الأمهات نحو الهاوية.....

[sanaya]

تجيني بيزار بزاف نرفد بيبي فكرشي نتوحم و نتعب و نتمنى نحضنو نهار يلحق عامين نرميه فالحضانة ....
تجيني بيزار نخرج نخلي بناتي وحدهم فالدار ديما مورايا فالطوموبيل....
تجيني بيزار نجيب لبنتي طابلات غير باش تخطيني من التنڨريش تاعها و نقتل فيها براءتها و تكبر قبل الوقت و تبدا تشوفلي عفايس مش ملاح .....
بيزار نحقق اهدافي و طموحاتي و ولادي بعاد عليا نولي للدار عيانة ما نقدرش مامپا نحكي معاهم.....
مانيش أم مثالية وفي الكثير من العيوب....
ولكن نحاول ما نفرطش فاولادي و نوجههم قدر المستطاع......
باش تجي وحدة تخبرني بلي تقرا في alger و تخرج و تخلي طفل و خوه في زوج تحت ثلاث سنوات مدة ثلاث ساعات مخي يحبس.....
وينها حنانتك و ينو خوفك تروحي تقراي و تغلقي الباب على البراءة وحدهم....
لهلا نجحت اذا كنت نتخلى على ولادي بسبة نحقق حاجة و يكبروا و هما تعلموا عادات مش ملاح بيسك خليتهم كل وقت فالنت و قتلت طاقاتهم و ابداعهم.....
أمهات ولادكم راس مالكم.....
ريحو معاهم و أدو حق تربيتهم راهم أمانة.....
اللي مضطرة تخدم و تعيش ولادها ربي يكون في عونها...
نحكي على اللي لاباس عليها و قادرة تأجل واش حابة دير حتى يكبرو ولادها و مع هاذيك ضيعهم و تخرج.....
نعرف وحدة تخلي بيبي فسريرو مع قرعة حليب قاتلك نورمال يبكي يعيا يشرب لحليب و يرقد وهي رايحة تقرا.....
بربكم ما هذا التناقض....
التقافة الأولى ريحي مع وليدك....
ربع سنين يدخل لاكريش روحي قراي.....اذا خدامة خليه عند يماك و لا عجوزتك نورمال مي متغلقيش الباب على بيبي.....
راجلي ديما يقولي تخافي على ولادك بزاف حتى نتوسوس من روحي مالقري عادي يخرجو يلعبو مي كي نسمع حكايات هاذو نقول ياربي نخاف اكثر من اللازم و لا رميتهم.....
منيش نقولك اهملي طموحاتك لالا....
مصح رانا في ٢٠٢٠ كلشي فالدار استغلي هاذوك السنوات لبين اقراي عن بعد كوني روحك و لا خيري تكوينات ثلاث مرات فالاسبوع مثلا.....
المهم الاولاد قبل كلشي .....
يجي نهار و يكبرو و راهم محتاجينك شبعيهم حنانة باش واحد ما يغرهم برا و علابالي بزاف يجو كونتر مي كل واحد و تخمامو.....
و ربي يقدرنا ❤❤❤❤❤
الاولاد نعمة من عند ربي ما يحس بقيمتهم إلا المحروم من الذرية

 

[إلياس]

اللهم امين يارب العالمين اجمعين
بارك الله فيك على الموضوع القيم والمميز اختي جعله الله في ميزان حسناتك يارب العالمين اجمعين
الأدهى و الأمر أن هناك بعض الأمهات ترمي أبناءها إلى الشارع تقول الشارع يربي هذا ينجر عنه لدى الأطفال تعلم كثير من الآفات الاجتماعية و رفقة السوء و غيرها

 

[ظل سيريالية]

شفتي يا اختاه من غابت خوف الامومة
كثرت خيانات و بدع و لعجب عجاب ولحرام من طرف لبنات و صرنا نحلم بشخص شريف
وادهى من هذا في هذا وقت بنات 26,30 مهومش يزوجوا بيهم ويزوجوا تع 18,17 معليه نتغباو على اسكو تعرف تطبخ وامور اخرى بصح عقلها ناضج قادرة على مسؤولية قادرة تربي تربية صالحة تتقي الله ؟؟؟؟؟!!

