وااااااع و الله ق كليت خنفوسة ـ

[الامين محمد]

الموضوع ممنوع على اصحاب القلوب من نوع الفراولة ههههه

اليوم كنت تفرج في اليوتيوب
على واحد الغاشي ياكل كلش يمشي
على وجه الارض ههههههه
كلش كلش
الحوت الدحاج النمل و الفيران الافاعي
كلش كلش
كلش ياكلوه

تفكرت حادثة وقعت معايا أونبارسون انا ابوشهاب ههههه

خطرة كان واحد في قريتنا عامل عرس لولده
يا سيدي عرضني ز قالي حضورك اجباري

المشكلة خاوتي هاذ العايلة معروفة عندنا انهم ما ينقوش الماعن
يعني قادر تلقى شعرة في الطعام عادي
و قادر يجيبولك المغارف من الخزنة للمايدة بلا غسيل
و قادر يجيبولك ماكلة بايتة و بلا غطا
عااادي في بلادي

انا جامي طحت في بياج تاع ناكل عندهم
يعني دايما نعمل حسابي
باش ايفيتي ماكلتهم

لكن في العرس مشكلة
خممت فيها مليح
و قلت راهم عارفين بلي عندي السكر
راح نديرها سبة نعطيهم الكادو و نفز هااارب
ـ نفز بمعنى اهرب بسرعة ههههههه

المهم ليلة العشا
و قبيل المغرب قلت نروح نعطيهم الكادو
و نعتذر منهم بسبب السكري
و نقول نصلي المغرب في الجامع
و اختفي عن الانظار
لكي لا اقع في البياج

فعلا رحت و انا في عيشة سعيدة
لأني ضابط الخطة خير من تاع بلماضي

يااسيدي رحت لقيت
العريس بارك ليه و عطيته الكادو
و بعدها لقيب باباه ايضا بارك ليه و دعيت ليه
دعوة تاع خير
و قلت ليه انا اعتذر راني مريض بالسكري
و لازم نصلي المغرب في الجامع

المصيبة
الوالد تاعه جابها من الاخير
اقسم و قال
و الله ماراك متحرك من عندنا
لازم تتعشى
قلت ليه كذا و كذا
قالي وينه المشكل نجيبولك ماكلة مافيهاش السكر يا سيدي
المهم والله الليلة تتعشى عندنا

يا جماعة حكتني القنطة
بديت نتفكر واش نقول للمدام
علابالي بلي راح تخرجلي قلبي بالخيال تاعها
راح تقولي راك كليت شعرة تاع بنتهم
او ام اربعة و اربعين في الزبيب
او ذبانة من هذاك لخضر تاع بكري ههههه
و لا ذيل تاع فار

المهم كيما كان الحال
شديتها في قلبي و قلت حسبي الله في هاذ الليلة

صلينا المغرب جماعة في القراج
و دخلونا للصالون
و انا كيما لي حاكمين ليه بالاعدام
قاعد نخزر في كاش عفسة ماهيش مليحة

لكن
الفراش والله كان نقي و مزيان ماااشااء الله
و الريحة زوينة
حطو الطوابل كلش مرتب و نقي
المغارف مستفين كيما يلزم
و مغسولين تشوف روحك فيهم كيما المراية

ذقت الشوربة براس المغرف
و الله بنينة تقول خادمها فارس تاع قناة سميرة
السلاطة مرتبة و كل في بلاصتة
اللحم طايب مليح و الخبر مطلوع هااايل
و الزبيب كي لعسل الله الله
الطبق الرئيس زيتون و شومبينيو
و الله روووعة
تفكرت بلي عندهم بنت متزوجة في بلاد كبيرة
و قالوا انا ما شفتش
قالوا عندها بنات شاطرات هههه
قلت بالرسمي هاذوك هوما اللي راهم قايمين بالواجب
يرحم والديهم راهم سلكوني من مصيبة

المهم كلش مريقل
تكسلت انا و قلت المدام راح نطيحها المورال
هذا عشا و عليه الكلام

المهم شبعت شبعة مريقلة
و انا في شدة اندهاشي
قلت والله
نزيد آخر مغرف من المرقة
انا شبعان قلت نزيدها فوق الشبعة

المهم يا خااوتي والله و الله و الله
ماعرفت روحي واش كليت

حاجة مالحة و حامضة و لزجة نزجة وااااااااع

في وسط الصالون و الضياف
بلعتها على مضض
و دخلني العرق بدات التحولات الهرمونية
تاع الوااااع تتخلط في كرشي و راسي
وااااااع

