من يوميات الكورونا مع sami44

[sami44]

السلام عليكم


ان شاء الله احوالكم بخير

مده ممادلناش كيما تعرفو كنت مع المرض والضروف

قلت اليوم نحكي على بعض المضاهر من بومياتي
كمواطن وكغيري من المواطنين

المرض كاين هناك مصدق وهناك مكذب

انقولك و اديها من عندي المرض موجود رغم انو مسيس احيانا لا تستهينو ولا تتيتهزؤو
والله الامر خطير ونحن غافلون


كيما تعرفو هذ الاشهر لا حديث يعلو على حديث الكورونا

ميم العقليات تبدلو مش كيما كنا من قبل الواحد ينوض طول يغسل وجهو ويمشط ويدير الجال ويشرب قهوتو ويقلع
بعد مايشوف فالمرايا طبعا

دكا تنوض تحوس على كمامتك هي الاولى باش ماتنساهاش تحطها فالجيب
بعدين تغسل وجهك مره ويديك 7 مرات مع الدلك والموالات طبعا قالك الفيريس يعشق فاليدين
سيرتو تاع البنات الي موالفبن النيفيا ردو بالكم

بعدين تخرج من الدوش تعقم لانك توشيت الباص تاع الباب
وتدخل للكوزينه تعقم لانك فتحت الباب
وتشرب قهوتك تعقم لانك توشيت الفنجان
وبعدين تلبس صباطك ووتعقم وتفتح الباب تاع الخرجه وتعقم اخر تعقيمه فالبيت

تلبس البافات تاعك قالك الفيريس دار جناحتين وراه يطير بالهواء
توصل للبيس تطبع وتتضارب باش تركب
اذا ساعفك الحظ وركبت انيح كرسيك مليح بالاانجات واقعد

يجيك الرودسوفر يخلص بعدها عقم
تنزل تروح لخدمنك ما تسلمش وما تخمسش الناس لازم كامل تشوفهم اعداء سينون يخمس معاك واحد وتهردت كامل التعقيم الي عقمتو راح في خبر كان

تشري القهوه في ظريقك من المقهى المعتاد
غير طريقه البيع تغيرت تمدلو الصرف من تحت الباب وتعقم
ويمدلك القهوه فيها 3 سكر تحب ولا تكره شغل تشري حاجه ستاندار

تجوز على السيبيرات فالطريق تشري قرعه ماء
بالطبع باش تضمن الفيريس مافيهاش
المهم تلقى واحد عند الباب شغل فيدور طويل وعريض ويدو قد المحنه
تغلط تخلص كي يخزرك برك تلبس كمامتك وتدير شويه معقم
هنا تولي هذيك تاع الحر بالغمزه والبرهوش بالدبزه
تدخل بعدها وتخزر فالغاشي عينيك يولو كيما اللازير يحسبو المتراج بينك وبين الغاشي
يلزم متر ونصف على الاقل
الحاجه االميحه انو يدخلو غير ب3 عباد وهذا يخزر في هذا من كثرت نا تخاف يقرب ليك تنسى واش رايح تشري
عينك على قرعه ما بالاك تشري حمود ولا فونتا
المهم شريت وتروح تخلص الكيسي دايرلك خط احمر تتبعد ليه بمتر باش تخلص
تحس روحك ملغم ولا نشكوك فيه

بعد هذ العناء توصل للخدمه وهنا المصيبه الكبيره
تطبطب وبعدها تعقم واذا ماسمعوكش يعني رايح تطبطب بزاف وتعقم بزاف
لتر تاع معقم ونا يكفيكش
اذا عندك الزهر يفتحو عليك مت اول طبطبه
بعدين تدخل تبدل حوايجك وتبدا الحاجه الي تهزها تشك فيها تتوسوس بالتك الفيريس راه فيها تروح تغسلها وتولي وتزيد تعقم يديك

