زوجي....حياتي من دونك ضياااع

[الفتاة الاميرة]

بسم الله الرحمان الرحيم والصلاة والسلام على اشرف المرسلين...وبعد
اول مرة رايحة نحكي بالعامية لانو باه نعبر براحتي لازم اللغة العامية تعنا...كنت طفلة هادئة خجووولة بزاف بزاف ومتفوقة فالدراسة عادي ونحب نضحك ونحكي بزاف... بعد ما نجحت فشهادة البكالوريا هدر عليا جاري مع دارنا وقبلوه...كانت حياتي حياة وبعد ما عرفتو ولات حياة وحدة اخرى تماما....النشاط والحيوية وشخص تتقاسم معاه يومك بكل تفاصيل ...انسان مهتم غيور حنين والاهم انو معطااااء لاقصى درجة يعني ينحكيها من فمو ويمدهالي....عامين بيناتنا مكالمات برك وحكايات...بعد ما كملت عامين فالجامعة درنا خطبة رسمية وحفلة ووو....وقف معاي كيما لازم واكتر...استحالت الحياة بلا بعضانا لازم نهاري بيه ونهارو بيا ولا متحلاش....بعد ما تخطبنا عامين فهاذ الصيف عقدنا" عقد قران وفاتحة" ولله الحمد ولا زوجي شرعا وقانونا ....حبيت اليوم نكتب لانو يستاهل كلمة خير واعتراف في حقه...انت زوجي وسندي وتاج راسي ونور حياتي انت راجلي وعوني ربي يهنينا ويقدرني ونردلك جزء من خيرك...ربي يحميك وليا يخليك...
المفيد اني عندي مسألة نحتاج اراء لي مجربين فيها ...تعرفنا عامين وتخطبنا عامين وعقدنا نورمالمو عام ونزوجو باذن الله... الميزانية على قدها...والحال زرب يعني فات الوقت وهو ما كملش امورو...يتعاون هو وخوتو يبنيو دار كل واحد وطاج تاعو بناو واحد والتاني على اساس تعنا والتالت رايحين يضاليوه ...المشكل انو امو تقول تكمل تبني مع خوتك ومبعد تفيني دارك وتزوج وهذا ياكل دراهم ووقت...وهو يقول نفيني ونزوج ومبعد نكملو الطاج 4....انا ويلي هو لي مضغوط...وويلي دارنا لي جاتهم بزاف لازم نعرسو...متاكدة بلي ربي راح يحلها من عندو وظني بالله خيييير بصح نحتاج استشارة وتدبير....
طوولت بزاف اسمحولي واتمنى نلقى جواب ولي عندو سؤال يتفضلوشكرا

 

[الامين محمد]

بسم الله مااشااء
ربي يتمم ليكم و يفتح عليكم بيبان الخير
ان شاااء الله عشرة و طيب و هناء و ذرية صالحة

الحقيقة اختااه لقد قطعتم طريقا و مسافة هامة نحو البناء
و الحمد الله اهم الامور موجودة
و اهمها باب المحبة و الالفة ربي يديمها

بخصوص مشكلت البت الان اصبح مشكل و عائق كبير امام جل العرسان الجدد

راح اجيبك اختااه بتفكير الرجل
اولا اوصيك ان لا تكوني عاملا للضغط على زوجك فكل كلمة حول البيت
من جهة التعجيل و الانهاء و توفير كل المستلزمات ستكون عاملا ضاغطا
و موترا للزوج الكريم
بل يجب ان يكون كلامك كله رضى و قناعة و ان اللي كاين فيه خير و بركة
و في هته المرحلة كل مواقفك ستحتسب لك او عليك

اما طريقة خلاص زوجك من المشكلة هي تركيزه على الوقت
ان الفترة طالت جدا جدا و انه متعجل امر الزواج
طبعا مع الوعد انه سيكمل مشروع المسكن

ايضا ما تنساوش الدعاء فاغلب و اصعب العقد يفتحهها الدعاء
الصدقات فكم من ازمة فرجتها الصدقة

