إستضافة فريد أبو فيصل ضيف لمّاوي في رمضان

[سكون الفجر]

ونستقبل الضيف الأول من ضيوفنا الأكارم
وضيفنا لهذه الليلة ولمدة ثلاثة أيام سيكون أخونا الكريم
@فريد أبوفيصل

فأهلاً ومرحباً بكم أخي وأسعد الله أوقاتكم بكل خير
سآئلين المولى عز وجل لك الخير والصحة
رمضان مبارك وكل رمضان وأنتم إلى الله أقرب

​

 

[Skor m@k]

السلام عليكم
اهلا بك عمي فريد ان شاء الله تكون بخير وكل العائلة
شرفتنا بحظروك هنا في القعدة اللماوية هذي
راني جيت وجبت معايا البقلاوة باش نجوزو السهرة
ههههه


ان شاء الله برك تشوفها مور لفطور تعود تدعي عليا ربي كاش ما يرزقني بألف مليار مع هذي لعشيا
المهم نخلو الاخت سكون تشتفلك العرق البارد بالاسئلة ممبعد نشوفو واش نزيدولك هههه

شكرا ختي سكون على الاستظافة الباهية
صح فطوركم

​

 

[البشير البشير]

السلام عليكم ورحمة الله تعالى وبركاته
اهلا وسهلا بالاخ الطيّب فريد في هذه الجلسة الرمضانية المباركة
أولا: باقة ورد لك


كيف أحوالك؟
شهر البركة قد حلّ، فما هو برنامجك اليومي فيه؟
يتبع.....​

 

[الامين محمد]

اهلا حبيبنا و شيخنا و استاذنا الفاضل ريحانة اللمة والله
ـ أكمل صلاة التراويح ارجع وجدلي الزلابية و لاتاي هههههه

 

[Hakan]

خويا فريد
انت من بوسعادة صح تتسحرو بالزفيطي ،
واش تحب تاكل في رمضان ..

 

[programmeur]

خويا فريد تفكرت نهار اللي كنا مشرفين في المنتدى هههههه
كنا نوضو صباح بكري غيل انا وانت في المنتدى وترسلي ميساج تاع صباح الخير

ربي يحفظك ويوفقك في حياتك اخي
نهارك مبروك وصح رمضانك

 

[أبو عاتكة]

مشاهدة المرفق 123800

ونستقبل الضيف الأول من ضيوفنا الأكارم
وضيفنا لهذه الليلة ولمدة ثلاثة أيام سيكون أخونا الكريم
@فريد أبوفيصل

فأهلاً ومرحباً بكم أخي وأسعد الله أوقاتكم بكل خير
سآئلين المولى عز وجل لك الخير والصحة
رمضان مبارك وكل رمضان وأنتم إلى الله أقرب

​

بارك الله فيك الاخت سكون الفجر على هذه الاستضافة الطيبة والكريمة من طرفكم بالنيابة عن أعضاء اللمة، رمضان مبارك لكِ وللجميع وربي يتقبل.

 

[أبو عاتكة]

السلام عليكم
اهلا بك عمي فريد ان شاء الله تكون بخير وكل العائلة
شرفتنا بحظروك هنا في القعدة اللماوية هذي
راني جيت وجبت معايا البقلاوة باش نجوزو السهرة
ههههه
مشاهدة المرفق 123803

ان شاء الله برك تشوفها مور لفطور تعود تدعي عليا ربي كاش ما يرزقني بألف مليار مع هذي لعشيا
المهم نخلو الاخت سكون تشتفلك العرق البارد بالاسئلة ممبعد نشوفو واش نزيدولك هههه

شكرا ختي سكون على الاستظافة الباهية
صح فطوركم

​

اهلا سي مالك ولكن وللأسف هاذ البقلاوة شفتها في وضح النهار 12:00مع الصورة الرمزية نتاعك يتسمى الدعوة نتاع المليار annuler اليوم على الاقل.
ايا بصحتي البقلاوة ويعطيك الصحة مالك ربي يحفظك تحياتي.

