وصفة لتطويل الشعر

[السلطانة]

سلام لبنات
كاش خلطة مجربينها تطول الشعر
ولاكاش زيت مجربينو

شعري عندي عام قدقد منلي قصيتو
محبش يطوالي

 

[afnene]

وعليكم السلام
نفس المشكل
شعري من قبل كان طويل وكان يغبني ودرك ملي قصيته ماطوالش
ندمت اول مرة نقصه واخر مرة
ياريت كاش اخت جربت كاش خلطة أو زيت تفيدنا

 

[sanaya]

سلام حبيبتي شوفي نحكيلك تجربتي الشخصية و نتي عليك بالمداومةقبل كل شيء عند من قصيتيه ؟
ثانيا بالاك قصيتيه و نتي زعفانة مثلا
الحل الأول
الأحسن تكوني على وضوء و تريحي ملازمش تكوني واقفة و تسمي و تعاودي تنحي الأطراف برررررك غير شويا و كل شهر كرري العملية
ثانيا
تدليك فروة الرأس و لا لفة الباتشا التوربيون كما يسميوه المغربيات شوفيه فاليوتيوب انا نديرها يوميا تنشط الدورة الدموية لأنو تمشطي الشعر عكس الاتجاه ديجا الخترة اللولى توجعك راسك شوي لأنو الدم يتدفق بغزارة للفروة
ثالثابالاك عندك خلعة
رابعا
الخلطات حبيبات قلبي اللي نمووووووت عليهم اخر خلطة جربتها و طولت شعري مليح و رجع لطولو الاصلي كانت وصفة الألوفيرا و جوز الهند كل وحدة كفاش تخدمها انا ديتها من اليوتيوب من عند كاروليت قناة jorid chaz
الوصفة الثانية الثوم و ماء البصل شوفي كفاش تحطيهم فكاش خلطة مصح اذا تتعرقي بزاف منصحكش ديريها سينو ديريها و غير ينشف شعرك تروح الريحة
صفار البيض ثاني مصح انا منقدرش لريحتو
الوصفة اللولى اللي قتلك عليها اخر وحدة درتها و عجبتني و بانت نتيجتها و ترطب الشعر بحيث تقريبا ستة اشهر و مادرتلوش بروشينغ تالمون ترطب مالڨري يكون بوكلي مي شباب مصح لازمك داومي و كذلك الماكلة تاعك متاكليش المكملات مصح حاولي تدي ماكلة صحية اكثر سرتو اذا راك ترضعي و اي سؤال راني فالخدمة

 

[بيسان بيبا]

اغسلي شعرك من بعد شلليه بماء تكوني رنختي فيه الحلبة بصح لازم تقلبي شعرك للامام باش مايقواش شعر الظهر