العدد الأول من سلسلة عمالقة من هاداك الزمان!

[السلطانة]

كيف مااعلننا عن السلسلة

سلسلة عمالقة من هاداك الزمان!

ان شاءالله راكم كامل بخير وعافية حبيت نطرح فكرة... وهي اعادة احياء مواضيع قديمة لأعضاء قدم كانوا معانا هنا في اللمة وغابوا أعضاء كانوا معانا كيما أنتم اليوم وأخذتهم ظروف الحياة.... كانوا يكتبوا.. يضحكوا.. ينصحوا... يعملو ا جو في هذا المكان.... انتظرونا مع أول عدد من عمالقة واش راك...

www.4algeria.com

لي الهدف منها التعرف على أعضاء قدامى في المنتدى
ووضع مواضيعم لي نحاولو نعالجوهم حنا بمنظورنا الخاص
يعني كل مرة راح نجبدلكم عضو من عمق الارشيف
وانتم تتفاعلوا معاه وتقدموا ردودكم
صاحب افضل رد يتحصل على وسام

أول موضوع اخترناه هو للاخ
Mr mino@

عضو كان معروف ونشيط في زماناتو ان شاء الله يكون بخير
الموضوع تمت كتابته في سنة 2010
يعني عندو 10 سنين الله يبارك

بسم الله الرحمن الرحيم


sـــلام عليــcom


التريسيتي مكاشو ايا تبردوا بالبرادة تع جداتي

اتبرد وفوت لخوك يتبرد

( الموضوع اللي فات جبتلكم كليماتيزار غلقوه

ايا تبردوا بهذي باش يبقى مفتوح )


هااااااااااااااااااااو كي راكم ؟؟؟

واش حوالكم وواش حوال خاوتكم وخياتكم وجيرانكم

وجراتكم ( جارتكم فطيمة بيانسير )


راهي حاكمتني وحد لافاشلاز من السخانة بالسيف

اللي راني نكتب لويكتا لويكتا هذي السخانة ها

رانا ذبنا بن عميييييييييي .


المهم ديما كيما العادة والعوايد والمواضيع

اللي بلا فوائد

علبالي العنوان تع الموضوع لا علاقة بمحتوى الموضوع

ليوم بغيت نسقسيكم وحد

المسقسيات صغار برك بغيت نعرف رايكم هذا مكان

وكيما تقول جريدة الكذب

" راينا صواب يحتمل الخطا ورايكم خطا يحتمل الصواب "



انا راح نسقسي الاعضاء الذكور سؤال وبغيت نشوف

رايهم فيه

ايماجيني يا خويا العضو لفحل الزين الطويل

لعريض انو كتبلك ربي وتزوجت ودارت دار وتاويل

والحمد لله ايا وزيد الوالدة تاعك ساكنة عندك

وهذا بيانسير واجب عليك ماشي واجب فرض عليك

ايا مالا وحد النهار جيت داخل لقيت امك تبكي

( مسكينة مانرف شا صرالها )

سقسيتها شا كاين مابغاتش تقول المهم انت لصقت

فيها كيما يلصق الاعمى في الصحيح ( بن عمييييييييييي شحال يلصق تقول كولا )

بالسيف قاتلك شا بكاها ونفرضوا قاتلك

" مرتك فلانة قاتلي كرهنا وانت ساكنة عدنا كون

غير نتهناوا منك كاش نهار يخي حالة يخي "


ايا في هذا الوقت واش راح تدير ؟؟؟

نفرضوا راك خرجت ديراكت رايح لمرتك وفي طريقك

لقيت مونش تع بالي

واش راح تدير بيه ؟ ( اوكازيو هذا المونش جات خدمتو ليوم )


انا شخصيا كلش كلش غير دموع اما

انا مراحش نقلكم واش راح ندير للمرا لانو لوكان

نقول خايف يقراوه بنات العالم ووحدا ماتقبل

تزوج بياممبعد تقلك مينو يجي النهار ويقتلني


معليش


التزموا اقصى اليمين



ضروك نروحوا للعضوات الباهيات الزينات الشابات

بلا ماكياج الله يحفظهم

ايماجيني يا لالة العضوة بلي تزوجتي ولات عندك

دار ودوار وراجل ولاد ايا وحد النهار جات ليك

ماماك ايا وانت قاعدة معاها جا داخل الراجل

تاعك ايا وكي دخل عقب ديراكت للكوزينة بويسكو

كان رافد رطل بطاطة ( بن عمييييييي ياكلو غير لفريت )

