بعيدا عن الأعمار🎀🎀

[sanaya]

بون سلام عليكم
منعرفش اذا كان هذا هو الفضاء المناسب لطرح الفكرة و لا نن
المهم خاوتي خواتاتي قبل كلشي نتمنى تكونو بخير
غبت بزاف لأسباب خارج إرادتي و راني وليت الحمد لله
حبيت اليوم نوصلكم فكرة خصوصا النسوة فيما يتعلق بالعمر
ايه
الجزائريات عندهم عقدة من العمر تلقاها شابة و تبان صغيرة على عمرها و معاها لازم تنقص عامين و لا ربعة كيسقسوها شحال عمرك
عجبتني أميرة ريا خترة كانت مدايرة فيديو قاتلها وحدة تباني كبيرة على 23 سنة
جاوبتها بكل ثقة و ابتسامة
الله غالب صغيرة و نبان كبيرة بزاف الله غالب
عجبتني كفاش معقدتش روحها و لا تغيضها جاتها نورمال مالڨري بزاف يقولولها هاك
جوابها دل على شخص ناضج فكرو رايح بعيد
و بزاف نسا نعرفهم يخبوا اعمارهم فللول كنت مستغربة و عرفت أنو هاذيك عقدة نفسية لأنو كبرو فمجتمع بالاك تعجبو الصغيرة مام و هي مكشردة و ما تشبه لوالو ⁦☹⁩⁦☹⁩⁦☹⁩(راني نوضح فكرة مش نعيب خليفة ربي )و الكبيرة ماتعجبوش مام لوكان كانت اكثر شبابا و حيوية ⁦🏵⁩⁦🏵⁩⁦🏵⁩
الڨاوريين تجاوزو هاذ النقطة بحيث ماعندهمش مشكل مع تقارب الاعمار و لا المرأة تفوت الراجل بعامين او أكثر ولكن من جهة ثانية نلقاو المرأة قايمة بروحها كما يلزم و هذا هو الصح
سقساتني بنتي قبل فترة ماما شحال في عمرك
قتلها :28 داخلة ل 29 و قبل ما نجاوب قالت لها وحدة قريبتي الناس جامي يسقسو الناس على اعمارهم
قتلها نووو عادي علاه
المهم
العمر راهو مقياس نسبي
المقياس الصحيح هو كفاش راكي عايشة و شمن تخمام عندك تجاه مستقبلك واشمن انجازات حابة ديريهم
راكي مطهلية بروحك و لا خدمة و كوزينة و رقاد و تأفف كل وقت
أحيانا نجد أشخاص كبار فالسن لديهم روح شبابية أكثر منا نحن الشباب
لأنو السحر الحقيقي و القوة الحقيقية في الداخل
نحن مجتمع له حسابات دقيقة غبية
في الأربعين وجد روحك السكري و الم المفاصل ووووووو⁦☹⁩⁦☹⁩⁦☹⁩⁦☹⁩⁦☹⁩
فتاة الخامسة و العشرين بايرة⁦☹⁩⁦☹⁩⁦☹⁩⁦☹⁩⁦☹⁩
اذا بلغت المرأة سن الثلاثين تتضاءلت فرص الانجاب⁦☹⁩⁦☹⁩⁦☹⁩⁦☹⁩
اذا بلغت الثامنة و العشرين استعقلي و لبسي هاذي و ماديريش هاذي ووووووو
أنا شخصيا تأتيني انتقادات من هاذ النوع
عقدنا أرواحنا حقا بما فيه الكفاية
تغيضني نشوف شاب فالسادسة و الثلاثين ممكن راو بدا يخمم على الشيخوخة و أمراض الشيخوخة⁦☹⁩⁦☹⁩⁦☹⁩⁦☹⁩
ياو عيشو حياتكم و متربطوش حياتكم بالأرقام
و في مجتمعنا الانسان اللي يعيش هكذا يشوفو فيه انسان متصابي و لا انسان معاش في صغرو و لكن نظرة الناس متهمنيش إذا كان الشي اللي ندير فيه يحسسني بالسعادة⁦❤⁩⁦❤⁩
عيشو حياتكم بعيدا عن الأرقام⁦❤⁩⁦❤⁩
تفكروا⁦🏵⁩⁦🏵⁩⁦🏵⁩
السعادة تنبع من الداخل دوما و القوة من الداخل بعيدا عما يحدث بحياتك⁦❤⁩
سلام.......

