إستضافة Skor m@k ضيف لمّاوي في رمضان

[سكون الفجر]

نستقبل اليوم ثاني ضيف من ضيوفنا الأكارم
وضيفنا لهذه الليلة ولمدة ثلاثة أيام سيكون أخونا الكريم
@Skor m@k

فأهلاً ومرحباً بكم أخي وأسعد الله أوقاتكم بكل خير
سآئلين المولى عز وجل لك الخير والصحة
اسأل الله ان يبلغنا واياكم ليلة القد وأن يغفر لنا ويتوب علينا
​

 

[أم أُنٌَيسة]

وعليكم السلام ورحمة الله
صحى فطوركم وتقبل الله صيامكم وقيامكم وصالح اعمالكم
كالعادة اختيارات رائعة غاليتي
اما اخي سكر، اصبرلي نحوس ع اسئلة نهبلك بيهم ونرجع

 

[Autumn leaves]

ماشاء الله
استضافة طيبة واختيار موفق ،،
سلمتي ..
....
ننتظر حضور الضيف ..
ومن ثم نعود لطرح الأسئلة
اهلا وسهلا بك ..
...

 

[Autumn leaves]

وعليكم السلام ورحمة الله
صحى فطوركم وتقبل الله صيامكم وقيامكم وصالح اعمالكم
كالعادة اختيارات رائعة غاليتي
اما اخي سكر، اصبرلي نحوس ع اسئلة نهبلك بيهم ونرجع

طالما أطلت شيماء ،،
يعني نكتفي بالمتابعة فقط ..
أظن لن يتفوق عليك أحد ..
ماشاء الله ..
ماتتأخري

 

[أم أُنٌَيسة]

طالما أطلت شيماء ،،
يعني نكتفي بالمتابعة فقط ..
أظن لن يتفوق عليك أحد ..
ماشاء الله ..
ماتتأخري

من بعد تذكرت انه انا بالهاتف لان حاسوبي تعطل وبعته، فتملكني التفنيين والكسل
لكن مع سكر، لازم نهبلو.. زكااااااارة

 

[Hakan]

حبيبي مالك حاب نسقسيك :
واش عندك نوع دراجة نارية، او واش حاب تكسب بين دراجة ولا سيارة؟
كي تاكل السردين والحوت قدام شاطئ البحر راك تتفكر خوك ولا والو ؟
وقتاه تزوج وتعرضني؟
كون تحرقلك الزوجة الماكلة في رمضان وما تلقاش واش تاكل ديباني روحك بلا ما تقلب الطابلة ولا تقلب طابلة من بعد ديباني روحك ؟
ياسر فيك تسحر بيهم هذو .

 

[*amani*]

السلام عليكم
مرحبا بالضيف الكريم قعدة ممتعة أن شاء الله
أكلة ماتحبهاش؟ (باين تحب كلش)
اكثر لون تحبو؟
هوايتك وش هي ؟
تحب الصيف ..الشتا ولا الربيع ..الخريف؟
بلد حاب تزورو ؟
وش تعرف طيب ولا ماتعرفش؟
كيف تقضي يومك في رمضان ؟
متبع كاش مسلسل كاش برنامج ؟
لي عودة أن شاء الله اذا جاني كاش سؤال

 

[البشير البشير]

السلام عليكم ورحمة الله تعالى وبركاته
رمضان مبارك
اهلا وسهلا بالأخ سُكّر أو عسل
كيف احوالك اخي؟
ننتظر حضورك حتّى تُجيب على الأسئلة الغزيرة التي طُرحت عليك
ثمّ نعود إليك.
​

 

[أشــواق 19]

اهلا بيك ضيفنا
انا نبدا طول نسقسي منحبش مقدمات بزاف
علاه خيرت الاسم هذا skor mak
قولي مواصفات زوجة المستقبل
مدلي زوج اعضاء وزوج عضوات حاب تعرفهم في الواقع
وش هيا الاكلة لي درتها ونجحتلك وجات بنينة بزاااف
شكون أسمط انسان عرفتو في حياتك
هيا هذا مجا في بالييي اذا كشما زدت تفكرت ني نقولك

 

[Skor m@k]

مشاهدة المرفق 124255


نستقبل اليوم ثاني ضيف من ضيوفنا الأكارم
وضيفنا لهذه الليلة ولمدة ثلاثة أيام سيكون أخونا الكريم
@Skor m@k