 

[صانعة الإبتسامة]

سلاااام
صحا رمضانكم
ضرك نبدا نسقسي ومراحش نحبس
كيفاش راك تفوت في رمضان مع الحجر صحي؟
واش هي أكلتك مفضلة؟
انت في نهار راقد وفي الليل نايض ولا العكس؟ هههههه
وين راك واصل في قراءة القرآن الكريم؟
شكون لي يصلي بيكم في دار ؟ وهل تصلو مع بعض جميع صلوات ولا غير تروايح؟
بون عييت عمو فريد جاوبني علی هادو من بعد نزيد نسقسيك حتی تحاوزني هههههههه
صحا فطوركك مسبقا
شكرا للأخت @سكون الفجر راهي مزهية رمضان بمواضيع شابة

 

[أبو عاتكة]

السلام عليكم ورحمة الله تعالى وبركاته
اهلا وسهلا بالاخ الطيّب فريد في هذه الجلسة الرمضانية المباركة
أولا: باقة ورد لك
مشاهدة المرفق 123804

كيف أحوالك؟
شهر البركة قد حلّ، فما هو برنامجك اليومي فيه؟
يتبع.....​

وعليكم السلام سي البشير وبارك الله فيك على باقة الورد الفواح.
الحمد لله على كل حال.
شهر رمضان فرصة مناسبة جدا بالنسبة لي لاغتنامها في كل شيء خاصة مع الاهل بما اني متفرغ تماما في رمضان فقط فأهم الاهتمامات بالنسبة لي تدريب وتهذيب الاولاد وتعويدهم على افضل الطباع والتصرفات في هذا الشهر الخاص حتى يبقى رمضان مبجل ومكرم ومقدس لديهم وحتى ترتاح من جانب تربيتهم الدينية وتطمئن عليها يعني نحاول قدر الاستطاعة لسنا في المستوى المثالي.بتحفيزهم وتحفيز انفسنا نغتنم قدر ما نستطيع من حلاوة العبادة الجماعية نشد ونستند على بعض ونترك الاثر والارث.
بالاظافة الى اغتنام الفرصة لتنويع العبادات والتعمق فيها وهو الاهم ( عمق العبادة وجوهرها والغاية منها) هي قاعدتي الاساسية في كل شيء وفي الحياة عموما افضل دوما العبرة والغاية عن الكثرة فانا بسيط وجهدي قليل أحاول ان اعيش لحظة او ساعة روحية سامية راقية صافية وصادقة مع استحضار القلب والروح وصفاء الذهن.
وايضا التصفح والمطالعة الخفيفة فالمطالعة اعتبرها عبادة في رمضان بعد قراءة القرآن بالاظافة الى الواجبات والانشغالات العادية اليومية كل يوم وحاله وجديده في هذا العام الحجر والحظر أثر على نكهة رمضان خاصة المساجد نحاول ويحاول الكثيرون التوفيق في أداء الصلاة في البيوت كهيئتها في المساجد وربي يوفق الجميع ويتقبل من الجميع ويرفع الوباء وتعود الحياة الى سيرورتها العادية.
ربي يبارك فيك ويعطيك الصحة.

 

[أبو عاتكة]

اهلا حبيبنا و شيخنا و استاذنا الفاضل ريحانة اللمة والله
ـ أكمل صلاة التراويح ارجع وجدلي الزلابية و لاتاي هههههه

مرحبا الشيخ الامين ربي يحفظك ويكبر بيك أرواح كاين كل خير البقلاوة نتاع مالك راهي واجدة خليلي حبة واديها كامل بصحتك ههه
يا اهلا وسهلا بالغوالي.

 

[أبو عاتكة]

خويا فريد
انت من بوسعادة صح تتسحرو بالزفيطي ،
واش تحب تاكل في رمضان ..

