طبيب لكن ماهوش متأدب

[الامين محمد]

بسم الله
السلام عليكم احبابي في اللمة المباركة

خاوتي استسمحكم في هذا النقد
راح اسرده لكم و انتن احكموا معي حول هكذا امر

لا شك ان الطبيب عالم و مجتهد و يقدم خدمة للانسان
و هو اقرب الى الملائكة من حيث المجاز عن الطهارة و الرحمة
و مهما اعطناه من مال يبقي قليل في حقه
فهو في واجهة الكوارث دائما

المهم راح احكيلكم على طبيب اللي اكتشف مرضي بكورونا
او أكده لي لأني قبل ما نروح ليه تقريبا كنت شاك بنسبة كبيرة

المهم سافرت ليه و دخلت عنده لوحدي
كانت معي بنتي هبة ما تركتاش تدخل معايا
قلت ممكن يخلعها بكاش كلمة
و الله هكذا حسيت
قلت ممكن يقولهالي بدون مقدمات اني مريض بكورونا و امام بنتي

تركها برة و دخلت وحدي
حكيت ليه الاعراض
قام شاف الحمى مرتفعة
قالي تمد على السرير
جاب الايكو بدى يمرر فيه جيهة الرئة
و يسأل عن باقي الاعراض
و في نص الكلام
قال آآىه خويا راها فيك كورونا

هكذا بدون مقدمات و لا تلميحات مباشرة للوجه خبطني بيها
ما قال السيد راه فيه السكر
او السكر راح يطلعله
او نخلعه
او ممكن نجلطه
او نجيب له سكتة قلبية

هكذا بكل بردودة

آآه خويا راه عندك كورونا
عندك 150 ألف

ــــــــــــــــــــــــــــــــــــــ
سبحان الله ألم يراني بعين الرحمة
أني بشر
و عندي إحساس
لماذا عاملني بكل هته القسوة
ألم يكن بإمكانه
ان يقول بعض الكلام كمقدمات
ـــــــــــــــــــــــــــــــــــــــــــــ
لوكان جا رجل اخر او عجوز في بلاصتي ممكن يشوف ان كورونا مصيبة
و يقولها ليه فرونشمو
واش كان راح يوقع للمريض
ـــــــــــــــــــــــــــــــــــــــــــــــــ
إليكم الخط​

 

[إلياس]

لي عودة الموضوع ان شاء الله

 

[Soumia hadj mohammed]

ذكرتني فوحد المسلسل تع طبيب فيه التوحد مع متلازمة الموهبة موهوب جدا في مجال الطب حتى انه يحلل مرض الانسان في عقله برمشة عين
لكن المشكل لي عندو انه فصيح لي تجي في باله يقولها وكذلك لما يشخص حالة المريض ليه ليه يقول للمريض من واش يعاني كي شغل طلقة رصاصة وخرجت عنده نقص فالتواصل الاجتماعي
لذلك زملاءه الاطباء مع الاول كانوا يمنعوه منعا باتا من ان يلتقي بالمرضى في شان التصريح بحالتهم او لما يخبر اهل المريض بوفاته بعد العملية
في ييوم من الايام كانت حالة ولادة والطفلة زادت مريضة فالقلب تعها بسبب والدتها كانت تتعاطى مضادات الاكتئاب وهي تبكي تسقسي في هاد الطبيب اذا الادوية لي اخذتها هي لي تسببت لمرض طفلتها
الطبيبة لي كانت معاه قالت لالا وهو قالها ايه
وتعاقب عليها
لانو فيه حالات لي تقدر تقول للمريض الصراحة وفيه حلات لالا وفيه حالات على الاقل بدون مبالغة
مثلا هذ المرأة ماكانش لازم يقولها لانو الصدمة هدي ممكن تسببها صدمة عصبية ،،اكتئاب وماترغبش بالعناية بطفلتها
هد الامور لما يكون طالب طب سنة اولى يعرفها
وهد الطبيب جابهالك كي شغل يقصر مع صاحبو على كش نكتة في قهوة
بلاك تالمو كثرو عليه الحالات بدا يتيري برك
لكن المهنة تبقى مهنة وهاد الامر يلعب على المورال والصحة ويدير حساب انو الشخص هدا بلاك عندو السكر او ضغط الدم ونورمالمو بلا الامور هدو يعرف كفاش يوصف تشخيص المريض كما قرا ​

 

[الامين محمد]

