ليجوور تاع الفوت والمواليد الجدد

[sami44]

السلام عليكم

ان شاء الله كامل راكم لاباس



كيما تعرفو الشعب الجزاىري كلما تجيه مناسبة وطنيه كبيرة وفيها الفرحة
يحاول يبروفيتي منها الماكسيموم

مثلا أسماء المزيود الجديد
كيما تعرفو كامل الواحد لما يكون فرحان وينتضر في مولود جديد وفي غمرة الفرح يسمي المولود الجديد على شخص يحبو وما يهمش يكون ولد البلاد او براني

اذا تشفاو نهار قصف صدام حسين إسرائيل الناس كامل سماو عليه ولادهم والي جاتو بنت سماها رغد على بنت صدام حسين رحمه الله

ونهر ضهر اسامة بن لادن عدو لامريكا ولى اسم اسامة يدور بزاف
والي جاتو بنت سماها سمية ولا أسماء

وكاين الي سماى بنتو كاسندرا روزاليا Gوادا لوبي الى اخره اذا مش فالليفري يبقاو يعيطولها بيه

واذا تشفاو مهند ونور دارو حالة وحد الوقت ككاين الي اسمو محمد راح بدلو مهند
او خويا @الامين محمد. يكون علابالو
وكاين الي اسمها نورة وتقولهم عيطولي نور لوكان غير تشبهلها معليش
وهنا @ماغيكاي تشان. سير صراتلها العفسة

وكيما اسم عمار كان منسي فالارشيف ومن نهار ولى عمار الكوسوفي يطل علينا كل عشيه الناس كامل ولاو عمار

وهذ النهارات كيما تعرفو كامل ليكيب ناسيونال ربحت الكان وفرحتنا وخرجتنا للزنق يومين وحنا نغنو ونصفقو انا يديا ضروني
بصح كاين الي زاد عندو ولد سماه بغداد
وكاين الي سماه اسماعيل وكاين حتى العمري
والي دار الباز كامل رياض
راني نتخيل الواحد لما يعيط لوليدو رياض يتفكر حطها فالقول يا رياض ويبكي ديراكت
للاسف كل أسماء لاعبي الفريق الوطني تقريبا أسماء ذكورية ما تنقلبش لأسماء بنات لهذا البنات ما عندكمش الزهر
بقح كاين الي تدور
مثلا العمري تولي عمري ورياض تولي راضيه و مهدي تولي هاديه
المهم عندهم بلاصة

المهم شكون فيكم تلاقى بهذ العفسة
ولا زاد عندهم مولود وسماوه على واحد من ليكيب
اليكم اخط ​

 

[Andy_Delort]

/

انا تصادفت بحالات هكذا بصح ماشي بزاف حقيقة

نعرف واحد سما ولدو الكسندر وهو كان مهووس ب الكسندر لكبير مسلسل تاع وادي الذئآب ويين لي سمى ولده عبد الحي وكاين لي سمى ولده عابد ومراد يعني مسلل هذاك تعاولدي في واحدة لفامي الله يذكرهم على خير في ديك القعدة .. "

نظن نسيت مسلسل تع مرزاق و منعرف وسمو لاخر هاداك مهم انا جامي تفرجتو ومنتفرجوش ومعنديش ميول لمسلسلات الجزائرية كونها مهيش هادفة ودراما تاعها تجي زايدة فوق الحد و تمس بعض القيم الجزائرية كذا منا ملهيك .. "


نعرف واحد كان يقرا معايا في لافاك كان وسمو عبد القادر ايا راح شونجا اسمه عبد الرؤوف .. نسبة للشيخ والعلامة الكبير "سولكينغ " ...

المهم والاهم انو الجزائرين فيهم فكرة انو يشيع اي بنادم لازم تلقى خرين مسمين عليه .. كشغل هاداك البطل المغوار تاعهم او الشخصية لي اثرت فيهم وغيرتلهم حياتهم ... بالمقابل كاين ناس سمات على شخصيات بارزة وعلماء كبار و ناس معروفة ...

