميتها برك راح تصاب بمرض اسمهPerte de l'odorat

يا حفيظ

لا تقول يا حفيظ كثيرا لأنها ثقيلة على الغدد و قد تكون سبب فيinflammation de la gorge

طيب سيدي من لأخير واش ناكل

ما تاااكلش شكون قالك كول يااك الماكلة هي سبب في كل هته الامراض
Intestin, côlon nerveux, estomac, obésité, diabète, carie dentaire, anxiété et aussi maladie des sinus

كيف مرض الجيوب

نعم نعم مرض الجيوب و هي الفقر لما تصرف ياسر راه تفقر
و الفقر راح يخليك با فلوس و اذا كنت من دون فلوس كيف راح تعالج روحك إذا مرضت

ديجا راك فت 30 ثنية معايا كوبي المكالمة
سلاام عليكم
هههههههههههههههه


و انتم يا طيبون كيف حالكم مع الاكل الصحي ههههههههههههههههه​

>

 

[الامين محمد]

انا لكم ناصح ههههههههههه
واحو دبروا عليا حمبوكم هههههههههههههه

@4algeria.com
@sanaya
@خديجة ph
@اميرة المدائن
@amro mostafa@
@sami44
@فريد أبوفيصل
@ملكة زوجي
@جليلوس
@أم منيــــــر
@أم أحمــــد يــسّ
@البحر الهادي
@Autumn leaves@
@لؤلؤة قسنطينة
@Skor m@k
@أشــواق 19
@حلم كبير
@quěěŋ ŏŏŏŏf gříěf
@آية نور اليقين
@آسِيَّه
@فتى من الغد
@فاعل الخير
@Omaar Zengarr
@ام أمينة
@Golden Man[/USE

 

[sami44]

هذا بن اشنهو اذا مارانيش غالط
هو كما قلت اخي الامين بوعريفو على اصولو
رغم هذا احبه واتابع حصص تستضيفه مرات
احس انه يخاف على الشعب الجزاىري كامل
ويخاف عليهحتى من النسيم العليل
لي عودةللرد اخي
تقديري لك

 

[الامين محمد]

هذا بن اشنهو اذا مارانيش غالط
هو كما قلت اخي الامين بوعريفو على اصولو
رغم هذا احبه واتابع حصص تستضيفه مرات
احس انه يخاف على الشعب الجزاىري كامل
ويخاف عليهحتى من النسيم العليل
لي عودةللرد اخي
تقديري لك

أممممممممممم خليتني افكر ان ارشحه للمرحلة الانتقالية اللي راهي تمر بيها البلاد ههههههههههههههه
انتظر عودتك خويا ناصر

 

[جليلوس]

خويا الأمين كيراك عاش من شافك
انا صراحة يعجبني هذا الطبيب في نصائحه خفيفة ظريفة
اتابعه من حين الى اخر شغل جاي حنين ههههه يخاف بزاااف علينا

دوك نعاود نوليلك خويا خليلي بلاصتي

 

[الامين محمد]

خويا الأمين كيراك عاش من شافك
انا صراحة يعجبني هذا الطبيب في نصائحه خفيفة ظريفة
اتابعه من حين الى اخر شغل جاي حنين ههههه يخاف بزاااف علينا

دوك نعاود نوليلك خويا خليلي بلاصتي

إيييه جلولوس كي نشوفك نتفكر برمضان هههههههه
معنتها رمضان راه قريب و لا خلاص دخل فهني ههههههه

اهلا و سهلا حبيبي في اي وقت تشرفني

 

[لؤلؤة قسنطينة]