ذكرتني فوحد المسلسل تع طبيب فيه التوحد مع متلازمة الموهبة موهوب جدا في مجال الطب حتى انه يحلل مرض الانسان في عقله برمشة عين
لكن المشكل لي عندو انه فصيح لي تجي في باله يقولها وكذلك لما يشخص حالة المريض ليه ليه يقول للمريض من واش يعاني كي شغل طلقة رصاصة وخرجت عنده نقص فالتواصل الاجتماعي
لذلك زملاءه الاطباء مع الاول كانوا يمنعوه منعا باتا من ان يلتقي بالمرضى في شان التصريح بحالتهم او لما يخبر اهل المريض بوفاته بعد العملية
في ييوم من الايام كانت حالة ولادة والطفلة زادت مريضة فالقلب تعها بسبب والدتها كانت تتعاطى مضادات الاكتئاب وهي تبكي تسقسي في هاد الطبيب اذا الادوية لي اخذتها هي لي تسببت لمرض طفلتها
الطبيبة لي كانت معاه قالت لالا وهو قالها ايه
وتعاقب عليها
لانو فيه حالات لي تقدر تقول للمريض الصراحة وفيه حلات لالا وفيه حالات على الاقل بدون مبالغة
مثلا هذ المرأة ماكانش لازم يقولها لانو الصدمة هدي ممكن تسببها صدمة عصبية ،،اكتئاب وماترغبش بالعناية بطفلتها
هد الامور لما يكون طالب طب سنة اولى يعرفها
وهد الطبيب جابهالك كي شغل يقصر مع صاحبو على كش نكتة في قهوة
بلاك تالمو كثرو عليه الحالات بدا يتيري برك
لكن المهنة تبقى مهنة وهاد الامر يلعب على المورال والصحة ويدير حساب انو الشخص هدا بلاك عندو السكر او ضغط الدم ونورمالمو بلا الامور هدو يعرف كفاش يوصف تشخيص المريض كما قرا ​

هههههه بقصة وقعت من جيهتنا
واحد النهار واحد العجوزة هي امرأة كبيرة لكن باقية صحيحة
تبان عليها عاد صغيرة
متوفي زوجها من مدة ممكن 5 سنوات
مرضت المسكينة جابوها ولادها عندي الطبيب
السيد الطبيب من جماعة تيري برك
حط الايكو و قال ليهم بالبركة عليكم راكي بالحمل
هههههههههههههههه
فقامت حرب ليس لها نهاية و سب و حلف
و استمرت الحرب حتى ذهبوا الى طبيب آخر
ما حبيتش نعطيك كل التفاصيل سلامة فهمك هههههههههه

 

[عبدالرؤوف]

وعليكم السلام ورحمة الله وبركاته.

للاسف العلم اصبح يطلب قبل الاخلاق،
نحن ضحايا للتعليب الدراسي الذي وقعنا فيه اصبح غالبا العلم المادي يطلب دون النظر للاخلاق الا توجد امتحانات اخلاقية يؤديها كل متقدم للعمل
ان لم ينهض بالمرء ضميره فلن ينهض به علمه ولو درس ستون سنة.
انما بعثت لأتمم مكارم الاخلاق قول صلى الله عليه وسلم.
انما الامم اخلاق ما ان ذهبت اخلاقهم ذهبوا
الاخلاق في تعاملتنا فيما بيننا تجب فيها الاداب الحسنة فما بالك بمن هو مهمته حساسة الا وهي تطبيب الابدان فكيف يغفل عن ان للبدن قلب يحركه وخلف ذلك القلب مشاعر تهدأ بالكلمة الطيبة وتخدش بالكلمة المفزعة .
الله المستعان ولا حول ولا قوة الا بالله.
شفاك الله اخي الكريم وعفاك.

 

[الامين محمد]

وعليكم السلام ورحمة الله وبركاته.

للاسف العلم اصبح يطلب قبل الاخلاق
نحن ضحايا للتعليب الدراسي الذي وقعنا فيه غالبا العلم المادي يطلب دون النظر للاخلاق الا توجد امتحانات اخلاقية يؤديها كل متقدم للعمل
ان لم ينهض بالمرء ضميره فلن ينهض به علمه ولو درس ستون سنة
انما بعثت لأتمم مكارم الاخلاق قول صلى الله عليه وسلم
انما الامم اخلاق ما ان ذهبت اخلاقهم ذهبوا
الاخلاق في تعاملتنا فيما بيننا تجب فيها الادب فما بالك بمن هو حساس مهمته تطبيب الابدان فكيف يغفل عن ان للبدن قلب يحركه وخلف ذلك القلب مشاعر تهدأ بالكلمة الطيبة وتخدش بالكلمة المفزعة .
الله المستعان ولا حول ولا قوة الا بالله.
شفاك الله اخي الكريم وعفاك.

