يابنات الجزاير موضوع يطلع المورال

[السلطانة]

السلام عليكم ورحمة الله وبركاته



انا اليوم جيت نهدر في وحد الموضوع مهم بزااااف يعني موضوع يطلع المورال للمرأة الجزائرية
بشكل خاص.
مع احتراماتي لكامل النساء العربيات ونساء العالم باه متتغشوش مني يعني.



حبيت نهدر على الجزائرية متعددة الخدمات
كيما معروف علينا حنا الجزايريات نحبو نخدمو كلش فالدار
في رمضان وخارج رمضان...

نجيو للمطلوع
قولولي برك شكون من الدول العربية يعجنو مطلوع ولاكسرة رخساس ولاخسيس كيما حنا؟
ممكن خاوتنا المغريبيات والتونسيات لانا نتشابهو في التقاليد والاكل
لكن منظنش يومي ياكلو الكسرة كيما حنا..
شكون لي تحط الڨصعة تاع لحطب... تخبز فيها..
شكون لمرا الشاطرةلي تخبز عشر خبزات في سخانة اوت قبل 12تاع النهار!!
آه يالراجل الجزايري تضل تقول نديها ڨاورية وهاذيك كون تقولها برك اخبزيلي تطيح تدوخ تتغاشى متفطنش شهر!

الميناج
الجزايرية مضروبة عالتسياق والفروطوار
منذ نعومة أظافرها ههه
كيفاه وهي منلي خلقت تسمع امها تقولها:نوضي ياطفلة تسيقي نتاجاتك راهم كملو خدمتهم الصباح نوضي ياعرة لبنات يالخايبة ههه

تنوض تضرب النشافة والفروطوار وتغني:بيدوني الازرق سر سعادتي ههههه
وتفوت للزربية تنشرها وتنفضها تقول باتمان.. تهز لمطارح.. بيد وحدة هههه ساعة من الوقت تلقى الدار تشعل


تنوع الاكل
عندك اختك.. امك.. زوجتك.. موسوعة تاع طبخ
لي تطلبها تجيك... محاجب.. طعام.. شربة.. عيش..لوبيا.. عدس.. بطاطا.. شخشوخة بانواعها.. ڨاطو.. كسرة بانواعها.... بن عمي وين تلقى خير منها!
تفوت للماعن تغسلهم تشكل بيهم بطيما نورمال!

الحلويات الجزائرية
دخلت الترند العالمي
نظرا للتنوع والاتقان
لامصدقتونيش شوفو اليوتيوب واراء الدول الاخرى فينا وخاصة اخوتنا المصريين.

تزيد تقري لولاد تقوم بروحها وراجلها عايلتها
وفي لخر تتزوج عليها ايها الزطشي المغوار ههههه

نقولها ونعاودها
مكانش امراة تهنبر فالعالم قد المرأة الجزائرية هههههه
هيا لبنات افرحوووو

 

[همس الوُرود]

السلام عليكم
بعد ماقريت موضوعك حسيت روحي رايحة نزغرت يوووويويوويوووووي تحيا الجزائرية الفحلة قلتيلي ترفد المطرح بيد وحدة هههه
ماشاء الله خاصة انا قوية نرفدو تحبي بأصبع واحد مكانش مشكل
تعرفي كل صبع بصنعة خاصة إذا ناضت على 11 او 13 تكون مرتاحة الدار ترجعها قصر
الطبخ مانحكيلكش بنة و اتقان من ولاية لولاية يتبدل كلشي .. الحلويات هذاك دومان آخر إدمان تحبي تديري حلويات تقولي ندير نوع تلقي روحك دايرة 6 بصح ياويلو يلي يذوق حبة ڨاطو مسڨمة لازم تع الحواشي ويلي تكسرو او تحرقو شوي
ويبدا التصوير الفن الأسطوري تجيبيها ساعتين وانتي تريڨلي فالحلوى تاعك مبعد تصوريها صورة ماتشبهش وتبدلي التليفونات والكاميرات حتى تتحصلي على فوطو الله الله
وتديري منشور برعاية الشطارة و العزيمة والقوة .. بعدها تروحي ترقدي قيلولة أهل الكهف طبعا بعد ماخليتي كلش فبلاصتو وسڨمتيه مننساوش هذا الأمر نهائيا
وبعد ماتنوضي رح تبدا حكاية اخرى روتيني المسائي البنات انا نحب شومبوا بالتوت المجفف والمانغا بعطر الورد و جال دوش نيفيا جامي نستغنى عليييه متنسوش البنات تمشطو شعركم وتعتنو بيه بفيتامينات والزيوت و تتهلو فروحكم واذا ماتهتميش بنفسك شكون يهتم بيك اها قوليلييي متنسوش قبل ما ترقدو تحطو ريحة اوغيجينااال مش مدرحة جادووغ ولا ڨود ڨرل ولا اوبيوم انا المفضلة عندي شانيييل جبتها اللخرة فالسوق تحبو كي يزيدو يجيبوها نبيعلكم اه وي
​

