سيناريوهات الطلاق !!

[جليلوس]

الزوجان مين يطلقو أول شيء الواحد يهدر في لآخر.
🗣والمقصد من ذلك باه يشفو الناس من جهة.ومن جهة اخرى باه كل واحد منهم يولي هو الضحية .
والغريب....
هي تفرح نهار طيح بيه وتقول مين خطيته شيانت حالته و ذنوبي راهم يخلصو فيه.
وهو يفرح نهار يشوفها تحت رجلين الناس تتمرغد و بين الرجال تدلل.ويقول تربية فاسدة وربي هناني منها والرجال ماكانش في دارهم.
والحقيقة الطليقان ربما يحبو بعضاهم وربما حابين الرجوع ولكن بعد ماذا...؟
بعد أن يتهم الواحد شرف الآخر
بعد أن قذف الأول الثاني.
بعد أن نكر الأول محاسن وجميل الثاني.
بعد أن منع الأول الثاني من رؤية أولاده.
بعد أن ادخل الأول الثاني المحاكم .
وبعد ......
هدا سيناريو يدور بين مطلقين.

ولكن كاين الطرف ثالت فالقضية.....
الطرف اللي وصل الهدرة القبيحة.
الطرف اللي زاد النار فوق الزيت.
الطرف اللي كان عنده مصلحة في فراقهم.
الطرف اللي كان يتمنى يكون كيفهم وكي مانجمش فركتهم.
الطرف اللي ماعنده لا أصل لا ملة.
الطرف اللي حياته وهو تحت (...) وخرج صدره فالقضية.
الطرف اللي راه يخلص وداق جرعة الكأس اللي دار فيه السم.

نصيحة للزوجين:
تهلو في بعضاكم واصبرو.ادا ماشي ليكم فللأطفال المساكن.وادعو الله بقلب رحب أن يفرج كربتكم وأن يؤلف بين قلوبكم.
هل ما عند الله ببعيد؟
الدعاء ثم الدعاء والتضرع لرب المستحيلات.
نصيحة للمطلقين:
لا تتكلم في شرف إمرأة يوم ما كانت تحت جناحك.ولا تنسو الفضل بينكم.ولا تمنعي الأولاد من رؤية والدهم فإنك يا أختاه تمنعيهم هم الأول قبل والدهم. ​

 

[جليلوس]

@ليليا مرام @السلطانة @سكون الفجر @صانعة الإبتسامة @*amani* @إلياس @الامين محمد @sami44 @Golden Man @Rayhan @أم منيــــــر @آمِيْرَتُه

 

[ناصر dz]

شكرااا على المشاركة القيمة

 

[جليلوس]

شكرااا على المشاركة القيمة

العفو خيوو

 

[sami44]

موضوع في القمه ويستحق المتابعه
لي عوده فالسهره للرد الوافي احسن
بورك فيك اخي جليل

 

[جليلوس]

موضوع في القمه ويستحق المتابعه
لي عوده فالسهره للرد الوافي احسن
بورك فيك اخي جليل

ان شاء الله يارب
مرحبا بيك في اي وقت اخي
الله يبارك فيك

 

[صانعة الإبتسامة]

يا وليدي ديفوا دير أنت مواضيع نولي حابة نصفق ههههه ويحك من أين لك كل هذا ربي يبارك فيك خيو جليل والله كلامك صواب
الله يبعد علينا أنا وزوجي ناس لي حابة تفرقنا ويبعد قاع على الأزواج الهموم و المشاكل ربي يبقي ستر ديفوا بلا مايدخلو الأطراف تقدر تضربك عين تهدملك كلش بعيد الشر لذلك على زوجين يخبو أشياء لنفوسهم مايحكوش كلش حتى حبهم لكبير لبعض يخبوه لأنو الحسادين راهم بزاااااف

 

[جليلوس]