ايا كي دخلتي عنده للكوزينة قالك شكون جا عندنا

ايا قلتيلو انت جات عدنا اما

ايا كي قلتيلو هو قال

" افففففففففففففف هذي امك كل يوم عدنا تقعد في

دارها شويا يخي حالة يخي "

وخرج منارفي مارجعش حتى لعشية وكي رجع اول كلمة

قالهالك

" واش روحت امك ؟؟ "


ايا خيتي العضوة واش راح يكون الموقف تاعك في

الامم المتحدة ؟؟؟ ( انتم مراح نمدولكم ني مونش ني والو عيب لمرا تضرب الراجل )


هذو الامور اللي قلتهملكم توقعوا رواحكم تطيحوا

فيهم لانو منا وغادي اتوقع كلش



المهم انا عن نفسي ومن اعماق اعماق قلبي ومن

اعماق البحر الميت نتمنالكم ماتطيحوش في هذوا

المواقف وان شاء الله الراجل تعيش عنده امه معززة

مكرمة وان شاء الله ماتدورش بيه نسيبتو خلاص ماتجي

لدارو ما والو وان شاء الله نتمنى لخياتي العضوات

حياةسعيدة وراجل يحققلكم امانيكم ان شاء الله

( هذي صعيبة مانعرف الا تتحقق )




صاي نورمالمو خلاص الموضوع


مالا انا نقلكم





تربحوا




في انتظار ارائكم وتعليقاتكم

​

 

[السلطانة]

اولا نحيي الاخ

@Mr mino@

عساه يكون بخير عندو وقت مادخل للمنتدى

نرجع للموضوع

ادا جات امي وثقلها راجلي اكيد ماش حنسكت ونكبرهالو هههه
وندير مشكل كبييييييييييييييييير عرييييييييييييض طوييييل
لكان انا نقوملو بامو وعايشة معاها ...وهو تجي يما تبات ليلة
يتغشش ابدا موش ممكن ابد ابدا
صراحة نحتقر الراجل لي يطيح بنسابو ويحقرهم
كاين بزاف رجال في مجتمعنا هاك
وين وصلت حتى كاين لي مانع زيارتهم لمرتو
بمشاكل ولا بلاهم
كيف ماانت تحب امك تجي تزورك وتبات انا تاني نحب يما تجيني ونقوم بيها ونحطها فوق العين والراس
المرأة تاني لي تعمل هك مهيش مرا
ولي تبدى تمعني لعجوزتها باه تروح
حتى وتكون شر
ميحقلهاش تسحتها من الدار
لانو ولدها بيناتهم
القدر مطلوب في جميع الحالات

تحياتي للجميع ​

 

[وۣۗهۣۗہۣۗم]

السلام عليكم.....
ههههههههه ختيتو المرة جاية صونى مليح هههه ساكنة بعيد على الباب المهم منورة زينة تاع االلمة
ايااا لوكان جيت انا في بلاصت ديك المرة ممكن جدااا جداا نضربووو بالمقلة للوجه نخسرلووو الخاريطة تاع وجهووو الللى ميحشمش هههههههه هدا احتمال الاول احتمال ثانى نصبر شوىنخليه يخرج ونعطى لما ذاك الرطل تاع بطاطا ونخليه للجوع واحد سمانة بلاك يتريغل لسانووو .
جارى التفكير في احتمالات جديدة

 

[أم أُنٌَيسة]

وعليكم السلام ورحمة الله وبركاته
ياااه على خويا مينو المهبول .. وحشت شكرا زنجبيلا ديالو هههههههههههههه
لي عودة باذن الله

 

[Hakan]