 

[sami44]

حبيت نكون اول من يعتمد موضوع خالتي مريم
والله اشتقت لمواضيعك في هذ الركن اتذكر لما وليت للمنتدى بعد غياب مواضيعك هي الي خلاتني نكمل سيرتو موضوع اعمار أعضاء المنتدى
واهلا بعودتك من نهار قرصاتك العقرب ما وليتيش تشاركي شغل طلقت فيك السم بصح اناي ما تتصنتيش يخي قلتلك هذاك الصباط لحمر الي تقطعلك ذاك العام ما تزيديش تلبسيه
احجز مكان ولي عودة للرد

 

[rafid2]

اعتقد ان مشكلة كشف العمر تعاني منها المرلأأة بصفة اعم وأن حدثت عند الرجل فنادرة جدا
لما تتهرب المرأة من كشف عمرها ولما تعيش هذه الفوبيا
اعتقد ان هذا يرجع للتفسير الخاطئ لماهية الجمال عند الانثى والذي تحصره فقط في المجال الظاهر منها الوجه الشعر والقد وهو مجال في عقيدة النثى يتحكم فيه عامل الزمن-العمر-لذالك واعتقادا منها بأن اخفاء العمر او انقاصه سيؤثر في الاخرين وستساهم هي ايضا في اقناع الاخرين بفكرة ان صعر السن ابقاء على الجمال

 

[sanaya]

حبيت نكون اول من يعتمد موضوع خالتي مريم
والله اشتقت لمواضيعك في هذ الركن اتذكر لما وليت للمنتدى بعد غياب مواضيعك هي الي خلاتني نكمل سيرتو موضوع اعمار أعضاء المنتدى
واهلا بعودتك من نهار قرصاتك العقرب ما وليتيش تشاركي شغل طلقت فيك السم بصح اناي ما تتصنتيش يخي قلتلك هذاك الصباط لحمر الي تقطعلك ذاك العام ما تزيديش تلبسيه
احجز مكان ولي عودة للرد

هههههه معلاباليش لاه تيماجيني صباط أحمر
هذاك صباط رمادي
العقرب متفكرنيش ربي يباعدهم علينا
هاني وليت الكتابة امطرو بالتعليقات برك و متنساوش تخلصوني 1000 الف فليكسي فالشهر
و عندكم ثلث شهر مخلصتونيش بالاك تحسبو ني ناسية

 

[sanaya]

اعتقد ان مشكلة كشف العمر تعاني منها المرلأأة بصفة اعم وأن حدثت عند الرجل فنادرة جدا
لما تتهرب المرأة من كشف عمرها ولما تعيش هذه الفوبيا
اعتقد ان هذا يرجع للتفسير الخاطئ لماهية الجمال عند الانثى والذي تحصره فقط في المجال الظاهر منها الوجه الشعر والقد وهو مجال في عقيدة النثى يتحكم فيه عامل الزمن-العمر-لذالك واعتقادا منها بأن اخفاء العمر او انقاصه سيؤثر في الاخرين وستساهم هي ايضا في اقناع الاخرين بفكرة ان صعر السن ابقاء على الجمال

ايه نعم هي عقدة النساء فقط
لأسباب منها ماذكرت
و منها التفكير الرقمي بحيث تربط سعادتها و نجاحها و جمالها يعمر معين و ان تجاوزته فهي نحو التراجع
و هذا تفكير رجعي متخلف و أكثر تخلفا منه من زرعه في عقلها
بينما الأهم هو كيف تعيش
تحياتي و شكرا لمرورك

 

[❤️كلي أمل❤️]

السلام عليكم
مشكوورة مريومة على موضوع وتوحشناك وين غايبة علينا
انا بالنسبة ليا تجيني حاجة عادية اذا قلت عمري مانحسهاش حاجة تحشم باش نخبي عمري
ولي تحشم بعمرها هاذك مرض عافنا الله واياكن هههه
مشكووورة مرة ثانية حبوبتي

 

[rafid2]

ايه نعم هي عقدة النساء فقط
لأسباب منها ماذكرت
و منها التفكير الرقمي بحيث تربط سعادتها و نجاحها و جمالها يعمر معين و ان تجاوزته فهي نحو التراجع
و هذا تفكير رجعي متخلف و أكثر تخلفا منه من زرعه في عقلها
بينما الأهم هو كيف تعيش
تحياتي و شكرا لمرورك