يا وليدي ديفوا دير أنت مواضيع نولي حابة نصفق ههههه ويحك من أين لك كل هذا ☺ ربي يبارك فيك خيو جليل والله كلامك صواب
الله يبعد علينا أنا وزوجي ناس لي حابة تفرقنا ويبعد قاع على الأزواج الهموم و المشاكل ربي يبقي ستر ديفوا بلا مايدخلو الأطراف تقدر تضربك عين تهدملك كلش بعيد الشر لذلك على زوجين يخبو أشياء لنفوسهم مايحكوش كلش حتى حبهم لكبير لبعض يخبوه لأنو الحسادين راهم بزاااااف

احممم حشمتيني يا ختي
الله يعطيك ويمنيك حتى يرضيك ان شاء الله
هي صح الحياة الزوجية مقدسة ولها اشياء مالازمش تخرج من باب البيت حتى بين الاولاد والمشاكل لازم يكونوا بعاد عليها رانا في وقت يا لطيف كلش على المكشوف العين راهي تهدم الجبال والناس ولات تحسد الفرطاس على حواجبو ماخلاو حتى واحد لي تزوج ولي بلا ولاد ولي بولادو ولي مطلق ولي ماتت مرتو ولا مات راجلها المهم يهدروا وخلاص ربي يبعد بلادهم على بلادنا ان شاء الله .. حنا نقولوا ربي يطيب بين كل المتحابين وسلم شمل كل المتخاصمين يلا ماخممتوش في رواحكم خمموا شوي في ولادكم وواحد يفوت لاخر وربي يصلح الاحوال

شكرا صفاء الله يصفي قلوبنا ان شاء الله
صحا فطوركم

 

[إلياس]

سلمت يمناك على الموضوع القيم أخي جعله الله في ميزان حسناتك يا رب العالمين اجمعين دمت مبدعا في سماء المنتدى جعله الله في ميزان حسناتك يا رب العالمين اجمعين

 

[جليلوس]

سلمت يمناك على الموضوع القيم أخي جعله الله في ميزان حسناتك يا رب العالمين اجمعين دمت مبدعا في سماء المنتدى جعله الله في ميزان حسناتك يا رب العالمين اجمعين

آمين يارب
شكرا لك اخي

 

[الامين محمد]

اهلا خويا جليلو
للأسف اخي جليلو الكثير من الحروب راهي بسبب الطلاق
نعرف زوجين انفصلوا قبل مدة حتى حربهم راهي في الفايسبوك
سبان و معاير حتى انهم فسدو على بعضاهم الزواج
يعني كي يجي واحد يخطبها يروح ليه الزوج السابق و يقوله
فيها كذا كذا و العكس كي يروج يخطب تروح هي تفسد له الامر
بلا ما ننسى انهم دخلوا الولاد في حربهم و كل طرف يقول للاولاد
ان الطرف الاخر شرير و عمل كذا و كذا
و هذا الامر عيب و ربي ما كتبش بيناتهم و لازم يبقى الاحترام بيناتهم
لأنه في الاخير راح يخسروا كامل بسبب هته الحرب حتى الاولاد راح يكرهوهم للاثنين

ـ و في هته القصة تقريبا فرصة عودتهم لبعض فسدوها تماما بالكلام الغير لايق
على الانسان العاقل ان يعي ان الطلاق سنة من سنن الحياة جعله الله حل
عند انعدام العيش المشترك لكن في كثير من الاحيان يقع الصلح بعد الطلقة الاولى او حتى الثانية و يكون هذا درس للزوجين و يرجعوا لبعض و يصلحوا سبب الخلاف

عندي بنت عمي طلقت سنة كاملة و رجعت لزوجها الاول و الآن والله مااشااء الله تباارك نعم الزوجين الناجحين و يعتبروا نموذج راائع للحب و التفاهم لأنهم تعلموا من الخطأ الاول

ـ في الاخير ربي يصلح حال كل عايلة و ربي يجعل بينهما المحبة و المودة و الرحمة

 

[جليلوس]

