☀ الحآل بعد التخرج ... لآ ذكريات ... لآ مستقبل ☀

[جليلوس]

السلام عليكم
جميل جدا أن يتذكر المرء أنه بإذن الله تعالى يوما ما سوف يتخرج ويصبح ذا مستوى من التعليم والثقافة
متسلحا بشهادة جامعية
لكن ....

للاسف

هذه السعادة لن تطول
ففي بلادنا أصبح التخرج أتعس لحظة للأسف فالمصير غالبا
بطآآآآآآآآآآآآآآآآآآآآآآآآآآآآآآلة
لآ مستقبل
لآعمل
لآزواج
لآ تكوين أسرة
اضافة الى هاذا ضغوطات اجتماعية
أين المفر ؟؟؟؟؟ و ما الحل برأيكم؟ ​

 

[إلياس]

لا تتياس كل واحد رزقه أخي عبد الجليل انا مثلا تخرجت سنة 2012 حتى 2014 باش توضفت في اطار الإندماج المهني و في 2018 توظف في شركة بعقد لمدة 6 اشهر و مازلت في عقود الى يومنا هذا و الحمد لله خطبت و قريب عرسي ان شاء الله ادعوا ربي يسهل أموري ، ادعوك لا تقنط من رحمة الله لان كل واحد لم يموت حتى يستوفي رزقه من هذه الدنيا لان وعد من الله عزوجل
ادعي ربي يسهل أمورك علابلنا عادت بلادنا مبنية على المعريفة و الرشوة في كل المجالات كن على يقين أن الله سيرزقك مهما طال الزمن او قصر
هذه تجربتي
ادعوا الله يسهل أموري ان شاء الله

 

[ريحـان]

كل النقاط لي ذكرتها جزء لا يتجزء من مابعد التخرج و تقريبا عشت كل منها يعني ناهيك عن البطالة مثلا و .. تزيدك الوعود الكاذبة و الاستحقار لما يشوفك تطالب بحقك و لا تسال عن شي ب احترام عموما لي عودة لتطرق للنقاط

 

[ريحـان]

عادة ما تتعدد مسارات الطالب في مرحلة التخرج من الجامعة، فالبعض يظن أن أفضل الخيارات يتمثل في استكمال الدراسات العليا، في حين يتجه آخرون للبحث عن فرصة عمل، وآخرون يتملك منهم شعور باليأس خاصة؛ مما يجعلهم يفقدون الثقة في قدراتهم، ويستسلمون للأمر الراهن دون وجود أي أمل في التغيير.
ومع ذلك يعني الرزق على ربي بصح يليق ناخدو بالاسباب فنقوم بوضع ملفات هنا و هناك ياخي عبد الجليل و مرات تتصدم بالواقع و قت تلقى ناس عندهم مستوى اقل تعليميا تقدر تقول بدون شهادة بصح عندهم عمل و راتب و احسن من لي افنى وقته و جهده و ماله في لوصول لمستوى تعليمي مطلوب و نزيدك حاجة وقت اخر مرة عندها مدة طويلة مضاولي على عقد في متوسطة منبعد لقينا بلي مدخلاش السيستام حتى تحل لنام و في التالي يقلولك هذا العقد غير معترف به و كاني انا لي انشات هذاك العقد
بخصوص الزواج هنا بالنسبة للرجل يقدر يمتهن اعمال حرة و تساعده في كسب قوته و يتحمل مسؤوليته رغم غلاء المعيشة لي وصلناله بصح شكون يرضى بالقليل الا القليل وحتى و لو هذ الامور تاثر مستقبلا في افراد الاسرة هذا قااع و تصبر عليه و الانسان لي مكتوب له شي يوصله بصح هذيك الضغوطات تزيد النص في بنادم مهما تقول منسمعش بيهم و المهم اني نعرف واش و علاش بصح يدخلوا روحهم للشعرة" كملت قرايتك واش راك دير درك علاه مزال مخدمت اه شفت بنت فلان راهي تخدم و السؤال هذا راه يتعاوذ عند كل لقاء كانه في حياة الانسان كامل كاين غير العمل و لازواج لي تسقسي عليه فيهم " المفر ههه
المفر و الحل هو الله اولا الانسان يقتنع كلما اقتنع يرضى و ثانيا يتسبب مثلا كاين اعمال خاصة و مشاريع مصغرة يشد الواحد بيهم يده كاين و ين الواحد يزيد يقرا لغات مثلا و لا تكوينات اخرى المهم لي تساهم و لو بالقليل
و الواحد يثقف نفسه و ينمي مهاراته و بلاك فالوقت هذا يجد الانسان نفسه ضمن عمل يحبه عموما يعطيك الصحة على الموضوع









