يوميات هارب من الكورونا😳😳😞

[sami44]

السلام عليكم
ان شاء الله كامل راكم بخير

عندي مده ما درتش موضوع في هذ الركن والله توحشت احاديثكم ودردشاتكم
ابعدتنا هموم الحياه ومشاكلها عن لقاؤكم

المهم كيما تعرفو الجو راه مكهرب والحاله ماهيش تعجب كامل هذ الاايام مع تزايد الاصابات بفيسروس كورونا

تبدل كلش يا جماعه بين يوم وليله ولينا نعيشو معيشه غير الي كنا نعيشوها

رانا كيما الاخوه الأعداء باتم معنى الكلمه اما صله ابرحم ما نحكيلكمش تنسات كامل

المهم الصباح بكرت كالعاده رايح للخدمه بعد اخذ كل الاحتياطات اغسل مليح نقي صباطك انفض حوايجك اشرب الماء بزاف المهم خدمه كبيره هذي قبل ما نخرج من الدار
وصلت للمقهى دخلت لقيت الكراسى رفدوهم قالك باش الغاشي ما يتجمعوش ايا قلت نورمال حتى انا مانيش موالف نقعد ندي قهوتي ونروح
المهن القهوه فكرتني فافلام الواسترن


وصلت للكونتوار القهواجي قالي اقعد بعيد دك نمدلك خلعني قلتلو معليش زير ملرح برك

وكانو زوج قاعدين يستناو هذا يخزر في هذا شغل يسكاني فيه

المهم اعطاتي قهوتي وقالي حط الصرف ما تمدليش فيدي
وكي رجعلي الصرف قالي قالونا ابقاو بعاد بمتر

المهم خرجت برا لقيت الغاشي هذا ييخزر فهذا
ومكاش حديث اخروغير الكورونا

رحت لاري تاع البيس نستنى ولاو يخزرو فيا وانا بلا كمامه حسيت روحي سارق حاجه
توسوست

المهم حبست البيس ولاو يركبو الروسوفير عند الباب ايا جماعه الي ما عندوش الكمامه ما يىكبش ما تتحمونيش
كناوحنا 3 بلا كمامه ما ركبناش

الفارماسي قريب رحت قلت بالاك نجيب وحده اموان نروح نخدم
دخلت لقيتو داير خط ااحمر قبل الكونتوار بمتر
قالي اقعد تم واش خصك والله حسبت روحي فالبلديه سنوات التسعينات

قلتلو اعطيني كمامه وجال مطهر قالي روح ولي العشيه ببالا يكونو كاين
اما الجال اعطاني وحده صغيره ب50 الف
رحت الكالكايري قلت بالتك نلقى وحده تاع خدمه قالي خلاصو واذا حبيت نبعثك لواحد صاحبي اهم عنرو قولو بعثني امين يعطيك وحده وب20 الف
خرجت وليت للدار لبست تريكو تاع كول ورجعت للبيس رغم السخانه تحملت الوضع واش نديرو

وصلت للخدمه على 11 ونص جا صاحب العمل عندي يشوف واش خصني يهدر بعيد عليا بزوج مترات خايف مني
قلتلو لازملك سلعه قالي نخليلك دراهم ولشري وحدك من بعد فهمت بلي ما حبش نركب معاه فالطوموبيل تاعو
الشعب توسوس الى درجه كبيره

ومن هذ الشي توسوست انا تاني
وصل الفطور الي نجي ناكلها نخاف رحتوللريسطورون دخلت وخرجت قلت واش يضمنلي الفايروس مكاش
زدت دخلت للقهوه قلت ناكل حبه قاطو من بعد بدلت رايي وواش ضمنلي الفايروس مكاش

