لونكات العسكر في الجزائر

[لؤلؤة البحار]

سلام عليكم
.
.
.
انا فتاة حاب يخطبني واحد يخدم فالعسكر و خطرة قالي بليقبل الزواج يديرو لونكات على الطفلة و العائلة تاعها و يجبدو كلش عليها انا فالحق تقلقت شوية ماعارفاش واش راح يكون فهاد لونكات
نتمنى لي يعرف عليها هاد لونكات يقولي واي فيها واش الاسئلة لي يطرحوهم عليك كيفاه جوز و شكرا❤❤

 

[إلياس]

هناك منتدى خاص بهذه اسمه فرغ قلبك غيري المنتدى اختي اسف و لي رجعة للموضوع إن شاء الله

 

[ريحـان]

السلام عليكم اختي

معنديش فكرة على الموضوع
بصح متقليش راسك نظن يشوفو السوابق
نتاع العايلة او حاجة ضد
المهم شي حاجة بسيطة
ربي يسخر لكم

 

[امحمد خوجة]

لاتخافي اختي الكريمة وتوكلي على الله فقط انها اعمال روتينية امنية تقوم بها السلطات العسكرية او الامنية حول عائلتك ان لم تكن تشوبها اعمال اجرامية او احد الافراد تكون له سوابق عدلية من الذين تورطوا في الارهاب او اعمال خطيرة تمس الدولة اما الباقي فهم بانفسهم يقولون لك الف مبروك

 

[الامين محمد]

ماهيش حاجة كبيرة او صعبة امور بسيطة جدا و عادية
لا تستدعي التوتر او الخوف

ربي يبارك و ييسر ليكم

 

[آمِيْرَتُه]

السلام عليك
عادي أختي راح يسقسوك أسئلة عادية ويشوف اذا مثلا واحد من العائلة كان من جماعة أيام العشرية السوداء
يروح معاك الأب نتاعك وإذا مكانش خوك يعني كل شي عادي وفي ظرف شهر يعطوك الأن كي وتعدي
بالتوفيق

 

[ikram ben amour]

السلام عليكم أنا فتاة جزائرية من أصول مغربية جدي فقط و عندو Nationalité française و والدي و عمامي زايدين فالجزائر و ماما جزائرية 100% إبنة مجاهد و مجاهدة هل أستطيع الزواج بدركي مكانش سوابق و لا مساس بالدولة فقط جدي مغربي و مات الله يرحمه أرجو الرد من فضلكم و شكرااا

 

[إلياس]

يمكن الزواج منه أختاه استخري الله إن شاء الله فيها خير