​

 

[ليليا مرام]

السلام عليكم
والله يا أخي زمان كنت نحلم ونحاول نقرا ونكمل كنت دورة ونحلف فيهم اصبرو نكبر ونخرج محامية والا جوجا ندخلكم ڨاع للحبس اصبرو نولي ندور فالتليفيزيو جورناليست تبهدايل وفضايخكم نحطهم جميع سراق نكشفو احي عليا وها نندب االي حلفت فيهم قاع راهم بمراكزهم واللي تزوجت واللي دارت عفسة وفير انا قعدت ندور مور تلفيزيو دارنا نمسح فالغبار باه نولي جورناليست وليت واقفة قدامو ونمسح فالغبابر وباه نولي جوجا دخلت للمحكمة عالاوراق ها شوف اسيدي شوف فبلادنا انسى تحلم احلم خبطاتك بڨرة احلم عضك كلب أحلم صكك حمار بصكة جابك فالموزمبيق ولا هنا نسيت احلام هنا وليت ما نتعشاش ما نحلمش اسيدي
ياو فبلادنا شهاظة علڨها فالدار واللي كان بجيب 2 وربعة راه ورا بيرو والي والا وزير من تالي

 

[جليلوس]

لا تتياس كل واحد رزقه أخي عبد الجليل انا مثلا تخرجت سنة 2012 حتى 2014 باش توضفت في اطار الإندماج المهني و في 2018 توظف في شركة بعقد لمدة 6 اشهر و مازلت في عقود الى يومنا هذا و الحمد لله خطبت و قريب عرسي ان شاء الله ادعوا ربي يسهل أموري ، ادعوك لا تقنط من رحمة الله لان كل واحد لم يموت حتى يستوفي رزقه من هذه الدنيا لان وعد من الله عزوجل
ادعي ربي يسهل أمورك علابلنا عادت بلادنا مبنية على المعريفة و الرشوة في كل المجالات كن على يقين أن الله سيرزقك مهما طال الزمن او قصر
هذه تجربتي
ادعوا الله يسهل أموري ان شاء الله

خويا العزيز
لا تقنط من رحمة الله لعل فيها خير
ماتحصيش لعل وعسى ربي سبحانو مخبيلك ما احسن ووظيفة العمر ان شاء الله لي تاكل منها الخبز وتعيش وتعيش وليداتك
الحمد لله انا توظفت ربي يكتبهالك انت تاني
ربي يكملك ماراك متمنى الله يسخرلك
يحلها ربي من سابع سما
شكرا لك خيوو

 

[جليلوس]

كل النقاط لي ذكرتها جزء لا يتجزء من مابعد التخرج و تقريبا عشت كل منها يعني ناهيك عن البطالة مثلا و .. تزيدك الوعود الكاذبة و الاستحقار لما يشوفك تطالب بحقك و لا تسال عن شي ب احترام عموما لي عودة لتطرق للنقاط

صح والله تغيضك تقرا تهمبر فتالي تتوسد ديبلوم وتحطو حدا صورة جدك فالصالون يتغبر ويرشى ... الله يفرجها خيتي لعل فيها خير
ادعو ربي ايام مباركة رانا فيها بالتفريج ان شاء الله

 

[جليلوس]