اهلا خويا جليلو
للأسف اخي جليلو الكثير من الحروب راهي بسبب الطلاق
نعرف زوجين انفصلوا قبل مدة حتى حربهم راهي في الفايسبوك
سبان و معاير حتى انهم فسدو على بعضاهم الزواج
يعني كي يجي واحد يخطبها يروح ليه الزوج السابق و يقوله
فيها كذا كذا و العكس كي يروج يخطب تروح هي تفسد له الامر
بلا ما ننسى انهم دخلوا الولاد في حربهم و كل طرف يقول للاولاد
ان الطرف الاخر شرير و عمل كذا و كذا
و هذا الامر عيب و ربي ما كتبش بيناتهم و لازم يبقى الاحترام بيناتهم
لأنه في الاخير راح يخسروا كامل بسبب هته الحرب حتى الاولاد راح يكرهوهم للاثنين

ـ و في هته القصة تقريبا فرصة عودتهم لبعض فسدوها تماما بالكلام الغير لايق
على الانسان العاقل ان يعي ان الطلاق سنة من سنن الحياة جعله الله حل
عند انعدام العيش المشترك لكن في كثير من الاحيان يقع الصلح بعد الطلقة الاولى او حتى الثانية و يكون هذا درس للزوجين و يرجعوا لبعض و يصلحوا سبب الخلاف

عندي بنت عمي طلقت سنة كاملة و رجعت لزوجها الاول و الآن والله مااشااء الله تباارك نعم الزوجين الناجحين و يعتبروا نموذج راائع للحب و التفاهم لأنهم تعلموا من الخطأ الاول

ـ في الاخير ربي يصلح حال كل عايلة و ربي يجعل بينهما المحبة و المودة و الرحمة

يالطيف وين وصلنا لا حول ولا قوة الا بالله
المشكل ماراهش هنا المشكل راه في وسائل التواصل الاجتماعي ولات الناس تحكي اسرارها الزوجية بالتفصيل الممل والزين والشين يقرا كاين لي يستشفى وكاين يزيد الزيت على النار يعمروهم في زوج ويكحلولهم قلوبهم من جهة بعضاهم وكاين لي صح قلبه يضره بصح ما باليد حيلة بصح تجي تشوف اغلبية مشاكل الطلاق سبابها الفايسبوك ومايخلوش حتى باب الصلح ان وقع الطلاق يا ربي وتصلح حوالنا
سبحان الله شفت كيفاه الناس تدي العبرة من الطلاق باش مايعاودوش الغلطة
الله يهدينا هادا مانقولوا

 

[إلياس]

آمين يارب
شكرا لك اخي

العفو أخي الغالي

 

[ريحـان]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ


موضوع مهم ، فعلا بالكاد تكون من السيناريوهات لي تتكرر في العادة بين اي زوجين وهنا لو تلاحظ اخي عبد الجليل دايما يحرصو الزوجين على مصلحتهم هي الاولى فكل واحد يحب يدفع الضرر انه بشتى الوسائل يعني اتهامات و كذب و ..... في حين انه اذا ربي كتب الطلاق و عدم التفاهم بين الزوجين يليق يكون الافتراق ب احترام الطرف الاخر بغض النظر عن مساوئ الشخص و مايجوز نتهمو في الشرف مثلا و انا نعرف بلي مثلا هذيك ام او اب اولادي يعني نخلي الصورة نظيفة على الاقل في عقل الاطفال لانه يوما ما هذيك الاتهامات راح ترجع تتعبى بعقول الاطفال و تساهم في تكوين شخصية غير متزنة بالنسبة للطفل، و انه يفكروا في انفسم بدرجة اولى قصدي الزوجين هذا كان متاح لهم في بداية التفكير في الزواج اما بعد ما يكون فيه اطفال هنا مصلحتهم هي رقم 1 سواء تفاهمو و لالا يليق يشوفوا لولادهم
و اهم حاجة كيما قلت انت هذاك الطرف الثالث نحاولوا منخلولهش الفرصة في حياتنا باي ثمن؛ بارك الله فيك اخي على الموضوع القيم
وربي يبقي الستر على كل الاسر الطيبة