يعني بقيت للجوع نهار كامل
والعشيه كي جيت مولي ففالبيس صرات الحلقه الثانيه من المسلسل
واش نحكيلكم
المهم رجعت اخيرا من رحله العذاب ووصلت للدار
طبطبت فالباب قالولي شكون
ععني بزاف ما سمعتهاش
قلتلهم ناصر حلو واش كاين
قالولي ما تنساش كي تدخل نحي صباطك عند الباب اهم قالو الفيسوس يلصق فالصباط
ونحي الفيستته وعلقها عند االباب لبراني
وسروالك تاني بارسكو قعدت فالبيس
ووحتى لحوايج الدخلانيين بارسكو لبست عليهم حوايج الخدمه
وجوز للدوش مباشره وقص ذفارك على هواك
او قصيتهم البارح برك
وبعد ما تدوش دير الجال في يديك
المهم سلكت العمليه على خير بعد عناء العمل
رحت نسلم على رراس ما كالعاده قالتلي ياولدي غسلت مليح قالو السلام ينقل المرض
حطولي القهوه فجوتابل ومغرف جوتابل
المهم شربت وخرجت
لقيت طفل صغير عمرو 4 سنوات يلعب فالتراب وشاد فيدو ليجون تاع بلاستيك قديمه يعض فيها بسنانو حبيت ننحيهالو بصح خفت الفيروس
ولما درت الكوراج وارميت يدي ولا يعيط سمع الجيران
وخوه الي كبير عليه حاكم كمامه قديمه دايرها على وجهو
تلاقيت مع باباه قبل ما نقولو شوف ولادك راهم يلعبو بالمرض
قالي اهم زلدو مرضو عشره اليوم
وقالي رد بالك تدير الكمامه فوق 4 ساعات مشي مليح
وليقون تاني اخدم بيهم وارميهم
ووالله عقلي ما حبش يستوعب الحاله الي وصلنا ليها
يعني علابالو المكامه تشد ربع سوايع لكن بعد هذ النده يعطيها لوليدو يلعب بيها
ميم ليجون
وهكا يعني دوره المرض هو يصنع فيها
الفيروس هارب وهو يرجع فيه

المهم ما نظولش عليكم
مت بعد ننحكيلكمعلى السميد والفرينه

انتوما كيفاش راهي الاوضاع عندكم؟؟؟
ولا غير حنا رانا هك

​

 

[ليليا مرام]

السلام عليكم خويا سامي حمد لله على سلامتك والوالدة واش أخبارها
والله يا خويا سامي جبتها فصواب كارثة لحقنا وقت بشرية تنفر من بعضاها قبيل يمى شافت عندي حمى قاتلي واقيل كورونا امشي للسبيطار لا تعدينا هذي الام غريب والله
اول نهار درت فيه كمامة وين نمشي يضحكو عليا استفزوني مع اني مريضة ولازم نديرها وماشي عيب نحمي روحي انا مناعتي ضعيفة بزاف تخيل خرجت لليبيطار نبدل باسمو ورجلي تكسرت يعني محال نبدل وحدي معاناة تنقل ما حبوش يخرجو للدار يبدلولي مبم بريفي وبدراهم وين تروح يقولك خليك بعيد عليا اما اذا عطست كارثة انا عطست فاستعحالات ياخا حوطو عليا بغاو يدوني حجر حتى دابزت معاهم كارثة والله ولينا كل واحد يشبه للفيروس وكي شغل انت شقء مقرف ناس لازم تبعد عليك زمن وصلنالو فيروس فرق العالم فرق الخاوة صلة رحم كان تلقف راهي ماتت جو حزن برا فالشوارع ربي يلطف بينا
كمامات بالمعارف شعال تعيا تشري انا ليوم والله ما لقيت وبزاف 12الف للوحدة ربع سوايع وارمي ربي يلطف بينا وينتا يخلاص هذا الكابوس
ربي يستركم ويسترنا

 

[البشير البشير]

أمر مؤسف ومحزن في ظلّ تفشّي هذا المرض ليزيد الطين بلّة عندما يتناحر الناس في ما بينهم
ولقد كنا نشاهد هذه الكوارث إلّا في الأفلام الزومبي وماشابها والأن صارت حقيقة مؤلمة في الواقع​

 

[sami44]

السلام عليكم خويا سامي حمد لله على سلامتك والوالدة واش أخبارها
والله يا خويا سامي جبتها فصواب كارثة لحقنا وقت بشرية تنفر من بعضاها قبيل يمى شافت عندي حمى قاتلي واقيل كورونا امشي للسبيطار لا تعدينا هذي الام غريب والله
اول نهار درت فيه كمامة وين نمشي يضحكو عليا استفزوني مع اني مريضة ولازم نديرها وماشي عيب نحمي روحي انا مناعتي ضعيفة بزاف تخيل خرجت لليبيطار نبدل باسمو ورجلي تكسرت يعني محال نبدل وحدي معاناة تنقل ما حبوش يخرجو للدار يبدلولي مبم بريفي وبدراهم وين تروح يقولك خليك بعيد عليا اما اذا عطست كارثة انا عطست فاستعحالات ياخا حوطو عليا بغاو يدوني حجر حتى دابزت معاهم كارثة والله ولينا كل واحد يشبه للفيروس وكي شغل انت شقء مقرف ناس لازم تبعد عليك زمن وصلنالو فيروس فرق العالم فرق الخاوة صلة رحم كان تلقف راهي ماتت جو حزن برا فالشوارع ربي يلطف بينا
كمامات بالمعارف شعال تعيا تشري انا ليوم والله ما لقيت وبزاف 12الف للوحدة ربع سوايع وارمي ربي يلطف بينا وينتا يخلاص هذا الكابوس
ربي يستركم ويسترنا

