طاجــــــــــين الزيتون و البسباس

[ريحـان]

الحمد لله رب العالمين الذي جعل لكل شيء قدراً، وجعل لكل قدر أجلاً، وجعل لكل أجل كتاباً



والصلاة والسلام على نبي الامم سيدنا محمد وعلى آله وصحبه ومن تبعهم باحسان الى يوم الدين





هذي مدة محطيتش موضوع هنآ هـــآ بصح ما يعنيش مكنش نطيب قاع



المهم بما انه اشترينا طاجين للطبخ و سمعنا بلي اكلاته تجي بنينة قلت نشاركم اول طبخة فيه و ما نحكيلكمــــش على البنة باه متجعوش اكثر ههه



المهم في الوصفة هذي

ـ نقلي البصل مع الدجاج او اللحم







بعدها نوضع البهارات فلفل اسود زعفران او كركم و زنجبيل و الملح حتى للاخير و قت يطلق الزيتون ملحه و نحسوه سامط في المرق و قتها نضيف الملح

هنا الزيتون كنت وضعته من قبل في الما و بقيت نغير لها فالماء حتى يفقد الملوحة نتاعه









بعدها نضيفلو البسباس هنا تقدري توضعي في مكانه بطاطا او جزر وتوكلي منها ايضا وليدك









بعدها نمرقه





ونخليه على نار هادئة













و في الاخير و بعدما جهز معانا هذا هو شكله و اذا كان عندك وقت مثلا حاولي تحمري الدجاج في مقلاة او فرن















كذلك بما انه الطاجين كان جديد ما استعملتهش مباشرة حتى قمت بمجموعة من التدابير لي تحب تستفسر تتركلي رد و نشرحلها





ان شاء الله تكون مفهومة الوصفة و شهية طيبة للجميـــــــــــــــــع










​

 

[إلياس]

اممممم لذيذ جدا شهتني و أنا صائم
بورك فيك على الطبق اللذيذ جعله الله في ميزان حسناتك يارب العالمين اجمعين أن شاء الله يستفيد كل فتاة

 

[ذكريات]

يعطيك الصحة، المنظر يشهي، و انا نحب البسباس، نتمنى تحطي الطريقة لي ستعملتيها للطاجين قبل طهو الطبق، انا شريت مرة طاجين للتريد، نقسملي على زوج.
شكرا على الوصفة

 

[الأميرة بلقيس]

ماشاء الله على الطبق يشهي الله يعطيك العافية

أختي ذكريات الطريقة لنستعملها لحفظ الطاجين مدة طويلة هي كالآتي :

نحكم الطاجين نسكب فيه كمية لابأس بها من الماء و خليه فيه حتى يتشرب الماء جيدا وينشف و بعد ذلك أسكبي فيه الزيت و خليه يشرب الزيت و دهنيه مليح
وطيبي فيه قشور الخضروات قبل الطهي فيه و يبقى جاهز للإستعمال

 

[ناصر dz]

رووووووووووووووووعة مشكورررررررررر