طرح يحاكي ما نعيشه ابدعت أخي اكثر ما شدني في الموضوع

" هاديك لي وسمها نور وهيا لا شبهة ليها "

 

[sami44]

@Andy_Delort
يا خويا عندنا بغداد راهو داير حالة تسمع العجب
ورياض ورامي وعدلان واش نقولك في كل فيراج تلقى واحد مسمي وليدو عليهم
الحصلة راهي فاندي ديلور والكسندر اوكيدجه
ثقيل شوية الواحد يسمي وليدو اندي
وهاذيك تاع نور كاين منها نعرف وحده وسمها حسيبه كون تلقاها مع الصباح تحسبها قدور الكوردوني ومسمية روحها نور معرفتش علاش
المهم نورت الموصوع يعطيك الصحة

 

[HAMZA USMA]

ععععععععع

 

[السلطانة]

وعليكم السلام ورحمة الله وبركاته
ههههه والله يعطيك الصحة موضة الاسامي لي تطيح مع حدث ما يصرا شفت طفلة سورية وعايشين في الاردن زادت نهار ربحنا كاس افريقيا سماوها والديها جزائر حبا لنا
والدراري لي سماوهم بغداد ههه عجال بونجاح
كيما وقت عنتر يحي نهار ماركا سماو ولادهم باسمو
كاين اسامي معقولة عادية كيما قلت رياض وبغداد.. وصدام حسين وقت بكري.. ولاالشخصيات العظيمة.. ولا الدعاة
وكاين لي تاثروا بالاتراك سماو نور ومهند
ههه جيل 2008 ولي وراه
لميس ويحي
حتى اتضح انو كاينة صحابية جليلة اسمها لميس رضي الله عنها.. وحنا نعرفو تاع المسلسل للاسف
حنا شعب يتاثر بزاف ويجري يقلد
هات ميسموش ديلور كيما قلت برك ههه
تقبل مروري

 

[sami44]

وعليكم السلام ورحمة الله وبركاته
ههههه والله يعطيك الصحة موضة الاسامي لي تطيح مع حدث ما يصرا شفت طفلة سورية وعايشين في الاردن زادت نهار ربحنا كاس افريقيا سماوها والديها جزائر حبا لنا
والدراري لي سماوهم بغداد ههه عجال بونجاح
كيما وقت عنتر يحي نهار ماركا سماو ولادهم باسمو
كاين اسامي معقولة عادية كيما قلت رياض وبغداد.. وصدام حسين وقت بكري.. ولاالشخصيات العظيمة.. ولا الدعاة
وكاين لي تاثروا بالاتراك سماو نور ومهند
ههه جيل 2008 ولي وراه
لميس ويحي
حتى اتضح انو كاينة صحابية جليلة اسمها لميس رضي الله عنها.. وحنا نعرفو تاع المسلسل للاسف
حنا شعب يتاثر بزاف ويجري يقلد
هات ميسموش ديلور كيما قلت برك ههه
تقبل مروري

ما تفكرينيش بعنتر وحليش
ولد عمي قريب طلق مرتو على جال حليش
وعنتر بن شداد ميكين اتنسى كامل عنتر يحي هو الي رجعو للواجهة
وواحد صاحبي سمى وليدو زيدان ونهار جاب الليفري تاعو من البلدية لقاهم غثطولو سماوه زيان قلب الدنيا انا قلتلو نورمال زيدلو الياء فالاخير يولي زياني
مرسي سلطانه على المرور

 

[سحائب الشوق]

السلام عليكم
انا لي سمعت بيهم كثر الاسماء المنتشرة في طيور الجنة للمنشدين رجعوا تقريب عدد كبير من المواليد بيها كيما المعتصم بالله رغد جنى.. مايا..
مهند ثاني تاع الترك مداير حالة ههه
و كيما قالت الاخت @السلطانة كاين نهار لعب الماتش تاع أم درمان ولد جارتي سماوه عنتر يحي..
فقط نتمناو يكون الاسم عندو معنى مليح مايهمش شكون لي مسمي بيه فقط رح يكون عقدة للطفل اذا كان من الاسماء المؤقتة يعني ذو شهرة مؤقتة ☺