وانت تخدم حتى يجي واحد يطل السلام عليكم
يزدم يخمس ديراكت يعني يفسدلك واش عقمت من الصباح
وهذا اذا ماسلمش عليك
سيرتو حنا نحشمو الواحد كي يمدلك وجهو ماتقدرش تردو
احنا شعب يتضامن يعني ميم راك مريض نمرض معاك
انت هارب وهو جايب المرض ويحري موراك
الله يقدرنا على فعل الخير

يوصل ليك وقت الفطور لازم تاكل وهنا عندك خيارين
اما تشري روبا فروا
اما تروح للريسطورون تشري بلا ولا كاسكروط وادي وروح
يفكرك بقهوه موح تاع بكري
يقولك قهوه موح ادي وروح
انا شخصيا نفكر نروح للسيبيرات وكي نتفكر الإجراءات الصارمه تاع الفيدور الي عند الباب نبطل
نقول خلي نروح للريسطورون
حسبتها ساهله او ضهرت السيبيرات ارحم
توصل عند الباب تلقاه داير كنتوار وبلاكه ممنوع المرور
ولاشان تقول راك عند لابوست كيفكيف
تدوموندي فريت اوملات على خاطر هي الساهله وسريعه
المهم يقولك اغسل بالغاسول وزيد عقم ودير لاسان وبينك وبين صاحبك مترين تلقى روحك بعيد وحد 300 متر عليه يعني كي توصل دالتك
تكون اما شبعت من الوقوف او طحت من الجوع
تستنى مده نصف ساعه او كثر
يجيبلك البلا تاعك مغلف فالالمنيوم
او ساندويش مغلق
تشدو وتعقم وتخلص وتعقم
واذا ماكنتس لابس الكمامه يعني تعبك راح خساره لانو الفيدور يطردك اكيد ميم تليطبسها قدامو لالا

تىوح تاكل غير تكمل تلقى النهار خلاص راعي الزوج
اجري قبل ما يتوقف النقل وتبات برا
للناموس

يعني غير توصل لاجونص يتعاود المسلسل تاع الصباح بالتفصيل
ولما توصل للدار يتعاود المسلسل تاع الصباح
لكن مع بعض المشاهد الاضافيه
نثلا تجي يماك تقولك واش ماتوشيت والو
اسمع عقمت مليح يخي
وتاني تنحي حوايجك عند الباب
وصباطك قريب تخليه برا


رغم كل هذا كاين مضاهر وانور جميله في هذ اليوميات

مثلا تدير الكمامه الي يسالك دراهم ما يعقلكش
وتاني تركب فالبيس ما تشمش ريحه عيانه سيرتو منوعند صحاب الشمه
وتانيوهذاك الي يهدر والبزاق يطير من فمو مايقلقكش
وهذاك الصامط الي انت تحكي فالتلفون وهو يسلم عليك صايي يفهم روحو
وهذاك الي في كل دوره يقولك كوبه قهوه تتهنى منو

المهم هذي بغض المشاهد من يوميات ناصر

من بعد نحكيلكم يوميات مريض بالكورونا
ومشاهد حصريه للمه انتضرونا

وانتوما تاني عايشين كيفي ولا غير انا


لكم االتحه والتقدير
اخوكم ناصر #​

 

[إلياس]

المشكل أن هناك مازال متهزىء بالمرض و لا يبالي به حتى و لا يقوم بشروط الوقاية اي لبس الكمامة و تعقيم عند دخول البيت او خارجه بترك مسافة الامان و الوباء هو يزداد يوما بعد يوم و الناس مازلت تذهب للاعراس و الجنائز
علينا بالتوعية و الوقاية يا شباب اتقي الله في كبار السن و ذو الأمراض المزمنة
بورك فيك على الموضوع اخي إن شاء الله يكون هذا بمثابة توعية لهم
ربي يرحم موتى المسلمين و يشفي كل مريض يارب العالمين اجمعين

 

[@R@ZIK]