نقولو الحمد لله على كل حال انا والله ما كنت نليح مت قبل هذ الازمه وزادت
اما الوالده راهي شويه شويه تعرفر حاله الكبر
اه يا ليليا انت راكي وسط العاصفه علابالي وضعك صعيب بزاف نقص المناعه وزيد ارتفاع الحراره اممممم
ربي معاك
علاش ما تخيطيش كمامات فالدار اهي ساهله ونا تكلفش متره قماش مترات لاستيك وخيط وانت فريتيها الطريقه ساهله وماهيش مكلفه
والله غير عجب ولينا نهربو من بعضنا بعض لو كان تشوفي بنت خالتي جات من فرنسا عندها 20 يوم مكاش الي طل عليها ميم هي ما حاولتش تجي تطل حتى على يما الي هي خالتها رغم انها مريضه
وحد الوقت كي تجي فاكونص تضل عندنا تحب الوسع. وهذ المره والو
يعني رانا في حجر صحي غير معلن الله يجيب الخير
ربي يبارك فيك ويشافيك ويسهل امورك
لوجيتي قريبه منا نبعثولك الكمامات راكي تشوفي النقل وزادو حبسوه يعني يعزلونا كامل
اصبري وربي برحمتو

 

[sami44]

أمر مؤسف ومحزن في ظلّ تفشّي هذا المرض ليزيد الطين بلّة عندما يتناحر الناس في ما بينهم
ولقد كنا نشاهد هذه الكوارث إلّا في الأفلام الزومبي وماشابها والأن صارت حقيقة مؤلمة في الواقع​

والله غير تناحر كبير وتباعد رهيب ان صح التعبير الاخ راهو يهرب من خوه عندي خويا يخدم فبليده لما يجي مكاش الي يحكي معاه شغل جاي من بؤرة المرض للاسف
اما المضاربه عند التجار واش نحكيلك خليها لربي شعلو النار في خاوتهم
يعني وقت الشده اصبح فرصه للانتهازيين والطفيليين
ربي يجيب الخير وخلاص
اللهم اصرف عنا الداء وشر البلاء
بورك فيك خويا البشير

 

[البشير البشير]

والله غير تناحر كبير وتباعد رهيب ان صح التعبير الاخ راهو يهرب من خوه عندي خويا يخدم فبليده لما يجي مكاش الي يحكي معاه شغل جاي من بؤرة المرض للاسف
اما المضاربه عند التجار واش نحكيلك خليها لربي شعلو النار في خاوتهم
يعني وقت الشده اصبح فرصه للانتهازيين والطفيليين
ربي يجيب الخير وخلاص
اللهم اصرف عنا الداء وشر البلاء
بورك فيك خويا البشير

بارك الله فيك اخي العزيز، الحياة قصيرة ولا تساوي شيء، ونحن نرى بعض الأفراد يلهثون وراء وسخ الدنيا بلا رحمة ولا شفقة ضاربين بعرض الحيط ماذا يحدث أمامهم وهم يعلمون أنّ مصيرهم مثل بقية الذين أصابهم هذا البلاء، ماذا ستنفعهم هذه الأموال المسلوبة بغير وجه حق مقابل جرثومة لا ترى بالعين المجرّدة والتي ستنخر جسدهم ، وأرواحهم الخبيثة كيف تقابل خالقها، لانّ الله سبحانه وتعالى يُنزّل البلاء وينظر إلى مخلوقاته هل سيتضامنون...هل سيتلاحمون...هل يتقرّبون إليه بالدعاء وهو أعلم بهم قبل أن يخلق الكون.

 

[sami44]

بارك الله فيك اخي العزيز، الحياة قصيرة ولا تساوي شيء، ونحن نرى بعض الأفراد يلهثون وراء وسخ الدنيا بلا رحمة ولا شفقة ضاربين بعرض الحيط ماذا يحدث أمامهم وهم يعلمون أنّ مصيرهم مثل بقية الذين أصابهم هذا البلاء، ماذا ستنفعهم هذه الأموال المسلوبة بغير وجه حق مقابل جرثومة لا ترى بالعين المجرّدة والتي ستنخر جسدهم ، وأرواحهم الخبيثة كيف تقابل خالقها، لانّ الله سبحانه وتعالى يُنزّل البلاء وينظر إلى مخلوقاته هل سيتضامنون...هل سيتلاحمون...هل يتقرّبون إليه بالدعاء وهو أعلم بهم قبل أن يخلق الكون.

