عيد المرأة

[السلطانة]

واش راكم واش حوالكم?

قالك اليوم عيد المرأة لي هو كيما معروف عليه عيد عالمي... بكري كي كنا نقراو كنا نفرحو كي منقراوش فيه لعشية
ونتغشو كي نعودو نقراو عند استاذ

كنت كي نروح للدار نلقى الوالدة ربي يحفظها فرحانة بالكادو لي شرالها الوالد
ولي كان قرعة ريحة ههههه اصلا بابا ربي يحفظو يعرف غير يشري الريحة
كنت انا وخويا نجملو الدراهم بشهر قبل باه نشرو هدية للوالدة هههه كاش g ارنيتير ولا سجادة صلاة.. خيمار المهم حاجة تفرح بيها...

ومن هذا المنبر نحيي كل امرأة في العالم

هي الأم التي أنشأت جيلا طيب الأخلاق
هي الأخت والرفيقة صاحبة التربية التي توارثناها جيلا بعد جيل و نسجت خيوطا من الوفاء.
الزوجة الرفيقة الصديقة الحبيبة.
نحييكم ليومكن العالمي ونتمنى لكن عيدا سعيدا
و كل عام وانتن بخير
Bonne fête à toutes les femmes

اللماويون حاليا ههههه حاصلين في الهدايا









في امان الله.

 

[sana barhoumi]

كل عام والمرأة الجزائرية بخير

 

[الامين محمد]

ههههههه و الله ضحكتيني اختي السلطانة
كل عام خياتنا و بناتنا و امهاتنا

طبعا ابارك للمدام و نقولها هاذيك الخمس لاف اللي عطيتهم ليك
الشهر اللي فات راني مسامحك فيهم و هاذاك هو كادو تاعك ههههههه

واش رايك في الكادو اختي السلطانة ههههههه

 

[إلياس]

بدون تعليق

 

[السلطانة]

كل عام والمرأة الجزائرية بخير

وانتي تاني

 

[السلطانة]

ههههههه و الله ضحكتيني اختي السلطانة
كل عام خياتنا و بناتنا و امهاتنا

طبعا ابارك للمدام و نقولها هاذيك الخمس لاف اللي عطيتهم ليك
الشهر اللي فات راني مسامحك فيهم و هاذاك هو كادو تاعك ههههههه

واش رايك في الكادو اختي السلطانة ههههههه

امين يارب
هههههه كادو مكانش كيفو بصحتها المدام
انا الزوج قالي نسيت ههههه
يخي الهدايا نجيبلك مرات بلا مناسبة
واش دخل عيد المراة في النص

 

[السلطانة]

بدون تعليق

 

[ذكريات]

الحقيقة أختي السلطانة ،أعياد المرأة ما تخلاش من الخرشف و القصبور و الحشاوش نتاع الدار الي تبهي المايدة عمدا و دعابة ، الله يزهي أيامنا.
يدخل بيها كي الباقة نتاع الورد
يخلونا غي هانيين و ما يعكروش مزاجنا،
هو أكبر عيد
عيد سعيد لكل النساء الجزائريات ، و خاصة اللماويات

 

[أبو مارية]

صاحبتي كل الأيام عيد لها بدون تخصيص...

 

[أم أُنٌَيسة]

وعليكم السلام ورحمة الله وبركاته
لا يجوز الاحتفال بهذه الاعياد .. وللمسلمين عيدين فقط غاليتي، عيد الفطر وعيد الأضحى.. الباقي لا يجوز
ارجو تقبل مروري
تحياتي

 

[sana barhoumi]

وعليكم السلام ورحمة الله وبركاته
لا يجوز الاحتفال بهذه الاعياد .. وللمسلمين عيدين فقط غاليتي، عيد الفطر وعيد الأضحى.. الباقي لا يجوز
ارجو تقبل مروري
تحياتي

العيد الأسبوعي الإحتفال بقدوم صلاة الجمعة

 

[أم أُنٌَيسة]

العيد الأسبوعي الإحتفال بقدوم صلاة الجمعة

ليس الاحتفال، انما تطبيق سنن يوم الجمعة