السلام عليكم واش احوالك خويا هذي غيبة
ندخلو في الموضوع صح ولينا مهوسين بالمرض والتعقيم
انا شخصيا مستعرفة بالمرض وكاين منو لانو اقربون مرضو بيه وشفت معاناتهم
ولينا التعقيم كل 5 دقايق الجافيل داير حالة في الدار واحد دخل وواحد خرج لازم تعقيم لليد تاع الباب والارض والمشتريات واي حاجة تخطر على البال وزيد كي بدينا الخدمة الاعقيم كثر هذا داخل وهذا خارج وكي تقولو متدخولش بدون كمامة رغم اللافتات لي برا مي هو جايتو نورمال يدخل ويقلك الستار ربي وكيما حكيت الماكلة تكره اذا تفطر برا تخاف وتخلاص عليك بخبز وفرماج وياربي
ربي يستر والشعب يفطن ولازم الوقاية والتوعية
يعطيك على الصحة على الموضوع اخي sami44
تقبل مروري

 

[Autumn leaves]

مرحبا بعودتكم
هذي يوميات الغالبية ،،

لست للدرجة التي وصفتها ،
نمسح ونعقم البيت ومعي معقم ، في حقيبتي

وين مانروح نعقم ومثل ماذكرت شعب متكافل ومتضامن
اللي تسلم علي احط معقم واقلها مدي يديك
بعضهم يتضايق وكأن كورونا فضيحة !

و غطاء الوجه يحل محل الكمامة الحمدلله..

لكن انت للأمانة حالتك صعبة ،،
احس بالقلق لما أمارس هذي الاجراءات!

 

[sami44]

المشكل أن هناك مازال متهزىء بالمرض و لا يبالي به حتى و لا يقوم بشروط الوقاية اي لبس الكمامة و تعقيم عند دخول البيت او خارجه بترك مسافة الامان و الوباء هو يزداد يوما بعد يوم و الناس مازلت تذهب للاعراس و الجنائز
علينا بالتوعية و الوقاية يا شباب اتقي الله في كبار السن و ذو الأمراض المزمنة
بورك فيك على الموضوع اخي إن شاء الله يكون هذا بمثابة توعية لهم
ربي يرحم موتى المسلمين و يشفي كل مريض يارب العالمين اجمعين

ربي يعيشك لعزيز
والله صح الاغلبيه ماش مؤمنين بهذ الوباء لكن من وصله يعاني
الاحتباط واجب لكن مرات يزيد عن حده لدرجه لاتطاق
واحيانا غير موحود
ربي يقدر الخير
لك كل التقدير اخي

 

[sami44]

السلام عليكم واش احوالك خويا هذي غيبة
ندخلو في الموضوع صح ولينا مهوسين بالمرض والتعقيم
انا شخصيا مستعرفة بالمرض وكاين منو لانو اقربون مرضو بيه وشفت معاناتهم
ولينا التعقيم كل 5 دقايق الجافيل داير حالة في الدار واحد دخل وواحد خرج لازم تعقيم لليد تاع الباب والارض والمشتريات واي حاجة تخطر على البال وزيد كي بدينا الخدمة الاعقيم كثر هذا داخل وهذا خارج وكي تقولو متدخولش بدون كمامة رغم اللافتات لي برا مي هو جايتو نورمال يدخل ويقلك الستار ربي وكيما حكيت الماكلة تكره اذا تفطر برا تخاف وتخلاص عليك بخبز وفرماج وياربي
ربي يستر والشعب يفطن ولازم الوقاية والتوعية
يعطيك على الصحة على الموضوع اخي sami44
تقبل مروري

اهلا بك وكل الشكر على السؤال
والله ضروف ومعاناه مع المرض وهموم الدنيا
والحمد لله على كل حال
بالفعل يجب الايمان بوجود المرض واا يجب الغفله لانه قاتل وغير مرئي هذا عدو مخفي
اما التعقيم واجب لكن في حدود المعقول والله عانينا هذ الشهرين قريب ولينا تشربو جافيل لكثره تواجده بالبيت
وغسل المشتريات واجب بسبب المرض او من دونه لأن شروط النضافه انعدمت عند التحار
اما الفطور والله مرات نفطر بالقوفريت والعصير اما ابام المستسفى فكنت افطر على الموز والقوفريت
ربي يحمي بلارنا وكل المسلمين بارب
كل الشكر والتقدير على المرور العطر