والله يا اخي امر عجيب مرات هذوالشعب يضربو بيه المثل فالتراحم والوحده ولما تشوف بعض السلوكيات
التي اضنها شاذه تقول خلاصت الرحمه من القلوب
وكما قلت لا يتفكرون في خلق الله ويستصغرون المر ويستهينون بالامر وينسون ان هذا جند من جنود الله
وما نراه في مواقع التولصل خير دليل

 

[السلطانة]

وعليكم السلام ورحمة الله وبركاته
الحمد لله اني عاودت شفتكم مرة اخرى اخي سامي.. ليليا.. البشير... حتى دخولي اليومين هاذو للمنتدئ ومنيش نشوف في ناسو زاد خوفني..
تطورت الاحداث بسرعة مخي عاد ميستوعبش واش يصرا
ربي يسترك ان شاءالله الشعب توسوس وزاد شوي
الزوج سافر لحضور جنازة وبات في البليدة والعاصمة منكذبش عليك توسوست منو وخفت علئ الاولاد وخاصة الرضيع قالي صار وليت نخوف!
كورونا دارلنا الرعب وعدم الراحة النفسية في حياتنل ومع احبابنا
عايلتي متقلقة من جيهة خويا متغرب بعيد.. القلب ماش هاني كامل
نديرو في الاحتياطات والستر من عند ربي سبحانو
ربي ينجينا ويرحمنا فهو ارحم الراحمين

 

[ليليا مرام]

نقولو الحمد لله على كل حال انا والله ما كنت نليح مت قبل هذ الازمه وزادت
اما الوالده راهي شويه شويه تعرفر حاله الكبر
اه يا ليليا انت راكي وسط العاصفه علابالي وضعك صعيب بزاف نقص المناعه وزيد ارتفاع الحراره اممممم
ربي معاك
علاش ما تخيطيش كمامات فالدار اهي ساهله ونا تكلفش متره قماش مترات لاستيك وخيط وانت فريتيها الطريقه ساهله وماهيش مكلفه
والله غير عجب ولينا نهربو من بعضنا بعض لو كان تشوفي بنت خالتي جات من فرنسا عندها 20 يوم مكاش الي طل عليها ميم هي ما حاولتش تجي تطل حتى على يما الي هي خالتها رغم انها مريضه
وحد الوقت كي تجي فاكونص تضل عندنا تحب الوسع. وهذ المره والو
يعني رانا في حجر صحي غير معلن الله يجيب الخير
ربي يبارك فيك ويشافيك ويسهل امورك
لوجيتي قريبه منا نبعثولك الكمامات راكي تشوفي النقل وزادو حبسوه يعني يعزلونا كامل
اصبري وربي برحمتو

اهلا خويا سامي ..ربي يشفي خالتي ويعافيها يا رب المرض ما عندوش عمر يا سامي ماجاتش لحالة الكبر رانا صغار وتهلكنا الحمد لله على كل حال وراه جا وباء هذا ما فرقش بين غني وفقير ولا صغير ولا كبير ربي يسترنا
ايه والله مشكلتي كبيرة انا من الاول ما نحنلش ونمرض بزاف وزيد مع مرض مارانيش نخرج مي مرات نضطر عااباسمو يخلاصلي دوا لازم نخرج بنفسي والحمى انا لازملي كل يومين او ثلاث نروح يديرولي سيروم ونولي ضرك قالولي ما تقدريش تجي حالة استنفار وتخافي على روحك ما لقيت كيفاه ندير
الكمامات وين نخيطهم ما عنديش ماشينة وقالولي بالقماش ما تنفعش قلت نسبب نتاع لانجات شفت فيديو قالهم ديرو لانجات اموا رخيصة وتكفي ونشري جال هذاك معليش
مي فيروس هذا اعطى دروس فاسابيع تحول العالم الى فراغ وحزن وموت وحبست مساجد اكثر شي وجعني والله يوم فرغت الكعبة شعال بكيت خفت بزاف قلت قربت الساعة وكي حبسو مساجد عندنا زعفت بزاف قلت علاه يخلو جوامع ناس تدعي والموت واحد ومن جعة نقول جامع يجوه غاشي تخيل كل واحد يرفد فيروس شعال يعدي ربي يغفرنا ويسامحنا
ودرس للاغنياء تصدقو عاونو ناس ديرو صدقات ربي يرفع البلاء علينا شوفو لخاوتكم مكدسين الدراهم تموتو كالجيفة لمن تخلوهم جا فيروس الموت ومش عادية لا جنازة لا اهل لا والو يا لطيف
ربي يبعد عليكم وعلينا ويسترنا ويعافينا يا رب ويا خاوة سماح بيناتنا هذي دنيا ما ندرو ويننا نتفارقو

