الجيل الذهبي = ارواحوا اجروا تشوفوا =

[جليلوس]

سلام عليكم ناس اللمة الزينة
صباح الخير صباح الخمير صباح الgايلة والحمان
ياتل توحشتكم جدكم قاع تولموند خاوتي وخياتي
نتمنى تكونوا قاع بخير وبصحتكم وماخصكم والو
ليوم قاعد ندور قتلني الفيد قلت نجي نحو شوي على خاطرنا
ونتفكرو يامات زمان وطوايشنا ....
نقول حاجة برك لجيل 2000 خطونا يرحم باباكم جمعو وتفرجوا من بعيييد
تحية حارة للجيل الذهبي
احسن جيل انجبته الجزائر ... ارواحو تشوفوا شا كنا نديرو خخخخ
يا حسرااااه على يامااات الصغر
تحية للجيل لي قرا فرنسية في السنة الرابعة في كتابselma va a l'école ثورة الزعاطشة فالتاريخ ..
وقراءة دراسة الوسط وكان يدير تعبير شفهي بالمشاهد في سبورة ويدير الحساب الذهني في اللوحة غير يخبط المعلم يرفع اللوحة .
اللي قرا بالسبت .. وكان بالاثنين والخميس يقرا نص نهار هذا الجيل لي كااان يطلع العلم الوطني كل سبت صباح ويهوده كل خميس لعشية .
الجيل لي كان يعجبه الحال كي يمسح السبورة و يخرج ينفض الممسحة برا ....
للجيل لي كان يحس روحه مبعوث الأمم المتحدة سورتوا كي يبعته الشيخ لقسم آخر يجيب كاش حاجة
للجماعة لي كانت دير les cours عند المعلمة و تعطيهم واش يطيح فالامتحان ....
للجماعة لي كانت تتقسم على الأقسام كي مايجيش المعلم
للجماعة لي كلاو المخبط والضرب من عند والديهم بسبة دفتر المراسلة اللعين...
للجماعة لي تفرجت مسلسل كاساندرا و سالومي الغجرية و ڨوادا لوبي و انا كريستينا و اڨناسيو وفاليريا و مسلسل الكواسر والجوارح والفوارس ...
للجماعة لي لحڨت على نوكيا 3310 كي كان يدير 2ملاين ...
للجماعة لي كانت ترسل تصاور بالinfrarouge ...
خاصة للجماعة لي كانت تشري les sonneries من journal بالدراهم..
ولبنات لي كانت تقرا الجميلة وپانوراما باش تعرف اخبار المغنيين وتقرا قصص الحب ههههه.
بلا ما ننسى الجماعة اللي كانو يتفرجوا استراحة الاثنين طاطا ليندة كل اثنين عشية و بين الثانويات تاع احمد و من البطل تاع سميرة زيتوني كل خميس عشية .
و نادين كبسولة الزمن.. فتيات الميتم... والشلة السبعة وبوكيمون ..وسالي... وباص المدرسة... وعبقور وسابق ولاحق ..و اسألو لبيبة.... ماروكو ... كاليميرو ...
وسيمبا والنمر المقنع وهايدي
هذا الجيل لي لعبنا لعبة البواشن واللص والقاضي ولعبة اسم بنت ولد وحيوان وفواكه في الورقة بالحروف
للجيل لي كان يصوني ويطبطب في الديار ويهرب وفي القايلة وناس راقدة ....
للجيل هذا من احسن الاجيال شئنا ام ابينا جيل تربية والاخلاق ،جيل نندم عليه ...
الف تحية وسلام عليكم اصحاب الجيل الذهبي
هايا جماعة الخير كل واحد ولا وحدة فيكم يقولنا اذا عاش هاذ اللحضات ولا لا
لي مهمش معنيين خطونا ... يرحم باباكم تفرجو من بعيييد


ايا تربحوا بزاف عليكم ويلا نسيت كاش حاجة زيدوها بلا مانوصيكم
تشاو عليكم ​

 

[الوهم]

هههههههع والله غير قاع عشتهم ولي هبلتني هاديك نادين كبسولة الزمن نهار كامل وانا دايرة سيغتات على جبهتي ونرفد بيها الحوايجوزيد كنت نخدم صاك بالفلاش وكرة بصاشي نتاع الحليب وكنت كي نداوس مع كاش وحدة نديرو فاش بالصبع الصغير وكي نتصالحو نديرو راض بالصبع الكبير لي عودة

 

[sami44]

