محبوس ورا حيطان وماليه محبوسين فالمجتمع

[ليليا مرام]

السلام عليكم

إسمحولي اليوم راح نحكي على واحد سوجي مهم بالنسبة ليا ومهم لواحد شريحة عند بعض منبوذين وعند بعض يقولو يا حليل والبعض ما يستاهلش رحمة راح نحكي عالمحبوس. ..السجين

شبابنا بزاف راه فالسجون باختلاف تهم مارانيش هنا ندافع او نبرر او ندخل فأسباب االي تظلم ربي يفك سراحو وشبابنا ربي يهديهم وبعض االي قتل واغتصب عن نفسي الله لا خف عليه ...لكن نحكوا عالأهالي

في حادثة زوجة محبوس فالسجن وهي أم لأربعة أولاد حكم على الزوج بعشر سنوات حبس هذي المرا اذا طلقاتو فاحبس مش أصبلة وبنت حرام تخرج تخدم تولي فيها الهدرة اربع اولاد العموم ما يشوفو والاخوال ما يرحمو وضاعو اي نعم تقلولي باباهم ضيعهم نفسو باباهم بلاك باصا علجالهم ما يلقاش خدمة راح للحرام باه يوكلهم هذا تفكيرو الآن

تخيلو بلدية باه تدي حقها فقفة رمضان لالا مرت مسجون ....وشنو جملة قالهالها عامل بلدية انت مرت محبوس ما عندوش حقوق ..واخر يطلب منها امور بمقابل وين رانا عايشين ومع من عايشين المسجون عاقباتو دولة ويقضي مدة سجن هي وولادها علاه ...النظرة لأهالي مساجين يعاقبوهم بعقاب ولادهم يحاسبو فيهم بأخطاء اولادهم علاه ....

هل المرأة زوجة سجين تدفع اخطاء انو مكتوبها زوج غلط ودخل للسجن تبقا تدفع ثمن

اولاد يعايروهم فالشارع ولاد المحبوس ..؟!

مجتمعنا وينتا يرحم وينتا يتربى ....اذا يخرج محبوس ما نزوجوش بنتي مجرم ...ما يديش قفة رمضان مرت مجرم ...وليدي ما يلعبش مع ولاد مجرم ...والا طفل يعاير طفل انا عندي بابا. شوف باباك فالحبس ....

خلاصة نقول اهالي مساجين ما اختاروش ولادهم مكتوبهم جا هكذا كيما كاين طبيب ومعلم وغني كاين زوالي ومخبوس وسراق والافات هذو في كل بلاصة

خلاصة قولي ارحموا من في الارض يرحمكم من فالسماء


ما رأيكم وهل هناك حولكم هكذا حالات

شكرا لكم​

 

[إلياس]

ربي يجيب الخير برك
بورك فيك على الموضوع القيم جعله الله في ميزان حسناتك يا رب العالمين اجمعين

 

[ليليا مرام]

ربي يجيب الخير برك
بورك فيك على الموضوع القيم جعله الله في ميزان حسناتك يا رب العالمين اجمعين

السلام عليكم اهلا اخي الياس
آمين الله يفك سراحهم ويحنن القلوب ويزرع الرحمة فالمجتمع نتاعنا
آمين جزاك الله كل خير صحا فطورك

 

[صانعة الإبتسامة]

موضوع قيم كاعادتك
والله صح ضحية دايما مرأة و ولادها مساكن بزاااااااااف حالات كما هكا ولو يولي مش متزوج كي يدخل الحبس يعايرو والديه وخاوتو نورمالمون يوقفوا معاهم نو والله يزيدو عليهم هم على هم
ربي يجيب الخير برك

 

[sami44]

اهلا ليليا ومرسي على الموضوع التوووووووب
حطيتي يدك على الجرح
والله امور يندى لها الجبين ومعاناه مابعدها معاناه
بعدين نولي لسرد بعض الامور لإثراء الموضوع

 

[ليليا مرام]

موضوع قيم كاعادتك
والله صح ضحية دايما مرأة و ولادها مساكن بزاااااااااف حالات كما هكا ولو يولي مش متزوج كي يدخل الحبس يعايرو والديه وخاوتو نورمالمون يوقفوا معاهم نو والله يزيدو عليهم هم على هم
ربي يجيب الخير برك

اهلا وسهلا جغانتنا صحا فطورك
لو حاو رجال يقدرو قيمة المرا والله كامة ما يڨولهالها يسوفو لفئة نتاع نسا ماديات يقولك نسا ڨاع كيفكيف روحو شوفو أرامل واش صابرين ويخدمو منظفات فالبيوت ويربو اولادهم شوفو نساء المساجين واش صابرين واش حاملين نظرة مجنمع ما ترحمش نظرة ذئاب فالزنقة وين تروح نظرة الاحتقار على ذنب لا هي ولا اولادها كانو سبب فيه وكيما قلتي واللي عازب اهلوا يتعاقبو اذا من جيران من ناس يخطبو اختو قال خوها محبوس هو يبغي يتزوج ما يمدولوش فرضة خلاص فيه طابع محبوس يقعد معاه حتى يموت احنا ما نرحموش ما نستناوش رحمة من ربي.
شكرا عزيزتي