المهم كيف نعيش
تذكرت قصة مع انشتاين
سالوه لما تستعمل نفس الصابونة لغسل وجهك وغسل ملابسك
فرد عليهم الحياة بسيطة جدا لما نعقدها
الحياة بسيطة جدا لما نعيشها بالتعقيد

 

[Autumn leaves]

أعتقد الرجل له يد في الموضوع
عندنا اذا وصلت ٤٠ بدأ زوجها يهددها بالزواج من صغيره..
.........
لكن فعليا ،، الموضوع مرتبط بالمظهر ،،
مع إن التقدم في السن يعطي صفة الحكمة والرزانة التي هي أفضل بكثير من المظهر الخارجي
الناس عقول سبحان الله ،،

و نعم ،، الحياة لا تستحق الوقوف عند متاعبها كثيرا..
ارضي ربك واهتم بشئونك ولا تتدخل فيما لا يعني
تكن فيها سيدا..
..
شكرا لك

 

[وۣۗهۣۗہۣۗم]

السلام عليكم....
من وجهة نظرى نسوف انوو لكل عمر حاجة خاصة تميزوو
ولكل سن حلاوتوو
يعنى سيء عادى التقدم في العمر
بالعكس كل سنة تزيد تخلينانعرفوو اشياء جديدة وربما تكون ممتعة اكثر
من جيهتى معنديش مشكلة مع اللىيسقسو على سن ديالى خاطر كامل نجيهم نقرا فسيام نبانلهم مزلت صغيرة والاغلبيةنخليهم في هبالهم
منورة غاليتى
​

 

[rafid2]

أعتقد الرجل له يد في الموضوع
عندنا اذا وصلت ٤٠ بدأ زوجها يهددها بالزواج من صغيره..
.........
لكن فعليا ،، الموضوع مرتبط بالمظهر ،،
مع إن التقدم في السن يعطي صفة الحكمة والرزانة التي هي أفضل بكثير من المظهر الخارجي
الناس عقول سبحان الله ،،

و نعم ،، الحياة لا تستحق الوقوف عند متاعبها كثيرا..
ارضي ربك واهتم بشئونك ولا تتدخل فيما لا يعني
تكن فيها سيدا..
..
شكرا لك

نجن بريءون ولايد لنا في الموضوع هههههههه امزح
مجتمعنا العربي بصفة عامة اختلفت فيه الموازين وعششت فيه الفوبيا ولا احد يعرف السبب
ربما خوف المرأة من عامل السن تتقاسمه كل النساء بل الاكيد من ذالك لكن ماهو الحل سيما ان عرفنا ان هذه الفوبيا موجودة حتى عند المتزوجات

 

[rafid2]

السلام عليكم....
من وجهة نظرى نسوف انوو لكل عمر حاجة خاصة تميزوو
ولكل سن حلاوتوو
يعنى سيء عادى التقدم في العمر
بالعكس كل سنة تزيد تخلينانعرفوو اشياء جديدة وربما تكون ممتعة اكثر
من جيهتى معنديش مشكلة مع اللىيسقسو على سن ديالى خاطر كامل نجيهم نقرا فسيام نبانلهم مزلت صغيرة والاغلبيةنخليهم في هبالهم
منورة غاليتى
​

لكل زمن مميزاته كما قلتي
من تقتنع بذالك؟

 

[الامين محمد]

حبيت نكون اول من يعتمد موضوع خالتي مريم
والله اشتقت لمواضيعك في هذ الركن اتذكر لما وليت للمنتدى بعد غياب مواضيعك هي الي خلاتني نكمل سيرتو موضوع اعمار أعضاء المنتدى
واهلا بعودتك من نهار قرصاتك العقرب ما وليتيش تشاركي شغل طلقت فيك السم بصح اناي ما تتصنتيش يخي قلتلك هذاك الصباط لحمر الي تقطعلك ذاك العام ما تزيديش تلبسيه
احجز مكان ولي عودة للرد

