اي المواقف يلي يومك زي الزفت😂😂

[sami44]

السلام عليكم

كيف الحال يا مكشردين يغلبكم رمضان ما تشاركو بمواضيع ولا ردود
يخي ماكمش صايمين على الكتابه

المهم اليوم جبتلكم موضوع

لجس النبض

اي من هذ المواقف تخليك تجوز نهار سيء

اختار واحده من الصور

واذا مكاش حطلنا صوره لامر يخليك تتقلق في رمضان


تكون راقد وتفطن تسمع يقولو الماكله تحرقت




تكون معروض وتعرف بلي الملوخيه هي الطبق الرئيسي تاعهم




قبل المغرب بربع ساعه تشوف فيديو ولا منشور يحكي على الروز بالبوجغللو




نصف ساعه قبل المغرب يزدم عليكم ضيف صامط
فيوغير وقتو




ترفدها من المارشي وكلك امل تستمتع بيها وتلقاها هك




تكون عطشان لاخر درجه ويجوز عليك خوك الصغير وياكل فلاك



تفطن بعد الاذان الثاني ميت بالجوع وتلقى البلا تاع المثوم الي وجدوهلك قدامك



المهم اي المواقف يعذبك ولا يقلقك
ويخلي يومك سيء

​

 

[ذكريات]

ڨاع المواقف يعذبو، بصح الي شويا قلقني الروز بالبوجغللو ڨاع النهار و أنا صايمة و نزيد نخدم وقت الفطور و نقي، و نقي لولدي الصغير الي يبغيه و ما يعرفش ينقيه، ما نقبلش خاصني ناكل بلا عذاب.

 

[sami44]

ڨاع المواقف يعذبو، بصح الي شويا قلقني الروز بالبوجغللو ڨاع النهار و أنا صايمة و نزيد نخدم وقت الفطور و نقي، و نقي لولدي الصغير الي يبغيه و ما يعرفش ينقيه، ما نقبلش خاصني ناكل بلا عذاب.

علاش ماقوليليش تاكلوه ووليدك تان يحبو
انا لوكان نشو الفوتو هذيك قبل الفطور مشكيتش ناكل
اما اموقف الي يقلقني خويا ابصغير ياكل لاكريم شوكو ويقولي هاك لحسه

 

[ذكريات]

ناكلوه فالغرب و عندو وصفات و أذواق رائعة
عندي راجل خالتي من الشرق كي يشوفو يخرج وقلبو يطلع، عفسة كي نبغي نبقا مع خالتي لوحدنا نحطلو البوجغللو.

 

[sami44]

وي علابالي ناس الغرب ياكلوه ونحسب يقلوه برك
اما الروز بالبوجغللو والله حسبت الفوتو زعاقه برك
اممممممم شغيغه يعني تليكيديه بطريقه دبلوماسيه هههههه

ناكلوه فالغرب و عندو وصفات و أذواق رائعة
عندي راجل خالتي من الشرق كي يشوفو يخرج وقلبو يطلع، عفسة كي نبغي نبقا مع خالتي لوحدنا نحطلو البوجغللو.

 

[*amani*]

وعليكم السلام
يعني كامل يقلقو ويلعبوا ع لمورال
بصح اللي يقلق تاع الصح الملوخية ياا والله نبقى بلا فطور

 

[الامين محمد]

هههههه كل الصور اللي راك رافعها ترفعلي الضغط
خويا ناصر هههههه

 

[صانعة الإبتسامة]

قاع يخلو يومي زي زفففففتتتتت
واكثرهم روز لي تحكي عليه مولوخية عععععع والدلاع تلقاها بيضاء والمثوم نحبووووو بصح في سحور مناكلوش

 

[صمتي حكاية]

غير قولي من جبت هاذو صور هههههه
يعني لي ماشي مقلق حاب تقلقو انت

 

[صمتي حكاية]

ڨاع المواقف يعذبو، بصح الي شويا قلقني الروز بالبوجغللو ڨاع النهار و أنا صايمة و نزيد نخدم وقت الفطور و نقي، و نقي لولدي الصغير الي يبغيه و ما يعرفش ينقيه، ما نقبلش خاصني ناكل بلا عذاب.

