نهاية تحدي الأكل الصحي🙄🙄

[sanaya]

سلام عليكم
نشالله راكم ملاح

المهم
كما راه باين فالعنوان راني حبست تحدي الأكل الصحي الحقيقة صعيبة بزاف باش الواحد يلتزم بيه
أول شخص فشلني بعد جدتي هو بابا راكم تعقدو فحياتكم حنا ناكلوا كذا و كذا و مصرالنا والو
الشيء الثاني فالغالب كنسافر ناكل فالريستورون تغيضني عمري كفاش راني نحرم روحي
البشارة الثالثة و هي الأجمل في كل هذا أنو الرياضة تخلص الجسد نتاع الانسان من كل السموم المتراكمة تحت الجلد و منها سموم الاكل غير صحي وذلك عن طريق التعرق .....
ممكن الواحد يلتزم في إضافات معينة كاستعمال خبز الشعير مثلا و لكن باش ما ناكلش حلويات و ما ناكلش مقليات و مكانش شيبس و لا هريسة نووووووووومي الإضافات الصحية وحدها مسموحة
و الأكل و شهية الأكل نعمة من عند ربي

حاليا تحت شعار
ناكل واش نحب
ندير سپور
نرقد بكري
نوض بكري
نخدم بزاف
و السلام عليكم
و السلام عليكم

 

[السلطانة]

وعليكم السلام ورحمة الله وبركاته
تطبيق الاكل الصحي في عقلية الجزائري صعيبة بزاف هههه
تلقاي روحك تحاربي وحدك ومرات تفشلي
ومرات تطبقي على روحك برك
مشكورة اختي لافادتنا بالسلسلة القيمة

 

[الوهم]

هههههه عندك الصح كولي واش تحبي علاه تحرمي روحك بصحتك

 

[ناصر dz]

مشكورررررررة ع الوصفة

 

[طموحة]

السلام عليكم و رحمة الله و بركاته
حطمت أحلامي كان لي فيك أنس
امزح لم افعل شيئا سوى البعد عن السكر الأبيض و القرار اتخذته في جانفي ومازلت سائرة عليه في البداية كنت أضع ملعقة رب في كأس الحليب لكن بمجرد اعتدت بت اشربه دون رب لكن أحيانا أتناول قطعة حلوى معه ولا اتناوله في جميع الاعشاب عدا الشاي لم اطق طعمه بالعسل ...المشروبات الغازية و العصائر منذ فترة طويييلة لا أشربها الا نادرا ..
في الدار يقولولي وهادي و هادي علاش تاكليها نورمال قلتلهم أخف الضررين علي الأقل نحاول نقلل منو خير من نديرو في كلش..
حابة نبدا خبز الشعير لكن دايمن نأجل
ربي يعينا علي الاقل علي التحسين و لو نسبيا لأنو طبخنا يزداد اضرارا بالصحة خصوصا مع انفتاح الجزائريات على الطبخ المعاصر باتت الاكلات المضرة التي كانت تأكل نادرا تطبخ كل يوم في المنزل و جل المواد التي تضيف تلك اللمسة العصرية للطبخ جد مضرة ...لذا يبقى الطبخ التقليدي أصح نسبيا