 

[الامين محمد]

علاه راك مقلق روحك خويا ناصر
اطلب اللجوء السياسي في تيارت
كيما تحب في زعرورة و لا عندي مرحبا بيك
بصح رانا نحطوك في كاش واد حجر صحي 14 شهر اقصد 14 يوم ههههه
حتى نتأكدوا انك خاوي من الفيروس ههههه

أما انا فمتأكد ان الفيروس ناس ملاح و ما يفيسنيش
اصلا ماكاش بلاصة خاوية باش نرفده راني سورشارج
السكر و لاطونسو و القلب و الاعصاب و العينين ,,,,,
قالي الفيروس ماعندي ما نزيدك اللي فيك يكفيك
سلكت على خير ههههه

المهم حبيبي ناصر الفيروس راه يقتل خبرني برك وين راك مخبي الشكارة
تاع الدراهم و الله ما نديها حتى نسمع بلي الفيروس قضى عليك بعيد الشر طبعا هههههههه

و نوعدك نبنتر منها كاش جامع صدقة عليك و الباقي ندير بيه لي زافار هههههه
طبعا كلش صدقة عليك هههههه

 

[ليليا مرام]

وعليكم السلام ورحمة الله وبركاته
الحمد لله اني عاودت شفتكم مرة اخرى اخي سامي.. ليليا.. البشير... حتى دخولي اليومين هاذو للمنتدئ ومنيش نشوف في ناسو زاد خوفني..
تطورت الاحداث بسرعة مخي عاد ميستوعبش واش يصرا
ربي يسترك ان شاءالله الشعب توسوس وزاد شوي
الزوج سافر لحضور جنازة وبات في البليدة والعاصمة منكذبش عليك توسوست منو وخفت علئ الاولاد وخاصة الرضيع قالي صار وليت نخوف!
كورونا دارلنا الرعب وعدم الراحة النفسية في حياتنل ومع احبابنا
عايلتي متقلقة من جيهة خويا متغرب بعيد.. القلب ماش هاني كامل
نديرو في الاحتياطات والستر من عند ربي سبحانو
ربي ينجينا ويرحمنا فهو ارحم الراحمين

اهلا اختي يحمد رايك تعيشي
انا تعرفي نهار مليحة وعشرة فراش عليها دخولي متذبذب
ربي يعافيكم من حقك تخافي على روحك وزوجك واولادك ولينا عايشين بالخوف والرعب ولاد اختي صغار وليت ما نخبش يجوني بغم اني بالكمامات نخاف عليهم اموا انت كبرت وبحار عليا ولينا نتوسوسو من اللي يدخل علينا فالزنقة والله وليت نخاف نروح عالحمى لا يحكموني وراني نعاني منها وصابرة واش ندير وكيما قلتي العقل شارد اللي وليدو بعيد تقطع التواصل لا زيارات لا جنازات سبحان الله يحمولي امس جنازة واحد العجوز هنا والله ربعة من اهلعا بىك دفنوها مع انو ماتت موت عادي وفالدار فارغة مااح ليهم حتى واحد تخيلي الرعب اللي رانا فيه ووين وصلنا واللي تحرق فالقلب الجوامع وبيت ربي اللي تغلقت خلعتني اكثر من المرض كل ما يأذن دمعة تهبط وحدها نحس ربي غضب علينا
ربي يجيب الخير وربي يستركم ويستر عوائلكم ويحميكم ويحمينا

 

[sami44]

