حكايتي مع احد اولاد حومتي ... رجلة الزائفة .. أرخي روحك خو !

[Andy_Delort]

1. الجملة الجديدة التي اصبح يستعملها اصحاب الرجلة بكثرة .. زعما كي يكون يهدر معاك و يجي رايح .. قبل ذهابه يقولك " ياك ما يخصك والو ؟ " .. شغل يحس روحو هو لي حاكم الحومة كي يقولهالي .. اخبرته أنه مادام ابن حيي .. فلن ينقصني شيئ .. بدا يضحك .. و اخبرني أنه يجيب جوجما علاجالي نورمال .. ضحكت معه من جديد وضربت صدري بسكين وهمي .. شغل بيدي زعما ندڨ روحي بلموس علاجالك .. مات بلفرحة .. عزمني على حبة صاروخ .. زبطتلو وجهي .. خلاص خو ڨسرنا شوية عمبالك صح .. وليت صاحبي و دخلتني فالميليو .​

 

[sanaya]

هاذ العباد نتخيل لوكان تغلط معاهم يبعثوك للجحيم ديراكت

 

[خديجة ph]

و الله يا أخي ما أكثرهم ناهيك على ذوقهم في الثياب تعرف واحد من بعد ههههه
فكرتني في صفحة على الفيسبوك كنت أتابعها أشخاص يروون ما يحدث معهم في حياتهم اليومية بنفس الاسلوب الهزلي و الراقي في نفس الوقت أعتقد صاحبها يدعى العسلوج عندي زماااان ما دخلتهاش ربي يفكرك في الخير
مشكوووور

 

[Andy_Delort]

هاذ العباد نتخيل لوكان تغلط معاهم يبعثوك للجحيم ديراكت

/
نعرفهم مليح ... ومن ربي توجور ربي كان فاكني منهم ... ما يبعثو للجحيم ما والوا نعرقلهم الكود تاعهم مليح ...

حاليا في مهنتي ممكن اكثر فئة نتعامل معاها هم من اضحاب الرجلو هاذو .. ومن ربي الرجلة لي كان فالحومة تولي بنت فاميلية عندنا ... يوريك بلي مجرب زوخ وفوخ ومجرد حبيبات صاروخ او تعمار رأس من الحشيش .. يجعلهم يشعرون بأنهم بابلو اسكوبار وهكذا ...

 

[Andy_Delort]

و الله يا أخي ما أكثرهم ناهيك على ذوقهم في الثياب تعرف واحد من بعد ههههه
فكرتني في صفحة على الفيسبوك كنت أتابعها أشخاص يروون ما يحدث معهم في حياتهم اليومية بنفس الاسلوب الهزلي و الراقي في نفس الوقت أعتقد صاحبها يدعى العسلوج عندي زماااان ما دخلتهاش ربي يفكرك في الخير
مشكوووور

/

اهلا بك نيرة المنيرة ...


غالبا تلقاهم مضوب الموس في الوجه ... يعتلي احد شفتيه بالكون تاع شمة ... يتكلمون بالثقيل .. يقال واش خو ... هم يقولون اواااش كخووو ... لديهم البسة معروفة عل مد الزمن ... التمساح يطغى في اغلي ملابسهم .... ما يدعى بلاكوست ... الحذاء لاريني او الاير ماكس ... سرواله يكون هابط شوية من الوراء ... غالبا ما تلقاه رافد موس تحته ... واحبانا تجد يعلق صاكوشه في صدره ... ليخفي فيها المهلوسات وكذا المسروقات ...


هههههه بالنسبة للعسلوج والاخرين نعرفو وكنت احد ادامنة الصفحة هاديك ... لدينا نفس الصبغة .. كنا احيانا نشترك في ستاتي واحد كل منا يعدله حسب مزاجه حتى يرقى للمشاهدة بطرييقة فكاهية .. بعنى واضح وواقعي

 

[إلياس]

انا معنديش ولاد حومة لا يخدمون الا أنفسهم اي نفسي نفسي تعبت منهم قصدتهم باش يعاوني لم يستجد لي أحدهم اسف ولاد حومة في هذا الوقت مصالح فقط لا غير

 

[Andy_Delort]

انا معنديش ولاد حومة لا يخدمون الا أنفسهم اي نفسي نفسي تعبت منهم قصدتهم باش يعاوني لم يستجد لي أحدهم اسف ولاد حومة في هذا الوقت مصالح فقط لا غير

/

اي دنيا ولات كل بهكاكا كلها مبنية على المصالح

 

[إلياس]

لماذا هذا الشيء راحت الرحمة من قلوب الناس

 

[sanaya]

/
نعرفهم مليح ... ومن ربي توجور ربي كان فاكني منهم ... ما يبعثو للجحيم ما والوا نعرقلهم الكود تاعهم مليح ...

حاليا في مهنتي ممكن اكثر فئة نتعامل معاها هم من اضحاب الرجلو هاذو .. ومن ربي الرجلة لي كان فالحومة تولي بنت فاميلية عندنا ... يوريك بلي مجرب زوخ وفوخ ومجرد حبيبات صاروخ او تعمار رأس من الحشيش .. يجعلهم يشعرون بأنهم بابلو اسكوبار وهكذا ...

نص الرد فهمتو و نص لالا هاذو كلمات مشفرة و لا لهجة أحياء شعبية

 

[Andy_Delort]

نص الرد فهمتو و نص لالا هاذو كلمات مشفرة و لا لهجة أحياء شعبية

/

هههههههه باه نشرحلك يلزم نديرلك.كورات في لهجة هاذي ههه

 

[Jorh]

اي واش هو الصاروخ ههه راح يطاعك للفضاء يا ترى

 

[Andy_Delort]

اي واش هو الصاروخ ههه راح يطاعك للفضاء يا ترى

/

هههههه سوف اشرح لك

هو قرص مهلوس ... يبلع عن طريق الفم ... وله تأثير يشعرك بأنك في عالم اخر ... الكثير من السعادة المفرطة وتصبح لا تبالي بأي شيء ... تشعر في أنك غنى عن البشر ... لديك ثقة عمياء في نفسك .... تضحك وحدك ومتخلوى بنفسك ههههه ..


هذا هو الشرح عام

والشرح الثاني هو :

منذ القدم، وتشكل المواد المهلوسة حالة خاصة عند الإنسان، فقد تم إكتشاف تلك المواد في العديد من النباتات في مختلف

قارات العالم، واستخدمتها جميع الحضارات في أشياء متعددة، منها ما يتعلق بشفاء وعلاج الأمراض، ومنها ما يتم استخدامه

لإيحاء الناس بوجود القوى الخارقة، واستخدمها بعض الديانات حول العالم، كجزء من الطقوس التعبدية، حتى وصلنا إلى

العصر الحديث، الذي ظهر فيه إستخدام المواد المهلوسة لعلاج بعض الأمراض النفسية، وإستخدامها كمخدر يجلب

المتعة والسعادة والانسجام، وهو موضوع مقالنا اليوم الذي يتحدث في عدة نقاط عن اضرار ادمان الحبوب المهلوسة .

 

[السلطانة]

هذا النوع تمشيلو في المود تاعو يتريقل ههه يعني تخليه يصدق ويامنو روحو بلي سبع ههههه


تحياتي

 

[Andy_Delort]

هذا النوع تمشيلو في المود تاعو يتريقل ههه يعني تخليه يصدق ويامنو روحو بلي سبع ههههه


تحياتي

/
امشي بمبدأ دعه يتكلم دعه ينام هههههه