اهلا حكيم
الزفيطي ياتل واحد البنة عظيمة تفطر بيه وتتسحر بيه ترقد وتنوض بيه امممم ياسلام وماتبردش قلبك في الحار ياراجل يطرد الكورونا على بعد 100ميل . هاذ العام راح نديروه مع صلاد دوفروي ان شاء الله.
نحب ناكل في رمضان كل شيء معنديش مشكل مع اي طبق منحشمش الناس ههه منحبش فقط الاطباق المزركشة بزاف الزايدة على اللزوم تحس اللي طيبتها مهبولة ماهيش صحيحة هههه نحب البساطة مع الجودة والبنة الاصيلة واش نقلك سؤالك شغل سقسيتني شكون تحب في اولادك انحبهم ڨاع خصوصا" الدشيشة"

 

[أبو عاتكة]

خويا فريد تفكرت نهار اللي كنا مشرفين في المنتدى هههههه
كنا نوضو صباح بكري غيل انا وانت في المنتدى وترسلي ميساج تاع صباح الخير

ربي يحفظك ويوفقك في حياتك اخي
نهارك مبروك وصح رمضانك

برغرامور من الاعضاء المميزين فعلا وقولا شاهد على سنوات الانفتاح و الابداع مبرمج متمكن وسياسي محنك ان شاء الله تكون احوالك بخير ربي يحفظك اسعدني تواجدك ومشاركتك هنا ويسعدي دوما رايتك تدخل المنتدى من حين لآخر.
نعم بالفعل كانت عندي عادة صباحية كلما سجلت الدخول للمنتدى ارسل رسائل صباحية مع صورة فنجان قهوة لكل من هو مسجل الدخول حينها في الفترة الصباحية وبذلك كسبنا اخوة واصدقاء ماشاء الله عليهم القلوب صافية والنوايا حميدة والحمد لله. ربي يتقبل اخي العزيز سعيد فعلا بحضورك.

 

[أبو عاتكة]

سلاااام
صحا رمضانكم
ضرك نبدا نسقسي ومراحش نحبس
كيفاش راك تفوت في رمضان مع الحجر صحي؟
واش هي أكلتك مفضلة؟
انت في نهار راقد وفي الليل نايض ولا العكس؟ هههههه
وين راك واصل في قراءة القرآن الكريم؟
شكون لي يصلي بيكم في دار ؟ وهل تصلو مع بعض جميع صلوات ولا غير تروايح؟
بون عييت عمو فريد جاوبني علی هادو من بعد نزيد نسقسيك حتی تحاوزني هههههههه
صحا فطوركك مسبقا
شكرا للأخت @سكون الفجر راهي مزهية رمضان بمواضيع شابة

الله يسلمك صحا رمضانك أشرقت ومرحبا بيك في مسابقة طرح الاسئلة بشوية برك ماهيش مسابقة ههه
كيفاش راك تفوت في رمضان مع الحجر صحي؟
بما اني قاضي صوالحي مسبقا منحتاجش الخروج الصباح بزاف خاصة في هذ الايام الاولى الحمد لله من ناحية التسوق او غيرها والخروج للصلوات هاي مغلوقة المساجد وماشاء الله التزام نموذجي من الجميع لاحول ولاقوة الا بالله الا على الاسواق والمحلات والتجمعات وهذا الشيء جعلني اعتقد ان المساجد ظلمت في قائمة الممنوعات وربي يلطف بينا.
يعني البقاء في المنزل ياخذ جل الوقت في النهار نحاول نستغل الوقت بالفائدة مهما كانت الا قبل اذان المغرب احب عمل جولة في الحي وبعد صلاة العشاء والتراويح طبعا في المنزل اخرج الى الحي بجانب البيت مع مجموعة قليلة من ابناء الحي ونفترق بعدها.

واش هي أكلتك مفضلة؟
كلهم مفضلون عندي لكن الاهم هو الطبق الرئيسي يكون مريڨل " دشيشة" في الحقيقة اليوم نجرب ماهي الاكلة المفضلة حيرتوني بهذا السؤال ههه نسيت واش نحب ناكل.

انت في نهار راقد وفي الليل نايض ولا العكس؟ هههههه
في النهار لا أنام أبدا هاذي طبيعتي من القديم حتى القيلولة نادرة لا انام باكرا يعني قليل النوم ليلا ونهارا اعتبريني من فصيلة الخفافيش.