 

[جليلوس]

اهلا ام احمد على سلامتك
ان شاء الله تكونييي بخير
الله الله على حراير دزاير بنات بلادي
منهم ختي وامي وبنتي وحتى الڨرمية
وين تعبز يسيل وين تطلبها تلقاها حاضرة
وديفوا يزيدوا فيها تقولها سيقي تلقاها رافدة قاع صالون في كل بيت الما حتى تلقى روحك فوق السطح تنشر معاها في القش هههههه يخدموك قسمبله قاع يلا ماخدمتش ولا عاونتهم ماتلقاش بلاصة وين تريح المهم يجرجروووك
طبعا هاد الشي كاااامل على لي ماتحافيش وتخدم قلب ورب وتواجب وتڨمن اما الجايحة وكل صبع بآبليكاسيون مانحكوش عليها
اليوم جيتي معولة عليهم مفرحتهم من اعماق اعماق القلب
والله يعطيك الصحة مالقيت مانقول شاوالا خطرات كي يكرهوا يبداو غير كور واعطي لعور هههههه
تستاهلوا الميدالية الذهبية العالمية للتهمبير

تحياتي ليكم تولموند كيما درتوا

 

[sana barhoumi]

اطناب في الوصف لم حالة فما رجال موسوعة في الطبخ يعني المطبخ إهتمام مشترك بين الرجل والمرأة

 

[إلياس]

لي عودة ان شاء الله الموضوع

 

[السلطانة]

السلام عليكم
بعد ماقريت موضوعك حسيت روحي رايحة نزغرت يوووويويوويوووووي تحيا الجزائرية الفحلة قلتيلي ترفد المطرح بيد وحدة هههه
ماشاء الله خاصة انا قوية نرفدو تحبي بأصبع واحد مكانش مشكل
تعرفي كل صبع بصنعة خاصة إذا ناضت على 11 او 13 تكون مرتاحة الدار ترجعها قصر
الطبخ مانحكيلكش بنة و اتقان من ولاية لولاية يتبدل كلشي .. الحلويات هذاك دومان آخر إدمان تحبي تديري حلويات تقولي ندير نوع تلقي روحك دايرة 6 بصح ياويلو يلي يذوق حبة ڨاطو مسڨمة لازم تع الحواشي ويلي تكسرو او تحرقو شوي
ويبدا التصوير الفن الأسطوري تجيبيها ساعتين وانتي تريڨلي فالحلوى تاعك مبعد تصوريها صورة ماتشبهش وتبدلي التليفونات والكاميرات حتى تتحصلي على فوطو الله الله
وتديري منشور برعاية الشطارة و العزيمة والقوة .. بعدها تروحي ترقدي قيلولة أهل الكهف طبعا بعد ماخليتي كلش فبلاصتو وسڨمتيه مننساوش هذا الأمر نهائيا
وبعد ماتنوضي رح تبدا حكاية اخرى روتيني المسائي البنات انا نحب شومبوا بالتوت المجفف والمانغا بعطر الورد و جال دوش نيفيا جامي نستغنى عليييه متنسوش البنات تمشطو شعركم وتعتنو بيه بفيتامينات والزيوت و تتهلو فروحكم واذا ماتهتميش بنفسك شكون يهتم بيك اها قوليلييي متنسوش قبل ما ترقدو تحطو ريحة اوغيجينااال مش مدرحة جادووغ ولا ڨود ڨرل ولا اوبيوم انا المفضلة عندي شانيييل جبتها اللخرة فالسوق تحبو كي يزيدو يجيبوها نبيعلكم اه وي
​