عادة ما تتعدد مسارات الطالب في مرحلة التخرج من الجامعة، فالبعض يظن أن أفضل الخيارات يتمثل في استكمال الدراسات العليا، في حين يتجه آخرون للبحث عن فرصة عمل، وآخرون يتملك منهم شعور باليأس خاصة؛ مما يجعلهم يفقدون الثقة في قدراتهم، ويستسلمون للأمر الراهن دون وجود أي أمل في التغيير.
ومع ذلك يعني الرزق على ربي بصح يليق ناخدو بالاسباب فنقوم بوضع ملفات هنا و هناك ياخي عبد الجليل و مرات تتصدم بالواقع و قت تلقى ناس عندهم مستوى اقل تعليميا تقدر تقول بدون شهادة بصح عندهم عمل و راتب و احسن من لي افنى وقته و جهده و ماله في لوصول لمستوى تعليمي مطلوب و نزيدك حاجة وقت اخر مرة عندها مدة طويلة مضاولي على عقد في متوسطة منبعد لقينا بلي مدخلاش السيستام حتى تحل لنام و في التالي يقلولك هذا العقد غير معترف به و كاني انا لي انشات هذاك العقد
بخصوص الزواج هنا بالنسبة للرجل يقدر يمتهن اعمال حرة و تساعده في كسب قوته و يتحمل مسؤوليته رغم غلاء المعيشة لي وصلناله بصح شكون يرضى بالقليل الا القليل وحتى و لو هذ الامور تاثر مستقبلا في افراد الاسرة هذا قااع و تصبر عليه و الانسان لي مكتوب له شي يوصله بصح هذيك الضغوطات تزيد النص في بنادم مهما تقول منسمعش بيهم و المهم اني نعرف واش و علاش بصح يدخلوا روحهم للشعرة" كملت قرايتك واش راك دير درك علاه مزال مخدمت اه شفت بنت فلان راهي تخدم و السؤال هذا راه يتعاوذ عند كل لقاء كانه في حياة الانسان كامل كاين غير العمل و لازواج لي تسقسي عليه فيهم " المفر ههه
المفر و الحل هو الله اولا الانسان يقتنع كلما اقتنع يرضى و ثانيا يتسبب مثلا كاين اعمال خاصة و مشاريع مصغرة يشد الواحد بيهم يده كاين و ين الواحد يزيد يقرا لغات مثلا و لا تكوينات اخرى المهم لي تساهم و لو بالقليل
و الواحد يثقف نفسه و ينمي مهاراته و بلاك فالوقت هذا يجد الانسان نفسه ضمن عمل يحبه عموما يعطيك الصحة على الموضوع









​

يعطيك الصحة راكي ماخليتيني مانهدر
الواحد يحمد ربي على كلش وتاني هدية الناس خصك تقيسها وراك بسكو تخدم تقعد تحرق تتخذ في حياتك هادرين هادرين الموتى وهدروا فيهم باغيين يطلقونا حنا ههه مكاش منها قاع .. الشدة في ربي و الواحد يسعى وربي ما فيه غير الخير ورزقك ماتروحش من هاد الدنيا حتى يلحقك وزيد يلا ماخدمتش ربي عطاك الصحة و يلا ماتزوجتش ماشي الدنيا كملت لا لا الواحد يرضى ويحمد ربي لوكات جات على الناس والله نصنا راه في سبيطار المهابل من هدرتهم ... ربي يفرجها على كل مغبون ان شاء الله

 

[جليلوس]

السلام عليكم
والله يا أخي زمان كنت نحلم ونحاول نقرا ونكمل كنت دورة ونحلف فيهم اصبرو نكبر ونخرج محامية والا جوجا ندخلكم ڨاع للحبس اصبرو نولي ندور فالتليفيزيو جورناليست تبهدايل وفضايخكم نحطهم جميع سراق نكشفو احي عليا وها نندب االي حلفت فيهم قاع راهم بمراكزهم واللي تزوجت واللي دارت عفسة وفير انا قعدت ندور مور تلفيزيو دارنا نمسح فالغبار باه نولي جورناليست وليت واقفة قدامو ونمسح فالغبابر وباه نولي جوجا دخلت للمحكمة عالاوراق ها شوف اسيدي شوف فبلادنا انسى تحلم احلم خبطاتك بڨرة احلم عضك كلب أحلم صكك حمار بصكة جابك فالموزمبيق ولا هنا نسيت احلام هنا وليت ما نتعشاش ما نحلمش اسيدي
ياو فبلادنا شهاظة علڨها فالدار واللي كان بجيب 2 وربعة راه ورا بيرو والي والا وزير من تالي