وين راك واصل في قراءة القرآن الكريم؟
في أواخر الجزء الثالث.
شكون لي يصلي بيكم في دار ؟
أنا
وهل تصلو مع بعض جميع صلوات ولا غير تروايح؟
كل مرة وكيفاش مرة نجتمعوا ومرة لا في التراويح جماعي مهم.

بون عييت عمو فريد جاوبني علی هادو من بعد نزيد نسقسيك حتی تحاوزني هههههههه

انا والله معيييت بصح راح نحاوزك لخاطر ماجبتي معاك والو ههههه تعرفي تسقسي برك...
ربي يبارك فيك وصحا فطوركم ومرحبا في كل وقت.

 

[سكون الفجر]

والله يا اخي طالما انتم في ضيافتي فالحلويات رح تكون فلسطينية

كنافة نابلسية


عوّامة، لقمة القاضي



قطايف



اصابع العروس




انا جيت ومعي شوية أسئلة
وقت يقولولك عمو فريد اتذكر عمو @ابو مازن والله له وحشة استاذي بالتصوير الله يحفظه اينما حل

كيف حالكم اخي؟ ان شاء الله تكونوا بخير
- كيف تقضي الوقت ما بين وجبة السحور وصلاة الفجر؟
- كم تحفظ من القران الكريم؟
- كيف تنصح الناس بعدم المبالغة وبنفس الوقت الحذر الشديد في وقتنا الحالي، اي فيما يخص الوباء اعاذنا الله منه
- هل يساعد اخينا فريد اهله في امور المنزل؟
- رسالة قصيرة تبعثها الى شباب اليوم فيما يخص دينهم الذي استهانوا به
- هل ترى ان الطاقم الإداري بمراقبين ومدراء ومشرفين للمة الجزائرية قد وفقو ولو بالشيء اليسير في تقدم اللمة؟
- هل من ارشادات او نصائح تسعدنا بها
- الن تتحفنا برسوم جديدة؟
- ارغب كثيراً بتعلم الرسم فهل هناك طريقة أبدأ بها؟
- أسألك دعوة بظهر الغيب يا اخي

بارك الله فيكم واحسن الله اليكم
سعدت جداً بقبول دعوتكم اخي

 

[صانعة الإبتسامة]

الله يسلمك صحا رمضانك أشرقت ومرحبا بيك في مسابقة طرح الاسئلة بشوية برك ماهيش مسابقة ههه
كيفاش راك تفوت في رمضان مع الحجر صحي؟
بما اني قاضي صوالحي مسبقا منحتاجش الخروج الصباح بزاف خاصة في هذ الايام الاولى الحمد لله من ناحية التسوق او غيرها والخروج للصلوات هاي مغلوقة المساجد وماشاء الله التزام نموذجي من الجميع لاحول ولاقوة الا بالله الا على الاسواق والمحلات والتجمعات وهذا الشيء جعلني اعتقد ان المساجد ظلمت في قائمة الممنوعات وربي يلطف بينا.
يعني البقاء في المنزل ياخذ جل الوقت في النهار نحاول نستغل الوقت بالفائدة مهما كانت الا قبل اذان المغرب احب عمل جولة في الحي وبعد صلاة العشاء والتراويح طبعا في المنزل اخرج الى الحي بجانب البيت مع مجموعة قليلة من ابناء الحي ونفترق بعدها.

واش هي أكلتك مفضلة؟
كلهم مفضلون عندي لكن الاهم هو الطبق الرئيسي يكون مريڨل " دشيشة" في الحقيقة اليوم نجرب ماهي الاكلة المفضلة حيرتوني بهذا السؤال ههه نسيت واش نحب ناكل.

انت في نهار راقد وفي الليل نايض ولا العكس؟ هههههه
في النهار لا أنام أبدا هاذي طبيعتي من القديم حتى القيلولة نادرة لا انام باكرا يعني قليل النوم ليلا ونهارا اعتبريني من فصيلة الخفافيش.