هههههههه اواه انتي فحلة الفحلات
الف تحية ليك
بعدا عارفتك فحلة ونص و25

زدتينا كيف نعتني بجمالنا ههههه هاذي نسيتها

شكون حنا حنا الجزايريات

 

[السلطانة]

اهلا ام احمد على سلامتك
ان شاء الله تكونييي بخير
الله الله على حراير دزاير بنات بلادي
منهم ختي وامي وبنتي وحتى الڨرمية
وين تعبز يسيل وين تطلبها تلقاها حاضرة
وديفوا يزيدوا فيها تقولها سيقي تلقاها رافدة قاع صالون في كل بيت الما حتى تلقى روحك فوق السطح تنشر معاها في القش هههههه يخدموك قسمبله قاع يلا ماخدمتش ولا عاونتهم ماتلقاش بلاصة وين تريح المهم يجرجروووك
طبعا هاد الشي كاااامل على لي ماتحافيش وتخدم قلب ورب وتواجب وتڨمن اما الجايحة وكل صبع بآبليكاسيون مانحكوش عليها
اليوم جيتي معولة عليهم مفرحتهم من اعماق اعماق القلب
والله يعطيك الصحة مالقيت مانقول شاوالا خطرات كي يكرهوا يبداو غير كور واعطي لعور هههههه
تستاهلوا الميدالية الذهبية العالمية للتهمبير

تحياتي ليكم تولموند كيما درتوا

ههههههه هاو خونا الرجل الجزايري لي اعترف بانجازات المرأة الجزائرية اعتراف من ذهب
اتي واي وايواي

 

[السلطانة]

اطناب في الوصف لم حالة فما رجال موسوعة في الطبخ يعني المطبخ إهتمام مشترك بين الرجل والمرأة

نعم يختشي ههههه
مكيش عارفة قدراتك ول
منهدروش عالطبخ والشاف هههه
نهدرو عتهنبير الجزايرية لي تستحق العلامة الكاملة ومرات متلقاش الشكر هههه

 

[السلطانة]

لي عودة ان شاء الله الموضوع

في انتظارك

 

[Jorh]

اليوم قالي خويا ديريلي محاجب قتلو على الراس والعين خرجت كي الزبدة الذايبة
الله يعينك ايتها المراة ههههههه
موضوع في القمة سلطانتي

 

[ناصر dz]

ابيى اضيف شى بالنسبة للبنت الجزائرية هى لها جمالها الخاص،
وإن أحبت شخصاً أدنى منها وسامة ومقاماً، تشعر أمامه بأنه يفوقها في كل شيء،
روحها جميلة، تحب الحياة، غير أنانية،
فإن أضر حبها حبيبها، فإنها تبادر بالابتعاد،
وإن أحبت تعطي كل شيء.. ثقافتها الخارجية غربية، لكن داخلها ثقافة عربية شرقية،
خليطها جميل مزيج بين الشرق والغرب.

 

[kojak]

صح كاينه

 

[بنت الشمال]

وعليكم السلام غاليتي بوركتي على الموضوع اللي يطلع المورال
صح حنا هكدا حب من حب وكره من كره
اللهم لاحسد،قل أعوذ برب الفلق

 

[إلياس]

بنات الجزائر هم بنات النيف
بنات الجزائر الطاهرات العفيفات
بنات الجزائر هم المجاهدات في سبيل الله
بنات الجزائر هم شقاشق الرجال في السراء و الضراء