والله في بلادنا كلش ممكن احلامنا اصبحت من سابع المستحيلات ان تتحقق ليليا كبري خاطرك هاداك الوزير ولا داك البيلوط كي وصل ديك البلاصة زعما راه مهني اسكو وصلها بعرق جبينه اسكو جابها بقرايته ومستواه اسكو راه ياكل الحلال هادو ربي يعطيهم زهو الدنيا بصح نهار يتڨبضو ياجدك عذاب ربي عظيم سبحانو معليش الحمد لله ماعندناش ومايخصناش جاتنا في صحتنا معليش المهم وسط والدينا بالقليل وفرحانين وهانيين كي نضحكو على طابلة فوقها الخبز والما ولا الدراهم تتقايش والهنا مكاش اواه الحمد لله على كلش وديك لي تزوجت علاش وصلت للقمر ولا دارت صاروخ تزوجت باصات ههه زعما تهنات مكاش لي دات بوها ولا خوها غير لي دات عدوها خممي فيها مليح والله هدرتي تولي تولي ليها .... توجور كلمة الحمد لله ربي يمتحنا بيكو يبغينا الحمد لله

 

[صانعة الإبتسامة]

انا ماكملت قرايتي مراهو غايضني الحال كما كملتش بسكو راني نشوف اغلب صحباتي لي كملو قعدو في دار وكاين لي فيهم تزوجت حتى عادو نادمين علاه كملو في لاخر يجيك يخطبك راجل ويشرط عليك ماتخدميش يعني ولو تجيك فرصة قرايتك راحت في صفر

 

[*amani*]

وعليكم السلام
رانا نعيشو بلي مكتبهولنا ربي بصح كي تشوف واحد ماوصلش اصلا للباك ولا وصل وحبس فيه وبخدمتو وبلاصتو وخير على اللي قرا وكمل هنا والله تغيضك تعرف بلي بلادنا ماشية بالعكس
انا راني نقرا وخايفة كي نكمل وش حايصرا الحالة تخوف والأرزاق على ربي والله مانعرفوا وش يصرا منا لغذوة
ربي يرزقنا من حيث لانحتسب يااارب
مشكور

 

[جليلوس]

انا ماكملت قرايتي مراهو غايضني الحال كما كملتش بسكو راني نشوف اغلب صحباتي لي كملو قعدو في دار وكاين لي فيهم تزوجت حتى عادو نادمين علاه كملو في لاخر يجيك يخطبك راجل ويشرط عليك ماتخدميش يعني ولو تجيك فرصة قرايتك راحت في صفر

صفاء ختي هادي دنيا ومكتوب ربي ما تعرف واش مخبيلك كاشي قاع نخرجو طبا لازم واحد فينا يكون مريض نلقاو بعض انا في قاع الميادين بصح هادي تاع فرصة للزواج تحبس خدمتها ولا قرايتها اومبعد تندم لا لا يا عن قناعة يا تبطل جد زواج وتشوف حياتها ومستقبلها لازم الواحد يمشي بمبدأ مش الهوا لي يجي يديه
صحيتي خيتي ربي يحفظك

 

[جليلوس]

وعليكم السلام
رانا نعيشو بلي مكتبهولنا ربي بصح كي تشوف واحد ماوصلش اصلا للباك ولا وصل وحبس فيه وبخدمتو وبلاصتو وخير على اللي قرا وكمل هنا والله تغيضك تعرف بلي بلادنا ماشية بالعكس
انا راني نقرا وخايفة كي نكمل وش حايصرا الحالة تخوف والأرزاق على ربي والله مانعرفوا وش يصرا منا لغذوة
ربي يرزقنا من حيث لانحتسب يااارب
مشكور

سبحان و واه وقاع لي كتبهالنا مرحبا بيك
الحمد لله راضيين بالقليل ولله الشكر والثناء
بصح تغيضك واحد محبس سنة سادسة حاكم منصب يتحكم في عباد الله كي العجينة وواحد تعب وشقا يجي واحد كيما هادا يقولوا مكاش خدمة ايا طير والله يا بلادنا رانا داخلين في حيط الله يستر وخلاص ... الواحد يرضى بالمكتوب ويصلي صلاتو ويطيع والديه ودير الخير واسعى للعمل وان شاء الله يلا جات ساعتك تروح وانت صافي معا ربي