علاش تفكر فيا فنهارات الصغر
والله غير رجعتني مارش اريار
موضوع يستحق المتابعة لي عودة للرد

 

[Autumn leaves]

ايام السبورة فعلا كنت امسح السبورة
المعلمة تطلب مني انفضها برا
عشان الناس اللي عندها تحسس من الطباشير ،،
...
النمر المقنع وماوكلي كمان
وسابق ولاحق ،، و لبيبة ومن إليها ،،
..
وتذكرت الجوارج والكواسر
ونسيت العوسج معاهم ،،
..
ولعبة الجلاد والقاضي ،، وانسان حيوان ،، والفواكة

..
لله در تلك الأيام ،،
..
كنا عايشين وما أحلانا ،،
الذاكرة كويسة ،، والنفسية مرتاحة والذهن صافي
وتمتعنا بطفولتنا وعشناها طولا وعرضا ..
..
الان لا الاطفال يعيشوا طفولتهم
ولا الشباب يمتلكوا هوايات وطموحات قيمة الا من رحم ربي
..
جيل ذهبي فعلا .. وإن كنت انا ربما لحقت على القليل منه
..
تقديري استاذ عبدالجليل ،،
شكرا لك

 

[sami44]

انا تقريبا مررت بكل المراحل و البرامج التي ذكرتها
واكثر ما اتذكره هولما كانت القناة الوطنية الارضية تفتح على الرابعة مساء واول برنامج كان رسوم متحركة بعد التلاوة العطرة طبعا وبعد سنوات اصبحت تفتح على الواحدة زوالا
وبعد مدة اصبحت تفتح على العاشرة صباحا
ما احلى تلك الايام
لي عودة لموضوعك

 

[وۣۗهۣۗہۣۗم]

هههههههههههههههه ياحسراااااه يامات طافوو كى الخيال دوون عودة
سطرولى على الاثنيتن والخميس منقوش عشياااا

 

[السلطانة]

وعليكم السلام ورحمة الله وبركاته
علاه تفكر فينا ههههه في الايام الملاح
الواحد مشاعرو مخبشة زاد تفكر احلى ايام ياحصرا كي كانت الدنيا دنيا قبل ماتدخل لنترنت وتخلط كلش
كاساندرا ههههه كنت نطلق شعري ونلبس صباط وجيب كيما تاع الغجر
الكواسر شقييف وخالد وسلافة هههه
الدراما السوريه كي كانت دراما صح وهاذيك اللغة الفصحئ
فتيات الميتم ههه نادين كبسولة الزمن كنت نخاف من الشرير لي يجري وراها وخوها اسمو بيتر هههه راني نشفئ مليح
تشفئ للكسرة كي يحطولنا عليها الزبدة والسكر ونخرجو نشرو الفلاش ونضربو الساشي بالحجرة هههه حفيظ دراجي كي كان يجي كل اثنين ههه طاطا ليندة وسميرة زيتوني من البطل وروايات اخرى لجيل لن يكرر
تقبل مروري

 

[جليلوس]

هههههههع والله غير قاع عشتهم ولي هبلتني هاديك نادين كبسولة الزمن نهار كامل وانا دايرة سيغتات على جبهتي ونرفد بيها الحوايجوزيد كنت نخدم صاك بالفلاش وكرة بصاشي نتاع الحليب وكنت كي نداوس مع كاش وحدة نديرو فاش بالصبع الصغير وكي نتصالحو نديرو راض بالصبع الكبير لي عودة

هههههه يا حسراه واش عشنا
اكديلي على نادين و بيتر وديك لي في يدها والساغتات لي فوق راسها خخخخ
ايييه ونخدمو مروحة بقرعة تاع جافيل ولا تاع ما ونديرو فيها مسمار في الوسط وكي يجي المغرب نخرجو نجرو بيها كي يجي الهوا

ههههههههه جامي يتنساو ليامات الزينة
شكرا لمرورك

 

[جليلوس]

علاش تفكر فيا فنهارات الصغر
والله غير رجعتني مارش اريار
موضوع يستحق المتابعة لي عودة للرد

هههههه شفت كيفاه
ها بصح لازم نبدلو شوي روتين قتلونا بالرسميااات

راني نسنى فيك خويا ماطولش ولا تخلص ليزامبو

 

[جليلوس]