اشكرك حبيبي و اخي عبدالرؤوف على الرد القيم و بارك الله فيك
كلامك كل درر و الله درر حياك الله به و بياك جعل الجنة مثواك و كل احبابك

 

[عبدالرؤوف]

اشكرك حبيبي و اخي عبدالرؤوف على الرد القيم و بارك الله فيك
كلامك كل درر و الله درر حياك الله به و بياك و انت كل احبابك

امين واياك .
اني احبك في الله اخي الامين .
وبارك الله فيك.وعفاك اخي الامين طهورا ان شاء الله .
ابشر بالعافية

 

[afnene]

السلام عليكم
الصراحة هاذي الامور ولات تصرا بزاف
يعني من أخلاقيات المهنة أن الطبيب يمهد للمريض وبطريقة تخلي المريض يتقبل الامر هاذي ماشي برك من أخلاقيات الطب هاذي من الإنسانية
مثلا انت لما تبغي تقول اي واحد خبر ماشي مليح تمهدله غير بشوية باش متصدمهش
بصح بعض الأطباء ربي يهديهم يشوفون فيك دراهم برك
اليوم الاول لي دخلنا كلية الطب قالنا دكتور اذا درتو الطب على جال الدراهم نڨوللكم راكم ختاريتو التخصص الخطأ
يعني انا تجيني من غير الطبيعي واحد مريض وزيد تشخيص مدالكش من وقتك بزاف يعني انت قتله برك الأعراض وهو خسر عليك كلمة وحدة
وزيد يقولك جاتك150الف هاذي ماشي تجارة
لكان كان مرض آخر نقولو يعطيك دواء وفكر باش شخصلك المرض وحق خدمته
بصح هو في حالتك نخسر والو
ربي يهديهم وصايي
انا وحدة من الناس نمرض ونبغيش نروح للطبيب باسكو جامي رحت عند طبيبة وتلاقيتها متبسمة أو تعاينك باعتباره مريضة نحسها تفوت عليا فوق خاطرها
كاين برك طبيبة وحدة وهي طبيبة العائلة لي صح نرتاحاها ولما تشوف مريض معندهش متخلصش عليه وتزيد تعطيه الدواء واتدي رقم تاعه وتسقسي عليه
هي لي شجعتني صح ندير هذا التخصص
طبعا ماشي ڨاع كيفكيف كاين أطباء يستاهلو كلمة طبيب
والبقية ربي يهديهم
وربي يشافيك أن شاء الله

 

[الامين محمد]

السلام عليكم
الصراحة هاذي الامور ولات تصرا بزاف
يعني من أخلاقيات المهنة أن الطبيب يمهد للمريض وبطريقة تخلي المريض يتقبل الامر هاذي ماشي برك من أخلاقيات الطب هاذي من الإنسانية
مثلا انت لما تبغي تقول اي واحد خبر ماشي مليح تمهدله غير بشوية باش متصدمهش
بصح بعض الأطباء ربي يهديهم يشوفون فيك دراهم برك
اليوم الاول لي دخلنا كلية الطب قالنا دكتور اذا درتو الطب على جال الدراهم نڨوللكم راكم ختاريتو التخصص الخطأ
يعني انا تجيني من غير الطبيعي واحد مريض وزيد تشخيص مدالكش من وقتك بزاف يعني انت قتله برك الأعراض وهو خسر عليك كلمة وحدة
وزيد يقولك جاتك150الف هاذي ماشي تجارة
لكان كان مرض آخر نقولو يعطيك دواء وفكر باش شخصلك المرض وحق خدمته
بصح هو في حالتك نخسر والو
ربي يهديهم وصايي
انا وحدة من الناس نمرض ونبغيش نروح للطبيب باسكو جامي رحت عند طبيبة وتلاقيتها متبسمة أو تعاينك باعتباره مريضة نحسها تفوت عليا فوق خاطرها
كاين برك طبيبة وحدة وهي طبيبة العائلة لي صح نرتاحاها ولما تشوف مريض معندهش متخلصش عليه وتزيد تعطيه الدواء واتدي رقم تاعه وتسقسي عليه
هي لي شجعتني صح ندير هذا التخصص
طبعا ماشي ڨاع كيفكيف كاين أطباء يستاهلو كلمة طبيب
والبقية ربي يهديهم
وربي يشافيك أن شاء الله

فعلا اختي افنان
كاين اللي امتهن الطب من اجل الانسانية و كاين اللي من اجل الدراهم

المهم الطبيب اللي فجعني ما نظنش راح نعاود نرجع
ليه حتى و لو كان يرجع يمد في الاعمار ههههههه

 

[@R@ZIK]