​

 

[ليليا مرام]

السلام عليكم وصحا فطوركم
اولا الناس مثقفة والواعية واللي تعرف دينها قبل كل شيء الزوجان كانا تحت سقف واحد كان تجمعهما علاقة وطيدة ميثاق غليظ مفروض واحد لا من أهل لا من أصحاب لا من جيران اللي صح مرا تخلي سرها بين ربع حيطان بكري كانت ترفد تلفون ليماها وختها وضرك ندخلو ڨروبات حكايات العجب نعرفو راجلها واش لابس واش قسرو بارح وامورهم الخاصة نلقاوها والله غير عام العجب رانا فيه ...
نروحو للشتائم الڨطة العاقلة والمغمضة يوم تطلق مهند تولي تشوفو محرود والعيوب ال 17 تجبدهم وهو المهدي منتظر فالأول شافها لالة نسا هو يطلقها يولي فاسظة وفيها فيها لا من باب رجولة هذي ناس ديرها ولا من باب راجل مسلم علاه خاطر بلاك يرجعو لبعضاهم ايوا وشكون يشوف فوجه لاخر والا نورمال بلخف ينساو ما تقوليش طرف ثالث لالا اللي متزوجة ماراهيش فسن يحرشوها ولا راجل اختار مرا بإرادتو يولي يقول حرشوني وماشي غرضي والا ليزيبيس سحروني بالرعار وكعالو الفار وهو الفار الكبير ....مفروض ناس لما توصل للطلاق تصون عشرة والعلاقة اللي كانت واذا كاين اولاد يراعو ولادهم. ...الله يستر على كل مومن وخلو أسراركم بيناتكم ولو تطلقو حتى سبب وما تقلوهش ما تفاهمناش وخلاصةباه يوم ترجعو سركم يقعد بيناتكم
الله يهدي ما خلق

 

[solama]

مناش معنيين بالرد المعنيين من تمت الاشارة إليهم لكم ساحة النقاش دمتم

 

[*amani*]

السلام عليكم
كلامك جواهر يعني اذا ربي كتب الطلاق بيناتكم علاه تروح تشرڨ وتقطع في الطرف الآخر على الأقل يحترموا العشرة اللي كانت بيناتهم في يوم ما
اذا كاين اولاد بيناتهم تخيلوا أم تعمر في راس وليدها بوك فيه كذا وكذا والعكس صحيح وهنا الضحية الأولى والأخيرة هوما الاولاد
رجعنا ندخلوا لمواقع التواصل نلقاو حكايات مايخطروش على البال وبالتفصيل الممل تاني الله يهديهم
والطرف الثالث هو سلاح الدمار الشامل اخطر واحد فيهم ...القيل والقال ياا ماهدم بيوت ربي يبعدهم علينا وعليكم
والله يدوم محبة ومودة كل الازواج ويبقي عليهم الستر
بوركت على الطرح القيم ​

 

[جليلوس]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ


موضوع مهم ، فعلا بالكاد تكون من السيناريوهات لي تتكرر في العادة بين اي زوجين وهنا لو تلاحظ اخي عبد الجليل دايما يحرصو الزوجين على مصلحتهم هي الاولى فكل واحد يحب يدفع الضرر انه بشتى الوسائل يعني اتهامات و كذب و ..... في حين انه اذا ربي كتب الطلاق و عدم التفاهم بين الزوجين يليق يكون الافتراق ب احترام الطرف الاخر بغض النظر عن مساوئ الشخص و مايجوز نتهمو في الشرف مثلا و انا نعرف بلي مثلا هذيك ام او اب اولادي يعني نخلي الصورة نظيفة على الاقل في عقل الاطفال لانه يوما ما هذيك الاتهامات راح ترجع تتعبى بعقول الاطفال و تساهم في تكوين شخصية غير متزنة بالنسبة للطفل، و انه يفكروا في انفسم بدرجة اولى قصدي الزوجين هذا كان متاح لهم في بداية التفكير في الزواج اما بعد ما يكون فيه اطفال هنا مصلحتهم هي رقم 1 سواء تفاهمو و لالا يليق يشوفوا لولادهم
و اهم حاجة كيما قلت انت هذاك الطرف الثالث نحاولوا منخلولهش الفرصة في حياتنا باي ثمن؛ بارك الله فيك اخي على الموضوع القيم
وربي يبقي الستر على كل الاسر الطيبة