في الاخير دعواتي لكم بالتوفيق و السداد و الحفظ و الستر

 

[السلطانة]

وعليكم السلام ورحمة الله وبركاته
اهلا بيك اختي احييك لثقتك الدائمة فينا
ربي يكمللكم بالخير ويهنيكم
اما فيما يخص مشكلتك
امممم درك الخاوة متعاونين انهم يبنو كل مرة ايطاج
هل ليطاج لول مزوج فيه خو زوجك؟
او فارغ
والثاني لي هو تاعكم هل كامل او كملوه؟
علئ حسب مافهمت الاخوة اربعة
والباقيين خاطبين هوما تاني ولامازالو؟

 

[ONjINE]

السلام عليكم اختي
احمم هي انامامجربة ماولواوجامي تزوجت وجامي دخلت فعلاقة { في عمري 16 } مي حبيت نمد رايي برك
علاقة امي وابي هي قدوة ليا ومنها تعلمت مايكفي وكامل عائلتي الحمد لله افكارهم وعلاقاتهم ومفاهيمهم للزواج عطاتني نظرة حتى نقدر نعبر على رايي حتى بلا مانجرب

الزواج علاقة قائمة على الثقة والمودة والاحترام
نتوما خلاص زوج وزوجة شوعا وقانونا انتي اخترتيه وبكامل ارادتك حتى يكون شريك حياتك ولحد الساعة كاين توافق وتعلق وتقبل من الطرفين و العائلتين

قصة الدار :

مشكلة اغلب العرسان والعبارة الاسطورية فالمجتمع الجزائري ديرلي داري وحدي

اختي انتي من هدرتك تباني رزينة وعاقلة وقد المسؤولية الله يبارك وزوجك ماحبك الا لانو شاف فيك ام ولادو والمراة لي تصون شرفوا وديجا راكي قلتي ينحيها من فموا ويمدهالك

فالعلاقات عموما تقابلنا عقبات بزاف وعلاقة الزواج تحديدا الصبر وتحمل المسؤولية والمشاركة هوما اساسات لعلاقة قوية ومتماسكة مش مجرد كلمات ومفاهيم انتي مهما كان لازمك تصبري عليه انتي من الاول عارفة وضعه
يعني مش لازم تحسسيه بضعفه او تعارضي راي امه بطريقة مباشرة { راكي عارفة وترجعي فشغل الكناين والحمايات والراجل يكره جد حياتو }
الفايدة متظغطيش عليه وبينيله انك واقفة معاه في كلش وانو مش الاسباب المادية لي تعيق علاقتكم

لي يقوله قولي واه { هذا مش ضعف طاعة لزوجك يعني مش واه فكلش انما قضايا حساسة مثلا كي تقول امو راي انتي مش تعارضي وتنوضي تنتاقدي استناي يهدا استناي الوقت المناسب وبطريقتك قنعيه }

دوك انتي ملقتيلناش وش حابة ؟ اسكو توافقيه الراي يعني يفيني ويتزوجو ؟ ولا معندكش مشكل اذا خذا راي اموا ؟
وانتي كيفاش موقفك من راي عائلتك ؟
ياترى رح يكون مشكل لو زدتوا اجلتوه ؟
وهل ضروري يكمل الدار حتى تتزوجوا يعني متقدريش تبقاي مع اموا مدة ؟

 

[إلياس]

عليك بالدعاء اختي سلمت يداك على الطرح

 

[الفتاة الاميرة]

عليك بالدعاء اختي سلمت يداك على الطرح

العفو اخي هذي ثقتي فيكم...والدعاء اهم حل ويعتبر الحل الوحيد بعده حسن التدبير

 

[الفتاة الاميرة]

وعليكم السلام ورحمة الله وبركاته
اهلا بيك اختي احييك لثقتك الدائمة فينا
ربي يكمللكم بالخير ويهنيكم
اما فيما يخص مشكلتك
امممم درك الخاوة متعاونين انهم يبنو كل مرة ايطاج
هل ليطاج لول مزوج فيه خو زوجك؟
او فارغ
والثاني لي هو تاعكم هل كامل او كملوه؟
علئ حسب مافهمت الاخوة اربعة
والباقيين خاطبين هوما تاني ولامازالو؟