وعليكم السلام ورحمة الله وبركاته
الحمد لله اني عاودت شفتكم مرة اخرى اخي سامي.. ليليا.. البشير... حتى دخولي اليومين هاذو للمنتدئ ومنيش نشوف في ناسو زاد خوفني..
تطورت الاحداث بسرعة مخي عاد ميستوعبش واش يصرا
ربي يسترك ان شاءالله الشعب توسوس وزاد شوي
الزوج سافر لحضور جنازة وبات في البليدة والعاصمة منكذبش عليك توسوست منو وخفت علئ الاولاد وخاصة الرضيع قالي صار وليت نخوف!
كورونا دارلنا الرعب وعدم الراحة النفسية في حياتنل ومع احبابنا
عايلتي متقلقة من جيهة خويا متغرب بعيد.. القلب ماش هاني كامل
نديرو في الاحتياطات والستر من عند ربي سبحانو
ربي ينجينا ويرحمنا فهو ارحم الراحمين

الحمد لله اني شفتك بخير
ربي يسترك ان شاء الله ما يكون والو حاولي تتخذي الاحتياطات برك والزوج كي راح للبليده ما يعنيش حمل الفيروس او تصاب ان شاء الله مكان والو لحسن الحظ ان الفيروس لا يتنقل بالهواء
اما خوك ربي يحفضو ان شاء الله كامل عندنا مغتربين فالخارج وقلوبنا معهم لكن ما باليد حيله
من الاحسن يبقى تم خير من يجي وربي يستر وخلاص
تطورت الاحداث بسرعه كنت نسمع دك في ايطاليا طبقو سياسه لحرب في العلاج والله قلبي وجعني
يعني النظام الايطالي الصحي المتطور فشل فكيف بانضمتنا المنهاره اصلا
ندعو الله ان ينجينا من هذ الداء ويحفضنا ويحفضكم واهلنا واحباانا يا رب

 

[الامين محمد]

وعليكم السلام ورحمة الله وبركاته
الحمد لله اني عاودت شفتكم مرة اخرى اخي سامي.. ليليا.. البشير... حتى دخولي اليومين هاذو للمنتدئ ومنيش نشوف في ناسو زاد خوفني..
تطورت الاحداث بسرعة مخي عاد ميستوعبش واش يصرا
ربي يسترك ان شاءالله الشعب توسوس وزاد شوي
الزوج سافر لحضور جنازة وبات في البليدة والعاصمة منكذبش عليك توسوست منو وخفت علئ الاولاد وخاصة الرضيع قالي صار وليت نخوف!
كورونا دارلنا الرعب وعدم الراحة النفسية في حياتنل ومع احبابنا
عايلتي متقلقة من جيهة خويا متغرب بعيد.. القلب ماش هاني كامل
نديرو في الاحتياطات والستر من عند ربي سبحانو
ربي ينجينا ويرحمنا فهو ارحم الراحمين

ان شاااء الله كل الخير
اتركيهم في امانة الله فالله لا يضيع امانتك
اختي تركناكم كلكم في امانة الله و الله لا يضيعكم
و لا يضيع احبابكم
ربي يطمن قلبك اختي

 

[السلطانة]

حفظكم الله ورعاكم
صورة جماعية

 

[sami44]

علاه راك مقلق روحك خويا ناصر
اطلب اللجوء السياسي في تيارت
كيما تحب في زعرورة و لا عندي مرحبا بيك
بصح رانا نحطوك في كاش واد حجر صحي 14 شهر اقصد 14 يوم ههههه
حتى نتأكدوا انك خاوي من الفيروس ههههه

أما انا فمتأكد ان الفيروس ناس ملاح و ما يفيسنيش
اصلا ماكاش بلاصة خاوية باش نرفده راني سورشارج
السكر و لاطونسو و القلب و الاعصاب و العينين ,,,,,
قالي الفيروس ماعندي ما نزيدك اللي فيك يكفيك
سلكت على خير ههههه

المهم حبيبي ناصر الفيروس راه يقتل خبرني برك وين راك مخبي الشكارة
تاع الدراهم و الله ما نديها حتى نسمع بلي الفيروس قضى عليك بعيد الشر طبعا هههههههه

و نوعدك نبنتر منها كاش جامع صدقة عليك و الباقي ندير بيه لي زافار هههههه
طبعا كلش صدقة عليك هههههه

الله يرضى عليك خويا الامين والله واقيلا نجي عندكم
بصح الفيرثس راه يجر على جيه ما خلا حتى ولايه نخاف نجي نجيبو معايا بعيد الشر عليكم
والشكاره نخليهالك مكاش مشكل اتهلا فليليا برك
راهي تعاني اشريلها الكمامات والجال المهم ما يخصها والو والباقي تصدق بيه
ربي يحفضك انت والعايله

 

[ليليا مرام]