 

[صانعة الإبتسامة]

صفاء ختي هادي دنيا ومكتوب ربي ما تعرف واش مخبيلك كاشي قاع نخرجو طبا لازم واحد فينا يكون مريض نلقاو بعض انا في قاع الميادين بصح هادي تاع فرصة للزواج تحبس خدمتها ولا قرايتها اومبعد تندم لا لا يا عن قناعة يا تبطل جد زواج وتشوف حياتها ومستقبلها لازم الواحد يمشي بمبدأ مش الهوا لي يجي يديه
صحيتي خيتي ربي يحفظك

ويحفظك خيو جليل
انا عن نفسي لوكان كملت وليت خدامة مانحبسهاش علجال زواج سورتو إذا كان الحصول على وظيفة حلم إلا أنو أنا كرهت لقراية بالرغم كنت متفوقة ومرانيش نادمة لأنو قرار شخصي ومكانش لي قالي حبسي من بكري ندير لي في راسي

 

[جليلوس]

ويحفظك خيو جليل
انا عن نفسي لوكان كملت وليت خدامة مانحبسهاش علجال زواج سورتو إذا كان الحصول على وظيفة حلم إلا أنو أنا كرهت لقراية بالرغم كنت متفوقة ومرانيش نادمة لأنو قرار شخصي ومكانش لي قالي حبسي من بكري ندير لي في راسي

نستعرف بيك
هاكا كي تكون قناعة مكاش لي يدخل في حياتك ... ربي يهنيك ويرزقك الطيب والسعادة
شكرا ليك

 

[صانعة الإبتسامة]

نستعرف بيك
هاكا كي تكون قناعة مكاش لي يدخل في حياتك ... ربي يهنيك ويرزقك الطيب والسعادة
شكرا ليك

اللهم آمين يارب العالمين ولك بالمثل وأكثر أخي جليلو

 

[أشــواق 19]

انا اعيشهم جميعا
علبالك صعيبة بزااف مرحلة هذي تقرا تتعب ولي تغيضك تضربها 5 سنين في الجامعة وفي لخر تلقا روحك بين الجدران..انا عن نفسي ديفوا نكره ديفوا تلقاني هازة ديبلوماتي وراح نقطعهم ههههه يعني بالمختصر عشت فترة صعيبة بزاااف ما بعد التخرج...

 

[Abir Samra]

السلام عليكم
جميل جدا أن يتذكر المرء أنه بإذن الله تعالى يوما ما سوف يتخرج ويصبح ذا مستوى من التعليم والثقافة
متسلحا بشهادة جامعية
لكن ....

للاسف

هذه السعادة لن تطول
ففي بلادنا أصبح التخرج أتعس لحظة للأسف فالمصير غالبا
بطآآآآآآآآآآآآآآآآآآآآآآآآآآآآآآلة
لآ مستقبل
لآعمل
لآزواج
لآ تكوين أسرة
اضافة الى هاذا ضغوطات اجتماعية
أين المفر ؟؟؟؟؟ و ما الحل برأيكم؟ ​

صحيح كلامك انا تخرجت وقاعدة لا خدمة لا مستقبل ربي يجيب الخير

 

[جليلوس]

انا اعيشهم جميعا
علبالك صعيبة بزااف مرحلة هذي تقرا تتعب ولي تغيضك تضربها 5 سنين في الجامعة وفي لخر تلقا روحك بين الجدران..انا عن نفسي ديفوا نكره ديفوا تلقاني هازة ديبلوماتي وراح نقطعهم ههههه يعني بالمختصر عشت فترة صعيبة بزاااف ما بعد التخرج...

معليش ختي ربي يفرجها من بابه الواسع
علاش تقطعيهم خيتي ماتحصيش قاع وينتا ربي كاتبلك تخدمي
اصبري وخلاص راني حاس بيك والله

ربي يهون

 

[جليلوس]

صحيح كلامك انا تخرجت وقاعدة لا خدمة لا مستقبل ربي يجيب الخير

معليش ماتعرفيش قاع وينتا ربي مخبيلكم مكتوب زين

ربي يفرجها على الجميع