السلام عليكم امي تبكيها طفلة صغيرة .. جامي صرات مقاتلة امي تحكمها هي وحدها بهذاك المونش تاع البالي وتعطيها طريحة خخخخخ..
الله لا يبلينا صراحة هو بحكم الرجل يحكم بالمنطق النساء هذو دموعهم مافيهمش لامان واش هو كل راجل يعرف امو ويعرف كيفاش العقلية تاعها بحكم معرفتي بامي انسانة تسمح في حقها يعني ديراكت للزوجة تاعي الحق ما نضربهاش بيسك انا ضرب تاعي قبيح كابابل تروح تحت يدي واش هو تاع صح ما نعرفش واش ندير مي ريزيلتا باينة بلي ماهيش رايحة تقعد في دار ساعة وحدة بعد ما نشوف دموع امي كي ندير الفصل بيناتهم نروح لدار الزوجة تاعي مع باباها ولا خوها نفهم واش صرى كاين القرآن تحلف فيه اذا صح الأم تاعي افترات عليها واذا قالت ايه ثم نتلاقاو في المحكمة.. تدي حقها والله ويكونو عشر اولاد معاها...
حتى و علابالي ومتأكد مليار في المئة مستحيل امي تقبل نطلق مرتي وانا ثاني متأكد مستحيل نخلي وحدة اسائت لأمي ظلما وعدوانا.. فهذيك المرحلة مانكون ضربت بنت ناس بمونش بالي ما نكون خليت حق ميمتي والزوجة نوكل عليها ربي بيسك العقاب تاعوا افضل وأحسن... وربي لا يطيحنا في هكذا مواقف ان شاء الله نتزوج بوحدة لي كي ننسى نشري لأمي حاجة تعطيني طريحة ولا كي ندير للزوجة تاعي حاجة مش مليحة تعطيني امي طريحة والسلام .

 

[Skor m@k]

السلام عليكم
هاه اوموا نتفكرو يمات زمان

اما على الموضوع وهو هذا الموقف اي واحد يقدر يطيح فيه من الجانبين ماشي غير تاع الرجال حتى النسا فيهم مايكفيهم هههههه
المهم هو صح موقف واعر وسورتو الى كنت عيان وكاره ومديڨوتي وبعض الحالات الاخرى هههه
ولا زعما كنت فوهة بركان من جيهت الزوجة قادر تنهيدة تاعها تتلاح عليها ماشي بمونش بالي برك ههههه
بصح هي في الاصل لازم تكون كالم مع هذو المواقف وماتستعجلش
خاطرش شغالات النسا بيناتهم واعرا ههههه
كيما قادرا تكون يماك غالطا كيما تقدر تكون الزوجة غالطة
وعن نفسي مانحبش هذيك العبارة تاع مع الام ظالمة ولا مظلومة لالا ياختي
حتى الزوجة خلات دارهم والامان تاع والديها وجات لعندك مش ساهل
كي يكون الحق لازم نمشو معاه ونشوفو لي غالط
في هذو الامور خاصة لازم الواحد مايتسرعش ديما يخلي الوقت لروحه
خاطرش اسهل حاجة هي الضرب
وربي يعافينا ان شاء الله
اواه الزواج نعرفلو انا خصت لمرا برك
صحيتي ختي السلطانة رجعتينا شويا حيوية ههههه​

 

[ضآحكة مستبشرة]

السلام عليكم ورحمه الله تعالى وبركاته
شكرا حبيبتي على إعادة احياء المواضيع القديمة
لي عودة لانو مضمون الموضوع مشيق هههه
يعطيك الصحة شوشو

 

[السلطانة]

السلام عليكم.....
ههههههههه ختيتو المرة جاية صونى مليح هههه ساكنة بعيد على الباب المهم منورة زينة تاع االلمة
ايااا لوكان جيت انا في بلاصت ديك المرة ممكن جدااا جداا نضربووو بالمقلة للوجه نخسرلووو الخاريطة تاع وجهووو الللى ميحشمش هههههههه هدا احتمال الاول احتمال ثانى نصبر شوىنخليه يخرج ونعطى لما ذاك الرطل تاع بطاطا ونخليه للجوع واحد سمانة بلاك يتريغل لسانووو .
جارى التفكير في احتمالات جديدة

اهلا وسهلا ههههه المرةالجاية نكسر الباب هههه
النور نوركم اختي
ههه ايا مليح راكي فكرتي في حلول مليحة بزاف هههه كي كان يفكر يبطل يفكر كامل
منورة

 

[السلطانة]

وعليكم السلام ورحمة الله وبركاته
ياااه على خويا مينو المهبول .. وحشت شكرا زنجبيلا ديالو هههههههههههههه
لي عودة باذن الله

ههههههههههه فكرتيني في مقولتو المشهورة ههههههههههه
في انتظارك

 

[السلطانة]