​

اكيد كل واحد يشوف لي تخرج عليه هو وكيما يبغي على قوسطوه اما الاولاد فالطوفان بعدهم يا ربي وين وصلنا يتزوجوا حتى يهبلوا الناس معاهم ويطلڨوا يهبلوا وليداتهم الراجل يشوف حياته والمرا تاني ولي ضاع تلك الثمرة التي بينهما ... اما الطرف الثالث فسيكون حطبا لجنهم عاجلا غير آجل ربي يتولاه ماتخافيش وربي يبقي الستر على جميع البيوت

 

[جليلوس]

السلام عليكم وصحا فطوركم
اولا الناس مثقفة والواعية واللي تعرف دينها قبل كل شيء الزوجان كانا تحت سقف واحد كان تجمعهما علاقة وطيدة ميثاق غليظ مفروض واحد لا من أهل لا من أصحاب لا من جيران اللي صح مرا تخلي سرها بين ربع حيطان بكري كانت ترفد تلفون ليماها وختها وضرك ندخلو ڨروبات حكايات العجب نعرفو راجلها واش لابس واش قسرو بارح وامورهم الخاصة نلقاوها والله غير عام العجب رانا فيه ...
نروحو للشتائم الڨطة العاقلة والمغمضة يوم تطلق مهند تولي تشوفو محرود والعيوب ال 17 تجبدهم وهو المهدي منتظر فالأول شافها لالة نسا هو يطلقها يولي فاسظة وفيها فيها لا من باب رجولة هذي ناس ديرها ولا من باب راجل مسلم علاه خاطر بلاك يرجعو لبعضاهم ايوا وشكون يشوف فوجه لاخر والا نورمال بلخف ينساو ما تقوليش طرف ثالث لالا اللي متزوجة ماراهيش فسن يحرشوها ولا راجل اختار مرا بإرادتو يولي يقول حرشوني وماشي غرضي والا ليزيبيس سحروني بالرعار وكعالو الفار وهو الفار الكبير ....مفروض ناس لما توصل للطلاق تصون عشرة والعلاقة اللي كانت واذا كاين اولاد يراعو ولادهم. ...الله يستر على كل مومن وخلو أسراركم بيناتكم ولو تطلقو حتى سبب وما تقلوهش ما تفاهمناش وخلاصةباه يوم ترجعو سركم يقعد بيناتكم
الله يهدي ما خلق

كي قال ربي جعل بينكم مودة ورحمة راه عارف شاراه يدير وسماها رابطة زوجية مش ثلاثية او رباعية بسكو غير يدخلوا الاطراف فيها تخسر العلاقة وتبدا كل العيوب تبان .. هي صح كل واحد يبدا يهدر بكره ومن غل علاش بصح غير باش يشف الناس ولا يستعطفهم هادا مكان مي كون يحفظو الود يطالقو وكل واحد يقول ماكتبش ربي تبقى سمعتهم مليحة حتى واذا ماعاشش الاولاد معاهم في زوج عاش محروم من واحد يعيش مهني ... الزن على الوذن راه كتر من السحر يقلب الانسان على كبدته لي جابها من صلبه

 

[جليلوس]

مناش معنيين بالرد المعنيين من تمت الاشارة إليهم لكم ساحة النقاش دمتم

اختي الموضوع يعني الجميع
ماتزعفيش برك كي وليت ندير الاشارات جلهم ماهيش توصلهم