ديجا راك خطيتها هنا كيف خالتي مريم ماهيش هدرة هاذي علاه راه عندها 77 سنة هههههههههههه
ـــــــــــــــــــــــــــــــــــــــــــــــــــ
نرجع للموضوع اختي مريم فكرتيني بأغنية نعيمة دزيرية مازالني على ديداني مازالني ههههههههههههه
الحقيقة مجتمع تاعنا يعقد صح و الناس تعلمت تدخل روحها في ملا يعنيها
واش دخلهم في الكبيرة اذا تهلات في روحها او الصغيرة اذا سمحت في روحها
فمن حسن اسلام المرء تركه مالا يعنيه
خصوصا اهل القرى راهم يحشروا نوفهم اكثر مما تتخيلوا و المآمرات تحاك ليلا و نهارا
و يعيبون الخاطب حتى يكره خطيبته راهي كبيرة طراهي صغيرة راهي صفرة راهي كحلة
راهي سمينة راهي رقيقة
واش دخلكم اذا السيد عجباتوا الله المستعان
احسن حل انه الانسان ما يعمر راسه بالناس و يقتنع بنفسه و يعجب بنفسه و يرضي ربي
لأنها في الاخير دنيا تاع زوال و الفائز من يفوز برضى الرحماان

 

[ناصر dz]

اى النساء فقط تبغى تخفى عمرها الحقيقى
مرة قريبة لنا راحت الطبيب مع ولدها ولدها عمرة 50 سنة
سئلها الطبيب كم عمرك منشان يدون فى الاوراق
قالت 45 سنه اصغر من ولدها ضحك الطبيب والولد هههههههههههه
قالت وش فيكم ترى انا تزوجت صغيرة هههههههههههه

 

[rafid2]

ديجا راك خطيتها هنا كيف خالتي مريم ماهيش هدرة هاذي علاه راه عندها 77 سنة هههههههههههه
ـــــــــــــــــــــــــــــــــــــــــــــــــــ
نرجع للموضوع اختي مريم فكرتيني بأغنية نعيمة دزيرية مازالني على ديداني مازالني ههههههههههههه
الحقيقة مجتمع تاعنا يعقد صح و الناس تعلمت تدخل روحها في ملا يعنيها
واش دخلهم في الكبيرة اذا تهلات في روحها او الصغيرة اذا سمحت في روحها
فمن حسن اسلام المرء تركه مالا يعنيه
خصوصا اهل القرى راهم يحشروا نوفهم اكثر مما تتخيلوا و المآمرات تحاك ليلا و نهارا
و يعيبون الخاطب حتى يكره خطيبته راهي كبيرة طراهي صغيرة راهي صفرة راهي كحلة
راهي سمينة راهي رقيقة
واش دخلكم اذا السيد عجباتوا الله المستعان
احسن حل انه الانسان ما يعمر راسه بالناس و يقتنع بنفسه و يعجب بنفسه و يرضي ربي
لأنها في الاخير دنيا تاع زوال و الفائز من يفوز برضى الرحماان

طبقوا نظريتي لاتجعلوا من المجتمع معيارا يوجهنا في سلوكنا
مجتمعنا للاسف الشديد يعرف غير ينتقد لو سألته لما هذا لم يعجبك لايرد عليك المهم هو ينتقد وخلاص
ربي يصلحنا

 

[طموحة]

السلام عليكم و رحمة الله و بركاته
الموضوع فيه لمسة حيوية يعطيك الصحة
أتفق مع شيماء لكل سن مميزاته سوء عند النساء ام عند الرجال
المهم الانسان يحسن الاستغلال لأنه سيسأل عن عمره
ربما الكثير يتحسر علي فترة الشباب لأن فترة تحصيل اكثر من غيرها فيحس الانسان ان بفواتها فاته الكثير (وهذا لا يعني أن من فاتته يقعد للتحسر بل يغتنم فيما بقي ) لهذا نري تعلق القلب بهاته المرحلة بعدها غالبا الانسان سيكون له مسؤوليات تشغله و سيكون حاله فيما بعدها بحسب ما اغتنم وقلتت غالبا لأنه كم من نموذج خالف الأمر
شخصيا هذا ما اخشاه ان يمضي العام من عمري و أنا لم احسن استغلاله اما الأمور الاخرى فصدقا لا تهمني ...
وكاين امر آخر الناس أحيانا تكبر علي قدر الاحتشام يعني تكوني دايرة جلباب يعني متزوجة اما الستار و النقاب فحدث و لا حرج ...و زد في الاعراس اذا لبست لباس محتشم مع خمار ...هه يعني الاحتشام مقتصر علي الكبيرات والله عجب بل العكس الاصل ان الصغيرات اشد احتشاما وحياء
بارك الله فيك علي الموضوع حبيبتي