 

[إلياس]

علينا نساعد الأطباء بزيادة التوعية الناس بخطورة الوباء
ربي يرفع علينا البلاء و الوباء يا رب العالمين إن شاء الله

 

[sami44]

مرحبا بعودتكم
هذي يوميات الغالبية ،،

لست للدرجة التي وصفتها ،
نمسح ونعقم البيت ومعي معقم ، في حقيبتي

وين مانروح نعقم ومثل ماذكرت شعب متكافل ومتضامن
اللي تسلم علي احط معقم واقلها مدي يديك
بعضهم يتضايق وكأن كورونا فضيحة !

و غطاء الوجه يحل محل الكمامة الحمدلله..

لكن انت للأمانة حالتك صعبة ،،
احس بالقلق لما أمارس هذي الاجراءات!

اعرف انا الغالبيه تعيش هذ اليوميات لكن كل منا وكيف يعيشها
هناك من يطبقها بصرامه وهناك من يطبقها خوفا من القانون فقط لانو في بعض المناطق فرضت غىامه على المخالفين
اما غطاء الوجه لا اضنه مناسب للحمايه من الفيروس عليك بوضع الكمامه وفوفها غطاء الوجه
اعرف اني صعبتها عليك
وكما قلتي يومياتي تضهر اصعب نوعا ما خصوصا مع التنقل
والشعب المحب للتكافل كما ذكرت
والله كلنا نحس بالقلق لكن ما باليد حيله
لك التقدير ايتها الفاضله

 

[صدى الصورة.]

كاين اللي مأمن وكاين لا لا
والتعقيم صار حاجة يومية وبالمدااومة
ربي يجيب الخير ويرفع علينا هاد الجائحة يا رب

 

[sami44]

كاين اللي مأمن وكاين لا لا
والتعقيم صار حاجة يومية وبالمدااومة
ربي يجيب الخير ويرفع علينا هاد الجائحة يا رب

الي ماش مأمن نهار تلحق ليه يأمن بالسيف عليه
اما التعقيم والاحتياط واجب هكا الواحد ما يخاف ما يندم
بورك فيك وربي يعيشك

 

[ريحـان]

عودة ميمونة اخي
الحمد لله على سلامتك
بالفعل هذا من اغلب يومياتنا
زيدها التوسويس و عندااااك تعطس و لا تكح قدام الناس ههه
المرض هذا وباء موجود و ياريت نلتزموا شوي على الاقل حفاظا على والدينا
ربي يجيب الخير
في المتابعة ..
​

 

[sana barhoumi]

إليوم مريض الكرونا يذهب للمقهى وللمطعم اللهم الإنسان يعتزل المقهى والمطعم للحفاض على نفسه وحتى لو حجر صحي يعدي الأب والأم والأخت والخالة في لقاء مصافحة ثم يخرج الأب من البيت ويعدي الناس ليس هناك ثقافة عند المريض تحرمه من المقهى كأنه سوف يموت إن لم يذهب للمقهى أو للمطعم مع الأصدقاء أو إحترم مسافة الأمان مع الأسرة.

 

[ناصر dz]

اللهم ارفع عنا هذا البلاء

 

[ONjINE]

وعليكم السلام

البنات الي موالفبن النيفيا ردو بالكم

وش قصت النيفياااا ووش دخلها فكوغونا ا متخلعناش

ههههه انا من يوم العطلة vrai درت الحجر تاع الصح وحاجرتهم معايا ذا جافيل ولا معقم والكمامات
هذي وحد النهار خرجنا ومالغري التعقيم والكمامة المهم نمشيو انا ونبع الحنان وصلنا لبلاصة فالطريق كيف الكولوار ايوا يفوتو زوجين كي نجيو حذاهم عطس الراجل ارواح وشوف حالتي لاسبوع موسوسة
يعني حنا كــــبنات معاناتنا اقل منكم الحمد لله

ربي يجيب الخير ويرفع البلاء برك

 

[sami44]