فأهلاً ومرحباً بكم أخي وأسعد الله أوقاتكم بكل خير
سآئلين المولى عز وجل لك الخير والصحة
اسأل الله ان يبلغنا واياكم ليلة القد وأن يغفر لنا ويتوب علينا
​

وعليكم السلام
شكرا لك اختي سكون على هذي الاستظافة الممتعة ان شاء الله تكون ههههه
ان شاء الله نكون خفيف عليكم
ونسيي نجاوب على كل الاسئلة
ربي يحفظك
وصح فطورك ​

 

[Skor m@k]

وعليكم السلام ورحمة الله
صحى فطوركم وتقبل الله صيامكم وقيامكم وصالح اعمالكم
كالعادة اختيارات رائعة غاليتي
اما اخي سكر، اصبرلي نحوس ع اسئلة نهبلك بيهم ونرجع

السلام عليكم
اهلا بك ختي مجنونة ههههه
علبالي بلي راح نباصي معاك ههههه
واش من اختيارات رائعة وانا راح نهبل معاك هههه
شوفي غير بلعقل برك اتفكري بلي رانا رمضان ههه
ان شاء الله نقدر نجاوب على الكل هههه
ايه حوسي وولي رانا منتظرينك
​

 

[Skor m@k]

ماشاء الله
استضافة طيبة واختيار موفق ،،
سلمتي ..
....
ننتظر حضور الضيف ..
ومن ثم نعود لطرح الأسئلة
اهلا وسهلا بك ..
...

السلام عليكم
اهلا بك اختي ان شاء الله امورك بخير
ايه راني نستنى في الاسئلة
برك ماديريش على هذيك المجنونة تاع شيماء ههه
​

 

[Skor m@k]

حبيبي مالك حاب نسقسيك :
مرحبا بك خويا حكيمو ان شاء الله اموراتك بخير
واش عندك نوع دراجة نارية،
عندي فيسبا صغيرة بصح مانخليهاش تريح في بلاصتها ههههه
او واش حاب تكسب بين دراجة ولا سيارة؟
اواه دراجة كبيرة خير
كي تاكل السردين والحوت قدام شاطئ البحر راك تتفكر خوك ولا والو ؟
ههههه هذو اليامات مع الكورونا ناقصا شويا مي نتفكرك كي نروح نصور ونبعثلك ههههه
وقتاه تزوج وتعرضني؟
وعلاه حتى للزواج ونعرضك اواه انا راني عارضك من ضرك انت لي ماحبيتش ههههه
كون تحرقلك الزوجة الماكلة في رمضان وما تلقاش واش تاكل ديباني روحك بلا ما تقلب الطابلة ولا تقلب طابلة من بعد ديباني روحك ؟
لا اصلا والله ماعاد نتقلق على الاكل كامل نورمال نديباني بلي جات ياك مراحش ناكلو بين زوج ههههه
ياسر فيك تسحر بيهم هذو .

يعطيك الصحة خويا حكيم
اسئلتك هايلين خفاف وملاح للريجيم تانيت ههههه
راني نستنى في اسئلة اخرى
صحيت خوو

 

[Skor m@k]

السلام عليكم
وعليكم السلام
مرحبا بالضيف الكريم قعدة ممتعة أن شاء الله
اهلا بك ختي ان شاء الله نجاوب عليهم مليح ههه
أكلة ماتحبهاش؟ (باين تحب كلش)
هههه ماشي نحب كلش .. مانتشرطش وما نتفشش برك ههه
مانحبش الطعام بالمرقة حمراء ومانحبش البركوكس ههههه
اكثر لون تحبو؟
نحب اللون الاخضر
هوايتك وش هي ؟
نحب نحوس مانريحش في الدار ههه والسباحة
تحب الصيف ..الشتا ولا الربيع ..الخريف؟
نحب الربيع خاطرش الجو يكون مليح ومايكونوش الغاشي بزاف وين تروح تحوس تلقاها فارغة
بلد حاب تزورو ؟
هذوك الدول لي في اوروبا لفوق يقولولهم الانسكندافية واقيل هههه هذوك تاع النرويج والسويد فلندا هذوك لجوايه هههه
وش تعرف طيب ولا ماتعرفش؟
الطياب نورمالمو نعرف نطيب ههههه نعرف
كيف تقضي يومك في رمضان ؟
نوض صباح بكري جوايه 12 ههههه نتكسل شويا
ممبعد نروح مع صحابي نحوسو تقريبا كل يوم في كاش غابة كل يوم وين
ممبعد ندخل لدار قبل المغرب بوحد الساعة
نعاون يما في الكوزينة ندير بوراك وشلايظ ونحط الطابلا ووو
ويخلاص النهار ههههه
متبع كاش مسلسل كاش برنامج ؟
جامي تبعت في رمضان كاش حاجة كانت تاع عاشور العاشر وبوزيد وهذوك تاع صويلح نتفرجهم في اليوتوب مور رمضان
لا فكرتيني هذا العام منذاك نتفرج مع يما في الكوزينة قناة سميرة لي يديرو مسابقة تاع صويلح وكمال بوعكاز ههههه
لي عودة أن شاء الله اذا جاني كاش سؤال