شكرا جزيلا غاليتي على الرد وثقتي فيكم كبيرة
اولا ليطاج لول مبني مفيني ساكنين فيه حمويا وحماتي وعلى اساس انو لاخ زوجي الاصغر منو فالمستقبل نشالله
ثانيا ليطاج التاني راه مبني مضالي ومقسم مزال التلباس والكرلاج صبغة بيبان ووو او تعرفي
ثالثا الاخوات ذكورة 8 الله يبارك ربعة راهم بانيين ثلاثة طاجات وكل ما يبنيو طاج يزوج مولاه بقى واحد ليومنا هذا ما راهش باني طاجو وامو مهيش حابة هاذ المشكل يتكرر مع الاربعة الصغار ....بالنسبة للي مزالو واحد ما خاطب غير زوجي وثلاتة بلا زواج...نتمنى نكون جاوبت على جميع اسئلتك وشكرا عزيزتي مجددا

 

[الفتاة الاميرة]

بسم الله مااشااء
ربي يتمم ليكم و يفتح عليكم بيبان الخير
ان شاااء الله عشرة و طيب و هناء و ذرية صالحة

الحقيقة اختااه لقد قطعتم طريقا و مسافة هامة نحو البناء
و الحمد الله اهم الامور موجودة
و اهمها باب المحبة و الالفة ربي يديمها

بخصوص مشكلت البت الان اصبح مشكل و عائق كبير امام جل العرسان الجدد

راح اجيبك اختااه بتفكير الرجل
اولا اوصيك ان لا تكوني عاملا للضغط على زوجك فكل كلمة حول البيت
من جهة التعجيل و الانهاء و توفير كل المستلزمات ستكون عاملا ضاغطا
و موترا للزوج الكريم
بل يجب ان يكون كلامك كله رضى و قناعة و ان اللي كاين فيه خير و بركة
و في هته المرحلة كل مواقفك ستحتسب لك او عليك

اما طريقة خلاص زوجك من المشكلة هي تركيزه على الوقت
ان الفترة طالت جدا جدا و انه متعجل امر الزواج
طبعا مع الوعد انه سيكمل مشروع المسكن

ايضا ما تنساوش الدعاء فاغلب و اصعب العقد يفتحهها الدعاء
الصدقات فكم من ازمة فرجتها الصدقة

في الاخير دعواتي لكم بالتوفيق و السداد و الحفظ و الستر

شكرا جزيلا جزيييلا على الرد الراقي اخي ...دعائي متكرر وثقتي بالله ليس لها حدود....بخصوص رأيي مع زوجي انا والله لي يقول نقلو حاضر واذا كان معاجبنيش الحال نسكت وكي تهدأ الامور نقترح طلبي ولا واش ماهوش عاجبني بطريقة سلسلة ...مدة الخطوبة علابالي طاالت وانا وهو موقفنا واحد حاببين نستقرو ونتهناو هو حاب يفيني الدار ومن بعد يدير العرس وامو كيما قلت عندها تخوف انو يبني يتزوج ويولي عندو مسؤوليات اخرى يتخلى على خوتو ....بالنسبة ليا اكيد حابة نكون مرتاحة فداري وهو كذلك ونستنى فترة خلاف ولكن المشكلة من جهتي انو اهلي ماهمش قابلي نزيد كتر ....وزيد اصلا اهلي راهم يضغطو فيا على حوايج بزاف ومنيش نوصلو واش يقولو باه منضغطوش وراني غير نقلهم هاه نشالله اوكي ...ربي يساجف الاحوال ياربي ويكملنا وللناس كامل نشالله

 

[الفتاة الاميرة]

