ارواحو احكولنا 🙊

[*amani*]

السلام عليكم ورحمة الله وبركاته
صحا فطوركم لحباب أن شاء الله ماتكونوش كثرتو
اليوم حبيت نعرف اذا كاش نهار في رمضان صراتلكم هذيك العفسة اللي تاكل بالغالط
ولا في السحور مافقتش وراحت عليك
انا اول مرة فوت رمضان فلاسيتي
ايا انا وصحاباتي زعما ريڨلنا المنبه باش نتسحرو .. الله يرحم إلى اشعار اخر
حتى فطنت كي بقالو للاذان زوج دقائق بالاك ..بهذيك الخلعة وكنت راقدة على هذوك الأسرة اللي فوق بعضهم ايا ونقفز هذيك القفزة تقول باتمان راهو هنا شربت شربت الماء كي كملت أذن شوية وبكيت تغيضني روحي كي مانتسحرش تضحكوش عليا
بصح عطاني ربي القوة ماجعتش خلاص هذاك النهار ههه
ايا وانتوما احكولنا كاش موقف صرالكم في السحور ولا في الفطور
​

 

[Kim Yuri]

تصرالكم هاذي ولا لالا تع تكونو تطيبو من بعد تنساو وتذوقو الماكلة
انا كانت دايمن تصرالي








الاعتذار عن الخطا لايجرح كرامتك، بل يجعلك كبيرا بعين من اخطات بحقه

 

[إلياس]

سلمت يمناك على الموضوع

 

[صانعة الإبتسامة]

جامي صراتلي تاع ننسى بلي راني صايمة وناكل ولا نشرب ههههه
اما بخصوص السحور حدثي و لا حرج شحال من مرة نوض ونلقى شمس طالعة وانا بلا سحور تجيني البكية مي يفوت نهار عادي الحمد لله

 

[السلطانة]

وعليكم السلام
ههههه والله يالقفزة الاسطورية تاعك تخيلتها
انا اول البارح قريب راح عليا الصحور نضت روطار
واليوم ذقت الشربة مزية فقت رحت طيشتها
الواحد ساعات يدوخ ههه

صحيتي اماني

 

[الامين محمد]

ههههههههه ضحكتني تاع باتمان هههههه

انا طبيعتي نعمل دورة وحدة في المطبخ كي يكون قريب يوجد العشا
تعرفوا الواحد لازم يكونترولي و يشوف واش راهي الحالة ههههه
و عندي عفسة دائما تتكرر و هي
كي ندخل المطبخ المدام دائما تقولي ما تمس حتى حاجة
و انا نشاغبها نهز حاجة ملي جات في الطريق او نخلط في كاش حاجة و نقولها
لي دارته المعفونة ياكلوه ولادها هههه

رمضان اللي فات اعتقد اليوم الثاني
دخلت للمطبخ كان قريب ياذن بديت ندير في المشاكل كيما العادة
و نسيت اني صايم و هزيت مغرف جلبان كي قريب ندخلها في فمي
طارت علي المدام و هبة و في نفس الوقت مبولحي و ما يتلاحش كيفهم هههههه
كي شقل عفست على لغم و راح يطرطق هههههه
يعني رد فعل تاع محرز هههههه و تمت عملية الانقاذ بنجاح ههههه

 

[*amani*]

يعطيكم الربح
وتاع مبولحي وحدها
صحا فطوركم ⁦⁩​