وين راك واصل في قراءة القرآن الكريم؟
في أواخر الجزء الثالث.
شكون لي يصلي بيكم في دار ؟
أنا
وهل تصلو مع بعض جميع صلوات ولا غير تروايح؟
كل مرة وكيفاش مرة نجتمعوا ومرة لا في التراويح جماعي مهم.

بون عييت عمو فريد جاوبني علی هادو من بعد نزيد نسقسيك حتی تحاوزني هههههههه

انا والله معيييت بصح راح نحاوزك لخاطر ماجبتي معاك والو ههههه تعرفي تسقسي برك...
ربي يبارك فيك وصحا فطوركم ومرحبا في كل وقت.

شكرا علی راحبة صدرك عمو فريد
ضرك راني لاتية بالفطور بصح ماعليش نزيد نسقسيك ونولي نطيب ههههه
انت تعاونك زوجتك الكريمة في رمضان والا والو؟ وهل انت من النوع تاع لي يشرط في ماكلة وتبدا تقلق فيها هادي مسوسة وهادي مالحة وهادي بنتها ماش مليحة ولا تاكل وتضرب النح ؟
جاوبني علی هادو من بعد نولي ههههه

 

[الامين محمد]

والله يا اخي طالما انتم في ضيافتي فالحلويات رح تكون فلسطينية

كنافة نابلسية
مشاهدة المرفق 123851

عوّامة، لقمة القاضي

مشاهدة المرفق 123852

قطايف

مشاهدة المرفق 123853

اصابع العروس

مشاهدة المرفق 123854


انا جيت ومعي شوية أسئلة
وقت يقولولك عمو فريد اتذكر عمو @ابو مازن والله له وحشة استاذي بالتصوير الله يحفظه اينما حل

كيف حالكم اخي؟ ان شاء الله تكونوا بخير
- كيف تقضي الوقت ما بين وجبة السحور وصلاة الفجر؟
- كم تحفظ من القران الكريم؟
- كيف تنصح الناس بعدم المبالغة وبنفس الوقت الحذر الشديد في وقتنا الحالي، اي فيما يخص الوباء اعاذنا الله منه
- هل يساعد اخينا فريد اهله في امور المنزل؟
- رسالة قصيرة تبعثها الى شباب اليوم فيما يخص دينهم الذي استهانوا به
- هل ترى ان الطاقم الإداري بمراقبين ومدراء ومشرفين للمة الجزائرية قد وفقو ولو بالشيء اليسير في تقدم اللمة؟
- هل من ارشادات او نصائح تسعدنا بها
- الن تتحفنا برسوم جديدة؟
- ارغب كثيراً بتعلم الرسم فهل هناك طريقة أبدأ بها؟
- أسألك دعوة بظهر الغيب يا اخي

بارك الله فيكم واحسن الله اليكم
سعدت جداً بقبول دعوتكم اخي

لااااا اختي انت راح تقضي علي خلاص ههههههه
لقد قبشتي مشاعري هههههه

 

[وۣۗهۣۗہۣۗم]

السلام عليكم....
منورة سكون غاليتى
اهلا بالضيف
منور اخى الفاضل
بالطبع
البقلاوة تاع الاخ @Skor m@k
والحلاويات تاع @سكون الفجر الله الله على العوامة

ماخص والوو غير اهم حاجة باه نكملووواا بيها السهرة
واللى هو




هاه نرغلووو السكر




هيااا اخى الفاضل
واش حوالك مع الكوزينة
في رمضان هذااا
اهم طبق اللى بلاش بيه متكملش الطابلة في رمضان عندك





رمضان مبارك
وصح فطوركم​

 

[الامين محمد]

الاستاذ فريد هرب ههههههه

 

[أم أُنٌَيسة]

وعليكم السلام ورحمة الله
خير من اخترتي حبيبتي سكون
هاعمي الكريم، علابالك نهار عرفت انك مكبيرش عليا بزاف غاضني الحال لانه نحب نعيطلك عمي
منعرفش نسقسي الله غالب
في المتابعة فقط