السلام عليكم اختي
احمم هي انامامجربة ماولواوجامي تزوجت وجامي دخلت فعلاقة { في عمري 16 } مي حبيت نمد رايي برك
علاقة امي وابي هي قدوة ليا ومنها تعلمت مايكفي وكامل عائلتي الحمد لله افكارهم وعلاقاتهم ومفاهيمهم للزواج عطاتني نظرة حتى نقدر نعبر على رايي حتى بلا مانجرب

الزواج علاقة قائمة على الثقة والمودة والاحترام
نتوما خلاص زوج وزوجة شوعا وقانونا انتي اخترتيه وبكامل ارادتك حتى يكون شريك حياتك ولحد الساعة كاين توافق وتعلق وتقبل من الطرفين و العائلتين

قصة الدار :

مشكلة اغلب العرسان والعبارة الاسطورية فالمجتمع الجزائري ديرلي داري وحدي

اختي انتي من هدرتك تباني رزينة وعاقلة وقد المسؤولية الله يبارك وزوجك ماحبك الا لانو شاف فيك ام ولادو والمراة لي تصون شرفوا وديجا راكي قلتي ينحيها من فموا ويمدهالك

فالعلاقات عموما تقابلنا عقبات بزاف وعلاقة الزواج تحديدا الصبر وتحمل المسؤولية والمشاركة هوما اساسات لعلاقة قوية ومتماسكة مش مجرد كلمات ومفاهيم انتي مهما كان لازمك تصبري عليه انتي من الاول عارفة وضعه
يعني مش لازم تحسسيه بضعفه او تعارضي راي امه بطريقة مباشرة { راكي عارفة وترجعي فشغل الكناين والحمايات والراجل يكره جد حياتو }
الفايدة متظغطيش عليه وبينيله انك واقفة معاه في كلش وانو مش الاسباب المادية لي تعيق علاقتكم

لي يقوله قولي واه { هذا مش ضعف طاعة لزوجك يعني مش واه فكلش انما قضايا حساسة مثلا كي تقول امو راي انتي مش تعارضي وتنوضي تنتاقدي استناي يهدا استناي الوقت المناسب وبطريقتك قنعيه }

دوك انتي ملقتيلناش وش حابة ؟ اسكو توافقيه الراي يعني يفيني ويتزوجو ؟ ولا معندكش مشكل اذا خذا راي اموا ؟
وانتي كيفاش موقفك من راي عائلتك ؟
ياترى رح يكون مشكل لو زدتوا اجلتوه ؟
وهل ضروري يكمل الدار حتى تتزوجوا يعني متقدريش تبقاي مع اموا مدة ؟

وعليكم السلام اختي الغالية .....اولا مستحيل اذا عمرك 16 سنة هههههه راكي قمة ماشاء الله ....شكرا جزيلا على الكلمات الراقية والنصائح تاعك....راني باذن الله عند حسن الظن تاعو ونوقف معاه للاخر ...منيش نعارض فيه ومنيش نضغط ...راح نجاوبك بالتفصيل...واش حابة انا ككل وحدة شايفة انو راح الحال وبزاف فترة الخطوبة وحان وقت الزواج واي تاجيل راح بأرقني كتر...مستعدة نصبر للخريف ولطن اهلي محابينش يعني عندهم مبدا ادخلي مع العيلة ومتأجلوش العرس...وهو زوجي محابش قال انا ماش صبرت خمس سنين باه نتزوج مع العيلة مالا كون تزوجت من عامي الاول.. معنديش مشكل نسكن مع امو ولكن هو ماحابش باغي يكون مستقر...رايي بالنسبة لعايلتي نشوفهم يضغطوني بزاف يعني قوليلو قوليلو قوليلو وانا منحبش نوصلو نتضغط انا وميتضغطش هو اكتر من هك..قوليلو يجيبلك المهيبة...الذهب...على واش راح يحنيلك...كيفاه مكملش الدار...يدبر راسو يمد المهر ويزيد حق هذي وهذي وهذي...اااااه تعبت من التخطيط...وليت نطنشهم لاني عارفة ظروف راجلي اذا عندو ميبخلنيش اذا معندوش منقدر ندير والو...طلبي منكم ادعولي يكملي ربي على ولكل من متمنيها نشالله