 

[Malika Tlm]

مساء الفل
والله عقلية فاسدة واسم فيها تقول السن ديالها ياخي حالة
الله يعطيهم العقل
شكرا علي الموضوع

 

[Autumn leaves]

نجن بريءون ولايد لنا في الموضوع هههههههه امزح
مجتمعنا العربي بصفة عامة اختلفت فيه الموازين وعششت فيه الفوبيا ولا احد يعرف السبب
ربما خوف المرأة من عامل السن تتقاسمه كل النساء بل الاكيد من ذالك لكن ماهو الحل سيما ان عرفنا ان هذه الفوبيا موجودة حتى عند المتزوجات

لم أقصد الجميع ،،
اي المتزوجات اكثر المصابين بالفوبيا
الحل إعادة صيانة للعقل ..
..
شخصيا لا اهتم بهكذا أمور ،،
هذه سنة الحياة ..
سارية على جميع المخلوقات

 

[عبدالرؤوف]

السلام عليكم ورحمة الله وبركاته.

هي ثقافة مزروعة بغير نواة يمكن تجنبها
بجواب سهل تحتاجه النفس


هل ان خبأت عدد ما فات من عمري
لا اكبر؟

بمعنى سنكبر ان طال العمر لا محالة
فلنختصر المسافة المتعبة ونعيش الواقع دون التفات لهكذا امور سطحية.

هذا الامر من مواريث الاراء التي اصبحت كأنها ثقافة وهي ليست بذلك
.
انت شاب ما دمت تمنح وتأخذ

ما فائدة ان تكون شابا في عز قوتك
ولا عطاء ولا منح.


للاسف اصبحنا نتعايش مع الشكليات ونحتكم اليها كانها هي الاسس الصحيحة وما كان ذلك الا بعد ذبول الهمم.

 

[sami44]

هههههه معلاباليش لاه تيماجيني صباط أحمر
هذاك صباط رمادي
العقرب متفكرنيش ربي يباعدهم علينا
هاني وليت الكتابة امطرو بالتعليقات برك و متنساوش تخلصوني 1000 الف فليكسي فالشهر
و عندكم ثلث شهر مخلصتونيش بالاك تحسبو ني ناسية

غبت عليكم يومين راكم دايرين زردة هنااااا
لا لا كي نتفكر الصباط تاعك نتفكر الغنية قولو على مرت عمر لابسة صباط حمر مانيش عارف علاش
عندك موضوع في ثلث اشهر وتحوسي على الفليكسي نورمالمون انتي تخلصي الفليكسي
انا مانيش طماع نحسبلك 10 دينار للتعليق برك
وبالنسبة لموضوعك الباهي
السن كما نعلم موش حاجه عيب لكن هناك عقده عند النساء خاصة وهذ العقده اكيد عندها اسباب ماشي هكا برك
كامل يحبو يبانو صغار كاين الي عمرها 30 وتسقسيها تقولك عندي سمانه ملي حبست البيبرون وكاين الي تقولك عمري 20 وهي تجوز فالدكتوره ما عرفتش كيفاش

وكامل نعرفو الاسباب ولو انو هذي حرية شخصية
والعكس عند الرجال كامل يحبو يبانو كبار زعما حسبالهم الكبير هو العاقل وهو الي يتقادر
ومكلش منها صح سن الاربعين هو السن الي يتزن في العقل لكن هناك اطفال بعقل كبار
الي تعجبني كامل زعما واحد عمرو 22 سنه وكي نجمع معاه يقولي حنا كنا بكري نديرو هك
مخي يدير ايرور ونولي نجري باش ندير فورماطاج تقولي من جيل الثوره وهو زايد فالالفينات
هذ تاني تعليق وابداي تحسبي نسالك الفين

 

[sami44]

مساء الفل
والله عقلية فاسدة واسم فيها تقول السن ديالها ياخي حالة
الله يعطيهم العقل
شكرا علي الموضوع

اكديلي على عقليه فاسده
وشاهد شاهد من اهلها
انا ما نكذبش عليك ما نامنش لما تقولي وحده ولا واحد نقرى فالسيام ونشك ندوموندي لاكارت ناسيونال ميم يحلفلي ما نامنش
سيرتو كيما خويا @الامين محمد كنت حاسبو صغير عليا ضهر من نتاج جدي انخلعت
والي قالتلهم ارقدو خالتي مريم