النقطة السوداء والبقعة البيضاء...!

[Hakan]

السلام عليكم خاوتي ان شاء الله راكم بخير وفي عافية قبل مدة اشهر كتبت في مدونتي (نصوص من وجع)
هذه التدوينه
(مخيفة هي عقلية الناس في
البحث عن ذرة الخير في الرجل الشرير وعن ذرة الشر في الرجل الخير...)
والفنا بزاف نشوف هذاك المثال تاع صفحة بيضاء ونقطة سوداء ويقلك شوف فيها ودائما يخرجولنا هذيك الحكمة تاع الانسان لازم يشوف كل الخير وما يركزش على الشر لي قليل عند الانسان الطيب الحكمة صحيحة وواقعية لكن الشي لي حاب نحكي عليه هو علاه ما يعطولناش حلول واقعية باش هذيك النقطة السوداء نمحوها كامل او هذيك البقعة البيضاء في الشخص الشرير نهتمو بيها ونخلوها تكبر حتى يغلب اللون الابيض اللون الاسود.. ديما نشوفو للحكمة من منظور واحد لكن لوكان نلاحظو مليح انو الحكمة تقدر تتفرع منها كثير من الحكم لانو اي انسان طيب ماذا بيها يتخلص من هذاك الفساد القليل لي فيه وهذاك الانسان الشرير ربما الظروف مكانتش في الصالح نتاعوا لهذا يحب لو ناس تدلو على الطريق وفي عوض لنكونو ناس تاع احكام وفقط نكونو ناس تاع توجيه كامل نغلطو وكامل نحتاجو ناس توجهنا عوض لا دافع عليا مثلا اذا كنت شخص شرير وعندي جانب جيد قدام ناس وتقلهم بالاك فيه خير وتلبس لباس الشخص الحكيم لي اكتشف الماء في المريخ من الاحسن لو تجيني وتوجهني وتقلي انت انسان فيك الخير وتوريلي طريقة باش نعمم الخير في سائر حياتي.. احيانا مالازمش نكونو كامل حكماء في صياغة الحكمة ولكن من الاحسن نكونو حكماء في ارشاد المحكوم عليهم... شكرا والسلام ​

 

[الامين محمد]

اهلا حبيبي حكيييم راك فكرتني باغنية طال غيابك يا غزالي هههههههه

بخصوص موضوعك خويا حكييم لازم نفرق بين شرين
الشر اللي ماهوش متعدي مثلا واحد يدخن او يقمر او يخمر دونما ان يأذي احد
و شر آخر في رجل يسرق و يقطع الطريق و يعتدي على الناس

الاول يجب عدم اعانة ابليس عليه
و الثاني توقيفه عند حده بالتأزير و اذا تاب تاب الله عليه و عفى الله عما سلف

 

[Hakan]

اهلا حبيبي حكيييم راك فكرتني باغنية طال غيابك يا غزالي هههههههه

بخصوص موضوعك خويا حكييم لازم نفرق بين شرين
الشر اللي ماهوش متعدي مثلا واحد يدخن او يقمر او يخمر دونما ان يأذي احد
و شر آخر في رجل يسرق و يقطع الطريق و يعتدي على الناس

الاول يجب عدم اعانة ابليس عليه
و الثاني توقيفه عند حده بالتأزير و اذا تاب تاب الله عليه و عفى الله عما سلف

ايه راني طولت في الغربة هههه
انعم ايه ومقصودي في الاول كاين انسان صالح ويدير حاجة مش مليحة مثلا يدخن او فيه خصلة ماش مليحة ناس طيح عليه كاين لي يدافع عليه بصح الافضل من دفاع انك توجهو وتنصحو وتعطيه حلول باش يتخلص من عاداتو السيئة اما الانسان الشرير اكيد نوقفوه عند حدو وبالاك نقدرو نعانوه اذا كان فيه شوي خير ونمدحوه على الخير لي فيه ونوجهوه هو كذالك باش يكتشف الخير تاعه ولو انوو تقولو انو ربي يغفرلو هكاك ما نحطمو الاول ونخلوه لقاطعي الاحكام المسبقة باش يتهموه بالنفاق ما نمحو الخير في الشخص الشرير ما نخلوه يعجب بالخير القليل لي فيه ويتمادى في الشر نتاعه بالعكس يحسن من اعمال الخير ويزكيها ويتخلص من الشر لي فيه شكرا خويا على الاعتماد والرد بارك الله فيك..