قاومت و قلت الامين موت واقف ههههه
ترجلت و كورجت
و وقفت مثل الاسد الجريح
و انا احاول مسك مشاعري الكرشية و افكاري السودوية
حول واش راني كليت
و عقلي الباطني يرد بسرعة

المهم بقيتهم على خير و بابتسامة ترافقها دمعة حزن

و بسرعة البرق الى البيت
و عقلي الباطن يقول يا الامين
و الله ق كليت


المهم بقية الموضوع سلامة فهامتكم
وااااااااااااااااااااااع


اعتذر عن قبش المشاعر
ههههههه​

 

[ظل سيريالية]

ولله حامضة مالا وتقرمش
هههههه يودي انا كي نجي نقتلها نقتلها بالبالية نقعد ساعة ولا نكتلها ببشبشب تزقزق تحت رجليا ييييي
احيييك لرجولة موقف
بصح تولي كتابعة تتبعق العقرب
بيسك خنفوسة قالوا تلحقها عقرب
ها سما راك كي مغناطيس

 

[Jorh]

هههههههههههههههههههههههههههه
ذيل فار ههههههههههعهههههه ام اربعة واربعون هههههههههههههههههههههههعع شعرة هههعههععههههههههههههههههههه لي عودة بعد انتهاء نوووبة الضحكهههههههههههععهععهعهعهعهععه

 

[Jorh]

اوف والله دمعو عينيا من الضحك
اوه ههههههههههههههههههههههههههههههههههههههه تفقست مرارتي من الضحك ههههههههعهههههههههههههههععهعههعععهعععهعهعهعهعهههههههههههههههههه
ههههههههه
والله والله راح نموت ضحك يا ربي اوه ههههههههههنتننهههههههههههههههههه
اصبر يو ههههههههههههههه
..
..
هههههههههههههه
ايا خلاص هههه
بصحتك الشيخ والله بصحتك ها شبعت تكمل الشبعة تستهل هههه يا خويا والله كنت مقنوطة كتلتني بالضحك ربي يسعدك
ان شاء الله يا رب
احم اووه.... المهم بصحتك الخنفوس اما الشعر احنا ابي يديرنا لمحارم باه ندخلو للكوزينة ههه
واش قاتلك المدام شبعة ضحك ياك ههه والاه حال ايا بصحتك
بصح متجبدش على الفيران عندي الفوبيا احم
في كفظ الرحمن

 

[*amani*]

السلام عليكم
والله قبشتنا مشاعرنا من فوق الشي اللازم
المهم انا كليت دود حتى شبعت باش عرفت ​

 

[حاتم خليفة]

بصحتك الخنفوسة
خايف يصرالك كيما سبيرمان قرصاتو عنكبوت وتحول وشاب بلع نملة وتحول لرجل النمل

الرجل الخنفوس

 

[إلياس]

لي رجعة للموضوع إن شاء الله

 

[sanaya]

اععععععععع
العايلة هاذي اللي معروفة ما تنقيش لماعن ما عندهم بنت و لا كنة مش خرجة كيفهم؟؟؟؟؟

 

[Andy_Delort]

/

يشعر بالغثيان هو و عشره آخرون ​

 

[الامين محمد]

هههههههه
لي عودة للرد عليكم اخواني
ملاحظة فقط و الله الخنفوسة تقرمش صح كي عرفتوها
و لا راكم ذايقينها ههههههه

 

[صمتي حكاية]

فكرتني فواحد اغنية كنت نغنيها وانا صغيرة هههههه فتحتو كراسي وجدت خنفوسة خنفوسة نفوسة
المهم بصحتك الخنفوسة العاقبة لكاش صرصور
وشكر على وصف مذاقها ووووو حسيت روحي كليتها صح أععععععععع

 

[سكون الفجر]

ههههههه ما اظنها خنفوسة اظنها صرصور او (المحشي بالكريمة بتاع تمون واخد بال حضرتك ) هههههههه

يااااه في ناس كتير هيك الله يهديهم شو هالقرف هااااد عازمين ناس وعرس وكمان وساخة وقرف اوف

الله يعينك اخي ومنيح ما استفرغت عليهم ههههههه

لا بقى تروح وتعمل فيها الكادو ومدرس شوو روح بعد العرس او ابعت الهدية مع ناس والسلام
ههههههعه خنفوسة على الصبح