حالتي هذه الايام

[السلطانة]

السلام عليكم ورحمة الله وبركاته

صحا فطوركم

حالتي هذه الايام ههههه اذا ملقيتونيش في اللمة فتاكدوا اني مع هذا الفصعون الصغير
وحالة كل أم عندها طفل رضيع
ربي يكون في العون
ومن مهاراته انو يبكي وقت تحضير الافطار والكسرة واثناء اللحظة الحاسمة تاع الفطور ههههه
وبعدها ينام بعمق وينوض للسهرة من جديد

نبعثو ل @Skor m@k يريقلو هههه ولا ل @Hakan
يتفاهم معاه





صحا فطوركم وصحوركم

 

[البشير البشير]

صح فطوركم
الله يبارك لك في ولدك الصغير
اعانك الله في تربيته ورعايته بإذن الله
​

 

[Skor m@k]

السلام عليكم
هههههه ربي يكون معاك
اواه شوفي حكيم انا خاطيني ههههههه
ديجا جات ختي قبل رمضان هبلتني بيهم غير خليهم عندكم ههههههه
الاطفال حلاوتهم غير تكون مريح
المشكلة مايبكوش حتى تروح تنحرقلك الاكل ههههه
ولا تكوني مزروبة في كاش حاجة هههه
ربي يكون في العون
هاو حكيم يحب يحكم الدراري هههه​

 

[Hakan]

خخخخخ قبيل برك كنت نرقد في بنت خالي
صحا فطوركم اولا فكرتيني في بنت ختي ليلى، حتى أمها رجعت تستغل في الطيبة تاعي زعما تلعبها تعيط عليها باش نجي انا نرفدهالها ونلعب معاها ههههه معليه نفتحلكم دار تاع حضانة ونسكتهم كامل حتان يفوت رمضان ههههه الله يخليهلك ويكون معاكم مع التعب تاع الصيام

 

[الامين محمد]

ههههههه الله يبارك فيه و في اهله ههههه
بعثيه عندي مع اسلام و غفران يدربوه على حيل جديدة
يعني تبادل الثقافات و الخطط و تطوير المشاريع تاع
كيف تجعل امك تندب في ربع ساعة ههههههه

 

[هدى النور]

ربي يكون في عونك ياأختي هذا حال كل الامهات دائما تذكري ان ابنك مثال لتجربة التي مرت بها امك وانت طفلتها الصغيرة نفس الشيء ينطبق علي وعلى كل شخص ربي يحفظ امي وامهاتكم

 

[أبو عاتكة]

ربي يبارك فيه وفي والديه.


نرفع أكف التضرع لله تعالى لاجل اختنا سلطانة فقولو آمين يا اعضاء اللمة أجمعين.

اللهم أثناء موعد تحضير الطعام اجعل رضيع سلطانة يغفو وينام... أشغله بأسعد أحلامه... أره أمه ترضعه عسلا في منامه.. وأبوه اجعله يحضنه و ويدغدغه من أجنابه ... اجعله يستفيق يارب يارفيق دون صياح أو ضيق..

يارب .اجله متسامح ومعين حتى آخر خبزة في الطاجين... يارب انه المطلوع وعليه الزوج دوما ثائر و مخلوع...

يارب زوِّد اهتمام الوالد بالاطفال يا غفار ياستار اجعله لا يفارقه حتى تهنئ السلطانة بالافطار ....وان زدت في الكرم اجعله يكمل غسل الصحون وشفط المطبخ بعزيمة واصرار.

أعن السلطانة على انهاء طاجين الزيتون والجلبانة يا حي ياقيوم انها ربة بيت مرهقة و تعبانة .. في كل يوم متعصبة وزعفانة.
يارب أعن السلطانة على الصيام والقيام وتأدية الأمانة اجعلها من الفائزين المبشرين بالجنة يوم القيامة.

تحية لكل أم برضيع.

 

[ناصر dz]

الأطفال زينة الحياة الدنيا، وأغلى الأشياء على قلب الإنسان،

اللهم احفظ صغيرك ويجعلة قرة عين لكم