 

[sanaya]

يا خويا حكيم
الناس مطلقاتش الانسان الطيب بحيث تتبع فيه حتى تلقى ذرة شر و تستنى منهم يشوفو الشخص الشرير
غالب الناس قناصين
تعاملهم بمئة حسنة بحاسبوك على سيئة واحدة
و لكن الكلمة تاعك مفهومة
الانسان الشرير مش بمعنى الشرير
ممكن انسان حاد عن الطريق و اسباب حياتو خلوه يكون هكذا و فيه نقطة بيضاء منها نخلوه يولي للطريق
صح هي حقيقة و واقع
و لكن بالرغم من منطقية كلامك راهو بعيد على الواقع بزاف
بيسك الناس مطلقوش الطيبين فمابالك بالأشرار ⁦⁩⁦⁩⁦⁩⁦⁩
و الله فكرتني بشاب من عائلتي عنده عصبية و تعامل سيء مع الناس لدرجة ميتصورهاش العقل
و الناس متحملوش و لاهو يحملهم
ساعات يقول فصوالح نستغرب منهم يحب يهجر البلاد يشوف الناس كل منافقين مثلا
شاءت الصدف ان أتحدث معه مرة فحكالي على طفولتو و كفاش كان يعاملو باباه و كثير من التفاصيل اللي منها لقيت اللي دير فيه قليل أمام واش عانى في صغرو
و نظن راهو مثال للناس اللي نستثمروا فيهم تلك النقطة البيضاء باه تكبر و نعم حياتهم
على كل حال شكرا للفت الانتباه لمثل هؤلاء
تحياتي

 

[Hakan]

يا خويا حكيم
الناس مطلقاتش الانسان الطيب بحيث تتبع فيه حتى تلقى ذرة شر و تستنى منهم يشوفو الشخص الشرير
غالب الناس قناصين
تعاملهم بمئة حسنة بحاسبوك على سيئة واحدة
و لكن الكلمة تاعك مفهومة
الانسان الشرير مش بمعنى الشرير
ممكن انسان حاد عن الطريق و اسباب حياتو خلوه يكون هكذا و فيه نقطة بيضاء منها نخلوه يولي للطريق
صح هي حقيقة و واقع
و لكن بالرغم من منطقية كلامك راهو بعيد على الواقع بزاف
بيسك الناس مطلقوش الطيبين فمابالك بالأشرار ⁦☹⁩⁦☹⁩⁦☹⁩⁦☹⁩
و الله فكرتني بشاب من عائلتي عنده عصبية و تعامل سيء مع الناس لدرجة ميتصورهاش العقل
و الناس متحملوش و لاهو يحملهم
ساعات يقول فصوالح نستغرب منهم يحب يهجر البلاد يشوف الناس كل منافقين مثلا
شاءت الصدف ان أتحدث معه مرة فحكالي على طفولتو و كفاش كان يعاملو باباه و كثير من التفاصيل اللي منها لقيت اللي دير فيه قليل أمام واش عانى في صغرو
و نظن راهو مثال للناس اللي نستثمروا فيهم تلك النقطة البيضاء باه تكبر و نعم حياتهم
على كل حال شكرا للفت الانتباه لمثل هؤلاء
تحياتي

اهلا ختي مريم كاش روايات ولا والو ههههه
والله كلامك صوابك وقصتك افضل مثال لواش كنت نحكي صراحة رانا في وقت حساس كثرو في ناس سيئة حتى ناس صالحين رجعو ما يقدروش يعيشوا في وسط المجتمع لكن للاصلاح لازم نتعاملو مع الفئة الفاسدة ونجذبوهم باللين والحسنى كما قال الله تعالى (ولو كنت فضا غليظ القلب لانفضوا من حولك) رانا في مجتمع ما يرحمش يطلق الاحكام على اي انسان صالح ولا طالح ويدخلو للجنة ويخرجو منها بالقوسطو لا حسبان لرب العالمين... شكرا ختي على المشاركة الطيبة بارك الله فيك...

 

[sami44]

السلام عليكم
اخي حكيم موضوعك طيب وحساس اعجبني الطرح
قريت الموضوع وغدا بحول الله نرد عليك بما يليق
تقديري لك حبيبنا

 

[afnene]

السلام عليكم
موضوع في الصميم...
نحن لسنا غافلين عن ذلك البياض الذي في الورقة أو مركزين على النقطة السوداء فقط
بل بافعالنا نسكب حبرا اسود على تلك الورقة بالكامل...
ربما كلامك بعيد عن واقعنا حاليا..
ولكنه الصواب ..ومايجب أن نفعله
نحن نريد شخصا كاملا فمثلا لو ينصحنا شخص ويوجهنا ننبش في عيوبه بمعنى اصلح عيوبك وتحدث معنا..نعم المنطق يقول ان تهتم بعيوبك اولى..
ولكن الإصلاح والتوجيه هو أن تنصحني وانصحك تأخذ بيدي وأخذ بيد ..
لا أن أحطم ذرة الخير فيك وازيد من حجم السواد...
علينا أن نفهم أن ما علينا هو النصح والنهي بطريقة لينة ..
لا أن نحاسب غيرنا ....
هدانا الله وإياكم..
مشكور على الموضوع القيم
بارك الله فيك

 

[الطيب الجزائري84]

قيل للربيع بن خثيم:
ما نراك تغتاب أحداً، فقال:
لستُ عن حالي راضياً حتى أتفرغ لذم الناس. وعن عون بن عبد الله قال: "لا أحسب الرجل ينظر في عيوب الناس إلا من غفلة غفلها عن نفسه"
بارك'الله'فيكم

 

[Hakan]