علاه راك مقلق روحك خويا ناصر
اطلب اللجوء السياسي في تيارت
كيما تحب في زعرورة و لا عندي مرحبا بيك
بصح رانا نحطوك في كاش واد حجر صحي 14 شهر اقصد 14 يوم ههههه
حتى نتأكدوا انك خاوي من الفيروس ههههه

أما انا فمتأكد ان الفيروس ناس ملاح و ما يفيسنيش
اصلا ماكاش بلاصة خاوية باش نرفده راني سورشارج
السكر و لاطونسو و القلب و الاعصاب و العينين ,,,,,
قالي الفيروس ماعندي ما نزيدك اللي فيك يكفيك
سلكت على خير ههههه

المهم حبيبي ناصر الفيروس راه يقتل خبرني برك وين راك مخبي الشكارة
تاع الدراهم و الله ما نديها حتى نسمع بلي الفيروس قضى عليك بعيد الشر طبعا هههههههه

و نوعدك نبنتر منها كاش جامع صدقة عليك و الباقي ندير بيه لي زافار هههههه
طبعا كلش صدقة عليك هههههه

ياو صح ما تحشمش ياو سيد نيت خوف وهو يقولو وين راهي شكارة ديها لا تخلد فانيا كلانا الفيروس نضحكك بارح سعلت يمى قاتلي واقيل حكمتي كورونا قتلها شوف اسيدي شكون راهي تروح تخدم وبلا كمامات وتجي انا والا انت قتلها مهم ما تخميش اذا داوني للحجر ندي قاع صوالحي معايا لا نموت وتمديهم هههه واذا داوك للحجر حطي كاش ماراكي مخبية هههه وبالسلامة هههه قلقتها رحعت تقولي ذرية فاسدة تستناي يدوني للحجر قتلها ياااه صار والامهات الفاسدات اللي يقولو لولادهم كورونا فيكم ههههه
شفت وين وصلنا نفسي نفسي
قبيل كحت قتلها نديرلك عزل انت فشمبرة وانا فشمبرة وتأتيني بليغة الحمرا د من حيث لا ادري .....قتلها استنى لما نعيطش للرقم 3030 ونباغ بحالة كورونا يحو يدوك بالذراع هههه

 

[sami44]

ياو صح ما تحشمش ياو سيد نيت خوف وهو يقولو وين راهي شكارة ديها لا تخلد فانيا كلانا الفيروس نضحكك بارح سعلت يمى قاتلي واقيل حكمتي كورونا قتلها شوف اسيدي شكون راهي تروح تخدم وبلا كمامات وتجي انا والا انت قتلها مهم ما تخميش اذا داوني للحجر ندي قاع صوالحي معايا لا نموت وتمديهم هههه واذا داوك للحجر حطي كاش ماراكي مخبية هههه وبالسلامة هههه قلقتها رحعت تقولي ذرية فاسدة تستناي يدوني للحجر قتلها ياااه صار والامهات الفاسدات اللي يقولو لولادهم كورونا فيكم ههههه
شفت وين وصلنا نفسي نفسي
قبيل كحت قتلها نديرلك عزل انت فشمبرة وانا فشمبرة وتأتيني بليغة الحمرا د من حيث لا ادري .....قتلها استنى لما نعيطش للرقم 3030 ونباغ بحالة كورونا يحو يدوك بالذراع هههه

الحمد لله عندي شاهد شفتي كيفاش ليليا انا من الخوف راني نص بنادم وهو يحوس على الشكاره
ما يشبعش هذ الالماني
والله كامل رانا هك الواحد كي يدخل للدار يولي في حرب الواحد العظسه راه يماسكيها
قلتلك يما مريضه والفت نسلم على راسها قاتلي بعدني تبون قالنا نا تسلموش
وبنت خويا متزوجه في شلف جات ضيفه ما حبتش تسلم عليا عندي عام ما شفتهاش
وبنت ختي زيدت مكاش الي راح ليها
يعني رانا في حجر صحي الله يستر ويجيب الخير
يعني راكي مع يماك كيما القط والفار

 

[sami44]