 

[ليليا مرام]

اهلا ليليا ومرسي على الموضوع التوووووووب
حطيتي يدك على الجرح
والله امور يندى لها الجبين ومعاناه مابعدها معاناه
بعدين نولي لسرد بعض الامور لإثراء الموضوع

صحا فطورك خويا سامي
والله يا خويا انا ننقل مواضيع من محيط حولي من واش رانا عايشين فكل حومة كاين مسجون ورانا عايشين معاهم وعارفين معناتهم
نستنى ترجع لانو عارفة سمعت كاش قصة او من اقارب او من الجيران الله يفك سراحهم ويخفف على اهاليهم

 

[sami44]

صحا فطورك خويا سامي
والله يا خويا انا ننقل مواضيع من محيط حولي من واش رانا عايشين فكل حومة كاين مسجون ورانا عايشين معاهم وعارفين معناتهم
نستنى ترجع لانو عارفة سمعت كاش قصة او من اقارب او من الجيران الله يفك سراحهم ويخفف على اهاليهم

الله يسلمك ليليا وانتي زاده
والله صدقيني رانا كيف كيف في هذ الجهه في كل فيراج تلقاي دار يخصها واحد راهو فالحبس
اما التهمه الاغلبيه بسبب الزطله وماشابه
مش الكل مجرمين وبثبوت التهمه وانما كاين الي راحو غلاط
مثلا عندي ولد خويا مينور عاقل وماهوش تاع ميليو مي اصدقاء السوء طيحوه فالفخه
صح مش خدام ويتكيف وكامل مي مايبيعهاش وعنرو ولا خمم يتاجر بيها
ووحد النهار كان مقصر مع جماعه وواحد منهم رافد معاه 80 حبه ليريكا لما فاجؤوهم الشرطه هربو ورماوها موراه هو تالمو خاطيه ماهربش ولما فتشو المكان لقاو الكميه وراه اداوه وشارعولو وحكم 7 سنوات راه باقيلو 6 اشهر ويخرج
كي نشوف باباه مسكين على كبرو كل اسبوع يروح يزورو ويماه تتحسر والله نتاثر للموقف
سيرتو في رمضان ولا فالاعياد
ومش غير هو كاين بزاف والي تغيضك انو خاطيه وخسر 7 سنوات من حياتو وزيد كسب لقب محابسي باطل يعني حتى كي يحوس على خدمه الكازيي تاعو موسخ وكي يعول يخطب يهابوه لانو المجتمع تاعنا لا يرحم ويحكم على المضاهر اكثر من الحقيقه
الله يجيب الخير

 

[ليليا مرام]

الله يسلمك ليليا وانتي زاده
والله صدقيني رانا كيف كيف في هذ الجهه في كل فيراج تلقاي دار يخصها واحد راهو فالحبس
اما التهمه الاغلبيه بسبب الزطله وماشابه
مش الكل مجرمين وبثبوت التهمه وانما كاين الي راحو غلاط
مثلا عندي ولد خويا مينور عاقل وماهوش تاع ميليو مي اصدقاء السوء طيحوه فالفخه
صح مش خدام ويتكيف وكامل مي مايبيعهاش وعنرو ولا خمم يتاجر بيها
ووحد النهار كان مقصر مع جماعه وواحد منهم رافد معاه 80 حبه ليريكا لما فاجؤوهم الشرطه هربو ورماوها موراه هو تالمو خاطيه ماهربش ولما فتشو المكان لقاو الكميه وراه اداوه وشارعولو وحكم 7 سنوات راه باقيلو 6 اشهر ويخرج
كي نشوف باباه مسكين على كبرو كل اسبوع يروح يزورو ويماه تتحسر والله نتاثر للموقف
سيرتو في رمضان ولا فالاعياد
ومش غير هو كاين بزاف والي تغيضك انو خاطيه وخسر 7 سنوات من حياتو وزيد كسب لقب محابسي باطل يعني حتى كي يحوس على خدمه الكازيي تاعو موسخ وكي يعول يخطب يهابوه لانو المجتمع تاعنا لا يرحم ويحكم على المضاهر اكثر من الحقيقه
الله يجيب الخير