 

[sami44]

السلام عليكم
انا لي سمعت بيهم كثر الاسماء المنتشرة في طيور الجنة للمنشدين رجعوا تقريب عدد كبير من المواليد بيها كيما المعتصم بالله رغد جنى.. مايا..
مهند ثاني تاع الترك مداير حالة ههه
و كيما قالت الاخت @السلطانة كاين نهار لعب الماتش تاع أم درمان ولد جارتي سماوه عنتر يحي..
فقط نتمناو يكون الاسم عندو معنى مليح مايهمش شكون لي مسمي بيه فقط رح يكون عقدة للطفل اذا كان من الاسماء المؤقتة يعني ذو شهرة مؤقتة ☺

اه طيور الجنة وما دارت
تاني عندي صاحبي جاه ولد عندها وحد العامين سماه عدنان قلتو واش معناه قاللي والله ماني عارف المهم شفتو المسلسل التركي ورد وشوك المهم عجبو الممثل سما وليدو عليه
وكيما قلتي المهم ان يكون للاسم معنى ويكون المعنى سامي وحميد حتى لا يكون عقدة للطفل في كبره وحتى لا يعاير به من طرف اقرانه
وحتى لا يسأل عنه يوم القيامه
بارك الله فيك ومشكورة على الطلة الطيبه
تقديري لك وربي يهنيك

 

[خديجة ph]

السلام عليكم اخي
مشكور عالموضوع انا الي نعرفو انهم بكري يسميو المولود باسم الحدث اللي جاء فيه مثلا اللي يزاد وقت العيد يسميوه العيد و اللي يزاد في رمضان يسموه رمضان اما اسماء الاشخاص فيسميو باسم جدو ولا عمو خصوصا لو هداك الشخص يكون متوفي من فترة قريبة
اما عني شخصيا فقبل ما نسمي و بعد ما نتأكد ان الاسم لا ينافي الدين نشوف كفاش يصير بالدارجة تاعنا
مثلا عمر يعيطولو عومار
علي يعيطولو عْلي
أبو بكر يعيطولو بوبكر
عثمان تولي عْتمان
فعادة نشوف اسم ما يتغيرش . ونحب تكون اسامي اولادي مترابطة مثلا اسامي اولادي تخلص كلها بنفس الحرف اللي يخلص بيه اسم ابوهم .تعرف شويا دراما انثوية
بصح عندي تعليق على اللي اسمها لميس و نور وهي و الزين خطان متوازيان ما تخافش عليهم مش راح ياخذو مهند او يحيى مهما غيرو اساميهم فعندنا لكل لميس تيس و لكل نور ثور
مشكور اخي سلام

 

[الامين محمد]

السلام عليكم اخي
مشكور عالموضوع انا الي نعرفو انهم بكري يسميو المولود باسم الحدث اللي جاء فيه مثلا اللي يزاد وقت العيد يسميوه العيد و اللي يزاد في رمضان يسموه رمضان اما اسماء الاشخاص فيسميو باسم جدو ولا عمو خصوصا لو هداك الشخص يكون متوفي من فترة قريبة
اما عني شخصيا فقبل ما نسمي و بعد ما نتأكد ان الاسم لا ينافي الدين نشوف كفاش يصير بالدارجة تاعنا
مثلا عمر يعيطولو عومار
علي يعيطولو عْلي
أبو بكر يعيطولو بوبكر
عثمان تولي عْتمان
فعادة نشوف اسم ما يتغيرش . ونحب تكون اسامي اولادي مترابطة مثلا اسامي اولادي تخلص كلها بنفس الحرف اللي يخلص بيه اسم ابوهم .تعرف شويا دراما انثوية
بصح عندي تعليق على اللي اسمها لميس و نور وهي و الزين خطان متوازيان ما تخافش عليهم مش راح ياخذو مهند او يحيى مهما غيرو اساميهم فعندنا لكل لميس تيس و لكل نور ثور
مشكور اخي سلام