السلام عليكم امي تبكيها طفلة صغيرة .. جامي صرات مقاتلة امي تحكمها هي وحدها بهذاك المونش تاع البالي وتعطيها طريحة خخخخخ..
الله لا يبلينا صراحة هو بحكم الرجل يحكم بالمنطق النساء هذو دموعهم مافيهمش لامان واش هو كل راجل يعرف امو ويعرف كيفاش العقلية تاعها بحكم معرفتي بامي انسانة تسمح في حقها يعني ديراكت للزوجة تاعي الحق ما نضربهاش بيسك انا ضرب تاعي قبيح كابابل تروح تحت يدي واش هو تاع صح ما نعرفش واش ندير مي ريزيلتا باينة بلي ماهيش رايحة تقعد في دار ساعة وحدة بعد ما نشوف دموع امي كي ندير الفصل بيناتهم نروح لدار الزوجة تاعي مع باباها ولا خوها نفهم واش صرى كاين القرآن تحلف فيه اذا صح الأم تاعي افترات عليها واذا قالت ايه ثم نتلاقاو في المحكمة.. تدي حقها والله ويكونو عشر اولاد معاها...
حتى و علابالي ومتأكد مليار في المئة مستحيل امي تقبل نطلق مرتي وانا ثاني متأكد مستحيل نخلي وحدة اسائت لأمي ظلما وعدوانا.. فهذيك المرحلة مانكون ضربت بنت ناس بمونش بالي ما نكون خليت حق ميمتي والزوجة نوكل عليها ربي بيسك العقاب تاعوا افضل وأحسن... وربي لا يطيحنا في هكذا مواقف ان شاء الله نتزوج بوحدة لي كي ننسى نشري لأمي حاجة تعطيني طريحة ولا كي ندير للزوجة تاعي حاجة مش مليحة تعطيني امي طريحة والسلام .

اهلا وسهلا ههههههههههههه ضحكتني بطفلة صغيرة خخخخخ
صح تاني الراجل لازمو يثبت ويحكم بالعدل مالغري كاين مرات الخرطي قادر يخسر كلش وين هو يميل لطرف ويخلي الطرف الاخر وتنوض الحرب العالمية ههه
الله لايوصلنا لدي المواصل يارب
وان شاء الله ربي يحفظلك خالتي الوالدة الطيبة
هههههههههههههه بصح قتلتي بالحل هادا هههههههه راهي مبقاتش كامل تتحرك
ان شاءالله ربي يرزقك بنت لحلال
العقالة والرزانة
مشكور لمشاركتنا

 

[السلطانة]

السلام عليكم
هاه اوموا نتفكرو يمات زمان
وعليكم السلام
اهلا وسهلا هههههههه
2010 ايامات ام درمان منين كنا دراري نقتلو هههههههههه

اما على الموضوع وهو هذا الموقف اي واحد يقدر يطيح فيه من الجانبين ماشي غير تاع الرجال حتى النسا فيهم مايكفيهم هههههه
المهم هو صح موقف واعر وسورتو الى كنت عيان وكاره ومديڨوتي وبعض الحالات الاخرى هههه
وقادر الزوج يجي مروح تعبان للسع مخو مبلوكي تتلاح ليه الزوجة بحكاية تاع نسا ميفهم والو هههههه
بلاشي هادي الحكاية تاع الموضوع
ولا زعما كنت فوهة بركان من جيهت الزوجة قادر تنهيدة تاعها تتلاح عليها ماشي بمونش بالي برك ههههه
عالغش والدمار هههههههههههههه واش داني نزوج واش درت لعمري انا
بصح هي في الاصل لازم تكون كالم مع هذو المواقف وماتستعجلش
خاطرش شغالات النسا بيناتهم واعرا ههههه
كيما قادرا تكون يماك غالطا كيما تقدر تكون الزوجة غالطة
ايه صح وباه الواحد يفهم هاد الحكايات لازم يفهم من الطرفين
صراتلي شحال من مرة هههه
وعن نفسي مانحبش هذيك العبارة تاع مع الام ظالمة ولا مظلومة لالا ياختي
حتى الزوجة خلات دارهم والامان تاع والديها وجات لعندك مش ساهل
كي يكون الحق لازم نمشو معاه ونشوفو لي غالط
في هذو الامور خاصة لازم الواحد مايتسرعش ديما يخلي الوقت لروحه
خاطرش اسهل حاجة هي الضرب
وربي يعافينا ان شاء الله
التسرع ماش مليح ديما الزوج مسكين تجي فيه هههههه
كون يجري يحامي على مرتو يقولو اووو سحراتو ههههههههههههههه وكون يجري يحامي على امو يقولو اووو ولد امو هههه
الواحد يشد الوسط وياربي وتاني حسب الموقف لي يكون

