للأسف هاذ المشكل فينا كلنا

[خالد سليم الجزا]

بالاك العنوان يبان غريب شوية . مي ضك نقلكم وعلاه
حسب رأيي الشخصي الأمان المالي والاقتصادي هو من أهم الأشياء لي تخليك تعيش مرتاح .
وحنا الجزائريين للأسف شعب مانعرفوش نتصرفو فالدراهم !!
ما لاحظتش بلي شحال من مرة تشري حاجة ماكش محتاجها!!! وبالفعل تشريها وتحطها !!
مالاحظتش بلي ساعات تشوف حاجة تعجبك تشريها مباشرة !!!
مالاحظتش بلي ساعات تكون خارج تشري حاجة معينة ترجع ومعاك 10حاجات !!!
مالاحظتش بلي انت انسان تسخف ولي تشوفها تشريها وماتخليهاش في قلبك !!!
مالاحظتش بلي راك تعيش بلا ماعندك خطة مالية لمصاريفك واحتياجاتك ومستلزماتك!!!
علاش كي تشوف واحد دار الدار والطوموبيل ويسافر تقول هذا منين جاتو الدراهم وانت عارف بلي يخدم قيس قيس وشهريتو عادية !!
أسئلة من الواقع سألتهملك وانت أو انتي جاوب روحك في التعليقات

 

[sanaya]

و الله ما قلته عين الصواب
لذلك يجب وضع خطة مالية و كتابة لا ئحة للثانويات اللي يحب الانسان يشريهم و قبلهم الكماليات كيتوفر عندو الدراهم يشوف واش خاصو فاللائحة بيسك ساعات الانسان يكون محتاج صوالح و ينساهم و مبعد يلقى روحو يشري فاللي ما يستحقوش
و شفت نسا فحلات يقسمو شهرية بطريقة رائعة بحيث توجد أظرفة بحيث واحد مثلا يكون لخلاص الماء و التريسيتي مدة شهر واحد مثلا لحليب و حفاظات الطفل و اخر مثلا توفير و اخر احتياط لحال المرض لاقدر الله و هكذا دواليك بحيث تمشي شهرية قليلة بطريقة حكيمة
و أخت قاتلنا خلصت دين راجلها عشر ملايين بهاذ الطريقة كي خلاته يقتنع بيها و يطبقها بالرغم من أنو دخل تاعو محدود
موضوع رائع تحياتي

 

[خالد سليم الجزا]

و الله ما قلته عين الصواب
لذلك يجب وضع خطة مالية و كتابة لا ئحة للثانويات اللي يحب الانسان يشريهم و قبلهم الكماليات كيتوفر عندو الدراهم يشوف واش خاصو فاللائحة بيسك ساعات الانسان يكون محتاج صوالح و ينساهم و مبعد يلقى روحو يشري فاللي ما يستحقوش
و شفت نسا فحلات يقسمو شهرية بطريقة رائعة بحيث توجد أظرفة بحيث واحد مثلا يكون لخلاص الماء و التريسيتي مدة شهر واحد مثلا لحليب و حفاظات الطفل و اخر مثلا توفير و اخر احتياط لحال المرض لاقدر الله و هكذا دواليك بحيث تمشي شهرية قليلة بطريقة حكيمة
و أخت قاتلنا خلصت دين راجلها عشر ملايين بهاذ الطريقة كي خلاته يقتنع بيها و يطبقها بالرغم من أنو دخل تاعو محدود
موضوع رائع تحياتي

فعلا كلامك منطقي . انا نشوف انو الإنسان يدير هدف معين . مثلا شراء سيارة . تسديد دين . رحلة لبلد ما . أو أو أو أو . وهكذا يسعى نحوها ومايصرفش . لانو للأسف رانا نشرو في حوايج مانسحقوهمش . وكي نحتاجو نبيعو صوالح أساسيين ...