ال

عودة ميمونة اخي
الحمد لله على سلامتك
بالفعل هذا من اغلب يومياتنا
زيدها التوسويس و عندااااك تعطس و لا تكح قدام الناس ههه
المرض هذا وباء موجود و ياريت نلتزموا شوي على الاقل حفاظا على والدينا
ربي يجيب الخير
في المتابعة ..
​

الله يسلمك وربي يحفظك
وااله نعيش نفس الضروف وتختلف باختلاف المناطق والعقليات
اما بالنسبه للعطس واش نقولك دك الي يعطس مشكوك فيه صحاب الحساسيه تهردت عليهم
اكيد اخذ الاحتياط واجب الواحد يحمي عايلتو قبل مايحمي نفسو يعني لازم الواحد يكون ذكي ويحارب الفيريس بضربات استباقية
وهذا بالتعقيم والحفاظ على النضافه
مشكوره على لمرور ولك التقدير

 

[البشير البشير]

بارك الله فيك ومشكور على الموضوع القيّم والمشوّق لقراءته
نعم الحياة تغيّرت 360 درجة، صار انسان مقيّد بين العزلة والخوف والوسوسة ويبقى الدعاء واللجوء إلى الله هو مخرج الوحيد.

 

[أم أُنٌَيسة]

وعليكم السلام ورحمة الله
ايييه يا انيوي راك تجاهد
صح معترفة بالمرض، لكن الحاجة الوحيدة اللي نديرها قراءة أذكار الصباح والخروج من المنزل وضاربة الدنيا بكوثبي
الكمامة منديرهاش، منعقم مننذب.. مين نغسل يديا الصباح غير لما نتوضا او نكون رح ناكل..
اذا جاو لافامي، اذا يسلمو نتلاقاهم نورمال كاين مراض بلاڨريب يقولولي مهبولة كيفاه تسلمي برك.. نقللهم عادي نوغماغ
يعني متغير والو فحياتي، اما الحجر دوريجين كنت دايرتو لروحي نخرج وقت الحاجة برك والحمد لله
ربي يقدركم ويعينكم

 

[Andy_Delort]

السلام عليكم

سلامتك اخي الغالي ...

نفس الشيء تقريبا انا نشوف في روحي معرض ليها بنسبة تفوق70%وذالك لظروف عملي

كنت توجور نخرج ومعايا كمامة والمعقم واش نتوشي نعقم .... بصح نعقل في جوايهت20مارس هكذاك قبل لا تتحكم الكورونا مليح مليح ... حكمتني واحد القريب قاوية كنت نرقد بلبزاف لحقت وين كنت نرقد كثر من 15س وفشلة وطلعلني شوية سخانة باردة ... منقدرش نقولك الا هيا ولا مهيش بويسك وقتها عاد مزال مبداش الحجر وقاع المهم جبت واحد سيمانة هكذاك كثرت غير من ليمون وفيتامين cوالزنجبيل وقاع ...

مهم رتحت والحمد لله وانا جامي في حكايتي حكمتني قريب طيحتني كيما ديك ليمات

المهم كنت مواضب عل التعقيم بصورة شديدة جدا

لدرجة انو لي كانو خدامين معايا مكانش لي حكماتو لاقريب هاديك

المهم يا سيدي انا منقدرش نكونفارمي الا كانت هي ولا مهيش بصح حاليا الامر راه مشكوك صديق لي في العمل عندي نهارين كنا قاعدين كيف كيف قصارين وكان بيناتنا كأس تاي تاعه هههه شربت منو كوباات ( العادة لي ميفرطش فيها الجزائري )

بارح ظهر بلي عنده كورونا وتجرعنا من نفس الكأس هه مهم انا حاليا اني نستنى في كاش اعراض وان شاء الله مايكون والوا والا جات فمرحبا بيها ...

 

[zagane]

السلام عليكم
أخي سامي عودتي وعودتك ميمونة
وربي يشافيك
كي تروح كورونا نولو نتوضاو خمس خطرات للصلاة وخمسين خطرة للوسواس نتاع كورونا