السلام عليكم ورحمة الله وبركاته
الله يعطيك الخير والله ضحكني موضوعك ههه، أما فيما يخص هذا الطبيب فأنا صراحة يعجبني بزاف، أنا والله ساعات نسمعلو على عفويتو ههه، جاي انسان طيّب هكا ويتكلم بصراحة وبعفوية وطيبة، ودائم الابتسامة ماشاء الله.
وأنا شفتو أول مرة نهار ظهرت الكوليرا ربي يعافينا منها، تما سقساوه قالولو هل لتفادي المرض يحب غسل اليدين قبل الأكل؟ قالهم راكم تهدرو من نيتكم هههه قالهم عيب حتى نمدو نصيحة للناس ونقولولهم اغسلو يديكم قبل الأكل لأنو هذا أمر طبيعي وبديهي، لازم تغسل يديك قبل الأكل سواء بالكوليرا وبلا كوليرا، وهنا عجبني ورسخ في ذاكرتي، وليت منين نشوفو نقول ياه تاع الكوليرا هههه درك بصح عدت نعرفو وعدت نسمعلو أحيانا، يعني منين نغير القناة ونلقاه نسمعلو، يعجبني في طريقة حديثو وبساطة تعاملو.
وصراحة حنا الشعب الجزائري أو العربي ككل، لازمنا مئات أخصائيي التغذية ينبهونا عبر القنوات وياربي لا نفيقو، على كروشنا نخليو عرشنا، تلقاه يفطر الصباح بالحلويات ومشتقاتها ومن بعد الغداء عجائن ولعشية قهوة العصر مع البغرير كيما بعض الناس هههه والعشاء يا مقليات يا عجائن كذلك، ومن بعد نبداو نشكيو آي كرشي آي مصراني آي المعدة، وهذا كامل خطأ.
لازم الإنسان ينظم روحو خير ما يلحق لا سمح الله لمرحلة يولي فيها الطبيب يمنع كلشي عليك، لا عجائن لا مقليات لا حلويات، تولي بالسيف عليك ترضى وتشوف كل انواع الاكل الشهي قدامك وماتقدر تدير والو، كيما مرضى السكري كاين صح لي حكمهم من قلق أو سبب آخر لكن أغلبهم من المشروبات الغازية والاكل غير المنتظم، ويولي من بعد المريض محروم من كلشي.
انا نعرف ناس تلقاهم شعرهم شايب ومازال يحطلك 4 مغارف سكر في فنجان قهوة صغير ومعاه الميلفاي والبقلاوة والقاطو، انا راني مازلت صغيرة ونشرب الحليب بلا سكر مع الحلويات، ودرك زدت عودت نفسي حتى مع الخبز نشربو بلا سكر، وليت حتى كن نحط مغرف واحدة سكر نحس روحي ترهجت هههه.
وانا والله ماعندهاش شهر، بعدت مدة على الاكل لي مالفة ناكلو، رجعت كلشي طبيعي، جزر اخضر، سلطة خضراء، جبن طازج ياغورت طبيعي، الخبز والعجائن ماكانش، هي طريقة استخدمتها لانقاص من 3 الى 5 كيلو، وفي نفس الوقت باه نلقى راحتي، هاد اليومين بعدت شوي عليه لكن راجعتلو بحول الله، خاطر ساعات والله كي تاكل حاجة تقيلة تكره نفسك، تحس كلي هاز سموم وتدخل فيها لجسمك بارادتك.
ان شاء الله كامل يكون عندنا هاد الوعي بدون حتى الرجوع للأطباء، يعني نكونو أطباء أنفسنا ونديرو توازن في غذائنا.
شكرا على الموضوع بارك الله فيك

 

[الامين محمد]

قالهم عيب حتى نمدو نصيحة للناس ونقولولهم اغسلو يديكم قبل الأكل لأنو هذا أمر طبيعي وبديهي

هههههههههه صباحك كله خير و ربح اختي الصغيرة مريومة
يا بنتي هاذ الطبيب راه يطيح المورال كل حاجة يسمطها لينا مكاش حاجة يقول معليش كلوها
أوموا ما يقبش المشاعر بزاف مثلا يقول الكسكس مليح اضرب على روحك و ما تخافش هههههههههههههه

نمزح معاك فقط مريومة فالانسان قد ما نظم ماكلته قد ما كان صحيح
سررت بكرم المرور مريومة ستبقين اختي الصغيرة حتى و ان كان لك محمد و ابراهيم
( نقصد اولادك هاكا راكي مسميتهم و لا راني غالط هههههههههه)

 

[Golden Man]

السلام عليكم احبتي
من خلال متابعة القنوات المحلية و حتى بعض الصفحات الفيسبوكية
رأيت الكثير منها يتابع عن كثب آراء هذا الطبيب في الصورة
مشاهدة المرفق 104029

المهم و من الأخير هذا الطبيب يقول لكم
كل أكلكم سيء
و كل شرابكم سيء

و كل حاجة تبلعها راه تأتيك بالأمراض
الطبيب يريدنا ان لا نأكل شيئا

سنتصل به لنسأله عن بعض الأكلات لنرى رأيه فيها
آآآلو آآلو سيادة الطبيب بن اشنهو

نعم نعم انا معاك لكن لا تطيل الاتصال لأن جهاز الهاتف فيه ذبذبات
تؤثر في لأذن و لو تجاوزنا 30 ثانية راه يحدم له مرض اسمه بالفرنسةCancer du cerveau et du coeur



طيب طيب سيدي راح أسألك

قبل ما تسألني لا تكثر من الكلام لأن كثرة الكلام مضر بالحلقوم و قد تكون كثرة الكلام سبب في مرض اسمهComplexe psychologique enterré

طيب سيدي الطبيب

لا تتنرفز لأن النرفزة راح تكون سبب فيDiabète et tension artérielle


لا سيدي الطبيب لم اتنرفز لكن الوقت يداهمنا

ما تركش الوقت يداهمك لأنك راح تحس بمرض اسمه بالفرنسيةMaladie de vieillissement

بعيد الشر سيدي الطبيب

أيها وك جبتها نيشان الشر حاجة مليحة لأنه راح يخلي الجسم خاوي من الدهون و السموم و ما تكونش كاينة كرش
كيما نقولولها بالفرنسيةUn régime compulsif