السلام عليكم اخي محمد كيف الحال
هذا واقعنا المفروض في فترة عصيبة كمرض الكورونا الطبيب يكون متفهم للمريض لانو نفسية الانسان تكون منهارة مي الله غالب ولاو متفاوتين شحال يدخلو قدر ما يقدروا
انت على الأقل قالك اطلع فوق السرير انا ديت امي ديالي للطبيب كان عندها بعض الأعراض مقربش ليها مانبا وقالها الحاجة اقعدي تم وقالي واشبيها قتلو عند هذا الأعراض قالي اديها ديرلها سكانار وقيلة كورونا خزت فيه قتلو لي خرجو كامل كورونا ههه رجعتها للدار مادرتلها لا سكانار لاوالو عطيتها تيزانات وبراسيتامول ريحت والحمد الله
خاطر كي كنا قاعدين نستناو قبلي 3 كامل قالهم كورونا
ربي يستر على هذا الوقت لي وصلنا ليه وخلاص
وربي يشفي كل مريض ويرفع علينا الوباء ان شاء الله​

 

[أم أُنٌَيسة]

وعليكم السلام ورحمة الله
طهورا اخي الكبير، اسال الله العظيم ان يشفيك
لاحول ولاقوة الا بالله
والله يعجز اللسان
منيش قادرة نحكي
الحمد لله الذي عافانا مما ابتلاهم وفضلنا على كثير ممن خلق تفضيلا كثيرا

 

[يزيد 05]

وعلاه راك مستغرب
هذي مهيش حاجة جديدة
اغلب الاطباء الخواص في بلادنا همهم المال فقط
ربي يشفيك ويحفظك لأهلك

 

[البشير البشير]

نعم توجد هذه الظاهرة السيئة وخاصة في زمن الوباء صار قصف عشوائي بدون مقدّمات، تصريح على السريع

 

[Andy_Delort]

سلام عليكم

هوا باه نعطو لي كلي ذي حق حقه .

مندخلوش الامى في الادب فهو لم يقلل الادب بمعنى لم يقل شيئا مسيئا ... للاداب ...

وباه نعطيك وجهة نظري بكل شفافية .. نقدرو نقولو طبيب بدون احترافية عمل او نقدرو نقولو طبيب لم يطبق اخلاقيات المهنة ..


وباه نكونو اكثر انصاف ... ميدان الطب كغيره من الميادين في الجزائر ناقص في الامكانيات البشرسة والمادية ... ولم نرقى بعد لدائرة الاحتراف او الاقتراب منه ....

كيما طبيب كيما اي موظف كنت راح تقابلو في يومك وراح تسمع منو كلام نورمارمو ميتقالش او تشوف منو تصرف ميعجبكش ... فتقريبا كل ميادين و الوظائ التي بالجزائر هي هكذا ...

اخيرا ربي شافيك ويعافيك ويبعد عليك وعلى اهلك الظر .... ويقيكم من كل سوء وشر ...

 

[السلطانة]

موش كل طبيب يستحق انو يكون طبيب

كاين اطباء التشناف والتكبر ميعرفوش يهدرو ولايتعاملوا للاسف كاين اطباء تاع الكوبياج
وقلال الاطباء لي صح اطباء في بلادنا

يعني طبيب ومتعرفش تهدر اسمحلي مكش طبيب
مرة دينا احمد وهو بعمر اسبوع لشبه طبيبة قاتلي ولدك راح يموت اديه ديريلو لوكسيجان حنا منديروش اديه لسبيطار الطفل والام!
يبات هك يموت! وتقول فيها وتعاود عالوحدة ونص تاع ليل
ربي يسترك ويشفيك نحييك على شجاعتك

 

[إلياس]

الذي كنت أردت قوله قاله الاصدقاء اخي محمد جزيت خيرا ربي يشفيك يا رب العالمين اجمعين

 

[zagane]

السلام عليكم
جاك من الاخير كيما يقولو المصريين هههههه
كاين لي مرض بسبب تصريح الطبيب بمرض خاطيه

 

[الامين محمد]

السلام عليكم
جاك من الاخير كيما يقولو المصريين هههههه
كاين لي مرض بسبب تصريح الطبيب بمرض خاطيه

هههههه
حبييييبي و الله حيرنا غيابك و توحشنا جولاتك و صولاتك في المنتدى
ان شااء الله راك بخير انت و الاحباب

 

[الامين محمد]

قصة المرض هته المرة كانت تجربة فريدة من نوعها
تختلط الامور بين الخوف على روحي و الخوف على الاهل
و الاولاد خصوصا الصغيرة غفران كانت تحب تجي تحتضني و انا اتهرب منها
و ادفعنا باش تبقى بعيدة عليا

الحمد لله الحمد لله بفضل من الله تجاوزتها دون خسائر
طبعا ما ننساش دعوات الطيبين من امثالكم

 

[وۣۗهۣۗہۣۗم]

للأسف كاين اطباء
عندنا اطباء تعدووو علىكل الخطوط الحمراء راكضين طبعااا ورا ؤقءء المال
لا شفقة لارحمةلا اداب تعامل لاهم يحزنون تحير في امرهم
ومن جهة اخرى عندنا اطباء يستحقون رفع القبعة لهم
​