شكرا على الاسئلة الممتعة
خفاف وظراف ههههههه
ان شاء الله راني في الانتظار تاعك

 

[Skor m@k]

السلام عليكم ورحمة الله تعالى وبركاته
رمضان مبارك
اهلا وسهلا بالأخ سُكّر أو عسل
كيف احوالك اخي؟
ننتظر حضورك حتّى تُجيب على الأسئلة الغزيرة التي طُرحت عليك
ثمّ نعود إليك.
مشاهدة المرفق 124278​

وعليكم السلام
اهلا بك خويا البشير ان شاء الله بخير وكل العائلة
انا الحمد لله رمضان يخرج عليا نبغيه ههههه
راني جيت وجاوبت هههه
راني نستنا فيك ههههه
اتهلى ​

 

[Skor m@k]

اهلا بيك ضيفنا
مرحبا بيا ختي شوشو
انا نبدا طول نسقسي منحبش مقدمات بزاف
ايه حتى انا مانعرفش نشكر المقدمات هههه
علاه خيرت الاسم هذا skor mak
ههههه خاطرش انا سكر
لالا هذي تاع سكر خرجتهالي المهبولة تاع @ليليا مرام وحصلت فيا بلي ندير بيبليسيتي لسكر تاع سيفيتال ههههه هوما لي داوه عليا الاسم كتبتو قبلهم ههههه
هو skør هكذا تكتب وتعني بوحد اللغة مانعرف تاعمن هههه معنتها مجنون هههه
و mak باين مالك ههههه
وهي مالك المجنون
قولي مواصفات زوجة المستقبل
هههه كاين بزاف مواصفات هههه
لا باينة تكون متربية وتخاف ربي ماشي تخاف الناس وتكون رزينة وعاقلا ومجنونة في نفس الوقت .. مانحبش وحدة سيريو
مدلي زوج اعضاء وزوج عضوات حاب تعرفهم في الواقع
الاعضاء كاين بزاف ومنهم نقدر نخير باين شكون هههه
@hakan عمي فريد الله يذكرو على خير
اما العضوات @ضآحكة مستبشرة و @أشــواق 19
وش هيا الاكلة لي درتها ونجحتلك وجات بنينة بزاااف
عاد نطيبلهم منذاك في الدار سوب تاع الجاج بالمايزينة وكرام فراش
شكون أسمط انسان عرفتو في حياتك
هذاك لي كان يخرج يتبهلل كل جمعة للحراك
هيا هذا مجا في بالييي اذا كشما زدت تفكرت ني نقولك

يعطيك الصحة مع انو اسئلة شويا شويا مي ملاح ههههه
نضحك معاك
يعطيك الصحة شرفتينا بالحضور المميز

 

[وۣۗهۣۗہۣۗم]

احم احم
تودرت فالطريق بسيف باه وصلت
الله غالب حالة اصيام حتى طريق ويتلف


واش رايك في رمضان2020☺☺
كلمة في حق كوفيد 19
اكثر عضو تشعر بالفضول نحوه في المنتدى
صفة تكرها في روحك وحاب تبدلها
ماذا علمتك الحياة

لو يعطوك جائزة بمبلغ مالى كبيير واش تدير بيه
من صفات المنبوذة بالنسبة لك
اكثر شئ يشهيك ويلفت انتباهك في طاولة رمضان
علاقتك مع السحور
سكرو مواقع التواصل الاجتماعى