اواه الزواج نعرفلو انا خصت لمرا برك
صحيتي ختي السلطانة رجعتينا شويا حيوية ههههه​

ربي يرزقك الزوجة الصالحة يارب
ومشكور للابداء برايك
توحشنا هاد الركن هههه بنة اللمة

 

[السلطانة]

السلام عليكم ورحمه الله تعالى وبركاته
شكرا حبيبتي على إعادة احياء المواضيع القديمة
لي عودة لانو مضمون الموضوع مشيق هههه
يعطيك الصحة شوشو

في انتظارك حبيبتي ههه

 

[السلطانة]

@ماغيكاي تشان
@ضآحكة مستبشرة

في انتظار عودتكما

قبل اغلاق الموضوع ووضع عدد ثان

 

[أم أُنٌَيسة]

للاسف، راني بليدوني.. الويفي لا يعمل بسبب الاصلاحات او لا ادري ماذا
والهاتف يبلوكي هبلني

 

[آمِيْرَتُه]

السلام عليك
طريقة طرحه للموضوع ضحك ههه إن شاء الله يكون بخير
المهم إذا صرات هي الحكاية لقدر الله ياو راحت عليه ههههه الدار نقلبها مع أن على بالي جامي تصرا
حاجة لتقلقني سواء عند الراجل أو المرأة احتقارهم للوالدين سواء النسيبة أو العجوز كما تبغي أنت أمك تجي عندك هو تاني أمه تجي عنده والعكس صحيح مننسوش ربي ونبي وصاونا على البر بالوالدين و كامل عندهم حق عندنا و هنا راح ندخلو في قطع صلة الرحم
نتمنى من زيدوش نشوفو هي الظاهرة اا قعدت عندك النسيبة يومين أو عجوزتك يومين مغاديش تقوم القيامة
ربي يهدي النفوس وشكرا على اعادة احياء الموضوع

 

[ناصر dz]

موضوع جميل رغم مرور كل هالسنين

 

[ضآحكة مستبشرة]

السلام عليكم ورحمه الله تعالى وبركاته
عدت من جديد
اولا أحيي هذا الأخ من هذا المنبر و مع أنو مضت سنوات كثيرة على هذا الموضوع لكن رانا نشوفوه يوميا في واقعنا و مثل هذه الحوادث حتى و إن جرى عليها الزمن ستبقى عادة يومية الله المستعان

ههههه زعما بعيد الشر بعيد الشر لوكان تصرا
اولا لا أتمنى أنو هذا الشيء يحدث لانو رح يسبب مشكل كبير بين الزوجين و يحدث تنافر
و المسلم مهما كان يجب عليه يحترم غيرو و لا يلحق الضرر بالآخرين و أم الزوجة هي شخص لا يمكن المساس به
لكن لا قدر الله في حال ما إذا وقع هذا الشيء و كلي يقين انو زوجي المستقبلي هههه ميديرش هذا الأمر و لكن اكيد رح نزعف و نبعد عليه وفق ما جاء في الشرع يعني كتأديب لهذه الفعلة
و نحاول لما تهدأ الأمور نحكي معاه بهدوء و نذكرو بفضل الوالدين و عظمة هذه النعمة
و انو مثل ما انا نعتبر يماه هي يما هو أيضا نفس الشيء
اذا كان سمعت بالموضوع لازم يطلب منها السماح و اذا مسمعتش افضل
والله تعالى أعلى وأعلم عن ردة فعلي في تلك اللحظة
لكن نحاول قدر المستطاع أني نحل المشكل بهدوء مشي نزيد نشعل النار
منفتحش باب للشيطان

 

[الامين محمد]

تتغير كل الاحوال و الحالات و هذا الامر باق على حاله
سبحان الله ناقشه السابقون نناقشه نحن الآن و سيناقشه اللاحقون

لست اعلم اختي السلطانة
هل اناقشه حسب واقعي ام حسب واقع الناس و في العموم

 

[السلطانة]

الفائز في هذا العدد هو الاخ @Hakan

يتحصل معنا على الوسام



انتظرونا مع العدد الثاني

لهذه السلسلة التي توقفت بسبب كورونا حينها