اهلا خويا سامي ..ربي يشفي خالتي ويعافيها يا رب المرض ما عندوش عمر يا سامي ماجاتش لحالة الكبر رانا صغار وتهلكنا الحمد لله على كل حال وراه جا وباء هذا ما فرقش بين غني وفقير ولا صغير ولا كبير ربي يسترنا
ايه والله مشكلتي كبيرة انا من الاول ما نحنلش ونمرض بزاف وزيد مع مرض مارانيش نخرج مي مرات نضطر عااباسمو يخلاصلي دوا لازم نخرج بنفسي والحمى انا لازملي كل يومين او ثلاث نروح يديرولي سيروم ونولي ضرك قالولي ما تقدريش تجي حالة استنفار وتخافي على روحك ما لقيت كيفاه ندير
الكمامات وين نخيطهم ما عنديش ماشينة وقالولي بالقماش ما تنفعش قلت نسبب نتاع لانجات شفت فيديو قالهم ديرو لانجات اموا رخيصة وتكفي ونشري جال هذاك معليش
مي فيروس هذا اعطى دروس فاسابيع تحول العالم الى فراغ وحزن وموت وحبست مساجد اكثر شي وجعني والله يوم فرغت الكعبة شعال بكيت خفت بزاف قلت قربت الساعة وكي حبسو مساجد عندنا زعفت بزاف قلت علاه يخلو جوامع ناس تدعي والموت واحد ومن جعة نقول جامع يجوه غاشي تخيل كل واحد يرفد فيروس شعال يعدي ربي يغفرنا ويسامحنا
ودرس للاغنياء تصدقو عاونو ناس ديرو صدقات ربي يرفع البلاء علينا شوفو لخاوتكم مكدسين الدراهم تموتو كالجيفة لمن تخلوهم جا فيروس الموت ومش عادية لا جنازة لا اهل لا والو يا لطيف
ربي يبعد عليكم وعلينا ويسترنا ويعافينا يا رب ويا خاوة سماح بيناتنا هذي دنيا ما ندرو ويننا نتفارقو

ربي يعيشك ليليا ويخفف عليك وخالتك غدوه ان شاء الله نقولها ليليا مسلمه عليك واكيد تفرح
بالنسبه للجوامع انا تبعت كلام شمس ابدين من قبيل والله اقنعني يعني الفتوه هذي مانيش عارف متين جابوها والاجتهاد
يعني كان من الاجدر تعقيم النساجد او وضع الات الكشف الكمياىي عند المدخل احسن من الغلق
اذا عملنا بهذ الفتوه يعني نقدرو نغلقو الثكنات وكل الادارات والاماكن العامه وتخلى البلاد على عروشها
بحجه تفشي الفيروس
لو تركو المساجد مفتوحه وعقموها ولو خنس مرات فاليوم وماعليش لكن الغلق والله امر صعب وما عرفنلش شحال يطول
الله يجيب الخير

 

[البشير البشير]

الحمد لله اني شفتك بخير
ربي يسترك ان شاء الله ما يكون والو حاولي تتخذي الاحتياطات برك والزوج كي راح للبليده ما يعنيش حمل الفيروس او تصاب ان شاء الله مكان والو لحسن الحظ ان الفيروس لا يتنقل بالهواء
اما خوك ربي يحفضو ان شاء الله كامل عندنا مغتربين فالخارج وقلوبنا معهم لكن ما باليد حيله
من الاحسن يبقى تم خير من يجي وربي يستر وخلاص
تطورت الاحداث بسرعه كنت نسمع دك في ايطاليا طبقو سياسه لحرب في العلاج والله قلبي وجعني
يعني النظام الايطالي الصحي المتطور فشل فكيف بانضمتنا المنهاره اصلا
ندعو الله ان ينجينا من هذ الداء ويحفضنا ويحفضكم واهلنا واحباانا يا رب

ياجماعة الخير ضعوا الثقة في الله ولاتخافوا، الناس نسوا الله وتعلّقوا بالعلم والدواء والامنيات، استغفروا الله وتقربوا إليه بالدعاء وقرأة القرآن الكريم وقول: قل لن يصيبنا إلّا ما كتب الله لنا، كل شيء عنده بمقدار و هذا كونه ومخلوقاته يتصرّف فيها مايشاء كن فيكون، فكيف بجرثومة تخرج عن طاعته
لا و لن تفعل أي شيء إلّا بعلمه، "" الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَ قَالُوا حَسْبُنَا اللَّهُ وَ نِعْمَ الْوَكِيلُ (173)
فَانْقَلَبُوا بِنِعْمَةٍ مِنَ اللَّهِ وَ فَضْلٍ لَمْ يَمْسَسْهُمْ سُوءٌ وَ اتَّبَعُوا رِضْوَانَ اللَّهِ وَ اللَّهُ ذُو فَضْلٍ عَظِيمٍ (174)- سورة آل عمران.

 

[البشير البشير]

To view this content we will need your consent to set third party cookies.
For more detailed information, see our cookies page.

قبول ملفات تعريف الإرتباط للطرف الثالث

​