 

[Andy_Delort]

/
معك حق اختي ... خصوصا الاطفال ... العناية بهم والمسؤولية الكبرة تقع على عاتق الزوجة اكثر من زوج كونها هي اقرب لهم من حبل الوريد بمعنى انها تفهمهم اكثر وكون زوج يعود مرهقا من العمل وهاكذا ...

كما هو معلوم ان الرجل لن يكون اكثر خساسية وخفوا رعاية من المرأة ، لذالك ما قلته صحيح ..
ولينا نرة ونسمع اشياء بل حتى اضبحت شبه مألوفة لدنيا من كثرة ما نراها ...

نظن غياب المسؤولية التامة وغياب الوعي او الاعتمام الزائد بالاعمال الدنيوية هو لي يخلي المرأة عقلها يغيب هكذا ...

واش راح نقول ، مهما حكيت مش رايح نعبر على واش لي في قلبي ... شكرا على طرحك اختي فهو في صميم ومن قلب الواقع

 

[Jorh]

هههه اخ محمد واش تضال عقاب النساء غير الخير
..
..
..
..
اسمعي اختي منكذبش عليك عندي زوج خواتاتي متزوجين ويخدموا الاولى
الله غالب تعاون في راجلها شهريو قليلة اما بنتها تخليها عند امي وتروح تخدم وكي عشات استاذة راه عندها العطل وما الى ذلك
اما الثانية عندها زوج ولاد وصح حاطتهم في لاكراش بسبب الظروف مع العلم انو راجلها شهريو مليحة...الظروف منقدرش نحكيلكم كلشي
..
..
وصح كملت قرايتها كملت الماستر.. بصح انها خلات ولادها في الدار وحدهم هذي مكاش منها حتى لما يقعدوا يتفرجوا بالوقت خايفة يقسهم التوحد
..
المعنى كاين خدامات صح بصح قادرين يوفقوا بين البيت والشغل والخدمة وولادهم مش اكل
..
..
اما لي راكي تقصدي فيهم قسنا بالله كاين لي اميين ي امي يعني مش قااريين
ومطيشين ولادهم ويروحوا يقصروا مع الجارة ويقرعجوا
نعرف وحدة مات وليدها طاح من فوق الدالة علاه امو راحت تقصر
يعني مش بالظرورة انو غير الخدامات لي يهملوا ولادهم المشكل مش في الخدمة نتع برا المشكل في العقلية المشكل في الام بحد ذاتها
في حفظ الرحمن

 

[خديجة ph]