السلام عليكم اخي كيف حالك
هاهي شهادة حية عليها نقول اغلب اللي فسجون ضحايا والله حتى اللي يبيعوها مش نحكي عالبارونات على ليجون صغار تلقاه تغلقت فوجهو ڨاع بيبان ما لقاوش عليها وين لو دولة دير لحنة تشوف اوضاعهم واسباب خلاتهم يبيعوها والله فبلاصة حبس يشوفو واش خصهم يفتحولهم مشاريع يدعموهم والله ما يروحو للحرام شباب ضاعو وي هذي هي رفقاء سوء وهدرة اشربها تكيفها كول دوا باه تنسى ويلقا ؤوحو فالحيطان واحكام قاسية بزاف حليل الوالدين ومستقبلو يضيع نظرة مجتمع ما ترحم ونظرة الناس كثر
ربي يفك سراحو يا رب عن قريب واوقفوا معاه وعاونوه ما يرجعلهاش ربي معاهم

 

[جليلوس]

سلام ليليا صباح الخير
هي صح يقولوا الحبس للرجال مي وقتنا هادا معظمهم مظلومين وراحو ظلام يا ما في السجن مظاليم مانيش نهدر على لي غلطوا بسكو يستاهل السنين لي حكمتهالوا الدولة وقليلة فيه نعرف واحد زوالي مسكين دابز مع ولد بوليسي غلاط باصاوه مسكين جابولهم الجاه ناس حللتهم ووالوا مسكين تخيلي حكموله عشر سنين دخل 2012 كان في عمرو 19 عام بقالوا عامين ويخرج كبر مسكين ومرض ووالات حالتو حالة اللطف وزيد هاداك البوليسي دا على مواليه لي باعو لوطو وخلصوله الغرامة عشرين مليون علاه يعني هاد الحڨرة كي عاد ولد اطار وهاداك ولد زوالي ميمتو تكشفت فالطرق ومعا لحباس واللي يسب ويشتم وتحط نيفها غير باش توصلوا القفة احنا واش نقولوا ربي يفرج على كل مغبون ويفك اسرهم
شكرا على الموضوع يعطيك الصحيتو

 

[سعد606]

تقبل الله منا ومنكم الصلاة والصيام والقيام وصالح الاعمال ...
بارك الله فيك على الموضوع القيم والمميز
وفي انتظار جديدك الأروع والمميز لك
مني أجمل التحيات وكل التوفيق لك يا رب

 

[sana barhoumi]

قد يكون الأب دخل السجن مظلوماً لكن المجتمع لا يرحم

 

[أم أُنٌَيسة]

وعليكم السلام ورحمة الله وبركاته
موضوع جميل جدا بارك الله فيك وجزاك خيرا وجعلها في ميزان حسناتك
ناحية المسجون، والسبب الذي تم ذكره: كل ما يؤذي لحرام هو حرام
الحمد لله الذي عافانا مما ابتلاهم وفضلنا على كثير ممن خلق تفضيلا
وناحية الأهل: لا تزر وازرة وزر أخرى ..
ببساطة حاجة ماراح تتبدل ان لم نعد لشرع الله ونطبقه، نسأل الله العفو والعافيه والهداية والسلامة لنا ولكل المسلمين، امين يارب

 

[kojak]

السلام عليكم ورحمه الله وبركاته:
اولا:قبل كل شي ربي يفك اسر كل مسجون في الاسر ويطلق سراحو لاهلو غانم سالم .
ثانيا:بالنسبه لموضوعك اختاه السجن ابتلاء من الله عزوجل.وابتلا بيه الله الانبياء والرسل وفي مجتمعنا الذي لايرحم لاكبير ولا صغير عادو ميرحموش كيما تفضلتي وحكيتي في موضوعك هناك من دخل اسجن ليس لجرم بل لاجل لقمه عيش او لكلمه حق قالها وشهدو عليه بالزور وليس كل سجين سارق او مجرم او بلهجتنا كلوشار لا خطاءِ.للاسف في مجتمعنا يظلم الاصيل ويترك المجرم يصول ويجول وهنا بغض النظر في مجتمعنا لايمكن تغيير فكرهم ان الذي دخل السجن ليس مجرما بل غلبت عليه الظروف القاهره لدخوله السجن واسبابه .وهنا واش نقولو ربي يهدي ماخلق ماذنب زوجة سجين او ابنه .؟

 

[kojak]

هناك قصه اختي الكريمه قصه الفضيل بن عياض ارجو ان تنال اعجابكم :

كان الفضيل شاطرا يقطع الطريق بين أبيورد وسرخس وكان سبب توبته أنه عشق جارية فبينما هو يرتقى الجدران إليها سمع تاليا يتلو " ألم يأن للذين آمنوا أن تخشع قلوبهم لذكر الله" قال: يارب قد آن فرجع فآواه الليل إلى خربة فاذا فيها رفقة فقال بعضهم: نرتحل وقال قوم: حتى نصبح فان فضيلا على الطريق يقطع علينا قال: ففكرت وقلت: أنا أسعى بالليل في المعاصي وقوم من المسلمين هاهنا يخافونني وما أرى الله ساقني إليهم إلا لأرتدع اللهم إني قد تبت إليك وجعلت توبتي مجاورة البيت الحرام.

الحكمه من القصه ان كل انسان فيه بذره خير