السلام عليكم
موضوع في الصميم...
نحن لسنا غافلين عن ذلك البياض الذي في الورقة أو مركزين على النقطة السوداء فقط
بل بافعالنا نسكب حبرا اسود على تلك الورقة بالكامل...
ربما كلامك بعيد عن واقعنا حاليا..
ولكنه الصواب ..ومايجب أن نفعله
نحن نريد شخصا كاملا فمثلا لو ينصحنا شخص ويوجهنا ننبش في عيوبه بمعنى اصلح عيوبك وتحدث معنا..نعم المنطق يقول ان تهتم بعيوبك اولى..
ولكن الإصلاح والتوجيه هو أن تنصحني وانصحك تأخذ بيدي وأخذ بيد ..
لا أن أحطم ذرة الخير فيك وازيد من حجم السواد...
علينا أن نفهم أن ما علينا هو النصح والنهي بطريقة لينة ..
لا أن نحاسب غيرنا ....
هدانا الله وإياكم..
مشكور على الموضوع القيم
بارك الله فيك

اهلا بيك كلام جد جميل بدل ان نحاسب الناس لابد من محاسبة انفسنا اولا ثم محاولة تغيير واش قدرنا في ناس بداية من الاقرب فالاقرب ونحبسو من قطع الاحكام المسبقة والوقوف بمنطق المحايد لانو الحياد في الاسلام غير موجود بارك الله فيك شكراا على المشاركة الطيبة

 

[Hakan]

قيل للربيع بن خثيم:
ما نراك تغتاب أحداً، فقال:
لستُ عن حالي راضياً حتى أتفرغ لذم الناس. وعن عون بن عبد الله قال: "لا أحسب الرجل ينظر في عيوب الناس إلا من غفلة غفلها عن نفسه"
بارك'الله'فيكم

شكرا على النقل الجميل بارك الله فيك

 

[Andy_Delort]

/

هذا الموضوع بذات لوكان نبدا نهدر فيه منسكتش ..

في صميم خويا يكفي اني قريت ردود الاخوة برك "

 

[طموحة]

السلام عليكم و رحمة الله و بركاته
بارك الله فيك ...فعلا ذكر تلك النقطة البيضاءأو سوداء لا يفيد مالم يوجه للشخص المعني فيحفزه لتنمية الخير و يردعه لتخلية شر نفسه
معرفة الداء لا تكفي للشفاء منه كذلك الخير و الشر في نفوسنا و نفوس الآخريين بقليل من التأمل و العشرة يظهر ..لكن العبرة بتوجيه أنفسنا و الآخرين لما يصلح للأمر ..والا المدح و الذم كلام لا يسمن
نسأل الله ان يؤتي نفوسنا تقواها ويزكها فهو خير من زكاها

 

[Hakan]

قيل للربيع بن خثيم:
ما نراك تغتاب أحداً، فقال:
لستُ عن حالي راضياً حتى أتفرغ لذم الناس. وعن عون بن عبد الله قال: "لا أحسب الرجل ينظر في عيوب الناس إلا من غفلة غفلها عن نفسه"
بارك'الله'فيكم

شكرا على النقل الجميل بارك الله فيك

 

[sami44]

السلام عليكم
عدنا الى موضوعك اخي حكيم
وانا اتابع الموضوع حضرني مول شعبي او من كلام اباىنا يقولك( خمّار ولا قمٌار)
يعني كلا الحالتين في الحرام ومن صفات الاشرار لكن لو تعمقت في القول قليلا لوجدت انهم كانو يفرقون بين شر وشر ويحاولون ان يجعلو البياض في احد الشرين
يقولون من كان خمارا يهلك نفسه ويمكنه التوقف ان هذه العاده المقيتة وربما يستحي لما يصير له أبناء فيتوقف وكانهم يتخذون له عذرا قياسا بالاخر
اما من كان قمارا اي يمتهن الميسر فيهلك نفسه واهله ويقضي على قوت عياله ولا يمكنه التوقف عن ما هو فيه حرجا من أبنائه
فيهلك ويهلك من هم تحت رعايته
ونحن البشر من عادتنا ننقب عن الأخطاء او البقع السوداء في بعضنا نحبو التقرعيج الله غالب
الواحد نلقاوه اية الله نسيو نلقاولو عفسه المهم تكون مهما كانت صغيرة
والعكس ممكن تلقى واحد اشر الخلق تاني نحوسولو حاجة بيضا فيه
وفكرتني في وحد السيد جاري هو سكير اعزكم الله لكن عنده خصله لا يملكها الكثير من جيراني هو شهم وشجاع ولا يحب الضلم اذا حقرك واحد روح ليه هو يحميك
وكاين انسان اخر اعرفه معروف انه تاجر حبوب
وهذا امر مذموم لكن يشهد له الفقراء انه لا ينساهم من الصدقه لدرجه انهم ينتضروه نهار على نهار يروح يعطيهم باش يتقوتو وما عندو حتى مصلحة هم مجرد ناس بسطاء
وفي احد الايام القي عليه القبض من طرف الشرطة ودخل السجن سنتين او ضاعو يا خويا
من هنا نستنتج ان اي واحد منا له وعليه
بورك فيك اخي
ومشكور على الطرح