يعني صح تاكلوه اختي

 

[ذكريات]

يعني صح تاكلوه اختي

نعم حبيبتي فالغرب الجزائري ناكلوه و كاين أطباق هايلة ونسموه الببوش، حلي صفحة جوجل و كتبي طريقة طهو الببوش و تشوفي شحال اماكن من العالم ياكلوه حتى جيرانا المغاربة، و يلا وفقك ربي وزرت شواطيء مرسى بن مهيدي تشوفيه ينباع فالطريق الي مخصصة لاستراحة السائق، طايب يتباع بالغرفية، ما تنخلعيش حبيبة حتى أنا بنتي نيهال ما تحبوش و قلبها يهرب منو وكاين الي يعيف الكروفات و كاين الي يعيف حتى الدجاج كلها وواسم قلبو يحمل، و نزيد نقولك بلي كاين أماكن فالجزائر ياكلو حتى الجراد، أنا مجرد كلمة جراد تشوكلي لحمي، و كلها و على واش حل عينو وواسم صاب ناسو ياكلو، و للإفادة الجراد ياكلوه بزاف فالسعودية.
صح سحورك مي ماشي بالجراد ولا الببوش

 

[sami44]

وعليكم السلام
يعني كامل يقلقو ويلعبوا ع لمورال
بصح اللي يقلق تاع الصح الملوخية ياا والله نبقى بلا فطور

علاش الملوخيه قالولي بنينه ناس الشرق يموتو عليها. انا لوكان تطيب فالدار نبات برا

 

[sami44]

هههههه كل الصور اللي راك رافعها ترفعلي الضغط
خويا ناصر هههههه

او نسيت باش نرفعلك صوره تاع بوزلوف بقري ولا عصبان ههههههه

 

[sami44]

قاع يخلو يومي زي زفففففتتتتت
واكثرهم روز لي تحكي عليه مولوخية عععععع والدلاع تلقاها بيضاء والمثوم نحبووووو بصح في سحور مناكلوش

انتي تاكلي كلش اجغانه غير ما تديريش روحك تعيفي

 

[sami44]

غير قولي من جبت هاذو صور هههههه
يعني لي ماشي مقلق حاب تقلقو انت

مخصوص على جالك امعزه سيرتو البوجغللو ههههه
جربتيه بالبشامال ولا لا يهبلللللللللل ههههه

 

[sami44]

نعم حبيبتي فالغرب الجزائري ناكلوه و كاين أطباق هايلة ونسموه الببوش، حلي صفحة جوجل و كتبي طريقة طهو الببوش و تشوفي شحال اماكن من العالم ياكلوه حتى جيرانا المغاربة، و يلا وفقك ربي وزرت شواطيء مرسى بن مهيدي تشوفيه ينباع فالطريق الي مخصصة لاستراحة السائق، طايب يتباع بالغرفية، ما تنخلعيش حبيبة حتى أنا بنتي نيهال ما تحبوش و قلبها يهرب منو وكاين الي يعيف الكروفات و كاين الي يعيف حتى الدجاج كلها وواسم قلبو يحمل، و نزيد نقولك بلي كاين أماكن فالجزائر ياكلو حتى الجراد، أنا مجرد كلمة جراد تشوكلي لحمي، و كلها و على واش حل عينو وواسم صاب ناسو ياكلو، و للإفادة الجراد ياكلوه بزاف فالسعودية.
صح سحورك مي ماشي بالجراد ولا الببوش

انا شفت يصيدوه عندنا فعين الدفلى ويدوه لوهران يبيعوه بحكم اني نسكن طرف البلاد البوجغللو يسكن قدام الدار في كل فيراج نلقاه بصح نعيفو

 

[*amani*]

علاش الملوخيه قالولي بنينه ناس الشرق يموتو عليها. انا لوكان تطيب فالدار نبات برا

انا نموت منها ..رانا في الهوا سوا

 

[sami44]

انا نموت منها ..رانا في الهوا سوا

علاش يخي انتي من الشرق

 

[*amani*]

علاش يخي انتي من الشرق

كي عدت من الشرق لازم ناكلها والله تبقى غير هي

 

[إلياس]

شهتني خويا سامي سلمت يمناك