لكنه سيدي الطبيب الشر يأتي بالموت

الموت لا تأتي بسبب الشر بل تأتي بسبب التخمةContagion

طيب أين الحل سيدي الطبيب

لا تشرب الماء خصوصا تبع الحنفيات لأنه سبب لمرضCalculs rénaux

طيب معنتها اشرب ما سعيدة

لااالا ما سعيدة ليس فيه الفلوريد المفيدة للأسنان، والتي يختفي وجودها من زجاجات المياه تقريبا. راه تسبب ليك في مرضCarie dentaire

طيب و الحل سيدي الطبيب في المشروبات الغازية

أبابابا مشروبات غازية قال يا هاذيك الكارثة إذا شميتها برك راح تصاب بمرض اسمهPerte de l'odorat

يا حفيظ

لا تقول يا حفيظ كثيرا لأنها ثقيلة على الغدد و قد تكون سبب فيinflammation de la gorge

طيب سيدي من لأخير واش ناكل

ما تاااكلش شكون قالك كول يااك الماكلة هي سبب في كل هته الامراض
Intestin, côlon nerveux, estomac, obésité, diabète, carie dentaire, anxiété et aussi maladie des sinus

كيف مرض الجيوب

نعم نعم مرض الجيوب و هي الفقر لما تصرف ياسر راه تفقر
و الفقر راح يخليك با فلوس و اذا كنت من دون فلوس كيف راح تعالج روحك إذا مرضت

ديجا راك فت 30 ثنية معايا كوبي المكالمة
سلاام عليكم
هههههههههههههههه


و انتم يا طيبون كيف حالكم مع الاكل الصحي ههههههههههههههههه​

>

لا تعليق أخي!! ؟

دعني أضحك ثم لي عودة بعدها هههههههههههههههه​

 

[لؤلؤة قسنطينة]

هههههههههه صباحك كله خير و ربح اختي الصغيرة مريومة
يا بنتي هاذ الطبيب راه يطيح المورال كل حاجة يسمطها لينا مكاش حاجة يقول معليش كلوها
أوموا ما يقبش المشاعر بزاف مثلا يقول الكسكس مليح اضرب على روحك و ما تخافش هههههههههههههه

نمزح معاك فقط مريومة فالانسان قد ما نظم ماكلته قد ما كان صحيح
سررت بكرم المرور مريومة ستبقين اختي الصغيرة حتى و ان كان لك محمد و ابراهيم
( نقصد اولادك هاكا راكي مسميتهم و لا راني غالط هههههههههه)

ان شاء الله وعلاش لالا ^^
نعم الأسماء والله، مع أني اخترت اسم أبنائي مسبقا ان شاء الله
لين وزَيد، لين اسم أعشقه من 10 سنوات تقريبا لما فيه من ليونة وسلاسة ورقّة
وزَيد اكتشفته رمضان الماضي قرأت الاسم صُدفة في القرآن وبحثت عنه في الانترنت، فعرفت أنه زيد بن الحارثة وهو الصحابي الوحيد المذكور في القرآن
وربي يرزقنا أجمعين ذرية صالحة، لأنو هذا هو الأهم

 

[ام أمينة]

السلام عليكم
صراحة يعجبوني نصائحه و يعجبني اسلوبه في ايصال المعلومات
نحسوه يخاف علينا كيما يخاف على روحو
و نصائحه قيمة و مفيدة جدا

مشكور اخي على الموضوع
في انتظار جديد مواضيعك المميزة
تحياتي و احترامي​

 

[الامين محمد]

السلام عليكم
صراحة يعجبوني نصائحه و يعجبني اسلوبه في ايصال المعلومات
نحسوه يخاف علينا كيما يخاف على روحو
و نصائحه قيمة و مفيدة جدا

مشكور اخي على الموضوع
في انتظار جديد مواضيعك المميزة
تحياتي و احترامي​

أهلا اختي ام امينة
أمممممم رأيك مثل رأي اخي سامي
تقريبا راح تقولولي راح نرشحوه للرئاسيات لأنه يخاف على شعبه ههههههه

سرني مروركم اختااه

 

[وۣۗهۣۗہۣۗم]

السلام عليكم ....
صراحة كلاموو نصوو خوف وعدم شجاعة على استقبال المرض هههههههههههههه حتى يخليك تظن انوو معندوش وين يكتبلك لوغدونونس باه تشري دواا على بيهاا يخاف انك تمرض. ويننصحك بزاااف هههههههه المهم والله الكثير من نصائحه في محلها
اعود باذن الله

 

[الامين محمد]

السلام عليكم ....
صراحة كلاموو نصوو خوف وعدم شجاعة على استقبال المرض هههههههههههههه حتى يخليك تظن انوو معندوش وين يكتبلك لوغدونونس باه تشري دواا على بيهاا يخاف انك تمرض. ويننصحك بزاااف هههههههه المهم والله الكثير من نصائحه في محلها
اعود باذن الله

و الله ق يضحكني مكاش حاجة ما ينتقدهاش في الأكل
راني نخمم في بلاصت اهله واش راهم عاملين معاه خخخخخخخخخخخخخخخخخخ

اسعدني مرورك اختااه

 

[حاتم خليفة]

مرات كي نتفرج الحصص نتاعوا نقول هذا راح يقتلنا بالشر كلش ممنوع عنده