صباح الخير اختي ان شااء الله احوالكم تمام خصوصا ولي العهد
الكتكوت ربي يبارك فيه

للأسف اختي الناس ماهيش عارفة ان الاسم حق من خقوق الطفل
و ان للأسم أثر على نفسية و شخصية الطفل
و اسم الولد راح يسأل عليه الوالدين امام الله
لكن
حنا مثلا عندنا عادات ان الاسم ما يسميهش الوالد تاع الطفل يعني الام كي تكون بالحمل يوصيها شيخها او اخوها او صديقتها باش تسمي عليهم
او صديق الوالد او جاره يقوله سميه على اسمي
و يبقى هاذ الامر اي اسم الولد على ذوق ناس آخرين
و احيانا الاحداث تفرض الاسماء
كإسم صدام رحمه الله في حرب الخليج يعني طلع عندنا جيل اسمه صدام
او عنتر بسبب عنتر يحييى او محرز او رياض بسبب كاس افرقيا

المهم الحمد لله ماهو زفان هو اللي مركا و لا كنا راح نسمو اولادنا زفان
او ديلور هههههه

 

[sami44]

السلام عليكم اخي
مشكور عالموضوع انا الي نعرفو انهم بكري يسميو المولود باسم الحدث اللي جاء فيه مثلا اللي يزاد وقت العيد يسميوه العيد و اللي يزاد في رمضان يسموه رمضان اما اسماء الاشخاص فيسميو باسم جدو ولا عمو خصوصا لو هداك الشخص يكون متوفي من فترة قريبة
اما عني شخصيا فقبل ما نسمي و بعد ما نتأكد ان الاسم لا ينافي الدين نشوف كفاش يصير بالدارجة تاعنا
مثلا عمر يعيطولو عومار
علي يعيطولو عْلي
أبو بكر يعيطولو بوبكر
عثمان تولي عْتمان
فعادة نشوف اسم ما يتغيرش . ونحب تكون اسامي اولادي مترابطة مثلا اسامي اولادي تخلص كلها بنفس الحرف اللي يخلص بيه اسم ابوهم .تعرف شويا دراما انثوية
بصح عندي تعليق على اللي اسمها لميس و نور وهي و الزين خطان متوازيان ما تخافش عليهم مش راح ياخذو مهند او يحيى مهما غيرو اساميهم فعندنا لكل لميس تيس و لكل نور ثور
مشكور اخي سلام

اله يعطيك الربح ضحكتيني مع هذ الصباح
اكديلي على *لكل لميس تيس ولكل نور ثور*
اهم يزعفو منك لبنات
صدقتي القول اختيار اسم المولود لازملو تروي وتحمل مسؤولية حتى لا يقع ما لا يمكن تصليحه
نورتي الصفحة

 

[sami44]

صباح الخير اختي ان شااء الله احوالكم تمام خصوصا ولي العهد
الكتكوت ربي يبارك فيه

للأسف اختي الناس ماهيش عارفة ان الاسم حق من خقوق الطفل
و ان للأسم أثر على نفسية و شخصية الطفل
و اسم الولد راح يسأل عليه الوالدين امام الله
لكن
حنا مثلا عندنا عادات ان الاسم ما يسميهش الوالد تاع الطفل يعني الام كي تكون بالحمل يوصيها شيخها او اخوها او صديقتها باش تسمي عليهم
او صديق الوالد او جاره يقوله سميه على اسمي
و يبقى هاذ الامر اي اسم الولد على ذوق ناس آخرين
و احيانا الاحداث تفرض الاسماء
كإسم صدام رحمه الله في حرب الخليج يعني طلع عندنا جيل اسمه صدام
او عنتر بسبب عنتر يحييى او محرز او رياض بسبب كاس افرقيا

المهم الحمد لله ماهو زفان هو اللي مركا و لا كنا راح نسمو اولادنا زفان
او ديلور هههههه

والله عندك حق في غالب الاحيان اسم المولود ما يكونش عند الوالدين او ليس بايديهم
لذالك نرى العجائب
وكيما قلت سلكنالها كي ما ماركاش ديلور ذيك الكوفرون على الكوتديفوار
مشكور خويا الامين عاش من شافك تدور يا خويا