السلام عليكم
اهلا بك اختي الموضوع هذا بالذات كانت عندي فيه وجهات نظر مختلفة و كل ما كبرت في السن اختلفت وجهة النظر تاعي
يعني قبل الزواج كنت نقول اذا جبت اولاد رح نحطهم في عينيا واحد ما يمسهم و واحد ما يوصلهم كما تربينا في بيتنا ما نباتوش عند اي واحد من الاقارب بدون احد الوالدين محال نبقاو في المنزل وحدنا بدون واحد من الاولياء معانا
و من بعد تزوجت و انجبت بنت و حبيت نربيها في منزلي فقط لكن كنت نخدم فاضطريت ناخذها عند. عجوزتي و التي احبتها كثيرا حتى انها ارادت تسجلها تدرس عندها و البنت كذلك احبت جدتها و صارت تريد البقاء عندها هنا انصدمت بين ما كنت اريده و ما صرت اليه حزنت لان ابنتي لم تعد ملكي ثم قررت اني نكسبها من جديد اول شيء توقفت عن العمل في المصنع و فتحت الصيدلية و صرت لا اذهب للعمل كل يوم و قنعت زوجي اننا ما نخلوش البنت تبات بدون سبب في بيت غير بيتها و في نفس الوقت كلمت ابنتي و فهمتها اني احزن كثيرا عندما تتركني و تذهب عند جدتها كان صراع صعب محاولة كسب قلب طفل ضد محاولات جدتها رشوتها بكل الاسلاليب فتدللت البنت قليلا لكن ستر ربي جات المدرسة و هنا كان لابد من موقف صارم بنتي تدرس جنبي و صارت لا تستطيع الذهاب الا معنا لزيارة الاهل مرة جدتها مرة خالتها مرة نذهب في نزهة و قد لاحظت بعدما كبرت الآن ان ما جرى في صغرها خلى عليها آثار سلبية و أخرى ايجابية السلبية هي الدلال ليس زائد حقيقة لكن يقلق ساعات و الايجابية وهي حبها للعائلة الكبيرة و حبهم لها يعني تخيلي بنتي عادي تنام في حضن عمها و تتشرط عليه هدية عيد ميلادها و اصبحت جد اجتماعية و تفهم مشاعر الناس من تعابيرهم
لما انجبت ابني الثاني قررت اني رح نخليه معايا فعلا كان متعلق بي كثيرا لكن نبهني زوجي ان هكذا تربية ستجعل منه بنتا لذلك بعد مرور اربع سنوات من ولادته صرت اتركه يذهب مع ابيه اعطيه مسؤوليات لا ابدي اهتماما بالجروح البسيطة التي تصيبه جراء اللعب وفي نفس الوقت أعوده و أخته على تحمل المسؤولية نغلق باب المطبخ بالمفتاح الشبابيك مغلقة ندخلهم للحمام اكرمك الله و اتركهم يتفرجو او يلعبو و اخرج اشتري ما ينقصني و اعود حتى صارو يتحملو المسؤولية فحرت يعني انا من كنت اقول لن اتركهم ابدا صرت عادي نخليهم و نروح نزور و نعود للبيت نخليلهم الهاتف يتصلو بي و اتصل بهم عادي و الحمد لله
حتى في هذي كورونا لقيت منهم عون في اخيهم و الحمد لله
فصرت لا أحكم على اي ام هي أعلم بطريقة تربية ابنائها يعني تخيلي طفل يسكن حي شعبي لن تكون تربيته مثل طفل يسكن حي راقي رح يتعقد لازمه يكون مثل اقرانه في حيه ما يضحكو عليه ما يشوفوه قليل تربية
تجدي مثلا أبناء البادية عقلهم يسبق عمرهم بنت الاربع سنوات تغدي و تعشي و تنيم اخوها ذو الثلاث شهور عااااادي و احنا اولادنا في المدينة مازال بعمر الاربع سنوات يلبس الحفاظة و ما يعرف ينطق اسمه
لذلك أنا مع المقولة المال طبو مولاه و الصغير طبو يماه ,يعني المال لن يقوم عليه احد احسن من صاحبه و الولد لن يحسن تربيته الا امه
بالطبع نتكلم عن الام العادية ليست المريضة جسديا او نفسيا
عفوا عالاطالة غاليتي
سلام

 

[Wissem wiwi]

مشاء الله موضوع في الصميم

 

[السلطانة]

موضوع رائع
الطفل في سنواته الاولى خاصة محتاج لحنان امه
ممكن لي تخدم نعذروها اما لي تطيش ابنها عجال تكمل قرايتها وتغلق عليه هاذي من اغبى الامهات عالاقل تديه للحضانة او امرأة تثق فيها
تقدر تكبرو وتكمل
تعقدنا من واش راه يصري في الاطفال الابرياء من اختطاف واغتصاب وقتل
اولادنا امانة نتحاسبوعليها قدام ربي
تقبلي مروري