والله غير عيت لانكتب هاذووو بسيف
نولى فالسهرة لاحب ربي

صح طيامكم
​

 

[أبو عاتكة]

نشكر مقدمة الحصة سكون الفجر نتمنى لها الشفاء العاجل على اختيار هذا العضو الجميل وهذا الحمَل الوديع وهذا السكر النوع الرفيع غالي شوية بصح يستاهل.
نرحب بك معنا ونتمنى ان تبقى بعقلك بيناتنا وربي وان شاء الله كيما تتمنى نتلاقاو مع بعض في الدنيا نتلاقو باذن الله في الجنة. المهم منتلاقاوش عند مول الزلابية هههه
منكثرش عليك الاسئلة راه كاين المتكلفين بيها الله يبارك ههه
فقط نبدلو ستايل الاسئلة اعطيلي الستيل اللي تحبوا ويوالمك:

الشعبي


البحري


المماي


الستوندار



الجونتي

 

[Skor m@k]

احم احم
تودرت فالطريق بسيف باه وصلت
الله غالب حالة اصيام حتى طريق ويتلف
ههههه مزيا شفتي النحلة يدور على السكر هههه
ايه المهم كي عرفتيها

واش رايك في رمضان2020☺☺
رمضان تاع هذا العام خرج عليا هايل والله معلبالي علاه ههه
كلمة في حق كوفيد 19
كوفيد 19 يعطيك الصحة حبستنا التهريج تاع الحراك
يغيضو برك لي مرضو ماشي بلعاني اما تاع السميد والزلايبة يستهلو بهدلو بينا
اكثر عضو تشعر بالفضول نحوه في المنتدى
كان هذاك صلاح تاع جلفة ههههه تعرفيه نورمالمو هههه
صفة تكرها في روحك وحاب تبدلها
منذاك كي ماتكونش عندي خدمة نولي كسول هههه
بصح كي تكون الخدمة لالا نشيط هههه
ماذا علمتك الحياة

علمتني انو الخير ماديروش في اي واحد خاطرش كاين لي مايستهلش
لو يعطوك جائزة بمبلغ مالى كبيير واش تدير بيه
ههههه تتلفلي هههه
نبني دار في وحد الغابة قدامنا هههه
والباقي نحوس بيهم
من صفات المنبوذة بالنسبة لك
لي يتكبر عليا
اكثر شئ يشهيك ويلفت انتباهك في طاولة رمضان
تامنيني والله حاجة ماتشهيني هههه
مام برا مانتشهاش ومانشريش بلهفة زعما
برك تعجبني الطابلة كي يكون فيها لحم لحلو هههه
علاقتك مع السحور
مانتلاقاوش ههههه
نوض نشرب الماء برك على جال بركة السحور برك ههههه
سكرو مواقع التواصل الاجتماعى
شويا شويا مي مانتبعش بزاف صفحات كيما الفايس تقريبا غير لي ڨروب تاع 1001 الى تعرفيهم وبعض الصفحات

والله غير عيت لانكتب هاذووو بسيف
نولى فالسهرة لاحب ربي
فيهم خير وبركة هههه
صح طيامكم
​

يعطيك الصحة ختي
نورتينا الموضوع بطلتك وباسئلتك الجميلة
عاودي زورينا مرة اخرى ان شاء الله
صح فطورك
​

 

[Autumn leaves]

ليش المكان زحمة ،،
ما لقيت أحط رجلي .. ماشاء الله
... ... ...
السؤال اللي كان في بالي تم خطفه .. يتعلق بسبب التسمية

كيف علاقتك باللغة العربية الفصحى ..

مقولة شعبية تحبها ،، وتعتقد انها صحيحة ١٠٠%

كيف كانت علاقتك بالمدرسة ،، ..

موقف مضحك يحضرك من طفولتك في رمضان ،،

نصيحة توجهها للبنات

نوع الأفلام اللي تحب متابعتها ..

عطيني رأيك في الدراما العربية عموما

سبب ظهورك في اللمة هذي السنة ،، السنة الماضية ماكنت أشوفك .. ألمحك فقط وتخنفي ..
اقصد في رمضان
....
هذا مالدي الآن ..
يمكن تخف الزحمة أرجع ..
تقديراتي ..