ايام السبورة فعلا كنت امسح السبورة
المعلمة تطلب مني انفضها برا
عشان الناس اللي عندها تحسس من الطباشير ،،
...
النمر المقنع وماوكلي كمان
وسابق ولاحق ،، و لبيبة ومن إليها ،،
..
وتذكرت الجوارج والكواسر
ونسيت العوسج معاهم ،،
..
ولعبة الجلاد والقاضي ،، وانسان حيوان ،، والفواكة

..
لله در تلك الأيام ،،
..
كنا عايشين وما أحلانا ،،
الذاكرة كويسة ،، والنفسية مرتاحة والذهن صافي
وتمتعنا بطفولتنا وعشناها طولا وعرضا ..
..
الان لا الاطفال يعيشوا طفولتهم
ولا الشباب يمتلكوا هوايات وطموحات قيمة الا من رحم ربي
..
جيل ذهبي فعلا .. وإن كنت انا ربما لحقت على القليل منه
..
تقديري استاذ عبدالجليل ،،
شكرا لك

هههههههه وسامي هاوي التجارب العلمية يادرااا ني نشفى غايااا

وبلا ماننساو كي نجو نجردو باش نشوفوا ضيعة محروس نلقاوهم دايرين مجلس الأمة

وااااع ضيعولنا حلقااات شابيييين .... طفولة دروك ولات طابلات وتليفونات وdes jeux برك

لي مالعبش بتراب وكلاه قاع مايقولش عشت طفولة زينة خخخخ

شكرا لمرورك بارك الله فيك

 

[جليلوس]

انا تقريبا مررت بكل المراحل و البرامج التي ذكرتها
واكثر ما اتذكره هولما كانت القناة الوطنية الارضية تفتح على الرابعة مساء واول برنامج كان رسوم متحركة بعد التلاوة العطرة طبعا وبعد سنوات اصبحت تفتح على الواحدة زوالا
وبعد مدة اصبحت تفتح على العاشرة صباحا
ما احلى تلك الايام
لي عودة لموضوعك

كانت اليتيمة عزيزة علينا وحق ربي

ربي يكبرنا في طاعتو خويا العزيز

شكرا لك ومرحبا بيك في اي وقت

 

[جليلوس]

هههههههههههههههه ياحسراااااه يامات طافوو كى الخيال دوون عودة
سطرولى على الاثنيتن والخميس منقوش عشياااا

شفتي دنيا كي صغيرة سبحان الله

هههههههه يادرا بقاو غير لي سوفونير

شكرا خيتي لمرورك

 

[جليلوس]

وعليكم السلام ورحمة الله وبركاته
علاه تفكر فينا ههههه في الايام الملاح
الواحد مشاعرو مخبشة زاد تفكر احلى ايام ياحصرا كي كانت الدنيا دنيا قبل ماتدخل لنترنت وتخلط كلش
كاساندرا ههههه كنت نطلق شعري ونلبس صباط وجيب كيما تاع الغجر
الكواسر شقييف وخالد وسلافة هههه
الدراما السوريه كي كانت دراما صح وهاذيك اللغة الفصحئ
فتيات الميتم ههه نادين كبسولة الزمن كنت نخاف من الشرير لي يجري وراها وخوها اسمو بيتر هههه راني نشفئ مليح
تشفئ للكسرة كي يحطولنا عليها الزبدة والسكر ونخرجو نشرو الفلاش ونضربو الساشي بالحجرة هههه حفيظ دراجي كي كان يجي كل اثنين ههه طاطا ليندة وسميرة زيتوني من البطل وروايات اخرى لجيل لن يكرر
تقبل مروري

ليام الزينة ياااه هههههه
كاساندرا هااا حي عليااااا والغجرياااات
اكديلي على اللغة العربية الفصحى و بن الوهاج واسامة والباشق والكاسر خخخخ
كنا نخدمو زرابة بفلاش فلاش كيفو مكاش ونديرو بواشين تاع القرع بمسمار نخدمو بيهم لواطا ههههه
ولاقلاص بالقازوز ونبيعو للجيران ميادورو حساب الحجم هههههه ها ربي ربي
اودي ليوم نبدا نعد فيهم مانكملش
شكرا لمرورك شكرا يعصطيك الصحيييتو

 

[ام أمينة]

يا حسرا على تلك الأيام
ما توليش و ما تتعاودش
بارك الله فيك على الموضوع
في انتظار جديد مواضيعك المميزة
تحياتي لك​

 

[Wissem wiwi]

ياحسراه على ليامات

 

[عبدالرؤوف]

وعليكم السلام ورحمة الله وبركاته

يا حصراه فكرتنا في زمان